媽咪雞蛋仔 (已搬遷) 新店位置

外賣8/10外表8/10味道8/10內裡鬆軟，內裡充滿了紫薯和番薯餡料，番薯味濃些。另外記得等候時間要5-6分鐘。另外好評：職員是男生長長的頭髮，說話溫文有禮。建議：但我認為應叫職員吹冷一點會脆些。

今日天氣十分熱，去到午飯時間都仲未感到肚餓，所以周圍行下行下，睇吓有咩吸引到我去食。行咗好耐，都係想食d輕食，所以走去買雞蛋仔，頂下肚就算。今次試下綠茶紅豆味，等咗5分鐘，熱辣辣，好香，拿上手比一般重，好明顯係足料，唔係勁溝粉個d。食落好有綠茶味，入面有大粒紅豆，唔係空心嘅！扺讚！

唔好以為出名就一定好食，有時候真係唔及街邊檔睇住啲公公婆婆响你面前整咁原汁原味，風味十足！都試過好幾次，今次買咗原味雞蛋仔，食唔到外脆內軟嘅感覺，亦冇蛋味。格仔餅，一味得個甜字同埋滿瀉嘅醬料，多到成塊格仔餅淋哂，成隻手泣哂👎🏻 食完仲要灌咗成支水🙊 由於格仔餅都幾大塊，所以同朋友仔share，我要求切開一半分兩個袋裝，點知個收銀姐姐竟然比咗個超唔Like，嚴我麻煩嘅咀臉我。嘜分兩個袋真係咁辛苦你嗎？😡

每次經過必食的媽咪雞蛋仔期間限定呢三款新口味，太創新，唔係吸引我既口味。最後決定要粒粒朱古力雞蛋仔。等左太概十分鐘就有，即製，再要吹一陣風扇先可以令佢外面脆口，吹完先會交俾客人！一聞之下已經好香蛋味，粒粒雞蛋仔都充滿朱古力，又脆又唔太甜，口感味道一流，途經必食之選

岩岩食完夾餅之後唔好比佢停, 去左好多野食既民泰制一帶, 見到媽咪雞蛋仔, 又心郁郁整返一底!次次黎都大排長籠, 等左15分鐘左加終於等到喇!我唔敢講佢雞蛋仔係全港最好食, 不過呢一底粒粒朱古力雞蛋仔就好岩我心水, 每一粒雞蛋仔入面除左充滿蛋香既味道之餘, 仲有好多半溶狀態既朱古力粒,正呀, 而且唔會好甜, 我一個人都可以清到一底聽友人講以前d粒粒朱古力仲多, 而家少左, 同埋愈來愈貴 唔知係唔係呢?

紅磡出名的食店有很多，出名的小食就很多。本來想找找另一出名的小食，剛巧路經媽咪雞蛋仔，也就想也不想，光顧一下。食店用的是流水作業式，一位店員負責收錢，另一位店員負責出食品。裡頭還看到一些店員在努力的製作雞蛋仔和飛碟。價錢在十多元至二十多元之間，不算太貴。雞蛋仔是街頭小吃，很多人包括筆者在內，記憶裡的雞蛋仔可能都同兒時回憶有關。小時候，看見小販伯伯在一邊加炭燒雞蛋仔，一邊收錢，可能沒有太強的衛生意識。比著現在可能沒人敢幫襯了。所以這家小食店也開始趕上了潮流，除了現金，還能使用八達通付款。而且收錢的和製作食物的都不是同一人，感覺衛生很多。而且店外可以看到製作情況，但又有玻璃隔著，一種很貼心又衛生的設計。叫了一個朱古力雞蛋仔，好不容易等到出餐了。那微燶的邊是浪子的最愛，一種淡淡的炭火，夾雜著高溫，有著一種母親的溫暖。我一邊等候，一邊在思考，"媽咪"這兩個字作為店名是否就是這個緣由?雞蛋仔的外皮是脆，內裡的是朱古力醬做成的內涵，一股香濃的朱古力甜味就在口腔裡爆發出來。才不過十多元的雞蛋仔竟然有著這種味道、才不過是平凡食材配搭成而的雞蛋仔竟然有著這這拿著就能隨便走在街上吃的小食確實是一種經得起時

因為住HALL, 所以成日都會係紅磡食野, 而呢間媽咪雞蛋仔就係我暫時覺得最好味既一間雖然成日都要排隊, 要等上幾分鐘, 但呢度既雞蛋仔永遠熱啦啦, 好香脆, 外脆內軟~~ 所以我寧願等下, 食好野係值得等待既~~~我點了個朱古力雞蛋仔... 拿上手, 已經係熱啦啦香噴噴既感覺; 一咬開, 朱古力溶到成粒雞蛋仔都係, 好香朱古力味~  加上雞蛋仔外層鬆脆的口感, 好好味呀, 真係會食完一粒再一粒咁食

好掛住媽咪雞蛋仔呀。以前佢喺舊舖放lunch 會去買泥食。我走左之後間中入紅磡都特登去食架。不過上次就撞啱佢唔知維修d 咩所以唔做生意。今次中午十二時想買都未開，好在做完野再泥就開左。開心晒。好想試紫薯味不過冇左，有d想試抹茶紅豆但通常都冇乜綠茶味，所以都係食番曾經覺得驚為天人的朱古力味。印象中以前雞蛋仔的朱古力識流心，而家佢只係普通的朱古力雞蛋仔。不過，真係脆同真係好多朱古力，冇偷工減料都算抵讚架啦！

新出金沙醬朱古力味夾餅既媽咪雞蛋仔,金沙醬感覺好新鮮! 可見係好有心創新!咬落好鬆好脆! 而且好有口感!有金沙味之餘又有D Crunchy 既金沙粒粒! 會再Encore!

好耐之前已經聽過媽咪雞蛋仔的大名，今日特登去紅磡總店幫襯，我揀左朱古力雞蛋仔，由於好多人排隊，所以我由排隊到拎到雞蛋仔都用左20分鐘雞蛋仔整得好靚，而且非常香，烘得外面微脆，而且唔會係坊間果啲空心雞蛋仔，粒粒都好飽滿，每粒雞蛋仔入面都有朱古力碎，朱古力同雞蛋仔味道好夾，而且唔會好甜，好食呀

原本見到好多人講個蜜糖雞蛋仔，係放假就好想去試，但見落左咁多日雨，終於見到太陽，就心郁郁想坐下船，所以就決定係北角坐去紅磡喇～紅磡多野食就出哂名架喇，但係食左野既關係，只可以食到小食，所以就搵左雞蛋仔喇～選呢間既原因就係因為佢有一個碎朱古力雞蛋仔，身為朱古力粉絲既我，點可以唔試呢～一行過去叫，老闆話要等25分鐘。由於我本住好食既野係要等，同埋一場黎到無理由唔試既心態，所以就決定左等下喇～周圍行完返黎岩岩有得拎，就緊係相機食先喇～一聞好大陣朱古力味，一摵開見到有溶左既朱古力碎係入面喇！我覺得一半一半既雞蛋仔係最好食既，脆得黎，又唔會好似食風咁。個心滿哂既，食完又會好飽喎。但個雞蛋仔唔係有太大驚喜，可能因為唔係好多地方有朱古力雞蛋仔，所以期望太高。而呢個雞蛋仔朱古力味係重的，唔係好甜，食完係好漏既感覺。個皮好脆，但蛋味唔太岀。整體：二十幾蚊，都算係差不多，一般雞蛋仔都要十八蚊以上。下次黎我會想試下其他口味，應該唔會再食朱古力味嚕～

媽咪!!!!!!!!!!唔好以為係食面，係食雞蛋仔既!之前一直都係食朱古力味既，但今次見佢新出新口味咁就一於試下新野，抹茶朱古力味!外皮非常鬆脆，只要唔好焗住佢，過10分鐘都仍然好脆。而蛋入面依然鬆軟，一半蛋糕一半朱古力抹茶醬，口感特別。最可惜抹茶味道同朱古力不太河蟹。抹茶香味有d淡，苦味較重，而主要其實都係朱古力味。我唔能夠一口咬定抹茶朱古力味唔好食，但我肯肯定如果只有朱古力味應該較好食。

甚少到紅磡逛街的我, 今天我們就為了覓食來到了紅磡與黃埔一帶。由於我們都吃了正餐, 知道附近有一條民泰街專有好東西吃! 因此就來"Openrice" search一search發現有間好出名的"媽咪雞蛋仔", 於是馬上前往。來到門口的時侯已經有好多人等緊, 有大人、小朋友、年青人、老人家, 果然雞蛋仔是大人小孩的最愛 。先在門口位置看一看有什麼款式選擇有原味、粒粒朱古力味(出名招牌款)、白芝麻味、紫薯蕃薯味, 以上款式統統都是一大張餐牌及有圖片介紹。而另一邊廂, 於收銀處前則有少文字的介紹另一些口味, 如綠茶紅豆、芝士味等等, 其中芝士味需要高達$30。  回想起, 以前放學媽媽買雞蛋仔給我吃的年代, 雖然沒有太多口味, 但是單單是原味已經可以令另我開心一整天, 當時大概只需要$10一底, 時至今日雞蛋仔有不同口味, 某些味道更高達$30 , 真是時光飛逝的印證。  近期甜品介打得最火熱的口味, 當然是逃不出"紫薯風"吧!  雪糕、車輪餅、面包、蛋糕西餅、蛋撻等等數之不盡的款式都可以以紫薯味推出, 當然我本來就很喜歡紫薯及蕃薯,因此就選擇了"媽咪雞蛋仔"內最新推出的口味"紫薯蕃薯

呢間人氣雞蛋仔即使平日，都吸引不少人客光顧。今次我就特登試下,我選了朱古力味，外面微脆，內有少許蛋糕，而蛋糕幾煙韌脆口,熱辣辣、香噴噴、粒粒都烘得飽滿金黃色，唔會太空心。朱古力溶係每粒雞蛋仔入面，朱古力唔算多，但食得多就會覺得好甜,價錢又唔貴,所以成日排隊

Tasty Tasty Tasty. There's a reason that there's always long lines outside this establishment. I don't eat sweet items often so if I do, it typically has be done right. There are a ton of places that make these bad boys but often more times than not, they come out either too dry or too soft. Mammy pancakes makes them perfect, crispy on the outside and soft and fluffy on the inside. They make the food right away so try to come here during less peak times, because it does take a while for them to