安泰燒臘餐廳

營業中

休息中

早前叫外賣，一班同事叫燒味四寶飯，非常失望地發現味道極度差劣，食材劣質，粗製濫造，雞鴨部分只會斬骨頭，得啲皮同骨無肉食，以普通餐廳來講完全無誠意可言，感覺將一啲豬頭骨炒埋一碟俾人食，觀感極差。以燒味店黎講，絕對不推薦食呢間餐廳，不可一，不可在。我希望呢間餐廳能夠嚴格控制食材的品質，確保所有菜品都符合標準的品質要求。同時，都希望呢間餐廳能夠反思，並採取相應既措施，確保未來既顧客可以享受到有質素既體驗。

雖則我買外賣姐，你係門口貼住請排隊，咁排隊落單貼堂食比錢都要分先後掛我話我排隊先嫁喎，個肥（婆）收銀就好大聲講要收佢錢先。疑似老細仲話堂食係收錢先，咁都得，咁你排十個堂食，咁我外賣既係咪都要等到十個後先落得單？Ok, 最後一次幫襯，咁既態度成間野各位要幫襯既..考慮下先入去啦呢間野不知所謂唔會再有下次又貴又唔好食，買野食仲要買難受，啲員工連帶個個脾氣臭到癲，咁既市道仲咁既態度，又唔係好食，睇你幾時執啦

去完欣田邨探人，同朋友落樓下食返個早餐，充下電。佢嘅早餐都幾多款！-自選雙拼出前一丁(五香肉丁&叉燒) $35既然叫得做燒臘餐廳，梗係要試吓佢嘅燒味，叉燒好香，肉質腍，有少少肥豬肉，食落爽。出前一丁佢會比你自己落味粉同麻油，抵讚。-鮮茄牛肉通粉配火腿煎蛋及餐包 $40牛肉夠腍，湯底蕃茄味濃郁，酸酸味味，好開胃。餐包唔會朝爭爭，煎蛋做到流心，比我可以蘸包又得，做湯底又得。自選雙拼出前一丁(沙嗲牛肉&叉燒) $35熱奶茶、凍奶茶、熱朱古力

我就未曾堂食到時叫外送服務的。之前都係叫燒味飯。叉燒燒鴨可以的。最有驚喜就係燒肉送到我屋企，皮還是脆卜卜，而且和腩肉是黏住的。口感鮮嫩不會太鹹。幾日前看見有小菜點了一個魚香茄子煲。絕對有驚喜用了十足坊間有啲瘦肉真的太少，要不然就鹹魚多個瘦肉一味只有個鹹字而且很油膩。這家的對我來說剛剛好。

一間餐廳食物差，但服務態度好嘅話都可以接受。但呢一間餐廳唔止食物 連態度都好差。今日去咗呢間餐廳同屋企人食飯，之後因為張枱未有菜單就問店員拎，點知店員直接將個菜單好大力拍落張枱度，嚇到我哋成枱人彈一彈（咁都算啦，可能當店員好忙唔小心大力放咗落張枱度）但之後出餐嘅時候另一個店員將食物放喺枱度都係好大力，之後件衫都俾碗上面嘅湯水彈濕咗，心諗香港茶餐廳態度幾時去到呢個地步。然後我睇到隔籬枱啲遭遇都唔係好我好多，人哋問店員嘢佢哋回答好似鬧人咁。之後上黎睇食評發現其他人都係集中講緊佢哋態度嘅問題就知道咩事😑

目前食過最差的餐廳之一。先不說餐廳的食物如何，今天只是有禮地問一個比較空閒的員工6人可以一齊坐而已，結果員工的劣質態度令人都不想再回訪了，而且價格也不是很便宜，加上這個服務態度，好像不太想見客人。如果還未去可以建議直接跳過這間餐廳！！

入去果陣員工態度唔只差，仲要問多句都有問題，好好語氣對佢，仲要態度差勁，野食仲要貴，又唔抵食，又難食，啲員工對客人聲大夾惡，語氣又唔好，又唔識分配好座位，兩個人坐一張大枱，啲多人問有冇大枱就話有人坐緊，唔識問人可唔可以讓一讓，轉數又唔快，態度又差

今日(26/2/22)中午踩住單車搵嘢食就揀咗呢間食肆,咁響門口嗰陣時就詢問個姐姐可唔可以坐喺窗口位置或者附近方便我睇住泊係門口嘅單車？佢就答話唔可以，咁我都OK無所謂啦！點知就有個好似老闆咁嘅物體態度好唔友善一句反譏過嚟就話”個個都話有單車既仲得了”我真係儍咗眼，只係詢問一句好閒啫嘛！今時今日受疫情影響各行各業都揸頸就命，大家都努力去做好自己！唔明點解呢個老闆可以有咁嘅態度好似唔憂做咁樣！奉勸老闆唔好郁啲就咁燥火，對身體無益架！

今日又去咗安泰餐廳食晚飯,，今日就嗌咗碟豉油雞半隻，小炒王同豆腐班腩煲。 因為嗌咗兩個小菜所以佢都有送埋餐湯，飯同餐前小食。小食日日都唔同，今日就係依個豬手。豬手有少少酸，十分之開胃，食落去仲有微微嘅八角香，真係食唔停呀。佢哋嘅豉油雞都幾大隻，肉質嫩滑，唔會煮得太老，肉有多，咬落去好起勁，簡直係啖啖肉，豉油調味又香，送飯簡直一流。小炒王都落咗幾多料，有韭菜，魷魚，大蝦，小蝦米，銀針魚，腰果等等，鹹鹹地，又香又好味。豆腐班腩煲就中中挺挺，其實同出面嘅餐廳都差唔多，正正常常。價錢嚟講其實都算貴，呢幾碟嘢就要280蚊接近三百蚊。一個月食一餐半餐真係夠喇，咁既價錢我其實寧願出去食一啲特別少少嘅西餐廳，可能都係同一個價。

今日收工已經好晏喇,冇時間去街市買餸煮飯, 所以就去咗屋企附近呢間中式茶餐廳買外賣返屋企食. 其實平時都有食開呢間嘅食物嘅, 咁因為佢外賣會打9折所以就買返屋企食啦.今日就叫咗呢個乾炒豬扒公仔麵同魚香茄子斑腩飯, 實價係120蚊左右, 都算ok啦. 咁其實佢出菜時間都唔算慢, 我前面嘅大概有四至五個人, 我都係等咗十分鐘左右.啲飯攞到返屋企就凍咗少少, 打唔算好靚, 係邊多肥肉嘅, 魚香茄子斑腩嘅餸就算中規中矩, 就係啲汁少咗少少, 完全唔夠撈飯食. 一個普通晚餐嚟講算係合格啦, 但係如果你對食有少少要求嘅話可能就會唔啱你胃口喇.

食物品質一般般，好壞參差，甚至另你吃得不能夠開心壞了心情！因樓下沒有太多餐廳選擇而被逼無奈再次惠顧，焗飯試過幾次都沒有改善，豬扒焗飯雖然加餐飲48不是太貴，但次次都俾頭頭尾尾落去焗飯，而且豬扒不是太新鮮很肥，飯實話實説很失望食物出品太差了！

試過好幾次 對上次食都係食下午茶 仲記得上次係食叉燒三眼仔蛋飯記得上次食d叉燒係半肥瘦幾好食 幾驚喜下午茶既價錢有咁既質素 今次黎發覺轉左menu變左叉燒炒滑蛋 d滑蛋係ok滑既 幾欣賞佢唔會好油 好怕食啲油到令立立既炒蛋 但到d叉燒就出事 d叉燒就同d蛋完全分開（食之前唔記得影 本身都好分離）d蛋完全冇叉燒味 d叉燒又細塊又薄又柴 唔怪得要轉叉燒炒蛋 d叉燒無論數量定質素都好難單獨擺 好失望 太難食淨食左d炒蛋冇食過d叉燒咁濟 明白要做成本控制 但都唔係求其拎d野出黎

今日探朋友，唔打唔撞入咗嚟呢間茶餐廳，咁啱就下午茶，要試一間餐廳有冇誠意一定要食佢哋嘅炸雞髀同薯條，仲有唔少得嘅凍檸茶啦！呢隻雞髀對比杯檸檬茶就知有幾大件！入面多汁！食一碟已經飽曬

連續兩日去買外賣都遇到極差態度。第一次係收銀姐姐好以姨媽來咁 只不過係問一句幾錢 句立刻就好以小朋友讀書咁 一只只數目字講再加上一個翻眼第二日去買外賣 個收銀唔係尋日個個就心念都好啲 點知 遇到一個啊叔可能姨丈來我企係出面等我嘅外賣 巨叫左一次我號碼 我🈚️聽到 跟住我見巨擺係張台上面 我就念係4盒嘢 可能係我嘅 我就入去問唔該 係咪#號啊 巨就立刻講 叫左咁多聲都🈚️反應 你叫左嘢就唔好行開啦 有🈚️搞錯 我心念 平時啲啊姐叫號碼又唔見我聽唔到 就算係行開左 都正常啦 你啲又🈚️講明一定要留係度等真係真心差 我都係第一次寫呢啲評語

今天去了欣田邨食午飯，見到這間燒臘餐廳好似幾好咁，未夠2pm入面都坐了好多人。我們就叫了午餐。午餐有湯或飲品，叫了凍檸檬茶，正常好味。餐廳都算好大薄牛扒脆皮腸飯，好大碟呀，洋蔥汁，有些甘筍仔好味，牛扒好大塊，夠淋身，條邊肥左d，脆皮腸好味。焗黑椒汁吉列魚柳飯，魚柳好大塊，有三塊咁多，飯好多黑椒汁同芝士，炒飯底，不是好辣的，魚柳有d深色，濃左d，魚肉也滑的。干炒三絲米，好大碟，炒得好有鑊氣，火腿，叉燒，葱，芽菜，正！下午茶2pm開始，選擇好多，好多人，仲要等位添！