威利華餐廳

營業中

休息中

啲服務態度好飄忽，多少少飯加3蚊，餐湯是有是冇！唔需要問客人直接開單，轉身就走！叫又扮聽唔到，快餐$48，碗飯加3元，不會再次光顧！食物味道普通，普通茶餐廳一間，沒有光顧的必要！

___________🏖餐廳狀況🏖___________ 在柴灣區內一間非常古老的餐廳， 應該是不少人兒時的回憶，看到餐廳門口裝修就知道舊香港的味道， 當日🌶📝於下午茶時段光顧 ，餐廳客人爆棚，而在用餐期間，有不少人等外賣及進 進出出，實在是低估了他在柴灣區的人氣。- _____________🍽食物🍽_____________🐤 炸雞髀配薯條 $37推介指數 ■□□□□雞脾size中規中矩，外皮脆肉質算嫩口，但調味欠佳，薯條份量很少，只有六七條，像不小心掉左碟上，而且有點炸得過頭了，不是脆口而是硬邦邦的。下午茶價錢要$37來說，不推薦呢！-🍥 乾炒海鮮烏冬 $59推介指數 ■■□□□單點了一個炒烏冬，味道比想像的好，用料亦非常的多，雖然有點怪異😂跟一般港式炒烏冬比較(竟然有日式小章魚?!)烏冬少但餸很多，所以還算可以，但如果50元左右會比較吸引。- _____________🥂飲品🥂_____________凍檸茶(少甜) $0推介指數 ■■□□□茶味濃厚，但並不混濁，很清切refresh，不錯不錯。- _________🌶辣椒紙總結📝__________整體：🌶🌶🌶 環境：🌶🌶🌶員

又黎到柴灣無理由唔食呢間經典茶記-威利華! 點解?因為呢間老字號夠哂響! 只做午市下午茶~夜晚係唔開既~唔係你想食就有得食呀!而日日中午都係迫爆~排隊搭枱都係家常便飯!而我最鍾意威利華既就係一杯熱奶茶!其他餐廳都係飲唔返果種!滑漏既感覺~茶同奶既比例岩岩好~而且唔可以落糖!會完全破壞左本身既味道!!我朋友話~下次試下檸茶得唔得先~我就覺得都絕對無問題!仲有西多士.牛通~呢d茶記必食既經典招牌野!支持特色本地茶記!!

已經好耐冇試過放假落街去茶餐廳食早餐， 平時放假一般都瞓到黃朝百晏，或者有時就同老婆去麥當勞食早晨全餐。今次就去番好多年都冇食到嘅威利華餐廳，老婆話嚟咗柴灣住咁多年佢都未食過喎，所以特登帶佢嚟試一試，我自己都好多年冇食過啦，以前喺中學嘅時代我成日都嚟呢度食午飯，估唔到咁多年都冇乜大轉變， 裏面嘅裝修同以前一模一樣。但最估唔到連食物都有保持返以前嘅水準， 同其他大型連鎖餐廳嘅味道完全唔同，係一 貫香港茶餐廳嘅味道，希望香港可以保留多啲傳統及有特色嘅餐廳， 唔好只係得啲大財團嘅連鎖餐廳 ，俾市民多啲選擇。火腿通粉 & 牛油多士煎蛋沙嗲牛麵&茶走

係東區打躉既我，問我邊間茶記係必食，我一定首推威利華！淨係睇佢門口都知佢夠哂傳統，但唔代表佢唔識與時並進，佢都有泡茶大碗飯，日式拉麵食架，十分過癮！呢間餐廳長期爆場，淨係做早午同下午茶，無晚市，所以大家要留意！今次介紹下佢既午餐，叫左呢個豬頸肉菜飯，套餐本身跟杯茶啡，雖然佢個特製豉油汁已經相當不錯，但絕對比唔上佢個咖哩汁，港式咖哩既香辣加上椰奶香味配上燒到恰到好處既豬頸肉，絕配！記信！呢個係餐牌上無列明，正常係會跟豉油汁要客人request先會upgrade！豬頸肉用既係靚豬，無乜肥膏！燒到表面稍香但又能鎖住肉汁，師傅夠哂功力！菜飯方面，無渣流攤，用既係菜軟，飯底又夠乾身，正，推薦呀如果唔想食豬頸肉，同一個價錢可以改為吉豬或者雞扒個類，都好抵食架！至於杯熱檸茶都無令我失望，茶底香濃，檸檬新鮮精神又爽利！隨post附上最近兩次食過既午餐

柴灣美食必吃之物-椒鹽豬扒飯$45今次黎到柴灣打波，通常波後飯局都由我出謀劃策，如果係google打柴灣美食，通常都會出呢間餐廳架～～～呢度環境好擠逼，是典型舊式茶餐廳，食完收野即走，坐多陣都唔得，但街坊非常習慣，仲要係人流不絕呢！我見好多人都食不同類型的豬扒/牛腩飯，甘我當然都要叫最穩陣那款吧！椒鹽豬扒份量好多，肉質滑嫩鬆軟，醬汁惹味，撈飯一流，怪不得甘多人都會叫呢碟野食！同事叫的吉列豬扒都唔差架，所以下次打完波又有新野食了

好小入去柴灣，見到有間好Vintage既茶餐廳，又見人流都好多，即刻入去試下🤤見到個Menu ，全部都好吸引呀，我叫左下午茶餐☕️西多士同唔記得左叫咩名既漢堡包，入面有泰式辣醬，第一次食呢個配搭，好好食呀🤤🤤😍值得推介比大家食👍🏻👍🏻西多士今次唔落糖漿，叫佢比練奶😱😱又係一個prefect match😋😋食到我lam lam 利。而且佢地好有心，員工有制服，有自己Logo, 而個logo 係有設計過架，雖然有啲似transformer既logo🤣

呢個就係餐廳個餐牌，D價錢相比以前起碼都加左$7-8。加幅相當厲害，加上當中食物的份量少之有少。個老闆食水相當之深，下次都係不再光顧有多嫁喇。呢個就係早餐時段食既，份量相當之少就收人地$30。我覺得有點過份，個麵包就衰在太多牛油而有點肥膩既感覺。而果兩隻煎蛋🍳我就叫佢地全熟既，不過味道就有點太淡了。不適合香港🇭🇰人既口味。加上個火腿通粉個重點來喇！個湯就好重味精，份量少到同飯碗冇咩分別。下次都不建議再光顧，奶茶就茶精太重，唔夠滑嚴重地影響口感。成份早餐🥣整體來看都唔合格，下次不會再來。88

兒時成日去威利華餐廳食TEA,今日無啦啦又想重拾那些年既回億所以就約左舊同學一起去食個TEA吹下水入到去同以前都係一樣望下個餐牌先,其實都係做下樣....未入去已經知要食咩野,只係扮下野都要望一望今日叫左兩個美味下午茶市餐法蘭西多士+熱奶茶同埋炸雞脾+熱檸水法蘭西多士--都算唔錯,唔會過左火..過左火個D係會燶食落怪怪,但如果唔夠時間又會唔香口,所以西多士都算好難整得好食...熱辣辣加牛油加糖油漿就係咁完成,幾好食熱奶茶--唔會鞋口都算OK炸雞脾--個人喜愛食,覺得炸既時間都係丫丫好,不過要挑既係隻脾好細隻, 好快無晒,薯條都夠脆OK既熱檸水--正常野.所以都唔多講

小時候住在柴灣，現在久不久也會回來。威利華在柴灣已經很久了，年年月月經過這麼多風浪屹立不倒，裝修也沒有太大的變化。對於這地區來說，可算是一間很經典的茶餐廳。不知大家知不知道以前他們晚上會供應鐵板扒餐。不過現在已經沒有了。可能柴灣茶餐廳的選擇不多，今天早上十點來到差不多全場滿座。侍應也很勤快，我也很快地點了餐。不消一會牛扒已經遞上。牛扒餐($31) - 多士烘得脆脆的，不太乾。正常煎蛋。牛扒醃製過，不過放牛扒的汁咸了一點。其實不放汁已很夠味。不過還是喜歡這裏的煎牛扒的鑊氣多過大家樂。奶茶入口可以，奶可以放少一點，嫌它不是太夠熱。下次再來的時候，再為大家介紹我一個常點的午餐。

2017年第一餐，想住同男友求其係附近食d野，懶得行，成日都見呢間野好多人係門口等位，以為OK，點知係一個中伏既開始。入到去，好快有位，見到果下午茶Menu冇乜得選，事旦左果炸雞脾下午茶餐 $28，一上枱，睇落好似炸得好正咁，我仲幫隻雞脾影左張好靚既相，想住同大家Sharing，點知一拎起成攤血係雞脾底，叫姐姐換，姐姐都好好人幫我換。點鬼知，之後拎黎果碟，有幾條薯條沾到d雞血，（大佬呀，你唔換就咪鬼換喇，整得呢樣黎，果樣又唔食得）。而且翻炸雞脾又乾又硬，食落味道仲偏咸，我相信都係只此一次，其實都唔明點解呢間野成日都坐到爆晒，又唔係特別好食 & 平，唔會再幫襯。

週末到柴灣聽講座，事前在附近吃早餐。餐廳網評頗佳，格局是甚古舊的港式茶餐廳，環境衛生情況一般。食品方面與一般茶餐廳無異，唯一奇怪是麵餐竟然不連飲品？！筆者的餐肉煎蛋賣相普通，平日的做法多是以餐肉粒炒蛋，以原塊餐肉製作很少見，以有汁的餐肉炒蛋更加少之又少。説實話，這種做法有點怪怪，餐肉食味偏鹹亦不太欣賞。這碟牛油多士是兩份早餐的份量，從麵包大小不一的外觀來說，認真度可見一斑。熱咖啡普通。

茶餐廳比較少碰到湯飯就算有，大多都要鴨腿湯飯清湯牛腩飯，用上爽腩切成細件配以芹菜，冬菜，白蘿蔔湯底呈乳白色，味濃有蘿蔔清香牛腩夠焾且入味可惜的是湯底太鹹，浪廢了

多年前曾去過, 食物很不錯.事隔多年與家母再去, 水準仍在.多士, 乾炒牛河 仍然非常好吃.多士送來還是暖暖的, 乾炒牛河 不油不膩.店鋪雖不大, 但長期還是很多人去吃飯, 證明水準真的不錯.價錢也是很大眾化.

又到左下午茶嘅時候啦。今次呢我就揀左去一間開業已久嘅茶餐廳食tea。雖然內裏裝修已經非常殘舊，但就彷彿充滿住人情味。每次嚟我都一定會嗌炸雞脾，薯條跟熱朱，今次都唔例外。佢嘅炸雞脾其實真係好好食，啱啱炸完就上碟，熱辣辣咁好香口。雖然佢係炸嘅，但就唔會食到成口都係油，雞肉亦係好嫩，唔會話老曬，而個重點就係佢每隻雞脾都好大隻嫁！薯條方面就算不過不失，份量就唔算太多啦，不過茶餐嚟講都算係咁啦。熱朱味道濃郁，明顯有落夠朱古力粉，唔似得其他餐廳。總括嚟講都好值得推介嘅。