好燒式串燒專門店 (砵蘭街)

營業中

休息中

好想食串燒呀！行過呢間就入去試喇！因為佢標榜即叫即燒。先嚟份多春魚，牛舌，牛肋加雞翼。真係即叫即燒，上枱仲熱辣辣！香噴噴！我選擇少辣。好有炭燒香味 ！牛舌肉質非常嫩滑。呢個酸辣醬好野味。吊起啲肉嘅鮮味再嚟份燒豬肉加白鱔。白鱔好有驚喜！啲肉質仲好彈牙！ 個皮仲燒到好脆呀！燒豬肉 一啲都唔鞋喎！想飽肚就叫埋個黑松露雜菇墨西哥薄餅！好有創意，味道都好夾！ 因為啱啱燒好過餅面仲好脆，大滿足！二百幾食到飽飽。有時轉下口味都幾好。係熱氣啲，飲返支涼茶就ok啦

朋友生日去食超級惹味港式串燒，一行到去居然見成間店都無人有啲驚，坐坐下先坐滿哂仲係咁有客入，枱枱都叫超多野食。其實店面真係唔算好大，坐得都唔算太寬鬆，牆上面貼滿哂成品，見到都好想食喇，仲每人都會配一碟辣辣地既醬料。叫之後店員會問要唔要辣，食得辣既串燒一定要加喇，仲可以望到即叫即燒，見到串串放哂上去燒真係等到好肚餓。最先黎既係《燒日本雞泡魚乾》($43)，望到真係幾大塊，燒得夠香之外仲唔會好難咬，每條點少少沙律醬更加好食。之後係好多人讚好既《黑松露什菇墨西哥薄餅》($43)，一黎陣黑松露味勁香，仲滿滿芝士好鬼正，成個餅咬開都唔會太乾，入面仲有好多什菇。叫左三隻《燒蠔》($28)，揀左煙肉，蒜蓉同白汁芝士味，另外仲有什菌可以揀，隻隻蠔都好肥美唔會燒完細細隻，上面既料仲有勁多，其中蒜蓉最香最好味，白汁芝士就有少少漏。一黎就黎哂幾串串燒，個個都燒到個面好靚仔，少少金黃色咁。《煙肉金菇卷》($18)，煙肉本身都已經好夠味，包埋金菇都係必無死既組合。《燒大京蔥》($15)，外面燒完入面都唔會太乾身，《牛丸》($16)呢個係朋友至愛所以一定叫。肉類叫左《燒羊肉串》($17)，羊肉較細粒同埋膻味都無咩

尋晚做完野一行4 人出去旺角揾野食，大家不約而同都話想食d串燒傾下計咁，去到有燒式門外好幾張檯都坐滿左，我哋俾佢濃烈既燒烤味吸引到，加上門口又有得泊車，我哋就一齊入去趁下熱鬧！入面其實都好多人，證明小店都好受歡迎！落單以落單紙形式，有勁多選擇，由蔬菜，内臟到各式肉類到海鮮都有，價錢合理！落完單d野食都好快送到，打頭陣嚟到既係老闆推介我哋食既 黑松露雜菇墨西哥薄餅，餅皮香脆，入面芝士極多，包住唔同既菇，非常惹味！ 另一個包係我哋都覺得好驚喜既小食，就係有原個蒜頭既蒜蓉包！ 法包搽左好多蒜蓉，非常香脆，蒜蓉燒到入晒味，一d都唔辣，仲非常之甜！推介！未食晒d包，d菜已經嚟到，可想而知佢哋既效率係非常快！芝士焗西蘭花除左有大量芝士外，亦都保存到佢原來既鮮甜味道，焗既時間亦處理得宜，唔會焗到乾晒水！每舊西蘭花都好爽口！燒韮菜都係我哋每次食燒烤必食既小食！呢度整到d 韮菜非常juice, 孜然粉配上鮮甜既韮菜，真係無得輸，食完一條又一條！食完d菜，其他肉類串燒都隨之送上！ 其實所有串燒都做得好好味，而且食材都係高質，不過我覺得內臟類串燒比他串燒會再出色d , 我就揀幾樣印像深刻d既講下！1)

蒜蓉扇貝 HKD116/2隻扇貝好大隻，柱肉嘅直徑仲長過一粒乒乓波，加埋蒜蓉一齊燒，熟蒜無生蒜咁霸道，既可以辟腥又可以提鮮；貝柱咬落肉感十足，肉質唔會燒到過老，味道鮮甜多汁～好想食多隻！菠蘿 HKD17我覺得菠蘿燒完之後好味過就咁食，一來燒完之後，佢嘅纖纖會軟化，所以食落更多軟身，而且味道更加出～食落好鮮甜多汁。鹽燒大眼雞 HKD120對於呢隻大眼雞，有啲失望，本身預期佢應該好嫩滑多汁，但點知出到嚟，肉質偏乾硬，一啲都唔嫩滑，魚味亦都唔鮮。鱔 HKD42鱔好正，表皮金黃乾脆，而魚肉就極之嫩滑多汁，鱔味好鮮，食完令人有好想再叫多份嘅衝動～日本年糕 HKD24/2件年糕好煙韌，芝味濃郁，正，不過食一嚿就夠，再食多嚿應該會滯。日式燒大魷魚 HKD75燒大魷魚同預期一樣咁爽口，鮮美～花甲 HKD85蕃茄清酒煮花甲，花甲食落都幾鮮，唔會腥，而且都算幾多隻下，重點係下面嘅粉絲吸哂清酒汁嘅精華，好入味～大部分串燒都整得好好食，下次一定會再試！～

老友考試gpa過三 咁岩佢又中意燒野食決定同佢去my always favourite 燒烤餐廳慶祝✌🏻✌🏻淨係串燒就有近百款俾你揀😏其他野都無揀到 食燒野飽😂鋪頭唔算大 但都坐得舒服😌黑松露什菇墨西哥薄餅呢款好出色 啲芝士融入什菇同三色椒度 好有口感！😘😘而且皮薄餡足 食落好鬆軟同纏綿🤭燒物上場由左至右燒蒜心 燒雞脾菇 燒牛舌 安格斯牛助串 豬頸肉串其實全部都好正 特別係安格斯牛肋 very juicy 😍好香好嫩👍左至右豆腐串 雞軟骨串 羊肉串 同埋燒鯖魚😻😻可以燒到入面都有味非常難得👏🏻👏🏻表面仲有浸蜜糖味大合照一張😂😂翠肉瓜串🥒孜然味加埋香甜脆瓜 另有一番風味😜仲有燒茄子片🍆加燒露荀茄子都保持到juicy 露荀又嫩 食到一定番尋味🙈🙈走時已經約定朋友下次再會😆😆

之前食過紅磡的「美味佳」，覺得佢的串燒好食，只係坐得唔多舒服。自遇上旺角的「好燒式」，無論味道、環境，都足以超越美味佳，成為我近來最愛的平民串燒店，果然係好消息。雖然位處砵蘭街，但離朗豪坊有兩三條街距離，所以都唔算好旺，去過兩次都唔需要等位。呢度的串燒款式比美味佳多，仲分為肉類、蔬菜類、海鮮類，再加意粉、墨西哥薄餅、辣酒煮花螺等等，怕齋食串燒唔夠飽都唔駛驚。是日唔肚餓，所以只集中叫串燒。當中必點嘅係豆腐（$16），燒到外面脆脆地，裡面仲好滑嫩juicy已經吸引，加上佢的秘製燒汁，惹味得來又唔會太濃，唔需要另點佢的酸辣醬都已經好好食。鹽燒牛舌（$26）都係串燒必點菜式，肉質都算腍，帶微微羶香，牛舌粉絲應該會鍾意。雞肉腸（$15兩條）純粹因個人喜好而叫，唔會燒得過火（雖知好易燶），味道正路但唔會突出。鹽燒白鱔（$42）燒得皮脆脆的，肉就帶煙韌，又冇骨，必點。食串燒又點可以唔叫雞翼（$17兩隻），掃上燒汁的雞翼燒得顏色金黃，裡面雞肉嫩滑。煙肉露筍卷（$18）雖然唔算好有驚喜，但清爽鮮甜的露筍吸左煙肉香味，又可以中和油膩，都唔錯。如果話美味佳的串燒係以孜然粉等香料做主導，好燒式就係主打秘製燒汁

今日放工又走咗黎旺角買野，天氣咁凍就梗係搵下熱辣辣的野食啦。見到砵蘭街呢間好吸引的串燒有位就入黎試下，餐廳位罝都較大，寛落，不過好快都坐到满晒。串燒的款式十分眾多，豬牛羊菜全部都有，我今日全部揀晒走辣燒雞腎串，燒得剛熟，表面香烤，肉質爽口彈牙燒豬頸肉串，顏色鮮艷，有光澤，肉質結實，食落唔油膩燒牛舌串，牛舌厚身，切得大小剛好，燒得惹味，咬落嫩滑燒雞軟⻣，雞軟⻣乾身爽脆，好入味燒牛肋串，牛肉味重，肉質鮮甜燒多春魚，魚完全無腥味，魚子飽满豐富，咬落啖啖魚的鮮甜燒魷魚串，魷魚肉十分彈牙煙韌，燒得入面好juicy,加上燒汁惹味燒白鱔，外皮燒得好香脆，但無燶的味道，火候掌握得十分好，肉質爽脆，鮮甜燒牛柳串，牛肉本身夠新鮮嫩滑，加上微燒的香味燒雞全翼，雞肉嫩滑，入味，雞皮薄脆燒豆腐，有三大粒，豆腐的表面有炸過，再加上燒過 ,好香口，入面的豆腐淋身熱辣辣。惹菠蘿，茄子，韮菜，新鮮清甜，特別係菠蘿，十分多汁，飽满

店面及店內裝修貼近港式餐廳風格、內里燈光光猛、座位偏窄。雖然店舖主打燒烤料理，不過店內沒有油煙感，也感覺不到燒烤味，令你吃得舒服同時不用擔心衣服沾上味道。(中辣、另加孜然粉、辣粉)雞脾菇HKD17 菇口感爽脆，味道鮮甜，辣粉使菇更為惹味。牛舌HKD26 厚切牛舌肉質鮮嫩多汁，辣粉並無蓋過牛肉味，入口油潤感十足，正！虎皮尖椒HKD15 清甜香脆，爽口有汁茄子(切片)HKD32 因切片燒，故茄子肉質較為爽脆，茄肉鮮甜，醬汁豐富。白鱔HKD42 外皮超級酥脆，肉質超級爽口彈牙，鱔味香濃菠蘿HKD17 菠蘿鮮甜多汁，鎖住水分，菠蘿肉軟硬度剛剛好。韮菜HKD15 一口咬下已吃出鮮味，配上辣粉，正！不過牙齒不利的，建議別吃這個。白汁芝士蠔HKD28 芝士滿滿的蓋在飽滿肥美的蠔肉上，鮮甜而嫩滑。蒜蓉蠔HKD28 蠔肉表面燒到酥脆，肉身軟滑，飄出陣陣蒜蓉香。因朋友吃不辣的，我們分開點，偷吃了不辣的，同樣鮮甜多汁而美味，少了香辣惹味卻多了食材本身的原味。這家店價廉物美，食物味道水準高，如果是吃貨的你，真的要嘗試一下，保證你喜出望外！

天氣凍， 除咗打邊爐， 亦可以選擇食串燒。 呢間串燒唔錯， 難得唔係成日幫襯， 但老細依然都記得我， 好鍾意同老細傾計，超健談牛舌: 厚肉，唔會燒到太乾，好爽口多春魚: 燒到肥卜卜，d春都係串燒豆腐: 外脆內軟，配上照燒汁，仲好味煙肉蠔/蒜蓉蠔: 蠔肉厚身，大隻，重蠔味。燒蜜糖雞翼: 雞翼皮醃滿蜜糖，好香. 雞皮燒到脆卜卜，雞肉保持嫩滑切件燒茄子: 厚切啖啖肉，將醬汁鎖住好惹味燒豬頸肉: 醃過先燒，燒完唔乾身，正墨西哥薄餅芝士雞肉: 烤得香脆，芝士配雞肉， 有少少辣， 唔錯

好燒式串燒專門店 (旺角)夜晚七點左右去到已經很多人在裡面店員手忙腳亂 服務一般叫了幾串串燒來試試看，款式如圖：牛舌最好食，好淋🤤 但冇咩驚喜 同於預期一樣串燒最討厭有孜然粉😂😂😂我覺得孜然粉好臭👀唔知有冇人同我一樣呢。可惜佢D雞腎同鴨舌都有孜然粉，個人認為麻麻。鴨舌第一次食，一d都唔好食，口感好奇怪，唔知點形容，中間仲有條軟骨，冇咩肉。牛肋肉有d韌，可以唔洗曬錢食豆腐一般般，d汁我覺得似蠔油味，外層有D焦。 .6/10我見人地話芝士控唔可以放過呢個墨西哥芝士雞肉餡餅 咁我梗係試試啦！ （因為我5食三色椒所以走左）咦，呢款芝士咪係⋯⋯我係超市買個款較刨碎嘅芝士？🤔係好簡單就可以係屋企整到嘅食物😂都幾好食🤓 又系個句，冇特別對於呢種港式串燒店，小妹都係鍾情於日式串燒多d。.7/10

Grill and pasta 天氣濕濕漉漉,想BBQ都恐怕著開唔到爐，好想食BBQ 呀！轉街角見到一個很大的易拉架，上面有印有許多美味烤物，門外已有人等位，我立即上OP搜尋這間美食，發現勁多讚好，立即找位啦！因剛清潔完地板，職員都溫馨提示食客小心地滑，菜單簡單清晰，圖文並茂，價錢合理見到許多人介紹墨西哥薄餅，當然點了墨西哥薄餅芝士雞肉啦！燒雞中翼同魷魚鬚，我自細鐘意食，又是必點點了蒜蓉燒茄子(原條)同蜂蜜綠茶下下火職員接了單後，很好人問我要不要辣，我才知道，原來可以選擇少辣,孜然粉等，當然要少辣啦！等食嘅時候，看到牆上的訪問發現是香港精神：兩個小伙子創業的堅毅故事，由攤檔到舖頭等了一陣，美食就上啦！先來OP個個都話正的墨西哥薄餅，薄餅烤得香脆，芝士味濃勁多，看！可以拉起絲呀，雞肉嫩多，配上爽脆紅綠椒及酸辣醃瓜，好味燒雞中翼($17)同魷魚鬚($19)雞中翼：皮脆肉嫩， 魷魚鬚：醬汁鮮味，魷魚鬚彈牙香脆蒜蓉燒茄子（原條）：嘩！足料原條霸氣上枱，大量蒜蓉、蔥花非常野味，配上燒得內軟多汁的茄子肉，越食越想食，再加上不停有食客encore,我都忍唔住再encore,我再點左煙肉金菇卷同侍應者

天氣凍，本想打邊爐，但近排又食得太多，而且好耐冇去BBQ，在網上見到串燒店，可一解沒有燒烤之苦！恰巧友人在旺角區工作，於是便相約他到附近的串燒店晚餐。我們點了「墨西哥薄餅芝士雞肉」、「安格斯牛肋串」、「鹽燒牛舌串」、「蒜蓉燒茄子(切片)」、「串燒豆腐」及「燒海蝦」。嘩！D串燒賣相很吸引，已急不及待，食唔停 安格斯牛肋串及鹽燒牛舌串，肉質嫩滑，燒得很惹味！串燒豆腐，很特別！外面淋上醬汁仍很脆，內裡則很軟滑，很香口！蒜蓉燒茄子，有原絛及切片，我們選了切片，方便D食嘛 ^_<而且切片可將汁鎖上，令口感更豐富！燒串燒當然唔少得燒海蝦啦！啖啖肉，爽口、好味！怕只食串燒唔飽，所以點了墨西哥薄餅芝士雞肉，外皮烤得很香脆，芝士配雞肉都很夾，很有特色的食物 食串燒，再配啤酒，很滿足呢 ^_^

同朋友行完朗豪坊，經過有間串燒店，裝修幾吸引，見到門口啲相賣相唔錯，加上我同朋友唔係太餓既情況下，簡左呢間好燒式做晚餐～一入去就有紙筆比你填，樣樣都好吸引，唔太餓都搞到流哂口水翠肉瓜（一份）蒜蓉燒茄子 韮菜大大塊瓜，咬落去比平時其他串燒店更有口感同多汁，配埋佢地特制既燒烤粉 加上我最鐘意既辣粉，配搭串燒真係一流！啲韭菜亦都燒得啱啱好，啲菜既邊唔會燒窿，同埋都唔會燒得太乾，正！最後茄子係我最愛，串燒必食，因為最鍾意外脆內軟，獨特！煙肉金菇，雞腎，秋葵煙肉多汁唔會好乾身，金菇就爆晒汁，仲有我最鍾意食嘅雞神，亦燒得好有咬口，話咁快就清晒兩串～(˶‾᷄ ⁻̫ ‾᷅˵)，仲有大大舊嘅秋葵呢間店最特別係仲有墨西哥薄餅賣，我哋試咗黑松露雜菌墨西哥薄餅～好夠黑松露味，薄餅卜卜脆加埋啲芝士雜菌，味道獨特，好創新～必試+推介牛柳 東菇 豆腐牛柳燒得唔會太韌，配埋少少甜既蜜汁，推介！燒豆腐最特別～出面個脆皮好薄但豆腐厚身多汁，好難得將簡單食物燒得極品咁😳其實得閒宵夜可以黎依間，又有意粉食，不過第一次試當然簡招牌串燒啦

天氣凍凍地， 特別鍾意食啲熱氣嘅嘢 。想去bbq 但係又要約埋一大班人好麻煩，決定搵間串燒店過下口癮。 牛油金菇包 入面充滿咗好多牛油，牛油味好重。比平時 自己燒嘢食嘅金菇燒得好好多，金菇一啲都冇燶到而且啱啱熟，好嫩口。 最左手邊嘅係鴨舌串，平時唔係好食鴨舌嘅我都忍唔住食番兩嚿。因為好惹味之外，口感幾彈牙。 左手邊第二串係豆腐，豆腐用咗甜甜哋嘅蜜糖燒，燒到外脆內嫩。左起第三串為虎皮尖椒，尖椒就比較辣，因為佢入面有好多辣椒 種籽，食得辣嘅會覺得好正，因為夠香口 刺激。最右手邊嘅係雞尖串，味道都係辣味為主，非常之惹味，如果份量多啲就更好啦。 牛肋肉肉質鮮嫩得嚟又有口感，啖啖充滿牛肉嘅香味 同埋肉汁。 燒嘢食一定要叫韭菜，因為咁先令韮菜嘅香味菜汁發揮到出嚟，而且食落去辣辣地好過癮。 原條燒茄子 落咗好多蒜蓉， 香蔥，辣椒粉呀一齊去燒。 茄子燒恰到好處，口感好嫩滑，味道一流。最後一度係海蝦串，海蝦都幾新鮮，肉質結實唔黐殼。 外殼甜甜哋，非常惹味。

久違跟友人相約旺角吃飯，因為天冷很想吃熱辣辣又香口的東西，所以就選了這間位於砵蘭街的好燒式串燒專門店。我們大約 8:30 左右到，全場坐無虛席，所以想食好東西要趁早報到 ! 等候期間先來看看有什麼好吃，餐單種類非常多，不止有燒烤，還有西餐可選擇，燒烤專門店來說很特別。等了近30分鐘終於入座，幸好老板先幫我們下單，很快就可以上菜，非常有效率 !黑松露什菇墨西哥薄餅 - $43 上菜時已傳來陣陣黑松露香味 ! 薄餅外皮烤得香脆，芝士亦有拉絲效果，再配上三色辣椒跟什菌，吃下去辣辣的非常惹味 ! 牛油金菇包 - $34 嘩! 這道看似平凡的菜式原來一點都不簡單!鮮嫩的金菇吃下去有一陣很特別香甜的牛油味，不消一會已被我們吃光!我們還在猜裡面是否加了特別調味料 ?飯後八掛詢問老板，得知原來是用上挑選過的高級牛油，普通貨是做不出這味道。果然只要花心思，普通之作也會變成驚喜之作 ! 蒜蓉燒茄子(切片)  - $32茄子新鮮多汁，加上蒜蓉與孜然粉的香味，吃下去非常可口。串燒豆腐 - $16日式燒汁味道調配出色，如更香脆口感更佳。鹽燒牛舌串 - $26 作為牛舌愛好者，一定是燒烤必點 ! 牛舌非常厚肉，吃