孖啡

營業中

休息中

放工想搵間舒適嘅cafe chill下，起 openrice search 到油麻地彌敦道有間樓上cafe叫"孖啡‘’見個名幾得意再望下啲食物都好吸引，而且地點亦相當方便，油麻地地鐵站a出口再行5分鐘都唔使就到啦。環境好有情調，無論拍拖或朋友聚會都不失為一個好地方。特別鐘意佢嘅吊燈加剪影公仔裝飾好古典味道，梳化坐位夠晒闊落，富有空間感。打開餐牌見到啲飲品名係用左塔羅牌改的，覺得好有創意。我哋4人分別叫左女皇、月亮、審判另叫左一個熱藍莓果茶，好香藍莓味，好好飲。軟殼蟹黑松露意大利粉軟殼蟹好巨型，最難得係炸過後不油膩，因為食過啲油膩之餘仲有油溢味道。意粉多汁每一口都充滿住黑松露香氣。香蒜白酒蜆意大利粉雖然冇黑松露意粉甘creamy，但蒜香味道一樣惹美，係另一番風味。煙三文魚意大利烘飽配著條甜品叫左朱古力心太軟及牛角窩配雪糕窩夫鬆脆帶牛角酥香味窩夫夾雪糕一齊食係絕配

呢間Cafe已經食過幾次，最初初吸引黎呢間Cafe係佢地個名改得好特別'孖啡', 令我聯想鴉片類止痛藥😂🙈今次再黎係因為呢間Cafe俾人感覺好舒適，價錢又貼地，每張枱都配有梳化，可以同朋友悠悠閒閒傾下偈，講下公司是非🤫另外餐廳特別之處會見到玻璃窗，牆上都貼左唔同嘅剪影畫做裝飾，包括樹枝，兩個人坐係度飲野，為餐廳增添一股藝術氣質。Dinner Menu Set 包一杯$38以下嘅飲品，另加錢可以再有甜品，龍蝦湯。今次叫左軟殼蟹黑松露意大利粉，煙三文魚烘包配薯條，香蒜白酒硯意大利粉。軟殼蟹size好大，啖啖肉，咬落去又唔會一口油，廚師火喉方面控制得好好；意粉好夠熱， 每條意粉都掛滿醬汁😋香蒜硯肉意粉，一上枱就香氣撲鼻，硯肉份量都算多，意粉又吸收晒蒜汁好惹味飲品包羅萬有，特飲以塔羅牌取名，例如女皇，月亮，審判甜品方面：心太軟配雪糕真係去到邊都要叫冇得輸，外脆內軟，焗得好好做到流心狀態，配上雪糕，冰火交融

今晚非常開心，因為搵到一間樓上Cafe食晚餐，有得食有得玩，真係好好享受，一定要介紹俾朋友嘅一間Cafe，呢一間餐廳響油麻地，地鐵站行幾分鐘，就會搵到，非常方便，而且餐廳裏面都好大，裝修好靚，所以都好啱一大班朋友，情侶去食飯嘅聚腳點，而且晚餐佢哋都有Menu set，有唔同嘅單點，我哋叫咗個套餐，先介紹係咩牌子海蝦意粉，真係一試就愛上，佢嘅明太子配合意粉加埋海蝦真係好盒嘅配搭，而且加$28就有一個龍蝦湯，真係好抵呀，價錢經濟實惠，而且呢度嘅意粉嘅份量都好多，賣相好唔錯，真係好吸引呀，而且呢度嘅甜品真係要大讚啦，有窩夫雪糕，真係好開心呀，而且呢度有好多遊戲可以玩，食完飯之後仲可以同大班朋友揀board game玩，真係好舒服啊，而且呢個服務質素都好高，侍應好有笑容，有賓至如歸的感覺

今晚跟朋友去了呢間樓上cafe 意外地食物質素不錯 點了2個意粉 一個黑松露軟殼蟹意粉及香蒜蜆肉意粉 黑松露軟殼蟹醬汁香濃 另一款蜆肉意粉更是出色 十分惹味 最後甜品更加值得一讚 心太軟的朱古力醬不會太甜 加埋雪糕 非常匹配 下次再係附近覓食係一間可再去的cafe

記得細個嗰陣成日同同學仔一齊去樓上Cafe玩boardgame。呢排心痕痕想玩下去左位於旺角既呢一間孖啡，咁多年都係屹立不倒，仲好受歡迎～ 好坐野食又OK既樓上cafe ，呢間都真係表表者，叫左以下食物：⭐️黑松露野菌忌廉意大利飯黑松露惹菌味道香濃，意大利飯煮到粒粒分明，非常之煙靭好食。佢每一啖都充滿着好香野菌加上忌廉令到成個飯嘅層次豐富，好味又唔會出錯嘅一個選擇！⭐️芝士焗吞拿魚意粉唔知點解去親樓上Cafe就會想食芝士焗嘅嘢食，今次揀咗焗吞拿魚 ，份量超級多！而且最緊要嘅係佢嘅汁都好夠，令到成個意粉最尾都仲有汁可以撈埋一齊，唔會焗到乾晒，都唔容易㗎！⭐️士多啤梨奶昔嘢飲方面，呢度選擇好多亦都有好多特色嘅嘢飲，今次我就揀咗佢嘅士多啤梨奶昔。呢度嘅士多啤梨奶昔最緊要嘅係佢味道一啲都唔假，有時出去食嘅士多啤梨嘢飲都有浸藥水味，但呢度一啲都唔會仲好好飲！⭐️窩夫最尾甜品當然唔少得我就揀咗佢嘅窩夫加雪糕，佢嘅窩夫看得好香脆，加上雪糕係一個唔會輸嘅配搭😊

今日同朋友響旺角行完街，覺得好肚餓，就上網搵搵邊度有樓上Cafe推介，之後俾我哋上網搵到一間樓上Cafe，響旺角附近，非常方便，呢一間餐廳一食就會愛上，價錢經濟實惠，而且環境衛生方面都非常好，食物質素又高，所以我覺得呢一間人細美食小店，一定要同大家講呀，叫大家嚟試吓，呢度嘅地方非常闊落，仲有好多board game免費可以任玩，所以真係好啱一大班朋友嚟聚會啊，而且呢度嘅食物都好好食呀，我好推介佢哋嘅全日早餐，因為全日早餐裏面好有豐富嘅食物，有薯餅，牛角酥，沙律，蕃茄焗豆，炒蛋等等，份量十足，擺盤都好靚，睇得出廚師好有心思，而且佢哋嘅飲品都好多選擇，我都好推介佢哋嘅特濃朱古力，上面仲擺上好多忌廉，真係好好飲呀，而且佢哋加$28就有一個龍蝦湯，碗碟上仲有少少忌廉，賣相真係好不錯，所以我真係好推介

做左全日野，咁辛苦，我會選擇對自己好啲，搵間樓上cafe自己hea住慢食，真係chill好，睇下有咩好食先。跟餐加錢有濃蝦湯和甜品，濃蝦湯，咸咸既海鮮味又夠濃稠。軟殼蟹黑松露意大利粉，好大隻既炸蟹仔，成隻完完整整，表面炸粉酥脆，蟹仔好有肉，好得呀！意粉掛滿醬汁超juicy，點點黑松露味好香，好味味！紅莓果茶，好有養生feel，飲落有唔同莓香，低脂健康心太軟雪糕，最尾仲有暖笠笠心太軟朱古力漿都好澎湃，同蛋糕比例一比一。

今日同一班同事放咗工，喺旺角附近，好想搵一間正點地嘅樓上Cafe食晚餐，上網搜尋，就推介左呢一間旺角附近嘅一間樓上Cafe，估唔到食咗一次，好有驚喜，食物質素好高，而且非常方便，我同一班同事或者朋友聚會嘅時候，都會再嚟呢個地方，同埋順便好想推介俾大家我，呢一間餐廳呢位置於地鐵站，行幾分鐘，就會到了，佢哋餐廳嘅食物選擇好多，而且衛生乾淨，仲有獨立廁所，所以覺得好舒服，好溫馨嘅感覺，而且佢哋嘅燈光暗地，幾有情調，好啱情侶朋友一齊嚟啊，我好推介佢哋嘅明太子海蝦意粉，真係好好食，分量十足，意粉嘅醬汁都好有驚喜，真係好好食，而且價錢經濟實惠，飲品方面都有好多選擇，真係好抵食啊，仲有我哋加咗$28就有一個龍蝦湯，擺盤上仲有少少忌廉，咁落去真係好好味呀，所以我真係好推介呀

同frd聚會就係想坐多陣吹多陣水 呢間旺角樓上Cafe啱晒我地🥹 除左食野 仲可以有game玩 而且啲坐位好闊落 食完主食 完全可以慢慢嘆埋杯野飲先走🔖香蒜白酒蜆意大利粉 HKD122味道唔錯，味道比較清新，醬汁有少少白酒嘅香味，另配有少許蒜片，可以為意粉提味。整體不錯🔖軟殼蟹黑松露意大利粉 HKD148🥹黑松露汁好Creamy 令我呢啲黑松露粉大飽口福 令我一啖一啖咁食唔停口 我就覺得一啲Gas味都無 但我frd唔食黑松露嘅 反而覺得好重gas味😂 軟殼蟹係一隻咁炸左 成舊超香脆 配埋意粉一齊食 成個主食都好滿足！🔖塔 *原價HKD52* 套餐補差價HKD14士多啤梨鮮打沙冰，除咗一上枱大杯得驚人，味道亦好好。真係飲到士多啤梨味，並非平日試到嘅化學士多啤梨，值得一試😆🔖紅莓果茶 *原價56* 補HKD18果茶除咗紅梅 加有芙蓉花、薔薇果同蘋果，舖頭都好貼心地用蠟燭熱住茶壺，避免果茶攤凍，影響風味。味道上偏酸，帶有少少紅莓香味，開胃之餘，亦可以消濟解脂，飯後品嚐可令胃部更舒服😍

今晚去左樓上cafe到食晚餐。餐廳喺油麻地，地鐵站幾分鐘就行到去餐廳都幾大，而且有分開唔同間隔，私隱度都唔錯。晚餐有menu set, 都有唔同單點。我就叫左Menu set E - 65度溫泉蛋卡邦尼煙肉意大利粉餐可 +$28 配龍蝦湯/是日蛋糕+$38 心太軟伴雪糕我就加左龍蝦湯同心太軟龍蝦湯份量都多，味道濃郁，唔會有腥味，淡淡龍蝦鮮味。65度溫泉蛋卡邦尼煙肉意大利粉，份量足，賣相都唔錯。溫泉蛋，蛋黃微微流心，蛋香味濃郁卡邦尼醬濃稠度剛好，而且夠熱，掛到上每條意粉，啖啖卡邦尼滋味。煙肉份量都多，意粉軟硬到適中，表現不錯！飲品就叫左杯iced Cappuccino, 奶泡上面擠左朱古力造型，幾得意。叫左少冰，飲落啱啱好，唔會太凍。咖啡味香濃，奶泡綿滑。甜品 心太軟伴雪糕，起前十分鐘要通知店員。有好一陣子冇食過，呢到嘅心太軟幾有驚喜，心太軟夠熱，外面焗起，少少脆口而一拮開，朱古力流心瀑布式流出黎。有水準，推薦！餐廳仲有唔少桌遊可以玩，店員親切，環境企理，性價比唔錯！

留意咗呢間餐廳好耐，今日終於有時間嚟試試。餐廳位於嘅大廈地址雖然寫係彌敦道，但入口唔喺大馬路嗰頭，要轉入橫街，不過，好易搵。去到餐廳，侍應安排咗一個好舒服嘅位置俾我哋，係我最鍾意嘅角落位。其實餐廳好多卡位，所以隨便揀個位都好舒服。點咗兩個SET LUNCH﹕龍蝦湯 (+$28)﹕龍蝦味濃，唔會覺得鹹，夠熱，讚！軟殼蟹黑松露意大利粉 ($92)﹕份量好大，我咁大食都食唔哂。軟殼蟹好巨型，意粉好多！去過好多餐廳食軟殼蟹黑松露意大利粉，通常都係細細隻軟殼蟹跟幾條菇嘅意粉，但呢到係跟幾多配料。鮮茄芝士焗豬扒飯 ($76)﹕又係份量好足，而且個飯好夠熱，芝士好惹味！孖啡 (+$4)﹕老公之選。香蕉奶昔 (+$14)﹕可以少冰，非常好！不過，唔記得要求少甜，失策了。

Double Cafe的午餐真的不錯，選了一個較清新的，好喜歡他們的香蒜白酒蜆意大利粉，這個意粉比較清淡，蜆的甜味加上白酒的淡淡酒香和蒜片的香味變成一個可口的意粉，份量也不少啊。加了$28 配一個龍蝦湯，也不錯。西班牙咖啡給我提提神，咖啡冰凍順滑，加上一個雲呢拿雪糕球好滿足。套餐加$38有我喜歡的心太軟，香濃的朱古力蛋糕加上流心朱古力醬，熱騰騰的口感再加一個凍凍的雪糕球，無論視覺的或是味覺都會感到滿足。

We were here for a gathering with friends.I ordered House Coffee and a panini with salmon and fries. I got a very nice coffee , full strong flavor.My panini was not as I expected. A panini is a grilled sandwich, this one wasn't grilled. Nevertheless it was a very tasty bun, enough smoked salmon and other toppings. The fries were also very good quality. It took a minute to find the entrance of the cafe, and with one small busy lift we decided to use the stairs.The seats inside were the only thi

呢日放假喺旺角搵食 上咗去呢間孖啡食嘢之前朋友話嚟過玩board game 幾好坐上到去發現都幾多位 平日都幾乎坐滿Menu選擇都幾多 lunch set都有10款今日試咗$88 all day breakfast仲包一杯$38飲品跟餐仲可以加$28要咗龍蝦湯同埋$48 牛角窩夫伴雪糕龍蝦湯份量都幾多 湯碗好靚上面有忌廉 飲落香濃而不膩👍🏻All day breakfast 份量超多牛角包烘得暖笠笠 食落去好香脆 牛油味好香 德國香腸有咬口 煎得好香 早餐最鍾意有煙三文魚 一大塊卷成花嘅形狀 炒蛋嫩滑 薯餅香口 沙律加上麻醬 仲有茄汁豆 好好食好快就食晒😋水牛城雞翼$58冇諗過有6隻咁多😆顏色好吸睛 食落非常滋味少少辣 肉汁鎖住咗喺裡面 唔錯☺️牛角窩夫伴雪糕即叫即整 上枱仲熱辣辣窩夫唔係平時食開咁實心 而係多層酥皮好似食緊牛角包咁 但又比牛角包再實少少同樣好香牛油味 加埋雲呢拿雪糕 超好食！推薦！👍🏻👍🏻加$8要咗熱Latte好大杯 仲有拉花☺️飲落去奶同啡比例剛剛好 咖啡都幾香好滿足😆

是日做完facial覺得好肚餓，見天氣太凍就順便係同一座大廈食埋嘢先走。相對商場cafe樓上cafe性價比係會高啲，地方闊落之餘又唔需要限時，仲有board game免費借玩，原來我都好耐冇約朋友冇去樓上cafe玩啦，好懷念啊！龍蝦湯天氣凍最正就係飲熱湯，於是加配咗個龍蝦湯，味道不過不失，勝在夠熱飲完個身即時暖咗。軟殼蟹黑松露意大利粉軟殼蟹大大隻咬落外脆內juicy, 唔使拆殼都食啖啖肉，絕對係中意食蟹嘅懶人首選。意大利粉軟硬適中，質地好滑溜，係我喜歡嘅口感，配料有菇、洋蔥同紅黃椒，紅黃椒有輕微酸甜味可以中和忌廉醬汁嘅油膩感，好欣賞廚師嘅心思。水牛城雞翼天氣凍胃口特別好忍唔住叫多個雞翼，外脆內juicy嘅雞翼配合水牛城醬汁，酸酸辣辣好過癮。玫瑰花&洋甘菊茶為咗避免太晏飲咖啡失眠，所以揀咗花茶，茶味清香易入口，飲完返屋企程車瞓足全程，果然對睡眠好有效。朱古力心太軟&雪糕心太軟熱辣辣有香噴噴嘅朱古力味，用匙羹切開見到有朱古力流心，心太軟外脆內軟，焗得剛剛好，配上冰凍雪糕一凍一熱好醒神。