娜吧

營業中

休息中

今日和同事剛在炮台山AlA Tower見完客，大家都想坐低飲杯嘢輕鬆吓，行吓行吓見到Akinna Bar， 就呢間啦！餐廳面積不算很大，但裝修頗有特色，座位也很舒適，一天辛勞過後總算可以放鬆一下。娜吧除了有多款佐酒小食和特色美食外，還有獨創拉麵，原來老闆兼大厨曾於本港首間獲米芝蓮一星的拉麵店任職，盡得真傳，一定要試下呢度嘅拉麵。Lady's Punch$90~由Vodka, Gin酒，Cranberry 和檸汁製成，微酸，酒味不算濃，非常清新。可倫堡1664 Draft beer$88~泡沫濃厚，酒味香甜清新，口感順滑細腻，冰凉清爽！迷你葱肉小煎包$88~小煎包表面煎得香脆，裏面除了充滿豬肉碎和葱碎外，還有滿滿的湯汁，一咬下去肉汁四射，鮮甜美味，好正！黑椒香煎牛肋骨$128~牛肋骨牛味非常香濃，肉質軟腍中帶咬口，肉汁豐富，加上大量的pepper, 辣辣的十分惹味。日本沾麵$128~第一次食沾麵，食的方法有些像中國的撈麵，濶麵和湯汁分開，再隨自己喜好把麵條浸入湯汁食用。湯底十分濃稠，甜中帶鮮香，原來湯底用上高質鰹魚粉，再加上大量雞隻熬成上湯，再以機器打滑，最後加入肉碎，紫菜等配料，所以味

北角宏安道原來係一條食街成條街都有唔同嘅美食今晚比呢間行酒吧風格嘅餐廳吸引咗原來除咗酒吧之外佢都會提供唔少日式食品呢度嘅拉麵更加係私心推介老闆娘話佢嘅廚師係之前米芝蓮餐廳煮拉麵😬首先上嘅係自家炸嘅蝦片🦐超好食 脆卜卜 唔係一般來貨嘅貨色自家製黑豚叉燒拉麵🍜呢個係近期食過最好食嘅豚肉拉麵老闆娘話連叉燒都係佢哋自己親手整全部都係心機 來貨完全冇得比豚肉肥瘦均勻 十分入味湯底超濃厚 豬骨味好濃郁🐷糖心蛋仍然係流心狀態 蛋黃好甜日式沾麵🍝沾麵係用冰鎮 盤底下面仲放有乾冰 加水就會出煙沾麵加有三文魚刺身 紫菜絲 蟹柳絲沾麵汁係木魚 十分濃厚呢款沾麵出面完全冇食過 而且打卡一流📸唐揚炸雞🐥炸得香脆 送啤酒一流🍻

位於北角既酒吧餐廳，未入嚟之前以為係食西餐，仔細睇餐牌先知原來係食拉麵，啱晒收工落嚟chill~ 餐廳既裝潢好有特色，坐唔同既位置都好適合打卡。自家製黑豚叉燒拉麵叉燒既外層甘香，入口即溶🤩，最鐘意呢款口感既叉燒。湯底係自家烹調，無落任何味精，味道濃郁得嚟又唔會覺得好heavy 。拉麵軟硬度適中。成碗拉麵每個細節位都做得好出色，好有心思，就算係坊間既拉麵店都唔一定煮到呢個水準。日式沾麵果然係打卡之選既沾麵，上菜果下有股騰雲駕霧既氣勢，吸引埋隔離枱既目光😂。來自台灣既麵底嫩滑彈牙，再沾上厚身濃郁既湯底，冷熱交融既口感真係無得輸。

轉彎，直望， 見到很多人企喺門口， 就已經知道我哋已經到左酒吧啦雖說是酒吧， 但除了酒和佐酒小吃外，這裏也有一樣估佢唔到的美食， 就係拉～～麵～～剛坐下，店員便奉上蝦餅、開心果和芥末豆， 還有新登場的炸日式鱈魚豆腐(跟拉麵加$30)，吃拉麵之前先吃吃小食，感受下酒吧嘅氣氛，人山人海，有霓虹燈的裝飾， 天花還掛上一隻小型飛機， 很有氣氛， 四點至八點半是happy hour，怪不得吸引了不少剛收工的打工仔同三五知己嚟摸酒杯底餐廳的職員也十分熱情，很詳細介紹餐廳提供的食物和酒，據說是兩母女合作經營，特別有人情味更特別的是餐廳的主廚曾經在米芝蓮一星拉麵店工作， 所以說這裏有隱世高質拉麵一點也不花假， 新登場魚介沾麵($128)仙氣飄飄出現， 十分夢幻，拉麵是類似刀削麵的闊麵， 非常掛汁，湯有很濃的鰹魚味，配數件三文魚刺身，最特別的是拉麵本身是冷麵， 口感彈牙，掛上熱湯卻十分配搭，更減去一般沾麵比較heavy比較膩的感覺還有自家製黑豚叉燒拉麵($98)， 湯底濃郁，配大大片自家紮的叉燒，拉麵限量20碗，要食好嘢就要快啦 ~

今天在AIA大厦開完會，和朋友在大厦地下的Akinna Bar and Restaurant午膳。趕時間想吃簡單點。見到這酒吧餐廳竟然有拉麵供應，而且環境不錯，便入內試下。午餐有獨創大蜆拉麵，辛辣豬潤拉麵，大蝦海鮮拉麵，自家製黑䐁义燒拉麵，牛肉烏冬等。拉麵和烏冬加錢可拼小食如唐揚炸雞，日式炸紫菜蝦球等。此外，還有廚師強烈排介的日式沾麵。我們叫了自家製黑䐁义燒拉麵，日式沾麵和小食日式鱈魚豆腐分享。黑䐁义燒拉麵($98)很有水準。拉麵的湯香濃，黑䐁义燒厚厚兩大片，吃入口香滑有肉味，肥瘦得宜，好正。還有肉碎好足料。拉麵彈牙有口感。糖心蛋有蛋味。紫菜和葱白不錯。雖然是酒吧餐廳，拉麵質素出奇地好，原來廚司做過米芝蓮店。廚師強力推介的日式沾麵果然打卡一流，味道也好。沾麵的熱湯汁由鏗魚粉，上湯和肉碎調製而成，裝在一個美麗的湯碗內。麵放在另一隻碟內的竹墊上，竹墊下是冒煙的乾冰，麵上有三文魚，蟹柳和紫菜，還有裝飾用的花，擺設有創意，好有詩意。凍的拉麵沾滿鏗魚湯汁吃，清新可口，值得一試。現在推廣期128元有88折。小食日式鱈魚豆腐($30)一份4粒，魚肉彈牙可口，不錯。店提供日本綠茶，好飲。店裝修有玩味，

呢間酒吧幾得意，因為佢地既外表完全係一間酒吧，但佢地既主打食物係拉麵，你冇睇錯，就係日式拉麵。 入到去見到唔少精心佈置，特別係牆上既｢你有故事我有酒｣霓虹燈，立刻有一種江湖味泛起。打開菜單見到有好多主食同小食，主打都係日式類別，好有fusion感覺。 點菜時老闆娘都好熱情介紹佢地既出品，原來佢地既廚師出身自全球第一間米芝蓮一星拉麵MIST，所以我地都無慮即決叫咗1碗招牌叉燒拉麵同新出既海鮮沾麵。 係主菜黎之前就食返d小食同飲杯啤酒先，唐揚雞肉質鮮嫩，雞味好夠，配搭1664啱啱好。 第一碗黎既係叉燒拉麵，溏心蛋浮係叉燒上面，加埋各式配料，令到成個賣相已經攞滿分。湯黑蒜油味好重，同湯底夾埋已經好吸引。 叉燒肥瘦適中，燒得好香好熟爛，拉麵好幼身，浸係湯匙中一啖食哂最完美。份量都算幾充足，可能方便人食完就繼續飲酒，呢個麵量打底後相信會千杯不醉。 沾麵上檯時非常搶眼，原來係有乾冰放底，煙氣一直噴出，絕對係打卡首選。沾麵既麵底好有趣，應該係台灣既闊條關廟麵，唔少拌麵都會選用，因為貪佢掛汁能力好高，用係沾麵上真係神來之筆。沾麵湯汁好濃郁有料，每啖麵都掛上咗滿滿既材料，闊條麵好處就係好煙韌，而且經過乾

係友邦廣場附近接朋友收工，見到間裝修別緻既酒吧，竟然有拉麵食，而且仲做緊88折優惠🤩，機會黎啦，唔係唔去食呀？ 聽老闆娘講，之前只開晚市，係疫情期間拎左牌就做埋午市生意，呢到既拉麵係由一位曾任職米芝蓮店既廚師整既，聽落好吸引好想食😋 🔸️廚師強烈推介，日式沾麵  （打卡必試）呢個餐牌上係冇既，要睇後面黑板先會見到，亦都係店員大力推薦既，呢個沾麵同出面既有分別，佢係會用冰凍住，上到枱係會出煙既，真係好適合打卡📸面頭有蟹柳絲，紫菜絲，三文魚絲，當然唔少得糖心蛋，湯底非常之濃郁，每條麵都能夠掛上湯汁，必試😋 🔸️自家制黑豚叉燒拉麵 🍜呢個湯麵主力有叉燒，糖心蛋，仲有些配菜，叉燒係自家制，肥瘦適中，完全唔韌，濃底都係自己淆製，濃郁入味

位於新會道的創作麵店十年前關門後一直念念不忘，聞說當年的師傅在跟太太在我家附近重操故業，立刻前來一試集酒吧及餐廳於一身，以老闆娘娜姐命名！半開放式的裝修很有格調甫就座娜姐便送上免費的佐酒小食除了一般的花生果仁外，更有配甜酸醬的蝦片最近不能喝酒，娜姐細心地介紹這裡的養生茶，養胃潤肺想來一杯冰凍的可以要汽水獨創大蜆拉麵湯底用木魚花及昆布熬煮而成，再加入新鮮大蜆，入口清新，湯底不會死鹹而帶有蜆肉鮮甜味餐廳最新推出的自家製黑豚叉燒沾麵，叉燒選用黑豚腩肉卷製而成，入口即化，肥瘦分明甘香雞泡魚乾散發濃濃魚香，嘴嚼時口感外脆內軟，口腔充滿清香油脂

第一次去時是在舊舖，老闆娘話會搬去隔離街，过後再去巳是新店，位置明顯及方便很多，裝修很有格調，喜歡它半開放式，還有那句“你有故事我有酒“，令我有深刻印象！老闆娘和員工的親切招待，有賓至如歸感覺，所以有很多熟客回來，值得捧場呢！

放假無野攪，朋友約去天后既酒吧傾計。間酒吧既裝潢都幾靚。燈光同顏色都配答得幾好。我幾鐘意個霓虹燈既裝飾！一開頭叫左三杯啤酒同一盤下酒小食風化火腿同芝士肉腸本身淨係諗住飲杯野坐低傾下計就算。三人吹左半日水，但傾傾下見肚餓，見隔離台食拉麵，經老闆娘介紹先知原來店內個廚師係曾經攞過米芝蓮店既大廚黎，煮藝了得。咁講一講當然要一試，就叫左佢地推介三款拉麵。肥牛拉麵食拉麵個湯底好緊要，老闆娘話個湯底係有大廚每日用成差唔多十種既材料同豬既唔同既骨頭去泡制，湯頭真係起哂膠。肥牛半牛熟好有食越南粉既感覺。湯底既調味適中唔會太咸太淡。黑豚花膠叉燒拉麵$138(特盛)個叉燒真係無得輸，半肥瘦得黎肉質鮮嫩，油脂甘香，唔會切得太厚，果然有水準！加埋花膠，溏心蛋，正！特色沙爹復艷豬潤拉麵$78依個拉麵有些少辣，個豬潤好粉好味，辣椒辣得好過隱，食到留哂大汗！總結真係估唔到一間酒吧竟然會有如此出色既拉麵。店舖既裝潢環境，同擺設都非常有心，講究。食物既質素非常好，用料亦都好新鮮。老闆娘既服務態度非常懇切，亦間唔中都會黎傾下計。我朋友第二次黎佢都記得。雖然店舖空間唔大，但咁先家的感覺！有人情味既酒吧，值得番轉頭！黎到除左

北角呢間娜吧新開張左一排我幾乎每星期放工都去食一次。呢邊咁多酒吧，我係最愛呢間，主要係因為d食物非常高質，比一般餐廳還要好！第一次入到去，老闆娘已經好好招呼，知我有兩聲咳，比左杯溫水我，好貼心野食方面，餐廳老闆係八年前全港第一間米芝蓮一星日本食店既骨幹。我點了招牌自家制黑豚叉燒拉麵(細)。擁有獨家秘方，選用黑豚腩肉卷製成。叉燒比一般既叉燒厚身，其鬆化程度食得出係經過二十幾個鐘頭慢煮先有入口既溶既效果。麵條方面，十分彈牙有咬口，湯底非常掛湯，又非常稠結，老板話大廚用左豬筒骨用咗超過二十個鐘熬制。骨膠源十足！Zoom 近睇下d肥美可口的叉燒另外朋友叫左大蜆拉麵，因為大蜆拉麵的湯底又有所不同，湯底是用每日新鮮來貨嘅大蜆加上木魚花、昆布，入口會比較清新潤滑。呢款湯底分開上。非常有儀式感酒類方面娜吧有53款不同的酒類。今次係飲佢地既黑啤，份量夠晒大總結，呢間bar 係一間好適合傾計，輕食熟食都一流既食店，仲有好多細節位都係會加分。d碗碗碟碟，d霓虹燈既裝飾，連杯墊都有特別設計過。Chill 得黎老闆娘超級nice , 好有心，會記住每一位顧客，一定會成日黎！

炮台山站既橫巷有間裝修別具特色，以飛機為主題既家庭酒吧—娜吧每次返完工，想放鬆下個人，沉醉下係酒精世界入面既時候都會想黎喱度。娜吧同其他酒吧唔同，因為家庭式經營，所以佢既老闆同老闆娘都好在意客人既感受，啲位好無坐，新入既手工啤喜唔喜歡，同你傾下裝飾呀，環境呀好多好多水吹，仲可以同班年輕人打成一片。酒吧多數既係附近啲酒店外籍客，仲有好多好似我喱啲上班一族咁，放左工去飲杯野吹下水。咁當然啦，除左人情味同環境，一間酒吧最重要係佢既酒同小食，小食方面有種手打雞肉丸同牛仔骨真係每次黎都必點，係我人生中食過最好食既雞肉丸，沒有之一。酒類既，因為小弟每次飲既都係生啤唔能夠多加評論，但眼見老闆娘每次都會主動提供兩款nuts 同蝦片你食，仲周不時會好慷慨咁請啲客飲芝華士，威士忌之類既...剩係離遠都聞到個種醇香...其實如果對依方面有要求既人其實都可以去試下，真係唔錯。要講既係咁多，畢竟靚女老闆娘既熱情實在值得係依個平台上得到多點讚許，希望各位都多多支持依間有酒店級數，令你賓至如歸既平民家庭式酒吧。