好順景茶餐廳 (已結業)

試了小菜套餐的腐乳蒸雞，包白飯、中湯、油菜和熱飲。腐乳蒸雞好大碟，但雞件不太入味，有點可惜。油菜細細碟，size是油多碟，這碟菜好味是因爲淋了甜豉油。蓮藕豬骨土魷湯稀了點，幸好還夠清甜。總括而言，食物不是太特出，但可以接受。

午市套餐有不少選擇，$32一個，在附近來說是差不多的水平。想開胃一些，就來個菠蘿生炒骨飯。其酸甜汁是稍稍偏酸一些，正中下懷。排骨的肉不少，也不鞋韌，炸得都幾脆口，也算不錯。 熱啡則味道相當濃澀，合個人口味，只嫌香味不夠。

去過兩次，兩次印象都不好。與食品無關，主要是環境。第一，雖然店內不賣煙，卻沒有禁煙。第二，跑馬的日子，櫃枱阿姐（可能是老板娘）就會在聽賽馬，你不想聽也要聽。第三，擠迫。還有，兩次都等了好久才上菜。其實食品ok，份量很大，尤其蒸魚，頗大條。不過還是不會去了。

20041129 10.30am同朋友們食個早餐先開工.要o左個叉燒庵列+牛奶粟米片+ 熱奶茶.奶茶好削, 粟米片無乜味, 食o左一半已經棄掉, 叉燒庵列就一般貨色, 但係$19 一個茶記早餐話平唔平, 早知過壇島.卡位好窄 坐得好辛苦, o拿o拿林食完開工.

雖然呢間舖地點方便，但在中環返左咁耐工都一次都未幫襯過，今晚要開夜，就同兩個同事來吃。七時許來到，人也不算十分多。叫了咖哩牛腩飯、星州炒米同焗豬扒飯。食物幾夠份量，咖哩牛腩飯幾黃色，咖哩味道OK，咁當然以行上少少的香滑咖哩屋好食D；星州炒米香味十足，味道都唔錯，但有點兒炒得過濕；焗豬扒飯都唔差，豬扒屬半肥廋亦唔韌。埋單百多元，以這樣的格局來說是略貴。記得涼多少少呢度會有煲仔飯供應，到時再睇下掂唔掂。