75
0
4
| 餐廳: | 季稻 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵牛頭角站 A 出口, 步行約6分鐘
繼續閱讀
營業時間
星期一至二
11:30 - 22:00
星期三
11:30 - 15:30
18:00 - 22:00
星期四至六
11:30 - 22:00
星期日
全日休息
以上資料只供參考, 請與餐廳確認詳情
今次我約左朋友去觀塘個康寧道球場踢波，踢前就有個波友話一齊食飯，咁就揀間附近既餐廳食啦，搵到呢間泰國菜都幾抵食，就決定呢度啦⚽️呢間餐廳環境都ok，見佢餐牌都好抵晚市都有d一人餐，價錢仲要好似lunch咁，仲有個2-3人餐，我地就揀左呢個😛晚市套餐 2-3人用Set A （$249）炒通菜首先就比大家揀菜類，4款裡面通菜最岩我，呢個通菜有少少辣，同幾有鑊氣，冇炒到太老，好食既一碟菜🥬泰式冬蔭功湯跟住就有兩款湯揀，我鐘意飲冬蔭功多d，佢辣得夠過癮，色水同味道都好，少少奶白色有d椰漿味，入面仲有3隻蝦，大量菇，同少量蕃茄，份量大約有4個飯碗咁多，一人兩碗好夠飲🌶️🥥🫕雜錦串燒（豬，牛，雞各2串）沙爹串燒控制個火侯做得幾好，d肉唔會燒到好乾，好柴咁，食落唔會韌，沙爹醬另上，合格有餘👏🏻珍寶原粒蟹肉芒果炒飯（另加$40）原本個餐配兩碗白飯，我地揀左串燒同白飯唔係好夾，就不如加錢轉個蟹肉炒飯，佢size都夠2個人食，有好多蟹肉之餘，仲有蟹籽同芒果，炒飯配芒果幾有特色，原本以為好怪，食落都ok，蟹肉同蟹籽撈埋炒飯食就好正😋飲品2杯凍泰式奶茶泰式奶茶有泰奶應有既椰香，但整體味道偏淡，濃d會更好飲🧋龍眼冰龍眼冰有勁多粒龍眼肉，龍眼既甜味十足，依家咁熱飲杯龍眼冰冰夠曬解渴，估唔到龍眼冰都唔洗加錢，正😍呢間餐廳真係抵到爛，夜晚有lunch式客飯，2人餐改埋蟹肉飯先$300，4樣食物再加兩杯野飲，仲要質素唔差，下次黎開踢波一定再黎食過🤩
繼續閱讀
朋友喺附近返工，佢話呢間泰國菜之前有同同事一齊食過午飯，覺得好抵食，所以呢一日就約埋我一齊黎試一試晚飯。 睇落個餐牌都幾抵食，2至3人餐都只係需要200幾蚊。於是我地就費事諗，所以就直接點呢個套餐。 炒雜菜好豐富，有粟米仔，椰菜花，芥蘭，蘿蔔，木耳等等。炒得好香口，而且蔬菜亦都新鮮。 椰奶雞湯呢個湯會用火熱住，保持溫度，湯要熱飲先至會更加好飲，呢個椰奶雞湯椰奶味濃郁，而且裡面材料亦都好豐富，有大量雞肉同菇。 泰式海南雞海南雞口感嫩滑，皮嘅油脂非常香，皮下脂肪亦都較少，很好吃，用來送飯一流。 蟹肉炒飯因為覺得食白飯比較普通，所以就加左錢轉左做蟹肉炒飯，估唔到蟹肉炒飯會有埋蟹籽同埋芒果，非常驚喜，芒果唔會酸，好新鮮，蟹肉亦都有鮮甜味，份量亦很多。 呢嗰二至三人餐份量非常豐富，所以都食到好飽。另外套餐亦都會包埋飲品，我地分別叫左凍檸茶同埋熱零水，呢度比較特別就係糖漿放喺枱面度可以自行調教。 呢度職員非常有笑容同好好禮貌，而且性價比真係好高，食物質素好之餘，價錢亦都非常貼地，有機會會同朋友再嚟食。
繼續閱讀
以前宜安街附近全部都係salon，今日經一經過，發現多左好多食肆，可能成條街轉型中，搵食之際見到間門面幾正式嘅泰菜，所以就入去試下。椰汁冰、龍眼冰 🅰️🅰️🅰️🅰️🅰️呢d天氣飲返杯真係無得輸，而且大大杯，椰汁夠濃味、而龍眼冰d龍眼都幾多，清涼又涼甜菠蘿炒飯🅰️🅰️🅰️🅰️🅰️飯粒粒粒分明，夠乾身，黃薑粉味好出，有樣嘢抵讚就係佢地用新鮮菠蘿炒，唔係用罐頭就已經夠誠意。馬拉盞炒通菜🅰️🅰️🅰️🅰️🅰️呢間通菜真係值得一試，夠鑊氣，出面好多都會落醬落到勁咸，但呢間我覺得算係啱啱好，食到菜味，菜身爽脆，連埋蝦乾一齊食好夾🥰冬蔭公湯 🅰️🅰️🅰️🅰️夠辣亦都有椰漿味，所以好惹味😋湯料夠多，有菇、香茅又有海鮮，佢地嘅蝦係用新鮮嘅，食落有蝦味，辣得好過癮。係觀塘內街有間有質素嘅餐廳，見出面人流通常係等緊小巴返緊屋企嘅人，所以大家不妨入去內街搵下嘢食，推介大家嚟試下！
繼續閱讀
今次同朋友入去季稻試下泰式料理🧡不用等位非常好 餐廳鋪位都幾大裝修光猛 令人坐得十分舒服店內食品主打咖哩、冬蔭公、串燒同埋泰式飲品🏵️晚市套餐都幾抵食架~~✨「烤豬頸肉」 $88份量都幾多 肉質鮮嫩多汁 入口即溶帶有適度嘅香料調味 且有油脂感呢道菜無疑係呢頓餐點嘅亮點 ~ 必點!✨「冬蔭公湯」 (小) $98 湯頭濃郁🦐湯料豐富酸辣相宜 好開胃啊!✨「珍寶原粒蟹肉芒果炒飯」 $118蟹肉炒飯看似簡單 但口感卻特別細緻蟹肉蟹籽同埋飯粒融為一體 食落去好足鑊氣芒果超甜🥭好好食丫✴️✨「泰式奶茶」$18香醇濃郁 枱面有枝糖水 自己加糖漿「珍多冰」$28清爽可口🤍為呢頓泰式大餐增添咗清新感可惜甜度固定 口味偏甜總括嚟講 呢間小館嘅泰式料理每一道都好出色不論係肉類、湯品定飲品 都展現咗泰式料理嘅層次感同風味
繼續閱讀
放工見到依間街坊小店食泰國嘢好吸引，同朋友試吓😆 店員推薦食呢個晚市二人套餐，好抵又飽肚！🥬炒通菜清新可口的新鮮的通菜😋😋 以簡單的調味料如蒜、醬油、辣椒等炒製而成,保留了通菜的鮮甜滋味，健康又美味🍢沙嗲串燒 (包括豬牛雞)東南亞風味的經典小吃。將豬、牛、雞肉用沙嗲醬料醃製后串燒而成,外酥裡嫩,佐以沙嗲醬食用格外美味😆作為開胃菜或者小吃都很合適～🍲椰奶雞湯香濃醇厚的雞湯，以新鮮雞肉熬煮，加入椰奶、薑、蒜、菇等調料，散發濃郁的椰香和鮮甜的口感，搭配白飯食好正😍 雞肉份量超多！🍚白飯兩碗仲叫咗龍眼冰同椰汁冰，好好味呀😚😚
繼續閱讀