好燒式串燒專門店 (砵蘭街)

營業中

休息中

今晚幫老細做文件速遞員，放工後啱啱好係旺角砵蘭街，原來呢度不知不覺已經變咗食街，一邊行沿路兩旁都係新奇嘅食店，經過見到好燒式串燒專門店 ，串燒香噴噴，生啤買一送一，咁優惠決定坐低試吓。芝士龍蝦半隻 我個人特別喜歡食龍蝦，叫咗半隻芝士龍蝦，大大隻，鋪滿香濃嘅芝士，肉質彈牙，鮮甜好味，新鮮有水準之作，價錢又抵食，唔好錯過，好快賣晒！炸池魚 真心唔錯！$48 好抵食，係居酒屋嘅質素，池魚大條厚肉，魚肉鮮甜美味，口感酥脆，連骨都食埋。鹽燒白鱔 串燒海鮮，滋味無窮，鹽燒白鱔 ，享受原汁原味，肉質細嫩，彈牙好食又足料，燒得微微鹹香，特別吸引。陰公豬個名真係夠晒得意，原來係冬陰功豬肉串。未食都已經興奮，肉質豐富，肉香味，充滿冬陰豬油脂的香氣。安格斯牛肋串 安格斯牛肋肉質嫩滑多汁，鮮嫩有韌性，鹹香別有風味。煙肉露筍卷 我好鍾意食蘆筍，煙肉燒至微脆，堅實有彈性，清脆爽口的蘆筍，配搭層次分明。特色蒜蓉包特色蒜蓉包嘅特色，在於原個蒜頭，覺得好難忘，強迫症的，我喜歡逐粒蒜頭擠出米，咬開勁香蒜味，蒜頭愛好者嘅福音。無數蒜蓉鋪滿麵包，鬆脆無比，材料十足。泰式燒豚肉一份 必點泰式燒豚肉，一份份量都唔少，豚肉外面燒到

每次來食都總是懷著興奮心情，這裡的美食特別吸引，皆因燒得好食又足料，選擇多之餘，性價比又高，難怪吸引好多食客幫襯。店子地方雖少，但不減我們的食慾。港式日式西式泰式樣樣食D，沒有一碟令人失望。廚子用心做係食得出的，值得推介，經過旺角不妨食下。炸池魚 $48池魚大條肉厚，魚肉鮮美，口感酥脆炸粉薄，唔錯。頂級安格斯牛小排 $158牛小排７成熟，預先切成一小片，食得方便。肉質軟嫩細緻，牛味濃高質，伴有黃芥末醬。黑松露菌蝦多士 $68蝦多士四件，相當大件，多士厚身，內裡挖空填滿蝦滑，好足料。多士外層香脆，白芝麻香口，內裡蝦膠彈牙，加上芳香黑松露醬，十分滋味，做得非常出色。蒜蓉燒茄子 $40茄子軟腍，輕易拉起長長茄肉，佈滿蒜蓉，蒜香味濃，大條抵食。厚燒玉子 $22玉子厚身口感軟彈，甜甜地幾好味。 燒菠蘿 $20菠蘿清甜又多汁，好味。串燒豆腐 $22豆腐皮香脆，內裡軟嫩，口感有層次，加上美味醬汁，正。陰公豬 $28冬陰公味的豬腩肉幾有特式，肉質鮮嫩，酸酸辣辣幾刺激。煙肉燒蠔、白汁芝士燒蠔 $36/隻蠔肉飽滿多汁，唔會燒到乾晒，配料有煙肉碎惹味，白汁芝士唔會好膩，芝味十足。芝士煙肉焗大啡菇 $50芝士

經常聽朋友講，深圳有好吃的串燒，組個團回去一起吃串燒，但其實誰也沒有想到，香港竟然還有這麼出色的串燒專門店～而且好就腳🦵今晚和友人相約在旺角，所以近近地去了油麻地及旺角之間的好燒式串燒專門店吃吃烤串！之前在元朗分店吃過，想encore一下，估唔到串燒嘅味道都一樣咁出色！佢哋嘅蒜蓉燒扇貝（$68/隻），勁大隻，勁厚肉，基本上就好似一隻打開個手掌咁大，就算扇貝好厚肉，都一樣燒得剛剛好，唔會柴，味道調得恰到好處👍又鮮又甜，超級讚😋😋另外我一般都必點鹽燒白鱔（$49)，鍾意食鱔嘅朋友，千其唔好放過，鱔肉肥大肉厚，咬落去爆晒汁😍🤤陰公豬（$30)都是我十分推介的，豬腩肉以冬陰功汁醃過，燒得剛剛好，咬落去爆汁，勁juicy🤤🤤而且超重冬陰功味，調味好開胃好正，豬肉冇臊味。佢嘅特色蒜蓉包（$40)令我覺得好難忘，有個大蒜頭等食客擠出無數蒜粒，可以令包面鋪住滿滿嘅蒜蓉，加上麵包查身鬆脆無比，我好唔捨得食晒，所以我成餐留返佢慢慢食🤣燒日本芝士年糕（$26）都係我每次必點，外面燒到少少焦香，咬開入邊嘅芝士流出來，芝士愛好者嘅福音😍😍😍燒烤必叫蒜香燒茄子（$40）🍆🍆🍆可以選擇原條燒又得，切片燒都得，原條燒

最近同朋友食了一間好適合鍾意食串燒嘅朋友去既餐廳，叫「好燒式」，起旺角市中心，行完街睇完戲去食最方便，最重要係營業至凌晨三點！香港餐廳越嚟越早關門，呢啲開到凌晨既餐廳好啱我呢啲夜鬼。串燒款式好多，不論是海鮮，肉類移至蔬菜都有很多選擇。蒜蓉燒蟶子蒜蓉燒蟶子係呢度嘅招牌菜，上面鋪滿了蒜蓉，每一口都有好濃郁嘅蒜味和海鮮的鮮味。蟶子燒得恰到好處，口感爽口。蔭公豬同和牛肋串呢兩款都係新推介嘅美食。蔭公豬串，肉質鮮嫩，加埋特製嘅冬陰功汁，酸酸辣辣，好刺激；至於和牛肋串，油脂十分充足，燒得香氣撲鼻，咬落肉質細嫩。如果鍾意豬肉，西班牙黑毛豬肋串一定要試試，肉質鮮嫩多汁，仲有微微煙燻嘅味道，令人回味無窮。鹽燒牛舌芯同燒司華力腸都係我每次必點嘅串燒，牛舌芯滑嫩嘅口感加上惹味嘅調味，真係令人無法抗拒；至於燒司華力腸，腸皮燒到卜卜脆，食落外脆內軟。燒韮菜散發出濃濃的獨特香氣，食落有口感而不會硬，入面保持到水份。蒜蓉燒蠔勁蒜勁香，燒完都不會太細隻。最後，還叫了串燒豆腐。除咗串燒，好燒式仲有不少小食選擇。墨西哥薄餅芝士雞肉係其中一款，薄餅十分脆口配上拉絲的芝士和雞肉，十分吸引。泰式炸蝦餅係外皮很脆口，蝦餅炸至金黃

週日約了朋友出旺角行下商埸買精品，行到差不多吃晚餐時間，沿途街道看下餐廳，見到這間吃串燒的，大家久未吃燒物，就入了去，座位同環境舒服，看了一會餐牌叫了蒜蓉燒茄子  (原條)  少見，寬身長條茄子，好重蒜蓉香味同茄子鮮香味，特别軟霖爽滑秋葵/韮菜/菠蘿/蔭公豬/原燒玉子  秋葵同韮菜切到絲絲幼條，好新鮮鮮菜鮮味，一口吃到，爽脆滑身，濃鮮菠蘿香味，適中酸甜，厚豬肉身，濃郁豬香鮮味，彈牙爽滑，蛋身燒得特别滑溜，好鮮香鮮蛋味墨西哥薄餅芝士雞肉  薄餅身烘得脆皮，濃厚芝士香味同雞肉香味，肉質好嫩滑，辣辣地，有層次口感煙肉燒蠔/蒜蓉燒蠔  有特色，蠔上面舖滿粒粒煙肉，煙肉味好鮮香，海鮮鮮蠔鮮味，另一番蠔口味，蒜蓉蠔好鮮香蒜蓉味，也有海鮮鮮蠔鮮味，滑口爽身慢煮鮑魚  已切了片的鮑魚，仍保留鮑魚濃鮑鮮味，慢煮過特别煙韌彈牙，更軟霖爽滑，伴碟南瓜蓉，好甜香南瓜蓉味蜂蜜綠茶  有香甜蜂蜜茶味蒜蓉燒聖子皇孖装  聖子身彈牙，特别爽口脆滑，好鮮鮮貝鮮味鴨胸串/蟹籽丸  厚肉身，軟霖彈滑，鮮濃鴨香味，一咬丸入面滿細細粒蟹籽，蟹籽彈滑，好香蟹籽鮮味

開始入秋，又是食串燒的好季節，是日來到好燒式大快朵頤。海鮮方面，點了蘇格蘭蟶子王、日式燒大魷魚及燒白鱔。蟶子王比我的手掌還要長，入口鮮嫩，即使加上蒜頭也沒有掩蓋其鮮味。日式大魷魚份量十足，入口彈牙。白鱔自然亦是外脆內軟。肉類方面點了豬肋肉、雞軟骨、雞腎、牛舌等。豬肋肉甘香肥美、雞軟骨咬口十足、雞腎要趁熱從竹籤拿取，爽口非常！鵝肝一份有兩件，表面燒得微脆，配上意大利黑醋，入口油香四溢，十分滿足！燒茄子大量蒜及孜然粉，內裏滑嫩，惹味非常。侍應友善建議留肚給自家製甜品，我聽話點了一個芝麻奶凍！奶凍香滑，奶味很濃，配上芝麻醬十分配合，好吃！

～好燒式串燒😍旺角最高質串燒👍～燒菠蘿☺️外皮燒到焦香😍內裏非常鮮甜多水🤪～墨西哥芝士雞肉薄餅🤤非常重芝士😍雞肉嫩滑☺️薄餅都整得好正😛～頂級安格斯牛小排😛牛小排非常有肉味😍接近入口即溶👍同埋整得勁香🤩～鹽燒大頭蝦😍大頭蝦非常新鮮☺️配上淡淡鹽燒味真係勁正🤤～燒豬仔髀☺️豬仔髀肉質嫩滑😍燒得勁香😛調味都做得好好👍～法式焦糖燉蛋🤩燉蛋非常香滑😍焦糖味亦都好足夠🤪唔會係死甜🤩估唔到串燒碟嘅甜品都咁高質😘～呢間串燒店簡直係港式串燒嘅巔峰😍疫情咁多年都係屹立不倒👍質素保證😘強烈推介大家嚟食呀🤤📍港鐵油麻地站A1出口 步行約3分鐘好燒式串燒專門店 (砵蘭街) (旺角)旺角砵蘭街110號地舖

呢間「好燒式串燒專門店」風味地道，細細間店但食物選擇非常多，包括多款時令海鮮、肉類、蔬菜等等，串燒仲可以選擇不同辣度，啱晒唔同口味嘅客人，今次我哋叫咗:🌟（孖裝）蒜蓉燒聖子皇 $138🌟強烈推介🙌🏻，大大隻聖子肉質爽口嫩滑，鋪埋啲金菇一齊蒸，加上大量蒜蓉，簡簡單單非常鮮味👍🏻🌟蒜蓉燒蠔 $36🌟肥美飽滿，燒到啱啱好，唔會太熟太乾，入口爆汁充滿蠔香，一d都唔腥👍🏻🌟頂級安格斯牛小排 $158🌟因為我哋都食唔慣太生嘅牛肉，所以叫咗七成熟，上碟見到肉質有少少粉嫩而不帶血水，成個賣相已經好吸引，咬落仲好juicy，睇得出師傅好用心去燒👍🏻🌟豬頸肉串 $20🌟肥瘦適中，燒汁帶有點點甜味，每咬一口就有好香嘅油脂滲出來，非常惹味🤤🤤其他串燒包括:鹽燒牛舌芯 $48翠玉瓜（1份） $32蒜芯 $19泰國露筍（1份） $24整體嚟講，呢間串燒店嘅師父火候調校得啱啱好，肉質同味道都同樣出色，服務亦都相當殷勤，見到我哋一抽二lung都主動搬凳仔嚟俾我哋擺嘢，又會細心提醒要唔要走辣，或者辣粉可以另上，有機會都會帶多啲唔同朋友嚟幫襯🫶🏻🫶🏻🫶🏻

上星期去了後面街食晚餐，叫到一枱餸菜，讓Foo 食到飽一飽。好燒式串燒專門店最常叫就是串燒，所以串燒是必叫。另外，之前食過餐廳的原條燒茄子，同樣令人滿意。其他酒水等等，想飲都有。平均消費300。安格斯牛肋串$30西班牙黑毛豬肋串$30牛柳串$22肉嫩香口，略加辣粉，更加惹味。煙肉金菇卷$22煙肉露筍卷$22煙肉和露筍、金菇的組合，爽脆中有煙肉香，燒過的煙肉，省卻肥膩口感，只剩下肉香薄脆的風味。泰式燒豚肉$42 不是一串的份量，$42 是一碟的份量，不停食都未食完，抵食的。牛油粟米$30原條一開二，牛油香氣撲鼻，未食都聞到流口水。原材料粟米，頓感健康。韭菜花$19串燒豆腐$22加有調味粉、辣粉的韭菜花和豆腐，份外好食。燒過的味道，與煎炒煮炸都有不同。蒜蓉燒茄子$40 原條燒，蒜香濃，乾身惹味，滋味在心頭。墨西哥薄餅芝士雞肉$52黑松露雜菇墨西哥薄餅$52兩款墨西哥薄餅都好好食。其中一款芝士味爆棚，雞肉餡料多。另一款黑松露濃郁，每口都有雜菇。日式燒大魷魚$98原條燒大魷魚，厚切啖啖肉，鮮味濃。醬汁惹味，遇上雪白肉身魷魚，海鮮控必叫。可樂$18加多寶$19

唔知道大家有冇食宵夜嘅習慣呢？如果夜麻麻同朋友一齊去食宵夜嘅話我就會選擇去食串燒嘅，最近就試咗一間喺旺角嘅串燒店，真係好多人食，因為佢哋嘅串燒真係好出色。💓香煎鵝肝配紅酒汁佢哋既鵝肝真係好大件，而且好厚身，面頭燒到脆脆，外脆內軟，配上紅酒汁，超正呀，加埋香脆多士，食落冇咁油膩。💓芝士煙肉大啡菇佢嘅大啡菇材料真係好足，啡菇裏面放滿左洋蔥同埋煙肉，厚厚嘅芝士鋪咗喺面頭 ，成個口感好豐富。💓燒日本雞泡魚乾平時飲嘢鍾意食嘅小食，香脆可口，好似食緊零食咁，面頭散滿咗七味粉，香辣口感好過癮。💓鹽燒大眼雞燒魚都係我既大愛，普通鹽燒，成條魚嘅鮮味出晒嚟，而且都係比較大條多肉。💓蒜香燒蠔鮮味十足，熟咗都咁大隻😍💓安格斯牛肉串牛肉味超濃，口感不錯💓西班牙黑毛豬串有少少辣，肉質好嫩，好香口

同朋友諗起要食串燒，都會選擇食好燒式，餐廳食物選擇多，而且用料新鮮清酒沙白粉絲煲沙白好新鮮，每一粒都好肥大飽滿，配上清酒，更加可以帶出沙白嘅鮮甜。粉絲吸收晒清酒沙白湯，呢個配搭好夾，推介！酥炸池魚池魚炸得好香脆， 連魚骨都可以食埋，送酒一流泰式炸蝦餅蝦餅外皮炸得香脆，內裏彈牙，滿滿蝦肉燒白鱔魚皮燒得好香，鱔肉多汁有咬口鹽燒牛舌芯，口感爽彈， 牛味香濃煙肉蘆筍卷煙肉香脆，加上清爽嘅蘆筍，可以減輕串燒嘅油膩感司華力腸串燒豆腐串燒豆腐係我一向嘅至愛，外層有醬汁燒得甜甜脆脆，內裏嘅豆腐仍然juicy，一個人都可以食晒成串😋原條蒜蓉燒茄子茄子燒得好腍身，蒜蓉嘅份量好多，同朋友好快就清晒成條竹蔗茅根&鹹檸七

相約朋友行街食飯慶祝生日，經朋友搜尋，佢話旺角附近有一間唔錯嘅串燒店，覺得食物質素和味道，評價都幾好，餐廳面積唔算大，但並無擠迫感，坐得都好舒服！✨蒜蓉燒蠔✨蠔上面鋪滿蒜蓉，燒香後蒜粒香氣撲鼻，蠔肉鮮甜有肉汁，兩者好夾，份外喜愛！✨鹽燒大眼雞✨大眼雞燒熟後，將魚皮起出，再燒到香脆，真係皮脆肉嫩，連皮都食得好滋味！✨泡菜肥牛卷✨肥牛和泡菜嘅配搭，已感覺好醒胃，再蘸上酸辣醬汁，令肥牛嘅層次感豐富！✨安格斯牛肋串✨西班牙黑毛豬肋串鮮味有肉汁，夠香口，而且肉質嫩滑！✨鹽燒牛舌芯✨選用牛舌中心部位，嫩滑而有口感，鹽燒一流！✨厚燒玉子✨玉子夠厚身，微甜而蛋香味濃，燒香後蛋味更突出！✨燒菠蘿✨菠蘿燒香後好清甜，又多汁，可以當飯後甜品啊！

2024年8月28日 星期三暑假差不多完結，又係時候準備工作，今晚難得同老婆兩個人放工之後去到旺角食飯，係網上面選擇左呢間串燒餐廳，去到發現人氣同客人都好多，幸好仍然有一張枱唔洗等位餐牌上面有好多食物可以選擇，連海鮮都有好多款，價錢都唔算太貴，最平十幾蚊就有一串串燒，所以我哋每樣都要咗少少等咗一陣食物就開始陸續送上，首先有蒜蓉北海道扇貝，咁啱做緊優惠$98有兩隻，扇貝睇落都幾大，咬落去完全唔硬，燒得啱啱好，上面仲加上蒜蓉同三文魚籽，口感更加豐富跟住有芝士雞肉墨西哥薄餅，個薄餅裏面充滿餡料，除咗有雞肉芝士之外，仲有黃椒紅椒，而且芝士仲可以拉絲添，味道有少少辣，外皮脆脆地，食一塊都已經幾飽之後有各款唔同嘅串燒，最左手邊有厚燒玉子同燒日本甜心番薯，兩款咬落去都甜甜地，燒玉子充滿蛋香，仲可以食到一層層嘅蛋皮呢一個係煙肉蘆筍卷，用煙肉包住蘆筍一齊燒，食落去比起齋食煙肉冇咁油膩，蘆筍咬落好脆身，又多水份再嚟有陰功豬，其實係豬肉上面沾上左冬陰功醬再一齊燒，冇諗過效果都唔錯，味道酸酸辣辣，幾惹味呢個係日本汁燒魷魚筒，份量都唔少，師傅已經將魷魚筒剪開一嚿嚿，方便進食，每一嚿都食到上面嘅醬汁，魷魚筒有咬口