安南 (又一城) (已結業)

從未寫過食評，但不得不寫評論。疫情前曾食過，水準不錯。 事隔幾年，今日去下午茶，不論咖喱牛腩（牛腩非常韌，大X樂比佢更好食）； 法包（純粹係長型嘅餐包）；沙律 （一味酸）； 涼粉紅豆冰（冇咪味，冇咩涼粉）。 係完完全全不合格😫😫😫。 咁樣嘅價錢, 食咁嘅質素。說實話，是否有意叫人回頭幫襯。 坦白講，今日光顧完，完全對佢食物冇信心， 也不會再幫手😡😡😡😡😡😡😡😡😡😡😡😡😡😡😡😡😡

近日天氣炎熱，最好就是行大型商場了！又一城是我其中常去之一。今次入了間可望到，整個溜冰場的越南餐廳。這裡環境寬敞，天花裝了吊扇，加上墨綠色的窗門裝飾，佈置很有越南風味。一邊食午餐，一邊看著溜冰，可慢慢享受午餐。我們點了2個午餐，有前菜小食，主食和飲品。-小食 蒸粉卷，香茅雞肉蝦片，柚子沙律 加入柚子的沙律酸酸甜甜很開胃， 脆蝦片，加入雞肉粒，很有口感-越南咖哩牛肋排配法包 牛肋排很淋和入味，咖哩不太辣，甜 甜地，合不食得辣的人士-安南牛肉湯河粉 牛肉嫩滑-青檸梳打

很久沒有來又一城，戲院終於開放，終於可以一邊食爆穀一邊睇戲🎬～～～ Happy😊 訂了六點的枱，坐在走廊，溜冰場旁，位置不錯吧‼️ 我們又早，前前後後都未有客人，剛好溜冰場有 hockey league 🏒 🥅，是小朋友比賽，幾激烈㗎‼️ 今晚我們點的菜都算清淡，最濃味算是蝦餅扎肉餅，不過它一開二，我們就隨便夾，結果只吃到一個味道，我們四人要一開四嘛～～牙車快即是雞絲扎肉沙律🥗幾好味，粉卷也是必點的，點那個酸汁即刻開胃晒～～另還有蟹肉炒粉絲🦀、咸魚芥蘭，份量都夠四位女士，如果有男士，可能要加點肉或飯了～～～甜品是芒果糯米飯🍚和法式 pancakes🥞，也有雪糕伴著‼️ 本來是非常完滿的一餐，之前說我們早，未有客人，之後陸續有不少客人入座，加上溜冰場那邊有比賽，來的客人可能是家長吧⋯⋯ 結果前後被他們包抄了，現在限聚令是多少人嗎⁉️ 他們大大小小還有未到的，佔領幾張長枱，未吃飯，先喝啤酒🍺，開始有點吵，沒帶口罩😷，拿著啤酒🍻前後枱行來行去打招呼，大聲說話，好似包咗場，我們問侍應是不是包場，又說他們不是啊幸好我們都吃完準備要走，但他們的行為好像趕我們快點走，讓出張枱～～侍應們都沒理會他們騷擾其他客

琴晚同屋企人食飯就係揀係又一城，大家都就腳，唔想食中餐於是就揀咗呢間。。。點知由頭伏到尾，我地4個人就嗌咗set。第一碟牛油雞翼，唔熱+完全無牛油味。第二碟雞絲芒果沙律，個汁太甜雞絲食得出係隔夜。第三碟主菜蝦粉絲煲，加埋得2隻蝦完全無餸食食到呢到已經可以確定中伏，好想食完快啲走所以相都無影多張，第四碟雞係雞肶嚟，又係一樣份量少，唔熱，唔好食。之後仲有個金邊粉，都係難食，個程度係茶記收我50蚊我都會覺得難食嗰隻。最印象深刻就係個雜菜煲！所以有影相係烚菜，完全無味我自己係屋企煮唔出咩？洗乜出嚟食呢啲啊？總結，1. 服務差 明明無人排隊等入都死要話限時個半鐘，你唔趕我自己都走價唔唞啦啲員工行行企企就死唔肯收碟，好幾次屋企人差啲自己幫佢地收，好意思收加一？服務係邊啊？好心你地返緊工就醒小小啦2. 上菜慢兼難食 每碟隔15分鐘上，重要唔好食，好難想像點解咁都營運到，難食過茶記，唔該唔好開住嚟伏人啦3. 價錢不合正比 服務費又比咗，4人set埋單1400，只求食物質素正常發揮已經收貨，但差到不能容忍，N年無寫食評今次都嬲到要寫下，希望唔好有人同我一樣中伏！

小編一得閒就會去high tea，今次俾我發現到幾抵食既tea set，所以同大家介紹下🙆🏻‍♀️🙆🏻‍♀️又一城安南推出左$198兩位既越式下午茶🤩有鹹點小食，仲有經典越式甜點🍮👉🏻鹹點西貢蝦多士、越式蒸粉卷、鮮蝦米紙卷、蒜蓉牛油雞翼、炭燒大頭蝦（每位半隻）👉🏻甜點 椰汁紫糯米、越南咖啡奶凍、西米斑蘭糕、椰青果凍、法式焦糖燉蛋加$18仲可以追加麵食😍選擇有安南牛肉湯河粉/ 龍海蟹仔肉鮮茄湯檬粉/ 扎肉撈檬粉利申👅：小編勁鍾意加左辣椒粒既牛肉湯河粉🌶️🌶😍甜點大部分都好食呀，不過覺得鹹點西貢蝦多士有點兒油多😛喜歡我既帖文記得like & share🙆🏻‍♀️😘

shopping完咗之後，諗住食埋嘢先至再返屋企，喺鄭我哋買手袋隔離，有一間高級越南菜，我們決定今晚食越南菜。我哋分別叫了一個火車頭，一個撈檬，再加一個蝦餅小食值得一提的是，這裏的撈檬所用的魚露並不像一般越南餐廳的魚露，這裏的魚露沒有太過濃味，比較健康。

呢間下午茶幾抵食！除咗有鹹&甜小點 仲有麵食！真係超豐富&飽!!! 我冇食午餐去 食完都勁飽！食物質素整體都唔錯 又其係鹹點～環境裝修都幾靚 有啲似去咗越南咁🤣整體推薦大家去～ 平日應該會平啲！-🍳【母親節三層架下午茶】$368鹹點☞︎ 炭燒大頭蝦(每位半隻) ：普通 唔彈牙 有蝦膏☞︎ 串燒安格斯牛柳粒伴濱海：幾稔～☞︎ 西貢蝦多士☞︎ 燒豬肉蝦片✨：最鐘意呢個！肉燒得好香！☞︎ 鮮蝦米紙卷：點汁食 酸酸甜甜好味～☞︎ 蒜蓉牛油雞翼甜點☞︎ 趑南咖啡奶凍：咖啡味香 唔太甜☞︎ 法式焦糖焗蛋：幾滑幾creamy 焦糖味香☞︎ 西米斑蘭糕：正常水準☞︎ 椰汁粟米糯米：有啲似粟米羮撈飯🙈☞︎ 芒果黑糯米：芒果偏酸 糯米軟硬啱啱先 麵食☞︎ 安南牛肉湯河粉☞︎ 龍海蟹仔肉鮮茄湯檬粉兩碗都好唔錯～ 鮮茄湯有驚喜 好香 好夠味😋飲品☞︎ 越式清補涼：超級無敵多料!!! 呀媽好鐘意！似涼茶夏枯草味 小朋友口味嘅我就麻麻地🙈☞︎ 紅豆椰汁冰(+$18)：普通 各位可以唔使加錢叫呢個🙈-✨推薦指數：8/10💰人均消費：~$200⏳等候時間：booked

到了又一城又係搵野食的時候😋 今日想食越南菜，見到這間望住流冰場，就這間吧😊「二人小食併盤」有5款小食😌 併盤的好處😁「火車頭」越菜必有 火車頭，份量大慨2人，「馬拉盞炒通菜」野味通菜😽「香茅雞(半隻）」👍🏻👍🏻👍🏻炸得剛好，雞肉滑溜，yummy😍 必食「鮮椰青」好青甜，多水👍🏻「炒金邊粉」尚可，不是平時食開泰式的味道😌「芒果沙冰」酷熱天氣下，這杯沙冰救了我😍 唔太甜👍🏻味道剛好備註：🔺溜冰場有點嘈，如介意注意喔⚠️🔺有限時用餐🍴

The staff were attentive, professional and polite. Service is efficient. Easy to make booking using Open Rice. Lunch menu is good and the food is tasty and well presented. Nice view of ice skating rink below. A lovely place to enjoy lunch on a weekday.

其實本身唔係想食呢間，因為想食嗰間冇開🥲就揀咗呢間試吓啦🤣點知都有驚喜喎🤣叫咗幾款嘢食，先嚟個豬肉濱海🤣其實我唔知白色好似米粉嗰啲係咩嚟，但係好好食🤣有生菜夾，好似食韓燒咁，又幾好味呀😍🤤之後小食係春卷，熱辣辣上檯，我都攤咗佢一陣先食🤣好脆！又係夾生菜食，感覺冇咁油膩啦🤣🤣唔錯👍🏻之後仲叫咗炒金邊粉🤤😍D料多過粉呀😂好足料，有大蝦、扎肉、芽菜🤤又有鑊氣，好食👍🏻最後要叫埋呢個甜品先圓滿😍芒果黑糯米！碗黑糯米係熱㗎！OMG！好好味😍🤤加埋椰子雪糕，好好味呀🤣🤤一邊熱一邊凍呀🤣芒果都好香甜🤤推介👍🏻👍🏻-炭燒豬肉濱海 $128-安南春卷 $118-越式炒金邊粉 $138-芒果黑糯米加雪糕 $88

之前見到3百零蚊個下午茶for two, 咪星期日去試下啦。去到門口見到有個6百幾既，問下就比個上網見到三百幾果個menu 睇。唔知係咪因為咁啦，前面單人既就比張4人台，我兩個人真係比張二人台我，又可以同女朋友親近d 喇。咁食物黎講，尚算可以，有凍既蝦多熱，又有溫度適中既炸雞翼，完唔唔駛攤凍就擺得入口喇，夠窩心既。咁個set 仲有個咩蕃茄湯蟹仔肉檬粉，咁作為一個茄膏湯檬 ,味道唔錯既。隻燒蝦既醬幾好味既，食落因為個味道唔差，差d 唔記得隻蝦係梅既。至於服務直情親切添，上菜既時候橫插隻碟上黎，另一隻碟撬起左都得👍🏻，玩啤牌冚棉胎咁插隻手必贏。然後其他台走晒唔清，係衝黎我度收台，我真係覺得16:45仲坐係度阻人收工，我好內疚架。d 員工又知我唔飲水喉水，所以其他人都有，係唔比我，等我飲自備水，又一窩心表現。可能又一城d 消費我真係afford 唔起啦。

現時沒有晚餐堂食服務，只好相約朋友在午飯時間聚一聚。我們沒有訂枱，平日12點正walk in到餐廳，不用排隊，也有很多空枱，便選擇了對着溜冰場的座位。我們order了兩個lunch set, 一個海鮮炒河粉，另一個是雞扒飯。海鮮炒河粉中用料豐富，海鮮包括帶子，鮮蝦，蜆租魚肉，配合蔬菜三色椒，感覺上是很健康的一個午餐。我試了朋友的雞扒飯，味道也不錯，但不算突出。跟餐送的小食令我有點驚喜，很喜歡鮮腸粉，還有一個蝦片配豬肉。另外還配有青檸特飲，新鮮爽口。食到大概一點，餐廳開始客滿，我們也不好意思坐着閒聊，便離開了。午餐人均$180。

其實大家平時去食開下午茶，都會發現好多酒店嘅下午茶係唔飽肚。因為份量少，而且嗰種飽肚係食糕點食到滯/膩。但今次要介紹呢一間下午茶係真正嘅飽肚，而且平又高質。又一城安南餐廳嘅三層下午茶，計番每一個人都只唔使$150。仲要每個人已經包左半隻炭燒大頭蝦、一碗自選越式湯粉。三層架入邊鹹甜點各佔一半。蝦多士舊蝦膠超厚，炸到非常鬆脆而且唔油膩。軟殼蟹咪紙卷真係有大大軟殻蟹，配搭埋生菜同埋米粉，口感十足，而且食落清新。蒜蓉牛油雞翼，炸完之後都非常入味，而且雞肉保持濕潤唔會乾身。甜品嗰方面最欣賞芒果紫米同埋斑斕椰汁糕，入口煙un軟糯。蟹仔肉鮮茄湯檬粉，湯底真係好番茄，而且蟹肉鮮甜，將整體湯底鮮甜味道提升。碗入邊都有三大片生牛肉，而且好多香菜，所以飲起嚟湯底特別清甜。大頭蝦佢冇乜加特別嘅調味料，食嘅係大頭蝦本身嘅味道，你見到佢個蝦頭爆曬膏，特別惹味。不過因為佢嘅三層下午茶一定只可以雙數咁樣叫，但係我哋三人行，所以我哋就叫多咗一份午市套餐嚟分享，不過都仲有八折，仲算抵食。咖喱滿佈椰香，而且配襯埋法包真係一滴不留。由三點入座，坐左個幾兩個鐘，環境舒適、服務尚可，價錢又公道，值得推薦。

又一城安南的越式 high tea set 最近轉咗 menu，而家因為無晚市堂食，所以 11am-6pm 全日供應，$328+10% for 2 persons，3pm 後下午茶時段入座有八折。小食有五咸五甜，另外每人半隻燒大頭蝦，每人仲有一大碗粉，除咗招牌牛河之外，一定要試蟹仔肉番茄湯粉，個湯好飲到一滴都無剩，勁大碗，好飽肚，仲包兩杯飲品，超抵食。咸點最好食係蝦多士同蒜蓉牛油雞翼，軟殼蟹米紙卷大大件好足料，燒大頭蝦雖然唔係好大隻，但蝦頭勁多膏，好甘香，越式蘿蔔糕無乜特別。甜點最愛法式焦糖焗蛋，又香又滑，西米斑蘭糕都係我的至愛，清香軟糯，大愛。我見大部份人都坐喺望住溜冰場嗰邊，室內反而好冷清，不過我鍾意靜靜地傾偈一流。

喺屋企困得耐真係要出門口抖下氣。行過又一城見到安南環境幾靚幾舒服，套餐又幾抵，300幾蚊二人份，有齊主食、小食、甜品同飲品，二話不說入去試吓🥰不得不讚佢既牛肉湯河粉非常鮮味，朋友點既蟹肉鮮茄湯檬粉唔錯，酸中帶甜，蟹肉份量一啲都唔吝嗇。鹹點既大蝦頭燒得夠惹味，好多膏，其餘既蝦多士、豬頸肉濱海、軟殼蟹米紙卷同牛油雞翼都唔錯！我最愛既甜品方面，佢既焦糖焗蛋有焦糖香，唔會死甜，又多滑。唔好甜既一定要試下個咖啡奶凍，有好香濃嘅咖啡味😚 椰汁糕都唔錯，好煙韌。另外加錢轉左杯青檸沙冰，酸酸地好清爽，夠晒開胃😙呢個套餐真係好抵，我地2個女仔去食差d食唔晒🤣 而家難得先會出街食餐飯，呢間餐廳真係好推介！