好素純素餐廳

營業中

休息中

朋友生日想食素食，好有驚喜！職員服務態度好，主動介紹菜式，環境清幽雅致，仲見到靚仔主廚出黎招呼客人，笑容滿分🤭素食款式多又新穎、非一般傳統素食、用心製作、好好味！

今日係十五，要陪屋企人食素，就嚟咁呢間新派素菜試吓～呢度嘅套餐晚餐包一款主菜同埋兩款小食/湯/飲品/甜品，價錢大約$168-$198，以素食嚟講算偏貴，不過份量都多。小食最推介素魚皮、椒鹽鹿茸菌、川味羊肚耳同咖喱腰果，夠晒香口得嚟味道又夠，食呢啲小食做頭盤，完全唔覺得今晚喺食素🤣另外山竹素玉球都同平時食嘅山竹牛肉好似😋主菜首推蜜汁叉燒，腐皮唔會整到太實，有鬆軟口感，所以似足叉燒😋另外素蟹黃醬扒豆腐，蟹黃醬味道好濃，配埋清淡嘅豆腐好夾👍🏻最有特色嘅菜喺墨西哥綜合豆醬配口袋麵包，雖然入面完全冇肉，但加入咗香料配埋唔同豆嘅口感，完全估唔到素食都可以食到呢啲菜式😍最後大推彩虹能量催芽果仁天貝佛陀碗，望落係普通沙律，但蔬菜新鮮，配埋奇妙醬好好食🥗

就到中秋，就決定同屋企人食好少少，因為有家庭成員食素，佢提議去呢間店食中秋飯。無意中發現素食都有廚師發辦，未食過素食廚師發辦嘅我，就決定試試佢。廚師發辦菜單前菜︰生機水克非爾 (自家製有汽益生菌)綠野水果沙律白木耳百香果伴非轉基因木瓜日本山藥球伴碧綠果仁醬湯品︰鮮椰子海玉竹石斛猴菇黃耳養身燉湯主菜︰香蒸鮮蔬水晶球伴勝瓜自家製生煎包 (南瓜素咸蛋蓮子餡) 伴燒菜秘製非洲G能量手炒生機功能菜 (石斛苗, 油麥菜)椰菜花能量飯甜品︰川貝杏仁茶燉雪耳生機抹茶牛油果蛋糕生機水克非爾 (自家製有汽益生菌) 杯飲品幾得意，飲落有d似玉泉西柚味汽水，又有d似陳年醋咁~ 最好就係飲落唔甜綠野水果沙律 同市面d沙律唔太一樣，除左水果同菜，廚師仲落左大量堅果，沙律醬無用普通美乃滋，似係用左酸忌廉調汁，蔬果又揀左酸酸甜甜嘅菠蘿同紅菜頭黎配搭，食落感覺好清新。白木耳百香果伴非轉基因木瓜 除左白木耳，其實廚師都用左貓耳朵，令到個視覺效果再豐富d。白木耳食落去好爽，比貓耳朵更爽口，個辣汁同白木耳完全融為一體，可惜木瓜偏生 (唔知係咪熟木瓜個甜咪同個辣汁唔襯🤣)，呢度要扣少少分，但總體黎講係好食又坊間好少見嘅配搭

對素食的人，包括純素和食生一族，好素好純素很值得去體驗品嚐。我是食生一組，之前在YouTube看過主廚Ken Kwong 鄺梓罡分享的幾個食譜，包括水克菲爾，都是我在台灣常與友人分享的影片之一。好開心終於來到餐廳品嚐。我帶媽媽一起去，她可以吃熟食，我們倆分享了廚師法辦（7月）的套餐、以及一個佛陀碗套餐，非常豐盛飽足，也帶走了套餐提供的蛋糕和椰汁奇亞籽雪燕露，以及一些熟食。先來的水克菲爾很好喝！綠葉菜、水果非常鮮甜，其他熟食的我媽也說很好。醬料新鮮沒有用一般的糖，用好油，吃起來舒服。套餐提供的配搭選擇，種類很多，也不小氣價格上下，一律提供，很大方、寬容。餐廳進去後就覺得充滿能量，旁邊書架上的書本題材很有吸引力，可惜那天有點晚。若能提早些到，可以翻翻書，或者選本購買都很好。餐廳結合素食永續與文化，門外海報介紹相關的公共講座，很有心。沒有低消，吃得舒服。注意下午休息時間，或者有時包場沒有供應。最好先預約。

🥢 黑虎掌菌綜合鮮蔬菜湯麵 配 野菌水餃Sarcodon Aspratus Mushroom Noodle with Mixed Fresh Vegetable and Wild Mushroom Dumplings✏️ 水餃饀的野菌味道濃郁, 只是一些蔬菜比較大件。The dumpling filling is rich in taste of wild mushroom. The size of some vegetables were too large.******************************🥢 香煎蓮藕花菇植物肉餅 配 胚芽米藜麥飯Panfried Lotus Root Cake with Impossible Meat served with Germinated Rice with Quinoa✏️ 蓮藕肉餅內的蓮藕粒爽脆分佈均勻, 有住家菜的味道。Crunchy dices of lotus root were evenly distributed in the cake. It tastes like home.********************

今次是第二次來這餐廳，上一次朋友帶我來食午飯，發覺這裡的素食有質素。It’s the second time come here as I found the quality of vegetarian food here was good when last time my friend brought me here for lunch.焦糖蘋果大啡菇植物肉漢堡 配香脆薯角 伴蔬果沙律Impossible Burger with Caramel Apple and Portobello with Crispy Potato Wedges, Fruit and Vegetable Salad汁醬和漢堡配搭得好, 薯角炸得夠脆身。The sauce goes well with the burger. The potato wedge is crispy.******************************韓國五色拌飯 Five-colour Bibimbap配料不會像一般韓式醃菜般咸，比較清淡，算是健康版韓式拌飯。The ingredient is not salty as

預先訂座吃晚飯，但到達時，發現職員並沒有預留座位🥶幸好剛剛有兩個空位⋯當晚接近滿座，餐廳的裝潢沒有隔音/吸音，好嘈，令人頭痛。然而，食物挽回不少分數：和朋友order了素腩和植物肉漢堡😋好好食；素腩好大碗，食完好暖；植物肉漢堡🍔的醬汁好惹味。總括來說，食物🥘色香味俱全👍🏻 但環境和服務就麻麻，特別是以中位價錢來說。如果可改善服務和環境，會更加吸引。

想試呢間素食好耐，但聽聞要四曲十三彎先搵到就打退堂鼓。不過今次有人約食飯，是日素期就的起心肝試下搵路。其實又唔係好難，係aeon 二樓中間康蘭居通道，出左轉右搭𨋢上九樓就係，唔難搵。食既野都好味，尤其是素魚皮，即紫菜天婦羅，可能我鐘意香口野，所以覺得好味。而其他叫了一個蘿蔔支竹炆素腩配胚芽米藜麥飯，一個炸菇小吃，山竹球，素薑醋，鮮竹卷，一杯克非爾，一件芝麻蛋糕。每份數量少少，但兩女仕食已十分飽。覺得山竹球，素薑醋很不錯，但芝麻旦糕非常好味幼滑，職員稱是由腰果糊打成，難怪咁好味。埋單三百多，除開即百多元，又可以試到唔同野，不錯。

啱啱喺一間有名的餐廳試咗晚餐，份量好實惠，俾我食到好撐好滿足！先講講個湯，紅蘿蔔合掌瓜湯，香甜得嚟唔膩口，好似冬日裡嘅一把暖意，熱辣辣暖笠笠嘅。🥣跟住主菜，啲天貝煎得外脆內嫩，彩虹佛陀碗入面色彩繽紛，天啊，就算唔食草嘅肉食愛好者睇到都會心郁郁想試吓！番薯藜麥同菜蔬個個又鮮又靚，佐料鮮明，真係喺口感同味道上都咁協調，一啖咬落去脆笛笛嘅感覺仲有個滿足感！自家制嘅泡菜同水克非爾都好出彩，泡菜嗲嗲酸甜，水克非爾就順滑有益生菌，飲完都覺得自己健康咗。😋食物同服務都一流，每樣菜式都清新，做得出色至極。成晚食咗一輪，我相信呢間餐廳嘅食物真係有得滿分推介，下次有時間一定會再嚟幫襯！🤗✨🌱

早前見到有唔少好評，所以相約素友一齊去試叉燒炒蛋飯同白玉腐皮卷好好食，腐皮卷咸咸香香有驚喜，另外叫左一份純素朱古力蛋糕，但佢俾左我哋一人一份好抵食跟餐叫左香茅薑茶，提供一壺可以再添熱水，薑味好足，沖左第二次都仲好夠味，個人好喜歡💕整體用餐體驗都好好，環境乾淨，不過可能係lunch hour 就有少少嘈，傾計有點困難

餐廳裝備簡約，有空間感，座位也舒適。店員服務親切，有問有答，好好。我點了一個套餐，揀左小食、主菜、甜品。小食：煙燻白玉鮮竹卷主菜：蜜汁叉燒黑松露拌素蛋+黎麥飯甜品：生機黑芝麻蛋糕煙燻白玉鮮竹卷：好juicy, 好香煙燻味，將鮮竹包著金菇木耳。蜜汁叉燒黑松露拌素蛋：熱辣辣、香噴噴的叉燒香味，一上檯就好吸引！叉燒仲要係脆邊，外層有甜甜地的蜜糖味，內裡又軟又滑！嘩！好驚喜！似足半肥瘦真叉燒！而炒蛋，憑我個人估計，其實係薑黃粉扮炒蛋的顏色、將腐竹弄碎，濕炒而成。口感滑嘟嘟，配黑松露，也很搭配。生機黑芝麻蛋糕：味道很好，好香芝麻味，應該有用椰子、椰棗、腰果、開心果做材料。如果不接受椰子味道的人，就唔好揀啦。唯一可惜係上檯時太凍，質地稍嫌硬了一點。總結，呢餐飯，無可挑剔，絕對可以再去同介紹俾朋友去食～另外，餐廳內有些素食乾貨，如麵條、醬料、果仁，亦有凍櫃出售素料。想買就記得帶定環保袋/雪袋，雪種。提醒一下：餐廳位置在康蘭居入面，好隱蔽，可先whatsapp店員查詢路線圖，就避免行冤枉路。

家人慶祝生日，環境舒適，素食質素高質。驚喜燉湯味道鮮美。已經是第二次到來，值得推介。食物分量大份，素魚漢堡包，家人亦吃不完。小吃精緻美味。原汁原味食後感覺冇負擔。健康美味。

午市套餐選擇多，共有八款（11:30-15:00）包1份 （素湯或飲品或甜品或小食）（+$45升級養生燉湯）套餐可另加錢加配素湯、飲品、甜品、小食。套餐份量剛好，有飽肚感。

好享受的一個晚上，和朋友享用素菜！精緻素食，感覺似fusion菜，一晚享用12個菜式，有當中湯水真係鮮甜，飲咗食咗，感覺皮膚好咗🤣🤣🤣⋯⋯好食之餘，還有觀賞價值，值得推介😊😋！一定會再嚟試！

七月午市套餐 (11:30 - 15:00)任選1款主菜 包1份素湯/ 飲品/ 甜品/ 小食湯品中湯冬瓜湯西湯番茄南瓜湯番茄嘅酸味比較重主菜天婦羅澳茄日本南瓜牛油果 黑椒汁焗飯 ($148)天婦羅炸得乾身，表面撒有七味粉，食落有微少嘅辣味。黑椒汁焗飯味道少少似咖喱汁，黑椒味較淡。飯係用咗珍珠米，飯粒粒分明，有多種配料，包括有菠蘿粒、腐竹、粟米粒、藜麥等，食到有菠蘿嘅酸甜味。番茄濃湯紅菜頭鮮蔬手工掛麵 伴紫豆卷 ($138)番茄湯底比較杰身，番茄蓉掛係麵條上。麵條爽口彈牙。賣相幾靚，表面放有番茄、中華沙律、紅菜頭、小棠菜同粟米粒。加配小食小佛陀碗 (+$25)芫茜山竹牛肉球 (2球) (+$28)牛肉球幾好食，口感有少少彈牙，食到有冬菇粒。