好運來食堂

營業中

休息中

下午茶好抵食. 外賣自取有九折 .午餐餐牌日日新鮮 . 午餐 有時 很多人. 樓梯上一樓 ,食堂也算很大, 清潔衛生 也很光猛. 夏天冷氣 算可以. 試一試 也算可以不錯. 抵食大件, 也很快上餐 .可以!

前排係觀塘返工 放飯就去咗呢間到食😌3點幾嚟到 冇咩人 可以自己坐卡位😆睇下午茶餐牌 最平$20就食到個餐會包埋杯凍飲 仲有得揀紅豆冰 幾抵🤩🤩本身諗住貪平 食$20嘅餐就算😂但見到另一個餐牌後 就改變主意😚後尾叫咗$36嘅魚香茄子豬頸肉炆米🍆🐷🍝嚟到見到勁大碟 米粉同配料都有好多😳😳胃口細啲嘅應該食唔哂😝食落味道都ok嘅🤓另外 有杯凍飲(唔洗加$)👍🏼我叫咗凍阿華田😙.整體來講 呢間餐廳啲嘢都幾抵食👍🏼下次再係觀塘返工 我都會再嚟食😆😆

📍好運來食堂 (觀塘)觀塘巧明街105號好運工業大廈1樓沙爹牛肉麵連埋杯紅豆冰都係$20😱😱😱價錢超級親民同貼地，雖然係下午茶優惠，由14:30做到17:00，但呢個價錢響觀塘來講，真係超級抵食😚而且下午茶餐都幾多選擇，全部都係$20，真係窮人恩物，糧尾之選🤣講返啲食物先，老實講沙爹牛肉，味道都OK，整體來講不過不失啦😌但個麵D麵質就真係麻麻地。不過呢個價錢，勝在性價比高，所以要求唔會太高，抵食就夠😃

每個星期都會食幾餐好運來平時多數食開下午茶炒粉麵飯, $36 多選擇，包飲品， 真係比觀塘其他餐廳平好多今日就試下好運來個午餐， 原本想食招牌鴨湯飯, 個個都同我講鴨湯飯好好食, 不過去到鴨湯飯已經賣曬咁唯有揀過另外一個餐， 見到隔離枱的客飯唔錯，所以揀咗個生菜上湯雞。個餐包飲品同湯， 凍飲唔洗加錢,汽水都係加兩蚊。 隻雞整得幾滑， 上湯配生菜， 送飯一流見到好運來兩點半後有20蚊下午茶， 仲有唔少選擇㖭， 搵日再嚟試下先

呢期忙咗少少, 真係唔想去咁遠, 醒起好運來係地下貼咗張$20茶餐poster, 終是就係2:30pm落去試吓呢個下午茶.一入去，阿姐好好禮貎好好招呼, 地方濶落, 感覺乾淨喎! 仲有電視睇!叫咗個雪菜肉絲米粉, 加可樂.（即係茶餐2號）個個雪菜肉絲米粉仲好食過大快活果D喎! 湯底夠味, 米粉唔碎, 粗幼適中, 好爽口, 又唔會好細碗, 肉絲係條狀, 感覺肉質新鮮! 罐可愛買都要$6-7蚊啦, 呢個$20茶餐，牙住痛食都覺幸福呀！第二日我就叫咗個公司出前一丁，都ok呀！有牛肉、火腿、腸仔、午餐肉，點解佢嘅出前一丁好似特別好食樓上樓下，繼續支持您地！

同囡囡係觀塘泳池學完游水，順便去好運來食個lunch。係樓下行上去段路係有點污糟，燈光亦較暗，細囡一路行一路話污糟，好似去冒險咁。到餐廳時囡囡見到大量中年男士用餐，大家衣著都較污糟，佢哋都有點失望咁，但我話食物真係好好，我以前成日係度食。點過餐後很快便有得食，兩個女吃過後都讚，特別後沙嗲牛肉麵同牛角包，份量充足又好食。三個餐只係百幾元，份量仲咁充足，而家真係好難搵。叫咗三個餐，百二元有找。這個麵底份量充足，沙嗲汁味道剛好份量夠，味道正。份量夠，味道正。

2人行工廠區食早餐～路過見到水牌先知一樓有間茶餐廳～行完樓梯又轉彎終於到啦～一場黎到試吓無妨呀沙嗲牛肉麵～沙嗲牛肉份量足～比起好多茶餐廳大份抵食～公仔麵算多～食落都幾飽肚腸仔煎蛋配餐包～餐包都幾軟熟配牛油～腸仔同蛋正常味道冇咩特別沙嗲牛肉通粉～成碗通粉牛肉又多食完真係好飽呀腸仔煎蛋配炸薯餅～哈哈笑薯餅幾特別～不過係買返嚟炸嘅所以味道麻麻每個套餐都配熱飲～都可以加兩蚊轉維記牛奶～熱奶茶茶味濃又夠滑身唔錯

人長大了自然要保養，保持健康！現代人生活繁忙，早餐想食健康一點 ！麥皮可惜不是所有茶餐廳都提供麥皮早餐而這裡就有提供，而且分量充足！可選配三文治，價錢而且不貴！加上環境好像不錯！所以早上和姊姊經常來這裡！今天游完早水就來這裡吃個早餐補充體力！星期二的十點來到！所以餐廳內沒甚麼人！不用等位坐得也比 較舒服！來到這裏，叫麥皮早餐必定沒有錯！今天早上，我都飲凍鮮奶（跟餐）玻璃樽上，很懷舊亦很好看！雖然我小時候飲樽裝奶是飲維他奶！不過同樣感覺很健康！牛奶麥皮也煮得很好吃！煉奶甜度適宜，挺好吃！份量頗多，但每次都吃完蛋治也是做得甚好！雖然炒蛋沒有澳牛那樣無敵及美味！不過做得比許多茶餐廳香滑！麵包鬆軟！整體算是中上之作！

趁著閒日放假，早上時間來了叫早餐...人流不多，所以坐得都算舒服清靜...跟姐姐2人來，每人一個豬扒炒蛋。食物來到，炒蛋的份量吾似雙蛋，炒得少少老..而豬扒炸過了，大家目測冇呃人感覺沒有那麼好食。配上豬排汁感覺還可以！兩片公仔型薯餅脆口幾特別喎！奶茶普通茶記，沒有甚麼特別！其實食物是其次。我地最鐘意搵間坐得舒適, 又可以坐得耐既餐廳食 .這度平日九點後，而且位置吊腳人流大部分㪚⋯⋯卡位又多又大又好坐我地坐好耐冇人趕，感覺好舒服啊⋯⋯而且價錢唔係貴.每人$29 坐個多小時才走.....

哈哈哈~ 呢間野左我公司對面！我間唔中都會幫襯既...唉, 呢幾年經濟好差.... 呢到加左唔少價啊...呢3年多裡面！我多數都係點佢地既早餐:餐肉煎蛋配蒜香多士 漢堡扒牛仔腸公仔麺仲可以凍飲唔加錢咁多野都係$30大元咋....就來一簡單的漢堡牛仔腸公仔麵。漢堡扒麺這有少少古靈精怪！所以我一定要試。就是屋企煮麺只要你喜歡你放乜嘢都可以漢堡是香口的味道！腸仔正常地脆皮麵底不是大光底！食落有福麵的香口感餐肉同蛋好食嗎? 經油煎香過的，理所當然地香口！而這就正正是最簡單。及最美的香港街坊味道。我隔離有間早餐$23至$30之嘛.......不過我覺得同隔離果間餐廳比, 呢到好味好多....溫馨小店，街坊的簡單味道

上午和中午依然下著雨，卻來到觀塘的工業區，繼續在工廠裡尋找一下樓上的食堂。好運來食堂位於巧明街，也是有招牌和餐牌顥示在出入口，依指示走上兩層樓梯，門外也有招牌，算是相當易找。其實食堂也沒有甚麼裝潢，就像一般的茶餐廳有卡座和圓枱。餐牌上也頗多元化，炒粉麵飯少不免的，午餐常餐更是少不少了份兒。從眾多的食物中挑選，實在有點難度的，可是在下只是想找個便宜而飽肚的午餐，可謂要求不高，至少吃飽和快捷便算了。午餐包括了例湯黃豆合掌瓜，材料都幾多，超出了在下的預期。合掌瓜也烋得腍，黃豆也軟腍，湯底沒有味精，已經算是好了。魚香茄子牛仔柳飯。魚香茄子加牛柳，著實風馬牛不相干，加上賣相不吸引，故此對於味道不聅太大的期望吧。吃一口魚香茄子，沒有魚香的鹹香，味道普通到極，牛仔柳切開卻有點靭，咬也也不軟腍，反而牛味甚濃。芡汁也頗為濃稠，結了很多，而且有點黐黏。凍奶茶都幾滑，仍有茶香，但未算很濃郁。在食堂用餐，不要有太過預期，今次吃的還是差了一點吧。

早上起來很想吃蛋和麥皮, 終定到公司附近的茶餐廳吃早餐。巧明街和駿業街一帶, 這家的奶茶非常有水準, 常常令人心癮起。早餐時間人不多, 又有LCD mon大電視睇新聞, 都幾爽。所以茶記的伙記都是一樣的: 一坐低就走過來問你想食咩, 永遠不等你看看餐牌考慮考慮。我當然要麥皮餐(HK$23)跟蛋治和奶茶。奶茶先來, 姨姨毫不溫柔地飛左杯奶茶過來。結果打翻了一點…奶茶仍然很滑又夠紅茶味, 每次見到茶面凝結了一層茶衣總令我快樂不已~麥皮上加了煉奶, 都幾甜的, 但知道可以下次叫他走奶都幾好。麥皮好足料, 一碗已經好飽。蛋治真的好漂亮。煎得不過火亦很少油, 還有一些蛋汁流下。這差不多有兩隻蛋呢…好吃好吃~這樣豐富的早餐, 非常經濟~ 看似簡單, 但一杯濃滑奶茶, 一份煎得剛剛好的蛋治, 只需5分鐘. 背後可是正宗港式茶餐廳的深厚功力!Happy Friday, 就由一份高質素的早餐開始。

小妹是一個在觀塘工業區上班的OL。平日午飯吃得最多當然的是工廠區的食堂。好運來可算是小妹之首選。首先, 好運來有卡位, 一時半打後多數可以一個人獨霸一張卡位, 免卻拼桌時人逼人, 你眼望我眼之尷尬情況。而且, 在附近芸芸的食堂當中。好運來可算是很有heart。起碼幫襯了無數次也沒有試過中伏。是日晚了吃午飯, 正好是下午茶時間。點了下午茶餐- 泰式海鮮炒飯。價值廿七元。貌似不便宜,但事實上份量和午餐一樣多。質素亦沒有因下午茶時段而粗製濫造。入口有淡淡的蝦醬味, 很惹味, 但又不過濃不過鹹, 簡直是不可或缺的主角。炒飯炒得挺乾身, 而且, 吃罷碟底亦不算油到可以照鏡。配料方面有蝦仁, 蟹柳, 生菜。蝦仁當然是用冷藏的, 夠爽口, 但一點鮮味也沒有。蟹柳數量嚴重不足, 完全吃不到屬於它的味道。但由於蝦醬的味道搭救, 配料的失誤反而不是太重要。配餐的熱奶茶是正宗港式的, 茶多於奶, 茶身比較醇厚, 小妹喝完有點心跳加速, 有點受不了!OL總是想吃得精緻, 但在物價飛漲的歲月, 吃得rough一點也不為過。Rough也有rough的浪漫。

呢間茶餐廳係我一直都冇留意的！直到朋友帶我去一齊吃之後，我就發覺，好吃的地方，有時真係冇咩野宣傳！去吃的時候，朋友叫我等一等，過2點先叫下午茶，哈我問午餐都幾平，點解要吃下午荼佢話午餐有可能係整定，但下午荼剛開始，所有野都係即叫即抄！你想吃邊樣？哈，又唔夠佢講！叫左兩款下午茶，一款係干抄牛河（我個fd）、一款係海鮮抄飯（我自）干抄牛河有水準，冇太多油！而且唔知點解，牛肉超多！真係唔似下午茶由於係干抄牛河上先的，所以我仲好期待我個海鮮抄飯，結果就出事！佢真係冇咩野海鮮可言，d飯又冇抄過！而且賣相真係唔係咁好早知叫福建抄飯啦！灰飲品方面，跟餐係送一杯野飲的！冷熱同價！我同我個fd都叫左杯熱奶荼！合價，有奶味亦有荼味！而且好大杯！最後想講呢度的服務同環境真係唔錯！成間野冇油煙又夠光猛，d落order的火計，清一式係女士，而且個個都有笑容，雖然唔係後生女，但態度一樣咁親切！

由於食開快加好好似執左,繼上次皇馬唔掂後繼續尋覓外賣下午茶地點今次試這間店本人點了五香肉丁火腿米線即食野唔會差得去邊但米線太”林”有同事點了雞翼腸仔麵雞翼是炸的,還分開用紙袋包著抵讚