影片
以上資料只供參考, 請與餐廳確認詳情
我有個同事知道我喜歡食美味川菜，就介紹我同朋友去北角好運大排檔，佢話這間店舖主要去食酸菜魚或水煮魚，廚師煮魚煮得好好食，湯底又好好飲，每日有新鮮熬製魚骨湯，絕對無坊間預製醬料或湯包，而小辣椒經典川菜是六代相傳，即叫即炒，亦絕無坊間現成菜品包或調味湯包，仲係一間25年嘅老美味店舖，無辣不歡。我一定要叫藤椒酸菜魚來品嚐，朋友就選多兩個餸，椒鹽排骨及蔥爆牛肉片，叫埋白飯同飲品柚子蜜。這間店舖位於北角北角道33號和富豪庭地下B2號舖，港鐵北角站A1出口行，幾分鐘就到，非常方便，店舖裝修簡潔溫馨，座位寬敞舒適，坐得舒服，十分有親切感，店舖餐牌食物款式特別多，有好運廚師推介、招牌特色菜、火辣川菜、煲仔系列、特色風味、好運小炒、地道川菜、明爐鍋、四川麻辣地鍋、素菜、小食、湯品、沙鍋泡粥、五谷主食，真係一吃便愛上，價錢又唔貴，食物質素好，仲不用加一，店員服務態度又好，多謝同事介紹，亦值得推介大家來食。🐠藤椒酸菜魚（鱸魚）鱸魚片切得薄而嫩滑，入口即化，帶有細膩的彈性，酸菜脆爽，藤椒帶來微微的顆粒感，湯汁濃郁，有勾芡的滑順感，酸菜發酵的鹹酸味為主，藤椒的麻香為輔，層次豐富，辣度由微辣至中辣，麻感明顯但不過嗆，魚肉鮮甜，湯底加入高湯提鮮，酸辣中帶回甘。🐷椒鹽排骨外層酥脆焦香，裹粉或炸衣輕薄不厚重，內層肉質緊實多汁，骨邊帶油脂香，啃咬時有撕扯感，椒鹽鹹香突出，蒜末、辣椒增層次，微辛辣，排骨醃漬入味，帶孜然風味。 🐮蔥爆牛肉片牛肉薄切軟嫩，快炒鎖住肉汁，略帶焦邊的鑊氣，大蔥脆甜多汁，蔥白與蔥綠口感差異明顯，醬油與蠔油的鹹甜基底，蔥香濃郁，薑蒜提味，牛肉鮮美無腥膻，油香飽滿。 🍚白飯優質米粒飽滿分明，黏性適中，咀嚼帶彈性，煮得恰當時表面光澤，入口鬆軟卻不爛，天然澱粉甜味，米香純粹，中性味道能平衡重口味菜餚（如酸菜魚），凸顯菜色風味。🍹柚子蜜飲用時為濃稠液體，有細微柚子果肉纖維，冰鎮後更顯清涼滑順，蜂蜜的甜與柚子的清香酸味結合，甜度適中，柑橘類芳香濃郁，適合作為餐後飲品。
繼續閱讀
两個月前先嚟過呢間，今日忍唔住再翻啅，佢既味道實在難忘，整天都回味著。今日既午餐遲咗少少食，差唔多都係下午茶時間。呢間好運大排檔我有好多野想試，菜式實在吸引，好似今日我就點咗個川式泡椒豬雜，份量適中，有少少辣既味道，同上次個炒豬雜差唔多味道，炒得好香口好好味，極之下飯，價錢合理，店員友善，值得翻啅既一間食店，食完回味無窮。口味：🥚🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚
繼續閱讀
藤椒酸菜魚(鱸魚)一上枱已經聞到陣陣麻香同酸味，令人食指大動。鱸魚片得好薄，滑嫩得嚟冇腥味，魚肉吸晒湯底嘅精華，入口帶少少藤椒嘅麻感同酸菜嘅開胃感，酸辣味道層次非常豐富，而且湯底可喝，每日新鮮熬製魚骨湯，絕無坊間預製醬料或湯包紅燒豆腐煲豆腐外層煎得金黃微脆，內裡保持嫩滑，吸晒紅燒汁嘅味道。紅燒汁帶有少少蒜香同醬香，食落非常惹味，配埋底下嗰啲細細粒嘅冬菇同配菜，成碗煲嘅味道更加豐富。 椒鹽排骨排骨炸得外脆內嫩，炸粉唔會太厚，保持到肉質嘅鮮嫩多汁。椒鹽調味得夠香，鹹香味濃郁，仲加咗少少辣椒同蒜蓉。
繼續閱讀
我同屋企人一向都鍾意食酸菜魚，所以已經去過唔同餐廳食～而屋企人話佢每次食酸菜魚魚片，魚肉都上咗厚厚嘅漿，令到魚嘅口感變得好滑，滑到唔似魚片。上網搵到呢間25年老店，標榜佢哋嘅酸菜魚，連湯底都飲得，就決定帶屋企人去試吓啦～酸菜魚魚片有兩種揀，我哋揀咗貴啲嘅桂花魚，希望有質素啲，屋企人會滿意啦～一上枱見到滿滿嘅魚片，下面仲有好大塊木耳同埋萵筍，最底係吸晒湯底嘅薯粉！我哋首先飲咗個湯底先，果然同其他餐廳唔同，唔會太酸辣，真係可以當湯飲喎！飲完亦唔覺得口渴～而魚片雖然都好滑溜，但係食得出係真正魚肉；木耳大大塊，咬落好爽口，好快就掃晒成盤～孜然炒羊肉，一食落口就知道唔係平時是但灑孜然粉，再求其用啲急凍羊肉片咁煮。手切羊肉好有口感，配菜嘅洋蔥勁香甜好食，俾我掃晒～另外仲叫咗個蒜泥青瓜，勁大碟，喺炎炎夏日清新一下！飲埋杯凍檸茶，好滿足！味道嚟講真係食得出好有鑊氣好用心去煮好有驚喜！餐牌上面仲有好多睇落好吸引嘅菜，要留返下次先可以試啦～！
繼續閱讀
好耐都冇食酸菜魚，經過屋企附近見到間大牌檔，入去叫咗幾個餸！1.藤椒酸菜魚 (鱸魚）魚肉夠嫩滑，金湯濃郁，搭配藤椒和酸菜帶有麻酸辣口感。另外配料非常多，有雲耳，萵筍。加上有寬闊粉墊底，索盡湯汁入晒味又飽肚，真心讚。2. 椒鹽魷魚鬚個炸皮唔太厚, 食落好脆, 又唔太油, 炸得好惹味, 好香椒鹽味, 但又唔太咸, D魷魚又粗, 同好淋, 好易咬，真係做到外皮酥脆，內裏做到嫩滑腍身。3. 生煎手工鍋貼生煎鍋貼外皮薄韌，煎得金黃香脆，硬度適中，肉餡用料足夠，啖啖肉之餘肉汁甜美。而且每隻都係大大隻，相當抵食。4. 手工水餃水餃皮有咬勁，內餡緊實飽滿，基底的豬肉絞得很細，鹹度適中，味道濃郁，不需再沾調味料。
繼續閱讀