妹記大排檔

營業中

休息中

難得星期五晚不用OT, 同朋友在尖沙咀搵吃，因為是星期五好多都full, 之後嘗試去這間中菜大排檔，上到去都冇位，不過大排檔哥仔俾飛我地叫我地等一陣，好快就有位，雖然搭枱，但幾乎看不到對面，私隱度高。2個人叫了2個小菜加蠔仔粥同啤酒，吃得好飽，90分鐘還枱，係稍為冷氣不夠大，有點熱。員工們都好nice, 上菜也快。點了脆皮炸大腸，脆口美味；西蘭花炒帶子，沒有什麼特別，味道尚可；不得不提的是蠔仔粥一大窩，2個人吃得完，蠔仔新鮮隻隻脹卜卜，見到其他客都叫蠔餅，下次真係要試吓！

早兩日約咗朋友們喺度食團年飯，五個人叫咗以下菜式👅煎蠔餅蠔仔size中等，唔算好細粒，個人認為有少少腥味，炸得有啲硬，普普通通👅👅咕嚕雞球咕嚕汁味道都OK，包裹得啲雞球幾均勻，肉質都嫩滑👅飛天通菜煲佢呢款通菜超級幼身，食落好似冇乜口感辣度比起平時食開嘅飛天通菜勁好多😅👅👅椒鹽八爪魚咀呢款係咁多樣炸物之中炸粉最薄同相對出色嘅一樣👍 椒鹽幾香口，八爪魚咀彈牙👍👅椒鹽鮮魷炸粉勁厚⋯魷魚超幼超細條，唔掂😕👅豉椒炒蟶子都幾爽口，但食到少少沙👅菠蘿海鮮炒飯飯粒均勻有鑊氣👍配料有細細粒嘅帶子，蝦肉，魷魚，菠蘿等等佢同泰式帶咖喱口味果種好唔同，幾個朋友都食到覺得有啲酸酸地嘅蕃茄味😅😅 不過味道都正常👅雪梨茶一心諗住佢係真材實料煲出黎嘅，原來只係一個茶包有啲雪梨茅根顆粒仔加熱水沖，超級頹廢就收$28 一杯😵‍💫😵‍💫加埋一支啤酒埋單$785，以前食妹記覺得樣樣嘢都唔錯，今次食覺得樣樣嘢都普通😅😅下次可以另覓其他中菜館～～

#妹記大排檔 😋😋😋😋😋😋hk is good place for food. everytime i change my job, i will always find good food nearby. expecially around tst. full of ppl tourist and good food.this time is 妹記， last time is 金妹記。 i dont know who is copying whos fame but both of time serve similar food dai pai dong. very tradidional hk style wok air food with again 48$ !!!!!48$ is super cheap at tst. without +1 , super cheap with such freshly made food.will come back although is a little bit far.ps. their staff is too friendly lo

好硬同好咸嘅炒河粉，已經是lunch hour 但呢碟係好難食嘅炒河粉，我已經同店員講咗，佢話下次叫我叫少鹽少油，咁死得啦！即係趕客嘅！已經上次來叫乜冇乜都唔知點做大排擋，奉勸都係唔好去喇

晚間朋友飲酒食小菜好地方，妹記其實出哂名，品質穩定，味道很好好少失望。我每次必叫蠔仔粥，大大鍋，足夠三至四人分享，蠔仔新鮮。薯仔牛柳粒，牛柳比糖漿包住每粒咬落口煙靭甜甜地。豉椒炒蜆，蜆肉大大粒，好有鑊氣椒鹽九肚魚，送酒一流。

大排檔餐廳，現時買少見少今晚所有小菜都熱辣辣，其中的椒鹽鮮魷$98，我覺得個皮厚咗一啲，另外那個避風塘茄子$85，個皮都好厚，好似得六七件，價錢看似大眾化，其實份量都好細，人少少都可以乳鴿一隻 $78，味道可以蠔仔粥$138算係最抵吃，蠔仔都幾新鮮叫咗個蒜蓉炒生菜啤酒$37就有1樽，用傳統的冰碗飲啤酒特別過癮，價錢都唔貴另外還有特色飲料，侍應們他們態度都可以，但用餐時間只有90分鐘，真係啱啱食完就要馬上埋單

好耐冇食，尖沙咀鋪搬咗之後第一次食，結果勁失望🫠薯仔牛柳粒明顯係一早煮好 薯仔皮淋哂 蠔餅薄ee咁 蠔又少 飛天通菜煲 個煲凍嘅 菜冇味得嚟好油 成餐冇樣得 間嘢七成都大陸人食 冇哂以前個水準

真心難食 特別係小炒皇 未見過炒出黎係水淋淋料又用得差 份量少 價錢唔平 不會再去 求其穩間酒樓好過佢 ，因為佢地點好 所以個場都係爆滿人，因為太多人關係 根本做唔切,叫左佢拎野，聽完就算。

約左同朋友一行6人慶生食大排檔。訂左枱，7點入座，7:10落單，2分鐘入完單食物就立即上枱，第一樣係黑椒薯仔牛肉粒，我哋全部人都呆左，同個上菜既侍應講岩岩先落單，點解咁快就有菜上，唔係煮架？！待應無咩回應放低就走左，之後敏隔1分鐘左右就上一道菜。有椒鹽九肚魚，凍既，皮勁厚，勁咸。咸蛋炸魚皮，啲汁係淋上去，勁油，有少溫暖。啫啫通菜煲，個煲係凍冰冰既，純粹當一個碟上菜，並無鑊氣，絕對無渣渣聲。豉椒炒蜆，都只係咸覺番熱左些少。炸大腸，都係凍冰冰。當然作為客人我地覺得好燥，咁就諗住快啲轉場食其他野再同朋友切蛋糕。點知埋單果刻先知只收現金，支付寶，微信，並唔收信用卡，作為現代香港人，我哋6人有5個都無7百Cash，但好彩都仲有一個可以埋到單。然後就同待應講話我哋要拎返個蛋糕，佢話已經收左我哋$50切餅費。我哋話我哋都無向度食，佢話只要雪左都要收。然後我哋又話其實你啲食物咁樣向廚房準備好晒，凍既，我哋真係好失望唔想再留向度，我哋只係坐左30分鐘，果$50咁都仲要收。佢話食物有問題上菜時點解唔岀聲，可以收佢哋再整過。但大佬，邊個去呢啲食肆夠膽叫廚房再做過？唔驚加料咩，況且所有食物都係咁，唯有話比自己

放工時間，增肥時間到了，又去gathering ,又不是太肚餓，所以這次就去了吃打冷，只叫餸吃了。環境模仿打冷環境，不過是樓上舖，比較衛生。餐具🥢蠔仔煎餅 $88 ▶️口感酥脆鬆化，內裡鮮嫩，蠔的鮮味與餅皮的香脆完美結合，煎餅的外皮金黃酥脆，內裡的蠔肉鮮美。還有一陣陣芫荽香味。🥢紅燒乳鴿皇 $156/2隻 ▶️搭配濃郁的紅燒醬汁，口感豐富，香氣四溢。乳鴿肉質鮮美。紅燒乳鴿皇的烹調技巧恰到好處，讓肉質保持鮮嫩，醬汁入味，每一口都能感受到乳鴿的鮮美和紅燒醬汁的濃味。🥢豉椒炒蜆 $108▶️蜆肉鮮甜彈牙，搭配豉椒的香辣調味，讓人食指大動。炒蜆十分有鑊氣，讓蜆肉保持鮮嫩，豉椒的香味完美融合，每一口都能感受到蜆肉的鮮美和豉椒的香辣，不過份量比較少。🥢咸魚茸飛天通菜煲 $98 ▶️通菜的爽脆口感，入口鮮美清甜，讓通菜保持清脆，湯汁入味，每一口都能感受到通菜的鮮美和湯汁的鮮甜。不過嚐不出咸魚的香味。整體來講，鑊氣十足，典型的大排檔風味，又不會似大排檔環境差

妹記已經唔係當年嘅妹記！！！金沙大蝦球，一隻蝦仁切開三片再包勁厚嘅炸漿再炸，成碟都係油！ 鹹蛋黃油到濕到腍到好似南瓜蓉咁！ 以前嘅妹記好好食，而家越做越差，吊燒雞有浸臭味！ 其他菜普通到爆，求其一間茶餐廳嘅出品可能都好過佢！本身介紹遊客朋友嚟食，但係食到好心虛，咁難食都帶人地黎….中大伏！

📍妹記大排檔今次分享既呢間小菜相信大家都一定聽過👍🏻就係妹記大排檔啦‼️佢最出名就係戰鬥碗飲啤酒🍻同朋友一齊食飯飲返兩杯的確好極😆😆😆🐮黑椒薯仔牛柳粒 （$158）炸過嘅薯仔再加埋牛柳粒一齊炒非常惹味食得出除咗有黑椒調味之外仲有蜜糖調味又辣又香甜後生仔最愛🥰🥬咸魚茸飛天通菜煲 （$98）用咸魚茸炒通菜真係非常香‼️呢個菜真係人人都鍾意食😋🐟椒鹽九肚魚 （$88）九肚魚新鮮炸起熱辣辣又香脆🍳不過炸粉皮厚咗少少如果炸粉薄返少少就更加好味🦐黃金蝦球 （$128）黃金蝦球嘅賣相非常吸引‼️蝦球外皮沾滿鹹蛋黃食落鹹香味十足😚😚😚唯一挑剔係如果份量可以再多少少就更好😆🐥咕嚕雞球 （$88）咕嚕雞球每一件都大大嚿配料有菠蘿三色椒等等份量都好足‼️🐮沙嗲粉絲金菇牛肉煲 （$98）呢一碟餸係我最愛🥰🥰🥰沙嗲醬既味道同金菇牛肉非常夾粉絲更加索滿沙嗲汁非常入味‼️呢碟餸用嚟送飯一流🤤🤤妹記大排檔係一間喺油尖旺區非常抵食嘅小炒餐廳如果一班朋友聚會又想啤啤佢🍻呢間餐廳真係非常適合👍🏻👍🏻👍🏻✅

對上一次幫襯妹記大排檔已經係幾年前嘅事啦，當時仲喺另外一個地址今次有朋友喺外國返嚟佢話好想食大排檔，但係又唔想熱辣辣所以我哋今次就揀咗嚟食妹記啦我哋一行五人有男有女總共叫咗八個餸全部都即叫即做好有鑊氣有啲嘢食仲要一嚟到即刻掛住食相都唔記得影㖭黃金蝦球好好味蠔餅炸得嚟完全唔油膩吊燒雞皮脆肉嫩椒鹽墨魚嘴辣味爽口沙嗲牛肉煲牛肉非常嫩滑入味扇貝 蟶子 海鮮類別都好新鮮食咗咁多濃味嘢，叫返個西蘭花帶子清一清個口最後埋單落樓$1300唔錯唔錯，都幾滿意

朋友要移民，離開香港前，當然是要吃盡香港本地美食，大排檔自然是非吃不可。我們6時半入座，已經坐滿差不多一半人，侍應的招呼也算是不錯。根據朋友的喜好，點了「脆皮炸大腸」、「蠔仔煎餅」、「炸乳鴿」、「炸豬手」、「西蘭花黃金蝦球」(唔記得係咪呢個名)除了一個清炒菜，其他全部都是炸的!!! 「脆皮炸大腸」和「炸豬手」最好味，其他也不錯!

突然想食大排檔，求其搵左間，上到樓都唔少人排隊。咁多人排隊，心諗實好好味啦😋由於最近比較熱氣，都唔敢嗌炸嘢，所以叫左三個應該唔會中伏既餸：1⃣️豉椒炒蜆$108正常發揮，D蜆好大隻，一碟有9隻。2⃣️魚香茄子煲$98送飯一流，D茄子唔夠腍。3⃣️沙嗲粉絲雞煲$92都好夠味，沙爹味重。結語：餐廳上菜快，三道菜都正常發揮，夠鑊氣，而且好入味，送飯一流😋不過，當我地食完（大概40分鐘），想坐耐少少嘅時候，伙記好快就收晒我哋啲碗筷，而且呢頭收完碗筷，唔使1分鐘就出咗張單叫我地埋單。如果可以坐耐小小就好啦😉