安南小館 (形點) (已結業)

煮左好多日飯，今日想輕鬆啲，係OpenRice 睇下有咩抵食外賣自取，見到呢間越南菜算平就試下。香葱雞配油飯($63)雞胸加全翼位，份量正常，雞胸都幾嫩滑。油飯睇相就知唔勻，似係裝好白飯就咁倒啲黃油落去。汁醬齊全，係海南雞點嘅醬，其實的確係似一個海南雞油飯多啲，都見唔到香葱嘅😂香茅豬扒湯河粉（ $58 ）湯麵分上，但賣相麻麻地，同埋點解可以一塊豬扒有咁多骨？有一半都係骨。豬扒調味夠，但略鞋。會安小食拼盤（ $54 ）入面有素菜米紙卷，炸蝦餅，煎扎肉，同埋蒜香牛油雞翼。米紙卷皮煙韌，入面都真係好素菜，好清新嘅感覺，要靠點汁先有味😂扎肉同埋蝦餅就普通正常貨色啦，仲熱嘅。蒜香牛油雞翼蒜味唔突出。整體來講喺Yoho入面呢個價錢唔算貴，食物質素都算正常，但如果唔介意行多幾步喺元朗街頭應該會搵到更多更好嘅越南菜。

好味 不過賣相就麻麻哋熟牛比較厚身 不似街外是肥牛 牛肉香牛丸亦都彈牙 價錢比較貴一碗麵加飲品需$100埋單越式春卷都不錯 店內所配的酸辣汁 比較甜味 除了貴沒有不好 🤣🤣🤣

夜收工又突然好想食檬粉就衝左去買，食過幾次質素都不錯，而家外賣自取75折太抵啦！雞翼扎肉撈檬 $40我覺得呢個價錢有咁ge質素真心抵食，味道係中上但茶記價錢，美中不足係菜可以多d，雞翼可以脆口d好食指數：😋😋😋😋炭燒牛肉沙律 $43.5酸酸甜甜口味幾開胃，味道滿對jo好口味很不錯呢，牛肉調味很好只係有點overcooked有點韌，但可接受的（可能係jo對牛要求太高🙈）好食指數：😋😋😋😋小食拼盤 $51有雞翼、扎肉、蝦餅、紙米卷，完全滿足哂jo所有願望🤣質素也是中上，蝦餅都算彈牙，紙米卷皮煙韌有咬口加上醬汁和菜好fresh，正好食指數：😋😋😋😋整體最大感想太太太抵食！！！茶記價錢就可以食到質素不錯的越南菜，推介👍🏻同值得大讚服務態度，我打電話去落order侍應好禮貌咁復述清楚，去拎嘢食個時態度又好好，仲會提點jo放好袋入面d野先行，俾個❤️

今日午餐黎左YOHO食，雖然YOHO有好多食肆，但唔知點解就無間餐廳想食所以就由媽媽拍板，佢話想食亞洲菜又唔想食生野，於是就㨂左安南小館一朝早出左九龍，返到去YOHO都好攰，由MTR行去餐廳仲要行一陣沿途都見到有幾間吉舖，唔知點解YOHO好似乜都有，但係行起街上黎就覺得好悶無野想行終於行到去餐廳了，當時正值午餐時間，餐廳只係FULL左7成，好好彩地唔洗等位坐下望下MENUMENU既選擇真係唔多，好似無乜野食好㨂咁因為我地都係雀仔胃，一人一碗粉就太飽，所以叫左一碗粉、一個小食同兩杯飲品午市套餐既雞翼春卷撈檬雞翼醃得好夠味，春卷個皮就略嫌UN左D，但味道都正常。撈檬加左蘿蔔絲同青瓜絲，仲有D生菜伴下食撈檬當然要落碌冧，呢度既碌冧就略嫌咸左DD，魚露重手左炭燒豬肉米紙卷見到媽媽對筷子證明佢幾心急呢個要先講賣相，其實都幾十蚊一碟米紙卷個伴碟會唔會HEA左D呢，得塊蕃茄同青瓜呢個配搭同茶餐廳既歐陸早餐有乜分別？米紙卷既味道都好STANDARD，好難唔好食。炭燒豬肉用魚露醃過所以有陣咸香，好惹味因為越式清補涼呢個名吸引左我，但原來同涼粉爽差唔多除左眼見兩粒龍眼同涼粉之外，杯底仲有薏米同蓮子天氣咁熱

之前嚟過依度食拎咗一張， $50現金券，只要消費夠$100就可以用，非常抵食吸引。個撈檬好鬼好食😋好refreshing 非常清新。 牛油雞翼亦都，非常香口juicy，不過個海南雞飯就麻麻地啲雞比較老，不過重點最後又送多$50張優惠券過嚟。

從來無寫過食評，但係太失望啦，一定要分享。咖喱牛腩湯河幾唔錯，但係額外加錢叫嘅招牌蒜蓉牛油雞翼，完全冇味，同相片爭好遠。最嬲係 A la cart 叫咗個炭燒牛肉沙律，成碟只有三四塊牛肉，肉質仲要勁奇怪，應該加咗好多梳打粉，咁樣收人$58！仲話特價，嬲咗！無！下！次！

Yoho四處都勁多人,偶然又想食下越南野，等左10幾分鐘，3個人食，點了招牌的提岸香蔥雞飯，安南招牌火車頭，牛油雞翼豬皮絲煎蛋飯和炭燒豬肉米紙卷，仲有個越式清補涼。無論食材烹調都很有心機很高質而且而家還有優惠券，真心推薦呢一間

小編一家人已惠顧貴越式餐廳數遍，食物質素尚可接受，品嘗了較出名的提岸蔥雞、咖喱豬扒湯河，也點了一些小食，如牛油雞翼。但貴餐廳相比同場越南餐廳錦麗牛肉粉，味道稍遜色，故希望公司能提升食物質素。服務方面，員工態度欠缺積極，較散慢，服務效率也較慢。儘管有同顧客打招呼，有禮貌，但服務質素仍有待改善。我們要求員工幫我們下單，已舉了手多次，有一段時間，但無人有反應，只是望了一眼便算，故態度稍欠積極，希望公司能加強員工服務效率這方面，給客人對公司有良好的形象。唯貴餐廳環境挺舒適，很寬敞，氣氛和諧。

本身打算食對面，但要等位唯有過黎安南，完全唔駛等入門口要量體溫，座位隔得開抗疫措施跟得足，抵讚一行三人叫左個二人set 再加鳳爪鳳爪口感唔差夠爽口，但唔夠酸辣，唔太夠味蘿蔔湯一飲就係味精，蘿蔔同菜都ok小食拼盤，炸春卷同雞翼都夠熱辣辣，但春卷炸太耐，好硬身，好吉口，入面亦都無咩料雞翼好食～～越南春卷夠多料，記得要自己加d 醬先好食咖哩雜菜，咖哩味有d 怪，可能偏越式？但係偏唔好味，d 菜都無乜咖哩味，只有薯仔較好同夠淋，整體麻麻地隻雞都算滑身但無雞味二人set 仲有兩個白飯～同野飲三人約四百五，會送番兩張$100 coupon 比你星期一至四用其實有得用埋coupon 係抵食既只係味道就一般d

越式河粉，越式撈檬，越式小食，沙律，米紙卷等都有～撈檬個汁調嘅味道啱啱好， 裝住嘅樽亦都可以將所有配料溝得勻循👍🏻 小食會建議蝦多士， 蝦膠新鮮，厚過塊包，絕對足料～ 雖然椰子季節會有所唔同，呢度飲椰子鮮甜，肉都好 嫩～ 晚餐兩個人，二百幾，食到好飽☺ 絕對值得一試！呢一間地段比較靜，食嘢嘅時候傾計都好舒服，環境亦都唔迫。

今日出左yohomall揾食，疫症期間都係揀一間座位無咁迫既餐廳，哩間安南小館就做到，店內全是圓桌，座位分隔很好，3-4人很好的選擇，我地3人1bb, 有bb seat, 位置闊落，叫左一個牛腩蘿蔔湯河及豬扒湯檬，另叫一個小食拼，可能生意麻麻，小食拼有特價，幾抵食，有5款食物，另外兩款就一般越南味道，湯底幾濃，另桌面附的醬料亦夠多，舒舒服服咁食完一餐，都算係簡約合格之選, 賣單約$2xx, 商場餐廳價錢，都算可以

聽朋友講安南小館早排轉左 menu, 主打越南粉麵小食, 比以前平左, 好味又抵食. 同兩個朋友黎, 因為佢地唔食牛, 所以點左雞絲湯河, 竟然俾我發現有雞什湯河, 以前無的, 我最愛雞什, 二話不說即點, 另外再加幾個小食. 河粉大大碗, 好足料, 湯底都好夠味, 朋友的雞絲湯河雞肉都好滑, 唔會鞋烚烚, 我碗雞什河堅好食, 黃沙雞潤唔會乾爭爭,  雞腎同雞腸都好有質感, 有咬口但唔會 "un". 炸春卷水準之作, 皮脆餡靚, 生菜又新鮮. 柚子鮮蝦沙律同蘿蔔時蔬都極力推介, 蘿蔔好甜又無渣. 

很難得一家人外出吃飯、今日特登來到形店，想試吓呢間越南菜，價錢偏貴， 三個大人加兩個小朋友四百幾蚊埋單。二人套餐：春卷兩件雞翼兩件豬肉米紙卷，蘿蔔時蔬，白飯油飯各一另外點了個咖喱雜菜粉絲煲海南雞整得唔錯，夠滑， 肉質鮮嫩。豬肉米紙卷爽口，很清新。越式湯河味道不錯，小朋友可以吃下一整碗。員工服務方面， 不知道是否很多員工罷工，沒有足夠的人手，要等好耐才有人過來寫單及埋單。效率亦很慢。 可能因為疫症關係，店舖搞活動，送了兩張$100券，可以留返下次用！咁下次就平好多啦！（可惜原來很快到期）#安南小館

今日公司放半晝，我約左男朋友返元朗食 lunch。我見好耐都冇食安南，又見佢做緊 promotion，做緊堂食越南湯粉買一送一嘅優惠。坐底後，我同佢都 order 左越南火車頭湯可。另外再叫左個炸蝦餅。個火車頭湯可一黎到，賣相唔錯，但一飲佢啖湯，就覺得出晒事⋯個湯一d都唔夠熱，所以整唔熟d生牛肉，加上d牛肉又唔靚，搞到個湯底勁大陣血水味。同埋d餸冇調味，個湯底調味又唔足，成碗湯河勁難食至於個蝦餅，個蝦餅好實，而個蝦餅剩係得魚肉，一舊蝦肉都見唔到。好似食緊一粒好實嘅魚蛋咁唔會再黎食，明明而家算係好食嘅⋯

難得一家人聚餐👨‍👩‍👧‍👦，都想帶佢地食好啲。同長輩食，除咗要野食好食，仲要坐得舒服。有朋友推介呢間安南小館，所以就帶咗全家去試。去到覺得環境都幾舒服，座位又闊落，啲職員都好有禮貌。😊我地叫咗個四人餐，超多野食🍚🍤🥖，仲有油飯同野飲。雖然大部分item set死咗冇得揀，但好在所有野都好好食。特別係個堤岸香蔥雞，肉汁鮮嫩，一試難忘。價錢方面，人均都係200蚊內，以我地仲打包拎走嘅份量黎講，抵！