宏富雲南米線

營業中

休息中

✨酸辣雞肉炸醬酸辣米線 $47個酸辣湯底完全唔酸唔辣 淡荗荗 好似清湯咁🫠 加左啲炸醬落去先叫有啲味 炸醬味道ok但係十分稀😵😵😵 雞肉又冇乜雞味 ✨牛腩魚春卷麻辣米線 $47麻辣湯底同個酸辣湯底都差唔多 可能有加左幾滴麻辣辣油落去🫣 不過都係偏淡啦 牛腩同個魚春卷都正常嘅 ✨豉油菜心 $19呢個菜個熟度都掌握得幾好而米線舖最重點個米線我地覺得佢都係處理得一般🙈🙈 唔煙韌 冇乜彈性 😵 真心覺得去食三哥都好過食呢間 湯底同米線都唔得🙈味道❤️❤️抵食❤️❤️服務❤️❤️💔環境❤️❤️💔💰午餐人均～$56（唔洗+1）

好多間話好食嘅唔好食，唔掂嘅其實又唔算好差 LOL 呢間啲人話係好食過譚仔，雖然我唔係譚仔粉，但剛好已試咗同站(調景嶺)嘅譚仔三哥同譚仔雲南同一款米線：腩肉腐皮酸辣米線，就試埋呢間！價錢環境唔多講，只想試味道。攞到嚟見到湯底清成咁已覺不對路，第一啖就飲咗啖湯底，微酸微辣，冇乜大陸風味；腩肉應該係全碗做得最好嘅部分，幾大塊又新鮮又唔硬；腐皮同米線煮得硬度適中(上次三哥出奇地煮到硬得很！)；酸辣湯底…靠嘅係酸菜，點知食落口… 不單唔係三哥嗰隻普通酸菜(因為譚仔雲南先有老壇酸菜風味)，而且仲係街市一般賣嗰隻所謂「酸」菜，係甜架！！成碗粉變咗甜辣米線 =_= 完全唔係嗰回事，極其量係似茶餐廳客串做嘅米線！唔好同我講要大陸風味返大陸食，因為呢間係自稱「雲南」米線的。

米線送凍/熱飲品 (唔包括單叫淨米線)計落呢間仲抵食過連鎖米線舖揀咗兩餸米線($47) 配凍利賓納 餸係腩肉同雞翼尖 麻辣要咗小辣 啲餸分量都算多 腩肉大大片 唔會難咬 雖然係似無調味腩肉 但連埋麻辣湯底都幾索味 不過雞翼尖表現遜色 麻辣湯底都算麻同辣度啱我 好耐冇飲利賓納 唔會沖到淡而無味 唔錯另外朋友叫咗酸辣豬頸肉米線配凍菜蜜 酸辣係固定辣度 試咗一啖 食小辣嘅人會接受到嘅辣 但嗜辣人士就應該會嫌唔夠辣😂豬頸肉係一條條唔係一片片 邊邊略嫌唔脆

未食lunch上個friend屋企玩，問佢有冇啲街坊米線，佢介紹呢間！叫咗雞肉豬膶酸辣米線（中小辣）外賣分湯個湯味道唔錯嘅，但質地較為水，如果可以煲到濃郁少少就會再正啲。兩樣餸嘅份量都幾多- 雞肉都煮得嫩滑嘅- 豬潤比較乾，食落爽口其他

📍宏富雲南米線🇭🇰 將軍澳調景嶺彩明街1號彩明街市72-73號舖米線關注組又上線了～從來都唔知道將軍澳區除咗譚仔有好味嘅米線朋友推薦我食呢間 點都要試試佢😋 招牌魚春捲米線 小辣 $42個人認為佢小辣=譚仔10小辣有少少唔夠辣對我嚟講 下次會試吓中辣但佢餸嘅份量幾多 呢個要讚魚春卷都幾好食 入邊真係食到有魚肉味呢個價錢仲要包嘢飲👍🏼👍🏼🥹😋 蒜泥腩肉 $28呢個腩肉推薦！ 同平時譚仔嗰啲唔一樣厚切腩肉 正如果再多啲蒜會再正啲！

𝟙𝟙.𝟘𝟛.𝟚𝟘𝟚𝟛《抵食街坊雲南米線✨》💮宏富雲南米線 (將軍澳)💮📍將軍澳調景嶺彩明街1號彩明街市72-73號舖📍見有人大力推薦所以就慕名去同朋友試吓😗店舖喺彩明街市入面，舖面唔大，就算去到兩點幾都仲排緊隊😳不過佢哋翻枱都幾快，所以都唔算等咗好耐就入到👍🏻𐂂 米線自由配 (兩餸)($45) ［豬扒+春卷］米線唔會過淋，豬扒好軟淋同埋都幾入味👻麻辣湯底都幾香，雖然淨係小辣，但對於食辣bb班嚟講都好足夠🌶️春卷的確真係好似入哋推薦嘅一樣外脆內軟，魚味都好岀😳同埋呢個價錢送嘢飲，抵食🫡𐂂 米線自由配 (三餸) ($50) ［春卷+芝士腸+豬頸肉］豬頸肉就唔算好入味，但好淋😚芝士腸就冇乜特別，純粹嗰日想食😂如果推薦的話，會比較推薦豬扒同春卷✨꧁評分꧂🍴食物: 4/5💰性價比: 5/5🌟🪴服務: 3/5✈︎ 店鋪資訊✈︎💸人均消費: $60內🈚️加一服務費🔖餐廳分類 🔎 #hkfoodieat港式🫖 #hkfoodieat_調景嶺

呢間喺屋企樓下嘅米線真係好正！街坊價錢，而且水準我會話好食過譚仔🤭調景嶺已經有一間譚仔一間三哥，雖然我都好鐘意食，但發掘到呢間喺街市嘅小店，返唔到轉頭🤣平時食都係星期六日多，等待嘅時間會長啲，因為都好多人幫襯😋有時多啲時間我就會外賣返屋企食，好方便💯而且速度好快，服務好好👍🏻環境喺街市嚟講算係乾淨，坐位都ok。我自己最鍾意食酸辣，有時揀麻辣🤤佢配嘅酸菜好好食！！餸我會揀返炸醬、魚肉春卷，呢度都好食，小食一定會叫埋蒜泥白肉，係同譚仔唔同㗎！一定要試吓🤭

3月14日 宏富雲南米線 心晴彩明街市算是一個新式街市，中間有許多大賣場形式的攤檔，兩側就有些淺窄的鋪位。彼鄰的店可以大相逕庭，有些賣日用品、有些是食店，有做快遞的，也有中醫。在彩明街市中，有一間小小的米線店——宏富雲南米線，座位不多於三十個，客似雲來，食客就在狹窄的走道上排隊。這裏的食客turnover非常快，堪比澳牛。一入座，姐姐馬上拿著紙筆站在你旁邊，等待你點餐。沒有任何頭緒的我索要餐牌，姐姐把餐牌放在我面前，然後繼續拿著紙筆等候我的答案。於是我「見到乜就嗌乜」，點了招牌手打魚春卷米線，選了酸辣湯底，凍檸茶少甜，餐連飲品只需$42。其實魚春卷是特別餸，平常一餸$40，兩餸$45，三餸$50，跟凍熱飲品。非常實惠，所以很多學生光顧。招牌手打魚春卷米線光速送到，湯底以酸為基調，「辣辣地酸菜湯底」，酸菜爽甜，大概是這樣的感覺，頗為清新，也不多油。四大條魚春卷，外脆內軟，好味。米線正正常常，偏軟。酸辣湯底只有一種辣度，麻辣則分為大、中、小辣，吃著吃著，聽到附近的熟客點了「麻酸辣小辣」，原來有這樣的吃法，有趣，大家下次不妨一試。因為周圍太多人了，又有種爭分奪秒的感覺，不好意思多拍照就走了。

由中學開始已食到呢家 起初好中意食佢個酸辣，醒胃可口，但麻辣都有少少酸菜，同埋有重重嘅芫荽可以係酸麻，最中意食佢地既 豬扒 雞翼 春卷 肉卷同豬頸肉，每次都會輪住咁食 ，講講下都想食

位於將軍澳調景嶺彩明街1號彩明街市72-73號舖的宏富雲南米線受附近居民同學生所歡迎！佢嘅湯底濃郁！而且送嘅選擇多！小食種類多！而且價錢便宜！每次放飯時間都接近滿座！

將軍澳早就被大財團壟斷市場商場s只剩一式一樣的連鎖餐廳難得在領展街市中搵到小店的氣息實在值得一試酸辣湯底有家的味道～把湯飲光也沒有很口渴雞肉是嫰滑的酸菜食得出是自家醃製$4x蚊 大碗抵食！麻辣雞翼認真夠辣！二人可以點3隻！不會太大份！在吃麵的短短30分鐘門外等外賣的顧客源源不絕比較多人點 手打春卷和豬扒鋪面雖小 眼見一共有四位傳菜姐姐廚房有兩名員工可見生意興隆必有原因 😍下次我會再去嘗試麻辣湯底❤️

呢一間係調景嶺彩明街市入邊嘅宏富雲南米線之前睇佢舖頭覺得佢應該幾污糟所以唔夠膽食，但係我身邊好多人都話好好食，咁咪試吓囉，最多肚屙啫😂一入到去，第一感受就係佢真係好迫，衛生情況冇想像中咁差，但係都一般以下落咗單之後過咗2分鐘，米線已經送上枱唔知點解可以咁快手，但係碗米線好鬼熱，就算拎去返煮應該都唔會咁快？於是我就抱住一個充滿疑問嘅心態食，如果有谷友知點解咁快上到嘅話歡迎解答🙈好啦第一啖食，係唔錯嘅，我直程覺得我食咗咁多年譚仔係食垃圾。我食呢間米線之前我係好鍾意食譚仔，尤其係腩肉米線番茄湯底小辣😂，但係而家真係唔會再食譚仔，硬係覺得貼錢買難受。可能你會覺得我係打手，但係我絕對唔係（我都想有得收佢哋錢），同埋呢一間米線係會送嘢飲！我就揀咗凍檸茶，佢都好似冇加我凍飲嘅錢👍，唔知係加漏咗定係我太靚仔，我連續幾日去食都冇加同埋呢一間嗰啲嘅辣，我覺得唔係死辣，係食得好過癮，不過呢一度啲辣度冇出邊咁辣，我以前譚仔食開小辣，喺呢度會食到中辣！但係唔食芫荽嘅谷友記得要叫走芫荽，因為好似每一碗米線都會有少少芫荽咁

12月10日晚上獨自一個人食飯又諗唔到食咩,所以去咗樓下街市嘅米線舖,諗咗好耐呀叫咗個雞肉同扎肉嘅米線,其實食落同譚仔差唔多但係佢哋送嘢飲所以我都覺得係好抵食,所以我都好推介畀大家食！

經過調景嶺，朋友仔介紹一間街坊米線，仲話好食過嗰啲連鎖嘅米線舖，咁就試試. 呢間米線舖喺彩明街市裡面，街市嚟講，座位都乾淨、企理. 姐姐嘅服務都ok, 米線有三款湯底揀：清湯、酸辣(辣度無得揀)、麻辣(可以揀唔同辣度). 我外賣，叫咗個二餸酸辣米線，春卷+牛丸，有凍熱嘢飲送. 不過叫嘢食，姐姐無話俾張飛/單去等，如果遇到2個客人叫同1樣嘢，就唔知邊個先後啦. 份量好足夠，春卷都好煙韌，牛丸彈牙，好好食，米線嘅軟硬好適中，酸辣湯底都好好飲，不過略為辣少少. 整體我都好欣賞呢間小店米線，推介俾大家試試.

🌎宏富雲南米線去我朋友屋企玩，大家都未lunch，佢介紹我食呢個街坊米線 ，我地見中午時間好多人排隊，決定外賣算啦。米線包埋飲品都係$41 個，真係好實惠，街坊價性價比高！▫️魚腐加春卷清湯米線：一打開熱辣辣湯，聞到都想食，魚腐大大嚿有三粒，春卷一定要另上，仲外脆內軟，好香口！▫️雞肉加春卷麻辣米線：有香既麻辣味，雞肉肉質嫩滑，配上麻辣湯底好挾好惹味！💵人均消費：$41✨環境衛生：6.9/10🙋🏻‍♀️推介指數：7.8/10