安南越式牛肉粉X越茶

營業中

休息中

嗌咗個一人餐，同散嗌左一碗河粉。一人餐包小食、沙律、主菜同埋飲品。我選擇咗香茅豬排、木瓜沙律，同生牛肉拼牛坑腩河，散嗌咗一碗生牛肉河。香茅豬排香茅豬排的味道中規中矩，雖然冇特別驚喜，但肉質尚算可以。木瓜沙律木瓜沙律的份量偏少，雖然酸甜度適中，十分清爽，，沙律能夠有效地開胃。生牛肉拼牛坑腩河主菜生牛肉拼牛坑腩河的碗型相當大，但份量卻有點不足。牛肉的鮮嫩與牛坑腩嫩，湯底的鮮香味道ok，但仍然有提升空間，特別是在牛肉的數量上。安南生牛肉河生牛肉河味道比起另一個甜啲，好味啲。 後話佢地收碟速度咁快，有啲似趕客咁，有少少影響食慾。出面冇人排隊，都咁樣做，有啲無言。

今日朋友話想試吓呢間～炸蝦餅金邊粉（味道一般般）柚子沙律配牛肉蝦片～蜂蜜柚子茶～越式春卷金邊粉（味道一般，春卷好硬）～香茅豬頸肉湯粉（豬頸肉好香）～法式牛油蒜蓉雞翼（真係好好食）

好少過黎呢邊, 由於朋友要過黎我先跟住一齊, 早餐食得晏左, 連下晏就遲埋, 結果就黎左呢間安南食個下午茶。而家啲下午茶一啲都唔平, 要成$55, 同普通午餐無乜太大分別, 可能佢呢度個午餐太貴, 所以$55已經係下午茶餐價 😐 叫左個咖喱牛腩飯, 個飯好硬, 唔知係咪煮得太少水, 咖喱正常味, 但無乜辣味, 牛腩就有少少嚡。跟餐加多兩隻雞中翼, size超細隻, 仲要雞翼無乜味, 無諗到雞翼都可以整得唔好食 🙄 跟餐有杯蜜桃烏龍茶, 呢個最好, 又甜又甘香。小編認為完全唔抵食, 佢啲質素比兩餸飯價錢會合理啲。

點咗個午餐生牛肉湯檬粉 上錯咗河粉 店員態度都好友善好快換反比我 點知黎到 明顯係用反上一碗嘅牛肉 牛肉經過兩次熱湯浸泡 已經又老又硬勁難食 諗住趕時間求其食完就算 點知食到一半睇到有隻小動物 當堂無胃口……..

今日早食lunch比較肚餓，所以想搵間飽肚既下午茶醫下肚，同事推薦安南越式牛肉粉，話味道不錯兼份量好足。下午茶時段不算人多，一個人都可以坐卡位，位置寬敞，環境安靜，裝修柔和以竹木為主題。聽同事推薦點了一份蝦頭膏海鮮炒飯，上枱時熱熱的，似即叫即做。飯的質感軟硬適中，味道野味，份量足夠，有兩隻大蝦。飲品方面：熱奶茶不算出色，不滑身，口感一般。價錢正常，不算勝價比高。炒飯連熱飲：$60，沒有加一。炒飯的味道好及份量足，還會選擇再黎食

粉过于软烂 吃起来口感不是很好 牛肉味很足 汤底也很香浓 味道整体来说是可以接受的 但是也谈不上多美味 对于在找吃的的我来说刚好 但如果单纯的为了这家店来吃也没有必要 希望店家的粉下次能搞的好一点

唔知係咪因為舖頭11點開，我落咗訂單11:30攞外賣. 我叫咗個豬扒雞翼扎肉撈檬，已經半小時內返到屋企打開.豬扒同雞翼都好似乾柴咁……擺明係隔夜貨. 真係好唔掂…….早知唔食呢間未食過咁硬嘅豬扒，所以忍唔住要寫個食評.小餸但好味都冇咁嬲，佢俾啲硬都柴皮嘅肉你我都唔知點樣咬. 一碗撈檬都唔係平，俾啲咁嘅貨色客人真係唔使諗住返轉頭. 定係諗住外賣可以俾啲唔好嘅餸菜俾客人？堂食外賣，我以後都唔會再幫襯. 👎🏻👎🏻

叫左火車頭， 料就已經唔多， 味就好一般🥺杯滴漏咖啡就係差到一個點， 要先自己加奶，又淡味， 完全無咖啡香味， 又唔算平， 期間又見到職員將個處理食物既盒放地下加調味， 感覺唔太衛生

🍴安南越式牛肉粉X越茶📍將軍澳欣景路8號新都城中心二期2樓2021-23號舖✨安南生牛肉湯粉$58湯底清甜不濃一口咬下去的牛肉肉質亦非常嫩滑令人回味配料豐富整碗湯粉搭配得宜🤪值得一試✨古早黑糖冬瓜鮮奶（凍）$12冬瓜煮得好入味又唔會太甜加埋鮮奶同黑糖口感既香甜又清爽適合天氣炎熱時解渴🙈

好耐未食越南野，原本想點香茅豬扒倒檬粉，不過冇呢個選擇，所以點咗春卷凍檬，醬料同檬粉正正常常，不過未食過咁韌嘅春卷皮！根本難以咬開啲皮，咬開之後，啲皮仲會黐住啲牙。咁韌嘅春卷皮，真係少啲牙力都食唔到！😫我希望店舖改善一下春卷皮，咁就會再幫襯啦！其實之前喺呢間食過堂食，啲嘢食都叫做正常發揮嘅，唔係特別好食，但一定唔會係難食，不過今次食嘅春卷實在接受唔到，希望店主見到之後改善一下，咁就整體Perfect好多啦！

母親節當晚，5:50pm 經熊貓落單外賣自取「安南海鮮炒金邊粉」，回家打開膠袋，一大陣燶味，本身我好有衣食，唔想浪費食物，但真係太臭，仲要好油，真係臭到成盒唔食得，無奈放棄；再打開個盒，開始懷疑個份量⋯打去餐廳，問經理點解臭到咁，炒到燶晒，廚房可以照出俾客？再反映個份量，經理話係例牌。雖然留咗聯絡電話會補返俾我，不過真係好掃興⋯母親節少咗個主食。即管睇下下次個粉個份量同炒成點，再上嚟更新一下。（代續）

今日又去一間未試過嘅越式餐廳食晏，去唔同嘅地方食係我同同事保持高工作效率嘅其中一個方法。食物味道普通，服務可以嘅。追加精美小食：酥炸海鮮福袋，裏面係素，真係幾酥脆，唔錯。夏灣脆皮斑塊，呢個普通。我哋食晏嗰陣已經係下午茶時間，好肚餓所以叫咗二人份量嘅粉。安南火車頭(2人份量)，鮮牛肉幾好，其他比較普通。咖喱牛腩飯，個汁幾好，唔辣。安南海鮮炒金邊粉，好少海鮮，個味都係一般。蝦頭膏海鮮炒飯，一樣係好少海鮮。

今日嚟到寶琳食安南越式牛肉粉X越茶🍜安南生牛肉湯河粉 ($59)牛坑腩片湯河粉 ($62)荔枝烏龍青茶 (跟餐+$12)我叫左個生牛肉湯河，一嚟到嘅時候就聞到湯味好濃，仲有細細個青檸🍋俾你可以榨啲汁落去個湯到，濃得嚟又帶點清新嘅感覺。而牛肉嘅份量亦都好足夠，半生熟嘅肥牛就係最好食嘅😍😍一啖湯，一啖粉，一啖半生熟肥牛就係咁簡單🤘🏻😎我另外叫咗一個牛坑腩片湯河，相比起生牛肉湯河就比較遜色少少，腩片只係得4塊，不過味道都算ok架。如果腩片嘅份量再多啲就好啦😕😕評分：6/10❣️地址：將軍澳欣景路8號新都城中心2期2樓2021-23號舖

開店已有一段時間，但是第一次幫襯。每次經過望望餐片，其實偏貴。今日諗住一個人就去試試，兩點鐘已經係下午茶時間，叫了一份香茅豬扒湯河、咸檸七。味道其實都好，豬扒都幾juicy，河粉不會煮得過軟，值得一試！

在新都城二期到處找吃，見到安南的下午茶餐有合我口味的，就入座了！不是自己揀座位，有侍應帶位，還好到我離座的時候，我的左右都沒有客人。不過座位就有點窄，坐得不太舒適，卡位可能好些。我點了一個下午茶餐及一款小食。安南生牛肉湯河粉我轉湯檬。生牛肉我浸熟才吃😛。牛肉厚薄適中，口感煙靱，都算幾好。牛肉和檬粉份量足夠，連飲品只是$49，又不收加一服務費，很抵吃👍🏻。龍利柳米紙卷$48有4件，算便宜。米紙卷大大件，有檬粉、生菜、醃紅蘿蔔絲、厚切青瓜及花生碎粒，龍利柳只是一小塊，幾乎看不見😅！是那片厚切青瓜，令米紙卷變得大大件😂。米紙有點漿的感覺，若爽口些小就好。飲品我要熱華田，濃度和味道都正常。這店人手充足，侍應經常待在附近，留意客人的需要，又會主動收碗碟，服務幾好。