宏昇牛什越南河

營業中

休息中

崩沙腩幼麵（$40）崩沙腩約有八件，唔算好大件。肉質爽口，有少少肉味，但食落唔似新鮮腩；湯底算清，唔肥膩，少少咸；幼麵一般，偏腍，唔太彈牙。牛雜幼麵（$30）越式湯（+$10）有4片草肚，3舊肺，3舊粉腸（無竹腸），1件膀，唔算切得好大件，食落偏向腍身，口感欠奉，各款嘅味道唔算好出色，普普通通，門口燈牌話係新鮮牛雜，但食落唔多覺；越式湯底，有兩片檸檬，洋蔥，辣椒粒，微微帶甜，但唔太似真正嘅越式湯底，可以慳返$10唔使加錢特登轉。全日奉送熱飲/汽水，凍飲加$3，特飲加$6。老實講，三草嘢，有碗粉麵，仲有嘢飲，價錢的確係平嘅，但唔好抱太大期望。

偶然行過此店門外，見價錢平。之後都幫襯過幾次。 再多次幫襯的主要原因是湯底有牛味及不鹹。出面很多寫清湯腩的湯都很鹹和濁。粉麵和餸的份量都很大。 唯一一次失望是伊麵過諗。

店家傳統做法，先將雞整隻煮熟，再在雪水浸泡，這樣才能保持雞肉的脆嫩口感。每塊雞肉都非常滑嫩，擺盤時都是整齊切片，看上去就讓人想入口。配搭的汁料有牛腩汁選擇。牛腩汁煮得濃郁香濃，充滿了牛肉的味道，牛腩肉軟嫩入口即化。而雞汁則更為清爽，口味較為清淡，雞肉的鮮味能夠更突出。味道更出色的是配上河粉，河粉彈牙有嚼勁，與切片的白切雞、牛腩一起混合，細嚐其中，更能感受到各種口感的結合。湯底入味，將牛腩湯和雞湯烹煮在一起，滋味更加豐富，吸飽了精華，每一口都是滿滿的牛雞湯香味。宏昇牛什越南河大角咀大角咀道165號地舖

這間店舖 我已經光顧數次，感覺良好，性價比頗高，但今次真令我非常之失望🥲🥲，5 月7日 早10點半叫做一碗牛什河（$30), 牛什有草肚，金錢肚，膀肺，粉腸，大腸，毎款切得超 細件，但份量比上次光顧時約減少咗1/3，牛膀味道 普通但可以接受，金錢肚及草肚份量極少，且質感似湯渣，又韌又柴，牛肺過火候，鬆散沒口感，而最差勁的竟是粉腸及大腸，韌到咬不開。湯微溫，味道淡，不夠熱，伴送的生菜微黑。唯一可取的地方，就是河粉的份量非常充足，總括來說，食物水平一般，但份量和價錢都可以，希望 店主努力改善！支持 香港 🇭🇰地道小店！大家加加油👍👏

午市時間去，見$40就有一碗三寶河，幾化算就叫一碗。鋪頭細，座位同人手唔多，有時會無人執枱。粉麵的份量夠，料都多，牛肚，牛筋同牛腩都入味，但牛腩有點兒碎，而且湯底好淡。

#宏昇牛什越南河係網上見到位於大角咀既宏昇牛雜麵都幾抵，見佢有個越南湯底，反正近期食牛什麵都有少少「抗體」，決定來試吓。一般越式河係會幾重牛骨湯味，而且會有兜青檸同辣椒碎分上。不過依度就係用一片檸檬同將辣椒直接放係湯度，食落都幾辣😅 或許因為咁，我試唔真個湯既味，覺得比較淡，河粉索唔到湯既味同樣淡口，問店員拎魚露先提到鮮。個人就不太喜歡依個湯底，口味唔夾我。反而牛什就好有驚喜，食落有一種似曾相識嘅味道，睇落似用新鮮什。叫一碗普通牛什麵只係$30，要越式湯底就$40。少有地加咗杯 #凍檸茶 ，加$8，杯茶都幾濃，有茶香，可以接受。飲到最後見到隻杯有幾隻字，一望之下就解答咗我點解會覺得似曾相識，同埋牛什好正河粉一般既諗法🤣依間鋪屬於小店，位唔多，今次越南湯底個人覺得幾一般，反而牛什真係大讚👍宏昇牛什越南河大角咀大角咀道165號地舖@foodiehck2022 #港飲港食平靚正 #牛什 #麵食 #大角咀

店名雖然叫牛雜越南河但食落似香港粉麵店多啲，下午茶都算抵食$30 一碗粉麵加飲品，而家好多地方都食唔到，我哋叫了一碗雲吞河、一碗魚片河、一碗三寶（牛腩、牛肚、牛筋） 飯，一碗雲吞麵有七粒雲吞，雖然雲吞肉多蝦少，但十分抵食，不過湯底過於清淡，牛肚淋牛筋不韌牛腩不太淋，但很入味。

openrice無意中發現大角咀有間賣牛雜既小店，買左一份牛雜80+一份崩沙腩120。牛雜中規中矩，配生菜，好入味。崩沙腩係帶少少肥肉，切得細細塊，入口即融，好正，小朋友食都無問題。下次會再試下其他菜式。

大角咀好少舖頭有得食牛雜係門口聞到香味 所以就試下牛筋拼雲吞 雙拼+10=$41 好抵佢仲有牛肚 牛雜 豬手 豬肚etc…味道都唔錯 牛筋幾入味可能店舖表面普通 但係啲嘢食感覺唔差的同埋感覺都幾正宗 好似係越南人嚟