姚姚酸菜魚 (希慎廣場)

營業中

休息中

同朋友係希慎行街，講起中菜就心思思就地取材，之後search到呢間應該係國內brand黎，係香港都開左分店，所以就一試究竟～我朋友大愛成見舖都係Tiffany blue，仲有打卡位，都真係符合國情！落單姐姐推介果個菌香雞煲3食～應該係做緊promotion～套餐有雞煲，浸時蔬，雞飯（可惜賣曬！所以要轉生炒臘味飯）菌香雞煲：好有鍋氣，都好香料頭味，雖然d雞都係走油，不過唔會炸到柴曬，個醬汁都較得好濃，啱我！浸時蔬：係D香菌雞湯黎，所以非常有味道，唔會好重味，都幾舒服～生炒臘味飯：略嫌個飯濕左dd，但係都香口，好鍾意呢間D調味～之後仲叫左炸鮮奶左甜品，朋友本身好怕奶味，不過食落口又接收到！可能夠甜，外面都炸得夠脆又唔黑！

今晚去咗食姚姚酸菜魚，晚市套餐除咗有酸菜，竟然有片皮鴨，呢兩個配搭有驚喜，我鍾意食酸菜魚，我朋友鍾意食片皮鴨。我哋2個人就揀咗A餐，分別有酸菜魚、 片皮鴨、川味鴨架。等咗一陣，侍應姐姐好快就上咗酸菜魚，而且放係蠟燭盤上保溫，溫度再熱少少更好。酸菜魚湯底夠酸，魚都幾嫩滑，魚份量唔多，如果湯底有埋紅薯粉會再飽d🙂片皮鴨出奇地好食，鴨皮鴨肉都夠味，有十塊餅皮份量包唔晒片皮鴨，最後就咁點醬食埋剩番果d。川味鴨架就係起咗鴨皮鴨肉剩低果d骨，純粹試下個辣味，完全冇肉食😂如果覺得唔夠喉，每人加$12任食甜品，有涼粉珍珠黑糖等等隨意配搭，滿足埋第二個胃👍🏻

等女兒放學，避開午餐時間的高峰時期，餐廳只有兩三圍客，明明座位超多，都安排我坐最窄的二人座位，服務一般，喜歡吃麻辣的我，今次點了藤椒湯套餐，送來的碟子超大，顯得裏面的配料不多，但其實一人份量剛剛好，連附送的甜品都吃不下，甜品是自取的，最後沒有試到，藤椒湯味道沒有驚喜，這個價錢還有很多其他選擇

吃酸菜魚就要到有米芝蓮推介的酸菜魚專門店品牌採用獲政府認證的新鮮鱸魚，由源頭直接採購粉藍色和白色主色調令整個環境充滿少女心用餐環境寬敞舒適，更可以預約私人房間包廂二人份姚姚酸菜魚採用正宗水東芥菜，經過一天發酵醃製，口感鮮爽每條魚都擁有自己的身份證，刺少肉多，肉質鮮嫩甜美秘製湯底耗時五個小時精心熬制，啖啖鮮香濃郁！更可自選加入不同配料！巴掌肥牛肉質鮮嫩入味人氣之選涼菜麻麻辣辣口水雞雞肉嫩滑，雞皮爽口

食口水雞配白飯套餐由於怕太辣侍應幫我將辣油同雞分開來了雞和油白飯等了又等 直到問第二次才拿來起碼等了5分鐘等待不是問題如果無要求的話，這個套餐還可以有好多塊雞，有一碟生菜，白飯，和檸檬茶但這個雞實在是觀感太差灰白色 一點彈性都沒有就像在冰箱裡面拿出來用水煮完，食唔曬放返入雪櫃又雪過第二日又拿出來再煮不知煮了幾多次放上我的餐桌或許這是食酸辣魚的餐廳但是menu上有的食物也應該要認真對待吧看著這些雞 實在無胃口進食幸好有生菜送飯 也食了幾口由於我來食飯的時候已過了最繁忙的lunch hour旁邊也有2張台食完走左侍應就咁推住回收餐車去我身旁停下來收拾架車就停在我身旁 我看了一眼適應她才移開小小實在食不下去埋單走人食了2塊雞 全碟都無食$88套餐加上服務費盛惠$97早知行遠小小去食傷心酸辣粉口水雞好過

這裡的裝修超出了我對酸菜魚餐廳的想像用了Tiffany Blue做主色調整個環境充滿少女心氣氛很像吃下午茶的地方大多座位都是卡位/梳化位 乾淨又坐得舒服😍🔹️ 姚姚雞抱魚套餐 $398雞煲半隻]當日涼菜是一大碟醃蘿蔔，酸酸的非常開胃，而且份量對於兩個人來說超級多，很適合配著辣的食物一起吃，可以解辣招牌酸菜魚的鱸魚肉嫩滑，充滿魚鮮味，配以鮮辣椒、辣椒乾、花椒、蒜頭、酸菜等，我們選了小辣，所以湯底味道相對溫和不太辣，喜歡吃辣的人可選中或大辣🥰菌香雞煲裡面的雞不是走有鑊氣的路線，反而把醬汁把雞肉煮到入味，菇類味道超鮮，好吃！也加了量蔥很惹味🤗🔹️ 多多桃膠椰奶 (半價後$24)🔹️ 新鮮水果烏龍茶 (半價後$24)惠顧套餐可以用半價點飲品多多桃膠椰奶喝起來跟港式糖水店的味道一樣 (是稱讚😍)椰汁味很香桃膠也很好嚼新鮮水果烏龍茶裡面有西瓜肉和菠蘿肉沒想到水果茶裡面有那麼多新鮮水果😳西瓜新鮮又甜❤️

講起酸菜魚菜式, 熟悉嘅餐廳少不了姚姚酸菜魚! 今次我地揀左喺銅鑼灣嘅希慎廣場食, 因為希慎分店面積夠大, 坐得舒服自在. 睇完菜單, 朋友想試下辣蝦, 而我就只想食姚姚最招牌嘅酸菜魚, 咁我地就叫咗個雙拼🐟🦐姚姚酸菜魚 拼 避風塘大蝦呢道菜以新鮮嘅鯽魚同泡菜一齊燉煮, 湯汁酸辣開胃, 魚肉鮮嫩可口. 再加埋炸得香脆嘅避風塘大蝦, 令人垂涎欲滴🥬上湯野菌浸娃娃菜 蘑菇嘅香氣同清淡嘅上湯, 令娃娃菜保持住蔬菜嘅鮮甜, 同時帶有淡淡嘅菌菇風味, 清新可口🍋爆打青瓜檸檬茶 呢杯清涼解渴嘅茶飲入面, 青瓜嘅清香同檸檬嘅酸爽交融, 清新怡人, 係一款搭配辛辣菜餚嘅好選擇🥖香港油條 我哋試咗一個神秘嘅食法, 就係將炸到金黃色嘅香脆油條浸泡喺酸菜魚湯中數秒, 然後一口咬落去, 又酸又辣又香, 十分過癮💛個人必食推介: 酸菜魚雙拼浸油條返食指數: 🥑🥑🥑🥑(5🥑滿分)#姚姚酸菜魚 拼 #避風塘大蝦 ($308)#上湯野菌浸娃娃菜 ($58)#爆打青瓜檸檬茶 ($38)#香港油條( $38)______________________________📍 姚姚酸菜魚 (希慎廣場) (銅鑼灣)銅鑼灣軒尼詩道

喺銅鑼灣時代廣場睇完戲，諗唔到食咩，就去咗希慎，見到好多餐廳都排晒長龍，但姚姚酸菜魚竟然冇人等位🤷🏻‍♀️，經理仲話可以任坐😮，就去試吓啦，佢俾我哋2人坐4人卡位，仲係窗邊位，位置都相當闊落🫢❣️春夏滋味套餐 $338📍姚姚酸菜魚（精裝版）酸菜魚份量係比較少，一撈已見底🥸，魚肉算滑但較多骨，湯底都一般，唔夠辣同酸🙂‍↔️，整體較為遜色🤨📍北京烤鴨（半隻）北京烤鴨等嘅時間比較耐，可能真係即叫即烤😂😂，鴨皮香脆多油脂，鴨肉味就唔太濃，配上青瓜絲、大蔥絲、紅菜頭同甜麵醬夾住薄餅食冇咁膩😙📍川味鴨架經理話可以轉做是日涼菜，食咗咁多濃味嘅嘢就試吓轉麻醬雞絲粉皮，味道就係普通嘅麻醬加雞絲粉皮🤪❣️手打檸檬茶 $19凡惠顧神仙套餐，可以半價加飲品，今次試咗手打檸檬🍋茶，但睇到份量係偏細，如果正價就真係唔會飲，味道就正常檸檬茶味🫢🏦是次消費總額 $418（人均消費 $209） 🍴須加一服務費👅好味度：7（10分滿分）有少少失望係一間主打酸菜魚嘅店舖竟然係北京烤鴨做得比較出色，曾經試過內地嘅姚姚酸菜魚，記憶中嘅味道係好嘅，點知喺香港食到嘅竟然相差咁遠，價錢亦都貴好多，所以應該唔會再試🤷🏻‍♀️

話說好耐冇食酸菜魚但又好想食片皮鴨喎姚姚呢個👉🏻『 #滋味共享套餐 $438 』 就fit晒啦～有齊 ·#片皮鴨 （半隻） ➕ #酸菜魚 ·仲加埋 川味鴨架 及 是日涼菜 ～🥢《 是日涼菜 》 係 籐椒無骨鳳爪 ～ 鳳爪爽口，香麻帶辣惹味～🥢《 川味鴨架 》 鴨肉入味，辣得開胃～🦆《 片皮鴨 （半隻）》 鴨皮有油光吸引，入口香脆鬆軟兼有油香，連著嘅脂肪唔多，刀功唔錯～鴨肉仍嫩唔柴～🫓餅皮新鮮熱烘，薄身Q彈，放涼咗都唔會變乾硬～ 配料有山楂、青瓜同蔥絲、糖同醬汁～ 🐟《 姚姚酸菜魚（2-3人份） 》揀咗唔辣、走芝麻～好大盆！湯低酸香，用上2條魚，魚肉多又十分滑嫩～湯中無其他配料，想食其他可以另加配～因為魚肉多，我哋都好飽無加其他料～ 🥬《 上湯野菌浸娃娃菜 $58 》湯底鮮甜，有杞子同娃娃菜～如果娃娃有切開會易食啲～🌈《 彩虹烏龍冰粉 💲68 》冰粉滑溜微甜～上面放有提子乾、酒釀、紅豆、西米、花生碎、黑芝麻及椰奶7款配料，七彩繽紛好吸引，而且口感味道同樣豐富， *🚫茶芥收費 *✅加一服務費*

之前朋友食過話尖沙咀嗰間幾好食，今日行開銅鑼灣就試吓，佢有好多套餐揀，我哋揀咗姚姚雞泡魚套餐，有酸菜魚同雞煲，仲有小食同飲品都係$398。有酸菜魚點可以無寬粉，所以加左$38寬粉，仲加左萵筍。小食酸辣土豆絲，係涼菜，好爽脆，切絲夠幼，加上辣油，辣味比酸味多少少，酸酸辣辣好開胃。酸菜魚兩人份，魚片夠大塊，份量大，係超多魚片，配有香蔥香蒜，乾辣椒等啊，但要加寬粉，佢同個酸菜湯好夾，魚片好滑，無骨同鬆化，酸味濃，叫中辣就啱啱好，寬粉厚身有咬口，煙煙韌韌，配埋酸菜魚湯係超好食！萵筍夠爽口，酸菜配埋魚片少少辣好惹味。雞鍋配料好多，有洋蔥冬菇竹筍同少少辣椒香蔥，仲有木耳，啲配菜好入味，雞件好香口，因為佢有爆香炸左先炒，惹味得黎唔太鹹，味道係好既，啱鐘意吮骨之人。值得一讚嘅係佢有用火暖住啲酸菜魚同雞煲，keep住個溫度，所以可以慢慢食慢慢傾計！

想食酸菜魚，梗係要揀間人氣🔥🔥姚姚酸菜魚更推出套餐，性價比即刻 🆙 套餐包括有半隻烤鴨同酸菜魚，心大心細唔知食咩嘅你就可以以一個價錢食哂2款美食🫶🏻🫶🏻最近仲推出左四人餐，好抵食，就下次可以帶埋屋企人一齊嚟食喇‼️滋味滋味套餐$338手機自助落單夠哂方便，酸菜魚更可以根據自己口味自由配搭，揀咗小辣，魚片肉質嫩滑，加上酸菜等，香辣酸麻口感非常惹味😋😋北京烤鴨（半隻）唔妹睇少半隻，份量足夠兩個人分享，皮香肉嫩，配上秘製醬汁、京葱等，再沾到上砂糖，口感層次豐富，滋味十足川味鴨架烤鴨二食，入口香口麻辣麻醬雞絲粉皮好香花生麻醬味，撈勻雞絲及粉皮一齊食，係一款唔錯涼拌小菜

🤔招牌酸菜魚午餐 湯底普普通通，較酸。魚肉都算滑，但較唸身，冇咩味。酸菜都好酸吓。整體嚟講，味道比較單一偏酸，同食平價嘅酸菜魚分別唔算大。性價比唔高。麻辣燙午餐 - 藤椒湯湯底覺得呢個套餐比酸菜魚套餐抵好多！$88有得揀三種肉類、三種菜類、仲有檸檬茶同甜品送。湯底方面，係雞湯加上濃郁嘅花椒味道。選咗中麻，都唔算話好麻，剛剛好。冇咩辣味但又有花椒嘅香麻味。味道恰到好處。配料方面：薯粉煙煙韌韌。肉類方面，肥牛就普通，肥肉部份比較多。嫩牛肉係平時中式炒牛肉嗰種質地。個人覺得嫩牛肉好過肥牛，冇咁多肥肉。豚肉比較硬，好似腩肉嘅質地。鱸魚片都算嫩，冇骨。牛丸比較大浸騷味，麻麻。另外仲有三種菜或豆類揀，花菜即係椰菜。千葉豆腐係冇味嘅類似魚片質地嘅物體。麻麻。 👌🏼麻辣燙午餐 - 麻辣湯底麻辣湯底都算濃郁，似重慶火鍋湯底嗰種味，都惹味，符合預期。不過講特色，藤椒湯底喺其他餐廳少有嘅味道，都係會prefer藤椒湯底多啲。另外跟餐仲有冰粉同埋檸茶送。檸檬茶仲可以揀走甜或者走冰，好靈活，唔錯。食物： ★★★☆☆ 環境： ★★★★☆ 推介度： ★★★★☆

地點方便環境又大又靚，玻璃窗夠大，有得欣賞日/夜景🌃✨姚姚酸菜魚 二人份～酸菜魚賣相吸引，綠色嘅湯汁很濃郁，湯頭辣酸中帶點麻，清新爽口，不會過於酸澀，我選擇了小辣和少油，更降低整個菜品油膩感，魚肉薄而大塊，入口滑溜，肉質鮮嫩，完全吸收了酸菜香氣。我哋加咗配菜千葉豆腐和金菇菜，增添飽腹感，很吸湯汁。✨菌香雞煲無辣口味，醬汁係甜醬油風味，大人小朋友都食到，濃郁湯汁冒著陣陣香氣，雞肉彈牙鮮嫩，好入味，加入菌類，滋補養生，又口感豐富！

Tiffany Blue嘅裝修好吸引眼球，原來食魚都可以咁有格調🥰天氣咁熱，坐低先來一杯香橙綠茶，茶色清澈，香橙酸酸甜甜，味道清爽，不會澀，回甘感很好。姚姚蕃茄魚(2人份) :擺盤整潔，蕃茄酸甜適中，湯汁味道濃郁，份量都算多，我哋兩大一小都夠食，魚肉嫩滑，入口十分鮮香，我哋加咗寛粉條和肥牛，更增加口感層次，酸酸甜甜，越食越開胃！涼拌土豆絲:土豆絲切得均勻細長，小辣口味，入口脆爽，凍冰冰，麻辣得來，突出土豆原味。烏龍冰粉:天氣咁熱，點少得凍冰冰嘅甜品，冰粉晶瑩剔透，色彩搭配很漂亮，入口Q彈爽滑，清涼解暑。

店名: 姚姚酸菜魚地址: 銅鑼灣軒尼詩道500號希慎廣場13樓1301號舖銅鑼灣站F2出口，行3分鐘環境: 4/5價錢: 4/5味道: 4/5一直都知道姚姚酸菜魚好出名，今次就同朋友黎食佢哋嘅套餐，有半隻烤鴨同酸菜魚，一個價錢食哂種😆最近仲推出左四人餐 ，好抵食，下次可以同屋企人一齊嚟食🤩春夏滋味套餐❤️❤️❤️❤️$338姚姚酸菜魚❤️❤️❤️❤️麻辣程度都可以自由選擇，今次揀咗少辣，魚片夠哂大塊，肉質好嫩滑，加上酸菜等，整體十分惹味😆北京烤鴨(半隻)❤️❤️❤️❤️❤️北京烤鴨就算叫半隻，份量都好足，皮香肉嫩，入口一啲都唔油膩，鴨香味甚濃，配上秘製醬汁、京葱等，再沾到上砂糖，層次分明又美味🥰川味鴨架❤️❤️❤️❤️北京烤鴨有二食，鴨架口感酥脆，帶上微辣，十分惹味😌涼拌萵筍絲❤️❤️❤️❤️❤️$58萵筍切成幼絲，配上醬汁，清新之餘，口感亦十分清爽😗彩虹烏龍冰粉❤️❤️❤️❤️$68份量十分大，配料有提子乾、花生碎、黑芝麻、紅豆🫘等，加上口感順滑嘅冰粉，炎炎夏日食翻碗就啱啱好☺️