妙法齋

營業中

休息中

今天去了 -妙法齋- 買了酸齋外賣，基於我和家人也喜歡就一起分享🥡🌱齋老味之中，只喜吃酸齋^_^ 它每一塊都大大的，咬下去有點豆味，口內再爆有其醬汁。調味上是相對重口味的，味道酸酸微甜甜。

新年媽咪話想食下齋，我地都同意，於是search下，發現有間舊式齋舖係附近。雖然comment好壞參半，有少少危，但諗住叫少少，唔好食就閃。6點半到，估唔到都滿晒，訂左枱都要坐門口。但因為人多，所以都放下戒心。胡椒豬肚湯唔錯既，好暖胃又香濃。豬肚好爽口，咸菜腐皮等等好足料。西檸鴨有啲失望，炸腐皮點西檸汁，又會咁既羅漢齋煲好味既，係油左啲，係出式既舊式齊菜粟米粥估佢唔到用什豆煮粥，唔知加左咩，但味道唔錯。

依個南乳汁係我暫時香港九龍新界識得最好最美味的💆‍♂️💆‍♂️💆‍♂️🥰🥰🥰之前食過5-6間店舖啲南乳汁都係太淡唔入味，掛唔到南乳汁…🤦‍♂️🤦‍♂️而且，好多老齋浦同埋茶餐廳都已經冇南乳粗依個餸選擇或者唔係咁夠味，可能本身少人叫….!荃灣妙法齋嘅南乳香味南乳汁濃度適中不鹹，上到汁，南乳烤鴨、素鴨同芋頭，再加南乳汁濃度一流，口感十足，素鴨有焗烤過、火候十足😎😎🙏🙏🙏難得遇到好嘅南乳汁，大家素友值得一試☺️☺️☺️可遇不可求，感恩今天遇到😜😜😜

呢間齋店喺荃灣好多年，今日都係第一次來，點選咗竹笙素鱸魚羹、焗禾蟲、一品煲、臘腸雞煲仔飯😋😋😋味道吾錯，所有野都熱辣辣，最值得一讚就係員工的服務態度，非常有禮貌👍👍👍一定會再黎，下次試吓d炸物先，期待

之前食過呢度嘅老婆餅覺得唔錯，就算擺雪櫃到第二日至烘返熱嚟食，依然皮酥餡軟，於是今日再買，點知今日食到嘅完全係另一樣嘢，皮同餡都好硬，仲隱約有陣餿味，疑似長時間室溫儲存後再翻焗嚟賣。

今日同男朋友食齋，呢間不得不承認係我食過最好味嘅齊食店。一入嚟已經見到好多街坊黎食，環境都好光猛。一坐低就叫左個甜酸齋併沙嗲螺，多到瀉😌沙嗲螺係我第一次食，好好味，有咬口，螺肉肥美且肉厚，好好味。個甜酸齋既醬汁又唔會好甜，剛剛好！之後叫左個扒腐球伊麵，又係好掂，清新感覺！而且份量好多。個價錢係比出面平啲，但性價比高！😙最後仲送埋好清甜既糖水，連糖水都做到好出色！😎下次打算帶埋屋企人黎食！

今日係有啲唔開心嘅嘢發生左。所以食齋。評論返啲齋菜先。1. 素飽片扒西蘭花: 素飽片爽口。食唔到菇味，好有口感。西蘭花唔會太淋。2. 咕嚕肉：正常。菠蘿係罐頭菠蘿。做得都幾似真嘅咕嚕肉。3.羅漢齋炒麵: 味道唔錯，係會油膩啲。4. 豬潤粥：粥夠綿，豬潤比較細散。好耐之前食，係大舊啲㗎。清清地！5.螺肉拼鴨腎: 螺肉好爽口，食緊蒟蒻咁！幾好趙。唔錯唔錯。鴨腎好夠味。6. 焗豬扒飯: 呢個差啲。同我之前係膳德福食既無得比。飯淡。豬扒唔似豬扒。雖然佢真係唔係豬扒。一pat pat 甘。溶左既泥。6樣嘢，4百幾蚊。都正常。P.S 好掛住膳德福啲齋菜！😭

初一中午嚟到荃灣諗起兒時已光顧的素食店，時間雖在早上11點，但店已高朋滿座，好不容易有2人坐位，雖然要搭枱但未影響要品嚐素食的興致。一行 2人點了一碟羅漢齋炆伊麵、咕嚕肉羅漢齋炆伊麵，汁拾到鮮味，麵質爽滑咕嚕肉~甜酸開胃，唔講以為真係用肉做每枱有碟小食炆花生，咸香入味，好好食

-平時返工食lunch多數都係趕頭趕命，一個鐘頭左右，要行出去、要等位、坐低叫嘢、再返office，總之就係趕頭趕命。 難得放假當然要輕輕鬆鬆啦。呢間老字號齋舖，係我由細食到大嘅。 因為有屋企人食長齋， 所以同佢一齊食飯嘅時候，就會揀有齋元素嘅餐廳。當然亦會有常去嘅呢間餐廳啦。好多人食齋第一時間會食齋鹵味， 其實我想講，如果望下menu，真係有好多特別 + 驚喜嘅選擇。唔一定次次都淨係食齋鹵味架。 齋乳豬 ： 外表望落好似一隻真嘅乳豬。生炒牛肉飯： 炒飯炒得好乾身，正！！鮑片扒時蔬： 食落有家嘅味道。芋頭魚： 平凡嘅芋頭魚，食落有驚喜，外脆內軟。齋雞扒時蔬：食落有家嘅味道。__________地址：荃灣背河街79號地舖

妹妹買回來，一如標題，螺肉應由蒟蒻造成，似螺肉，口感佳，多醬汁，頗美味！但對我來說味道偏淡，如點甜醬更美味，不過價錢偏貴，要$40一盒！其他齋鹵味也不便宜，眾款之中以齋鴨腎最入味，其他各款都是偏淡，因此建議只試螺肉和鴨腎！

今日初一我同我家人一齊黎呢間齋舖食齋，樓下爆滿要上樓上唔緊要，問題係我地4個人仲要我地搭檯，仲唔止搭一家人而係兩家人⋯食物唔好食，味道又超濃，勁多味精，食完要係咁飲水⋯叫一碟大既齋鹵味放既唔係傳統材料，相反對面叫一碟細既鹵味係傳統材料⋯點解細的係大既唔係⋯乜唔係應該一樣架咩？！炒烏冬都叫唔差，有鑊氣既，仲有無平時既餐牌可以叫，只係得一版可以揀⋯迫你食套餐⋯果d套餐又唔岩食，真係有幾垃圾就有幾垃圾，以後唔黎無下次

每次樓上個條阿叔，叫極都冇反應，唔知係咪近門口嗰台一定係熟客定係老闆親友，條阿叔好似淨係招呼嗰台客，每次去都只可以麻煩阿叔幫我地落單架咋，沖茶都係我叫咗九十幾次之後，為咗怕喝死，都係死死氣自己去沖好過，上菜用掉嘅，行親過嚟都黑口黑面，每次都食到一肚火，唔係我阿媽要去呢間嘢到食，真係俾錢我都唔會去

自從第一次爸爸介紹來後，我差不多一星期都會光顧一次，店裡簡單裝修，但都很乾凈，食品質素真的很高很高，感到是很用心制造，難怪有那麼多熟客，服務都很好.感到很有親切感。而我最喜歡是菠蘿咕嚕雞球，酸酸甜甜又有口感，另外就是魚香茄子煲了，魚香茄子煲裏一粒粒的冬菇和茄子都十分入味，香噴噴，真係隔離枱都嗅到，還有干炒牛河，鑊氣十足，上到枱一陣仲熱辣辣的，如果唔夠食仲可以叫多個焗豬扒飯，可以選擇有蛋或冇蛋的，不過一定要早小小落單，因為制造需時，不過是值得等的，因為除了好好味，而且仲夠哂份量，大胃王最佳之選。

和中學同學約好到荃灣大會堂看兒時偶像的表演，之前先吃飽飽、準備落力的拍掌。朋友知我吃素，細心的上網先找合適地方。她說，妙香是輸入地區後第一間顯示的！於是就決定這間。到達的時候是六時半，可能週末關係、加上是初一，已經要等位，還要撘枱。我們首次跨區來光顧，問服務員姐姐有什麼招牌好吃。她推介了幾款，我們只有兩個人，最後選了妙香素齋和香橙麒麟鴨。招牌齋是加了黃耳竹笙的羅漢齋，另一個是腐皮包竽蓉炸香了的切件，酸酸的好味。我們看見餐牌上不乏肉類名稱的齋菜，例如東坡肉、咕嚕鷄等等，是傳統齋厨一個特色。

連番掃了幾場自助餐之後，我們決定吃些齋菜清一清腸胃。雖謂是齋菜，不一定要是清淡的，就好像這碟豉椒牛肉飯，小人認為做得有聲有色， 維肖維妙。豆豉及青椒炒得勁香，很夠味，而不知用了甚麼來扮的牛肉竟真的有牛肉的質感，我們都給了讚。接著的水餃更加精彩，一個大碗內盛著很多很多的水餃，每隻都極其巨型，大小堪可媲美茶樓的一個蒸包！水餃皮內是極之豐富的餡料，菜類菇類菌類十分爽口，食味倒是略為偏淡，加點豉油會好些。吃完碟頭飯及數只水餃後，都已夠飽肚了。