孖啡

營業中

休息中

同朋友補祝生日，知道佢鐘意食西餐及至愛甜品又想去啲靚靚地嘅cafe打下卡，帶佢黎‘’孖啡‘’最好不過，可以一次過滿足晒佢要求。朋友話最近訓得唔係太好，所以叫左個玫瑰花、洋甘菊花茶，可以鬆弛神經，幫助入睡。我就要左個紅莓水果茶，其實之前已經試過覺得紅莓味道突出，非常香甜。除左紅莓果茶外，軟殼蟹黑松露意大利粉也是可以返點之選。軟殼蟹大大隻炸到脆脆卜卜而不油膩，意粉充滿著黑松露味道，好香濃。牛肝菌帆立貝野菌意大利飯帆立貝同樣份量十足，有3粒，每粒都脹卜卜非常飽滿，意大利飯粒粒分明。最值得讚係朱古力心太軟外脆內軟，朱古力勁流心，一口熱辣辣朱古力再加上一口冰凍雲呢拿雪糕，幸福感即時飆升。芝士蛋糕亦唔差，芝士味濃郁，蛋糕軟綿綿。

明太子海蝦意大利粉好好食，意粉軟硬度適中，海蝦有5-6隻，都幾大隻，肉質彈牙。另外，叫左個軟殼蟹黑松露意大利粉，原隻軟殼蟹炸得好香脆，配埋濃郁既黑松露醬，味道不錯。整體而言，份量好足，食物質素幾好，仲有好多Board Game 玩，抵食

✨ 孖啡 (旺角) ✨📍旺角彌敦道577號高氏大樓4樓第一次嚟呢間Cafe食！環境寬敞座位舒適非常有空間感 唔使驚隔籬枱會聽到你講嘢 Cafe可以坐好耐同朋友傾偈 幾啱我今次同外國返嚟嘅朋友聚會 套餐非常之抵食 今次試咗以下呢兩款🔸 香蒜白酒蜆意大利粉套餐更柚子蜜意粉軟硬度煮得啱啱好 配料海鮮蜆嘅份量非常之多 加加埋埋有成二十幾隻 完全冇偷工減料 性價比好高 🔸 煙三文魚意大利烘包配薯條套餐跟生薑蜜呢個套餐除咗薯條亦都有沙律俾我哋做配菜 可以中和薯條嘅油膩 主菜煙三文魚意大利包亦都配有青瓜蕃茄同埋生菜 配合三文魚一齊食非常清新 🔸龍蝦湯我哋見套餐加$28就有一個龍蝦湯就叫咗嚟試 飲落非常之Creamy 兩個人叫咗兩個套餐 總共有兩個主食、兩個嘢飲同一個龍蝦湯加埋$300有找！性價比好高！

今天中午，我和太太到位於旺角彌敦道的孖啡餐廳享用午餐。我們點了龍虾湯、煙三文魚牛角酥、吞拿魚天使麵、煙肉意粉和香蕉奶昔。餐廳充滿著優雅的氛圍，裝潢精緻，讓人感到舒適愉悅。服務生用著溫和的笑容迎接我們，讓我們感到賓至如歸。先來的是龍虾湯，濃郁的湯汁散發著龍蝦的香氣，讓人食指大動。煙三文魚牛角酥外脆內軟，配上酥脆的牛角酥，口感讓人愛不釋手。接著是吞拿魚天使麵，麵條Q彈，配上新鮮的吞拿魚，清爽可口。煙肉意粉則帶有微微的煙燻味，入口滑嫩。最後，香蕉奶昔濃郁香甜，給我們帶來甜蜜的滋味。這頓午餐不僅讓我們享受了美食，也讓我們度過了一個愉快的時光。在這典雅的餐廳裡，我們共度了一段美好的時光，這是一次難忘的用餐體驗。

孖啡唔單止有好食嘅嘢🥰仲可以坐低同朋友仔一齊玩board game🤩簡直係又食又拎🤪-🍳65度溫泉蛋卡邦尼煙肉意大利麵 $122卡邦尼意粉做法好簡單，但係要整得好食就好困難🤪孖啡呢個就完美配合溫泉蛋香同埋煙肉芝士嘅咸香💯-🦐明太子海蝦意大利粉 $136意粉吸收咗明太子同海蝦嘅風味🥹味道口感，簡直跟上一層樓🧱-🦞龍蝦湯 $28加配龍蝦湯好濃郁😋一啖接一啖停唔到口-🍓🍌士多啤梨/香蕉奶昔 $52奶昔唔會係死甜🤪口感順滑

👍🏻樓上 cafe，地點方便，近旺角家樂商場。唐樓真係有另一番味道，好欣賞佢個半圓形玻璃，黃昏時間去到，自然光射入一大片玻璃內，果一刻有城市中嘅綠洲嘅感覺，而且可以坐喺好舒服嘅卡位玩 board games。又可以望住旺角街景食嘢。晚上霓虹燈五光十色，旺角日與夜嘅街景真係好靚，好有懷舊feel。魚柳意大利烘包魚柳炸得好脆口，夾住又大片又厚身嘅青瓜同番茄，同好新鮮嘅沙律菜又，咬落去味道好豐富。而薯條都炸得好香口。整體分量都幾大份。白酒忌廉煮藍青口青口肉質唔錯，而且好掛汁，白酒忌廉 好rich，雖然唔係好大隻，但係數量有成一打心太軟 配雪糕心太軟 好流心，就咁食朱古力味香濃，配雪糕食另一番滋味。Hot Rose latte拉花同埋玫瑰花瓣裝飾好靚，見到都用餐愉快。Latte 味道啱我、唔錯。

旺角區有好多cafe，想搵間舒服有好野食又可以同朋友吹下水於是就決定嚟依度而且依度仲開到好晏唔洗擔心要趕住走MENU SET包一杯$38飲品(超額需補差價)65°C溫泉蛋卡邦尼煙肉意大利粉 嘢飲選擇好多，而且仲有啲好特別好得意嘅名~跟餐嘢飲係拖肥朱古力 意粉好食! 份量都好足料朱古力有好多cream好開心唔會太甜 然後係主菜區度見到好吸引嘅嘢，於是就決定嗌BBQ烤豬仔骨配薯條 比想像中再大份啲!!上枱時仲熱焫焫，切開果陣仲出緊煙超好食!! 醬汁係番茄汁加上小小黑椒肉質都好嫩，好易入口，加埋醬汁一齊食好夾係底嘅薯條炸都好香脆而且仲有小小沙律菜做伴碟令到食嘅時間唔會太膩是日MVP!! 其實小食區都好吸引，好多種類，不過驚食唔晒於是就無嗌因為我地仲跟餐加咗個牛角窩失伴雪糕 (跟餐價+$42) 賣相好靚本身已經好中意牛角窩夫個份量都唔少，但兩個人一齊食就啱啱好 因為個甜品好靚我咃影相打卡都用咗啲時間~但食果陣依然仲係熱焫焴香噴噴雪糕係雲呢拿味~好好食啊！中意食甜品嘅人一定要試下

今日放咗工之後，響旺角行街，想搵一間Cafe坐低慢慢食飯，又可以玩遊戲嘅地方，然後上網搜尋，就比我搵到呢一間響油麻地附近嘅Cafe，油麻地地鐵站行一至2分鐘，就會搵到呢間餐廳，非常方便，覺得真係好好食，服務質素又高，使唔使瞓啦非常好，有賓至如歸的感覺，真係十分讚啦，好適合一家大細，或者朋友你傾偈食飯嘅地方，仲可以玩，又有得食有得玩就好真係好體貼啊，所以一定要推介啲朋友❤️❤️❤️首先我非常推介佢哋嘅卡邦尼意粉，出面都食唔到咁好食嘅卡邦尼意粉，因為佢哋嘅醬汁非常調配得入味，而且個溫泉蛋，真係賣相好靚，好好食，請一個月後可以瞓到11樓啊，全部積極的整，非常新鮮，個意粉真係好入味，食完就愛上咗了，而且飲品都好多選擇我叫咗個榛子朱古力，佢朱古力都有好多款，特濃朱古力，薄荷朱古力等等，任君選擇，所以一定有啱你嘅款式

同朋友黎cafe 叫咗2個tea set ～ 呢到仲有Broad games 可以俾你玩😍 ❣芝士蛋糕：芝士蛋糕質地柔軟綿密, 口感順滑, 入口即化! 芝士味濃旭, 散著芝士香氣。甜度適中，唔會太膩，搭配咖啡或茶飲一流！ ❣ 三文魚牛角酥配沙律菜：三文魚鮮嫩肉質，牛角酥黃金色勁酥脆！ 沙律菜鮮新鮮, 爽口。❣焦糖咖啡：焦糖咖啡結合咗濃縮咖啡和香甜的焦糖。入口時,感受到咖啡既濃郁, 跟著焦糖既香甜慢慢散出黎! 好香既咖啡😍❣熱藍莓果茶：茶既口感柔但而唔會甜膩, 味道少少微酸～好清新！唔單止解渴, 仲令身體好暖和～ 慢慢品嚐👍🏻

上週六晚，我同男友簡左間位於旺角一家樓上cafe。 我地2個人點左兩份套餐：分別是香蒜白酒蜆意粉同煙肉卡幫尼。２碟意份既份量都好夠，每份套餐配有一杯價位$38的飲品。我額外加$18要一盅薰衣草花茶，而男友則選擇青蘋果梳打。此外，我們另外點了份小食芝士焗著條。 首先，香蒜白酒蜆意粉有爽口蜆肉、細緻意粉同香氣十足既白酒蒜香配合得幾好 ；而煙肉卡幫尼既煙燻肉好香濃，加上好rich既卡幫尼醬，令人回味。在飲品方面，我既薰衣草花茶清香怡人，一大杯， 而男友選擇既青蘋果梳打清新開胃，與餐點相得益彰。至於小食既芝士焗著條，香濃既芝士同脆脆薯條完美融合。整個用餐環境寧靜舒適，充滿藝術氛圍，令我們可以身心放鬆。此外，服務人員親切有禮，提供細緻周到既服務。

旺角鬧市中的樓上cafe，座位好闊落舒服，環境亦都好休閑安靜👍🏻想玩既亦都有board game借你玩🤭- 軟殼蟹黑松露意大利粉成隻蟹好夠脆，黑松露香味亦夠出，意粉好滑👍🏻- 龍蝦湯好香濃，入口好滑👍🏻- 芝士焗薯條拉絲芝士好正！份量好夠大，一個人堅食唔晒，好岩三五知己邊吹水邊食🤭- 蜜桃乳酪好清新既鮮果香🥰整體來講，餐廳位置方便、環境舒適，食物質素幾高，算係性價比幾高既一間樓上cafe！

一行4人晚餐，坐位寬敞，氣氛舒適，員工提示每人最低消費要點一個set dinner，隨訂座送指定小食一份（當日是咖喱角），點了軟殼蟹黑松露意粉，牛肝菌帆立貝野菌意大利飯，明太子海蝦意粉，煙三文魚意大利烘飽配薯條，另加小食拼盆。意粉，意大利飯，醬汁香濃，軟殼蟹香脆不會太油膩，明太子意粉醬汁淡香剛好，有水準，烘飽就較普通，炸物都非常熱辣香口，可惜顧住傾計唔記得叫甜品。上菜快手，員工有禮，食飽後可以慢慢傾下計，好耐無試過唔駛趕頭趕命，輕輕鬆鬆食餐晚飯，非常推介。

樓上Café有不同種類的card games及boardgames，可以選擇輕食或簡單西餐，同時享受game time。 (1)軟殼蟹黑松露意大利粉先說軟殼蟹肉質理應鮮美，口感鮮嫩多汁，亦充滿少許蟹羔黃油為之上乘。以上的描述，在這個餐點上無處可尋。另外，軟殼蟹處理手法有異，令腥味充斥整個意粉，有點難以入口。 (2)蒜香雞翼雞翼本身沒有調味，但外皮尚算焦脆。 (3)明太子海蝦意大利粉份量十足。唯明太子不夠濃厚，令意粉與醬汁分離。 (4)鮮茄芝士焗豬扒飯味道合理，但豬扒切件令外觀欠奉。 樓上Café已經碩果僅存，可以一邊聚餐一邊玩樂的地方真的不多。若然能夠集中提升小食及飲品水平，會更理想。

🍝清酒蜆肉意大利粉蜆肉嘅份量好多，值得一讚係大部份蜆都冇沙，呢一樣做得比其他cafe好好多🙈意粉嘅質感同調味都唔錯😗🥪煙三文魚包配薯條份量比我想像中大🧐麵包中間仲有蕃茄青瓜，生菜等等，口感同味道都好豐富🥰☕️薄荷朱古力咖啡忌廉上面有少少薄荷糖漿做裝飾，打卡唔錯🤣飲落去味道就帶少少薄荷味，唔會有好重嘅牙膏感😝薄荷同朱古力嘅味道配合得唔錯，如果可以甜啲就更加好🥛藍莓奶昔呢一杯朋友話奶味比較重 如果期望有好濃郁嘅藍莓味就可能會有少少失望啦～最後我哋都加咗個心太軟，切開非常流心😚配上雲呢拿雪糕一齊食，一冷一熱特別正，加上唔算太甜，同朋友share做飯後甜品啱啱好😋

新年約下朋友見面 揀左孖啡食物種類唔算好多 但飲品種類就好多！見到食物種類唔多 本新有小小失望 但食完真係覺得好好食😌4個人 揀左2個意粉+2個小食 套餐仲送左份咖喱角🌟明太子海蝦意大利粉意粉入面仲有好多隻蝦 意粉食落好有咬口 蝦都十分彈牙 加埋檸檬汁 係一個好開胃既意粉 🍋🌟軟殼蟹黑松露意大利粉🦀軟殼蟹好脆 岩哂鐘意食熱氣野既人黑松露味又好夠 每一條意粉都俾黑松露汁覆蓋住🌟蒜香雞翼好多蒜粒鋪係面 雞翼上到枱都係熱辣辣 外脆內軟 雞肉仲好嫩滑 我地每人都爭住食🌟炸魚薯條炸魚好大舊 炸到好酥脆 炸粉又好簿 同埋食得岀係即炸👍🏻係門口隔離仲有一堆board game放左係櫃到 岩哂一班朋友一邊食一邊玩🥰