宏泰燒味餐廳 (川龍街)

營業中

休息中

今日（7-9-2024 Sat)晏晝，跟老公去教會做義工前食晏，去邊喥食，突然記起呢間，咁就嚟啦，我哋嚟到時都多人，坐低後諗，我要$45.00全瘦燒肉瀨，飲熱奶茶。老公要$50.00嘅四寶飯，要熱檸水。我嘅全瘦燒肉瀨到嚟，睇見燒肉真係俾全瘦，食落唔鹹，有啲皮脆有啲就唔脆，肉嘅口感都正常。味道：4分爽滑瀨粉份量唔多，淡湯嘅味道有啲怪，唔通係燒骨湯？味道：3分然後係老公嘅四寶飯，我只食一件燒鴨，口感同味道都對版，冇問題。味道：4分最後兩杯嘢飲到嚟，我嘅熱奶茶，一飲就係苦澀，好彩加半包糖都救到。味道：2分衛生：地面依然有少少跣，今次擺餐具嘅櫃邊都油油地。上次食評係2024年5月13日刊登嘅呢篇： https://www.openrice.com/zh/hongkong/review/%E9%81%B2%E9%A3%9F%E4%B8%8B%E5%8D%88%E8%8C%B6-%E6%99%9A%E9%A4%90-e5458760

大前日(10-5-2024 Fri)放半日假染髮,染完就諗買咩返屋企做晚飯啦,去素悅軒?炸薯片好熱氣嘅,又諗唔到要咩餸好.光榮,見到有叉蛋飯,咁不如自己去燒味店買叉燒返屋企整,但其實我係唔想煮嘛,咁不如索性去買燒味飯食.就走嚟宏泰買叉鵝瀨吧,去到俾錢,收$38.00重有湯或奶茶送,我就揀湯.喺未行出去等時,亞姐已經叫師傅講要腍叉…師傅又笑住答邊有咁準?佢哋好攪笑.等咗一陣就有喇,我拎住好多嘢去搭車,又繼續買嘢,好驚啲湯會瀉,拎到返屋企打開睇,又冇事喎,唔錯.咁我就開動喇,叉燒係瘦叉燒,又真係好腍,唔柴皮,而蜜味唔夠;燒鵝呢?俾咗胸我,啖啖肉,但味道唔夠香;瀨粉就冇煮過龍,口感OK嘅.碗湯就用燒豬皮加蓮藕煲,味道就係燒豬皮嘅味,一般吧.上次食評係2023年2月20日刊登嘅呢篇:https://www.openrice.com/zh/hongkong/review/%E7%AC%AC%E4%B8%80%E6%AC%A1%E9%A3%9F%E4%BD%A2%E5%98%85%E6%BB%B7%E6%B0%B4%E8%B1%AC%E8%85%B3-e4719807

買左一隻燒鴨，返到屋企打開夾番落自己嘅碟加熱，至發現冇左一隻髀。打番去舖頭話俾佢地知（其實心知唔會有實際作用，只係唔講唔舒服），接電話小姐一如預期態度差劣，話冇可能偷一隻髀，叫我影相做證據send番俾佢地睇，又話口同鼻拗，話我屈佢，仲問我當場做咩唔check清楚。其實呢個世界真係有人會買燒味，人地包好晒俾你，你再打番開個外賣盒數下check下d件數齊唔齊？！咁，其實我都知係口同鼻拗，影相都冇用㗎，影完你都可以話我係自己夾走一隻髀至影張相屈你都得。打電話之前已經預左佢會無賴、預左佢會唔認、預左佢會態度差。唯有以後自己唔幫襯，咁你多我一個客又唔多，少我一個客又唔少。我買得少少嘢又唔係大客，咁算囉。

噚日(19-2-2023 Sun) 中午同老公去買餸,諗起不如斬料,於是走嚟呢喥買半隻白切雞,盛惠$60.00,之後見到佢有切好晒,賣$35.00嘅燻蹄,我就問佢哋係咪全部都係燻蹄?店員就答下面係骨.同老公商量咗之後,都要一盒.返到屋企都有啲餓,於是打開盒燻蹄食啲,食落,原來唔係燻蹄,而係滷水豬腳.我覺得佢唔係好夠味,不過就唔太油膩.味道:2.5分而白切雞呢?今次冇以前食開咁鹹,好啲,肉就仍然係juicy同滑.味道:4分抵食係2.8分上次食評係2022年8月6日刊登嘅呢篇:https://www.openrice.com/zh/hongkong/review/%E9%AB%98%E9%88%89-e4489044

噚日(5-7-2022 Fri)放假,送完膠後食早餐,由於之後要染髮,所以要揾啲食得飽肚嘅地方,咁去邊間食好?呢間?有冇早餐?過嚟睇睇,有早餐呀,不過全部係$30.00嘅單拼燒味早餐,ok啦,我就入去坐低食.我要咗切雞瀨同熱奶茶.熱奶茶茶味多啲同有少少澀.味道:2.5分切雞瀨嘅雞係俾咗胸位我,唔算好嚡,但偏鹹;瀨粉同湯都正常冇問題.味道:4.5分染完髮同買咗嘢後,就返嚟軟料為晚飯加餸,燒肉?燒掛骨吖,好耐冇食,問吓老公意見,佢答燒肉,我嚟到睇,見佢嘅燒掛骨賣$35.00一份,燒腩$50.00一條,咁就買晒兩樣啦.師傅拎起手後會自動幫客人斬細件啲,返到屋企,又鎊吓燒腩先,都有半斤重.又偷食吓先,皮唔脆同鹹咗啲,但佢嘅肉質係鬆軟.味道:2.5分而第一次食佢嘅燒掛骨呢?我見左上角有條嘢喺喥(相中圈住),係豬毛?拎起時發覺係切割金屬時刨出鋼絲.佢係有蜜汁嘅甜,但好鹹,而佢係冇乜肉,雖知排骨唔會多肉,但少到可以用皮包骨嚟形容,而且我重食到佢醃肉時嘅月桂葉同薑,好唔掂.味道:0.5分衛生:地下依然係咁跣,員工就知啫,但客人未必知,呢點要改善,如果客人跣到,要佢哋賠償就唔好啦.環境係3.5分, 抵食

29-5-2022(Sun)同老公買完餸後,再落荃灣食晏,去邊喥食?我好耐冇食瀨粉喇,於是嚟呢喥食,我就決定要燒鴨瀨,加$10.00要凍檸樂,老公要叉燒瀨,同樣加$10.00要凍檸樂.之後我睇吓張單,瀨粉係套餐價$42.00.凍檸樂必定先上,啲冰多到呢,倒咗可樂入去飲就冇晒可樂味道.等咗一段時間,兩個瀨粉到嚟,瀨粉唔太熱,口感係爽滑,啖湯夠味又唔太鹹.味道:4分燒鴨面嗰啲皮脆,而所有肉嘅口感同味道都正常.味道:4分叉燒係全瘦,蜜味OK,不過口感始終係爭啲啲.味道:2.8分衛生:行入去時,覺得地下跣跣地,要小心慢慢行喇.2.5分抵食係2.8分

22-5-2022(Sun)同老公買餸,見到冰鮮雞又想食雞,老公話不如買白切雞,好啊.我哋嚟到呢間買,要$60.00半隻.其實以往同家人拜祭媽媽,大嫂都會喺呢喥買燒味,已經食過幾次白切雞,不過從未寫過.呢喥嘅白切雞少少偏鹹,但口感唔錯,係爽彈嘅.上次食評係200年2月3日刊登嘅呢篇:https://www.openrice.com/zh/hongkong/review/%E5%A5%BD%E8%80%90%E5%86%87%E9%A3%9F-e4317779抵食係2.5分

外賣飯盒叉雞飯 ，切雞其實係鹽焗雞，雞肉係好梅嘅，叉燒係咬極都呑唔到，飯係有生米的，我不是要跟酒店比較，只是一個基本的燒味飯原則去評論 。沒有期望得太高，只是真心覺得難食，30蚊都是錢，為何將食物煮得這麼差😩 我放棄了飯盒已報銷。

30-1-2022 (Sun)同老公喺呢喥買燒味,要咩嘢呢?嚟到睇,$35.00一份嘅燒鴨好似好靚,有件嘅顏色好夠,於是買一份,原來呢件係上庄.返到屋企我都有啲餓,打開食吓先,皮仍有啲脆,鴨胸肉唔太肥,成個又唔會太鹹,唔錯嘅.上次食評係1月9日刊登嘅呢篇: https://www.openrice.com/zh/hongkong/review/%E5%94%94%E7%86%9F%E7%87%92%E8%82%89-e4298186

2-1-2022 (SUN)朝,同老公買餸,佢話買燒肉,咁過嚟睇啦,由於我唔鍾意食肥,就問收銀有冇全瘦嘅燒肉,佢答有,沙梨篤,師傅收埋咗,佢哋就攞出嚟俾我哋睇,ok嘅.我哋一時間唔知要幾多好,收銀提議師傅切一份$50.00嘅,ok吖.而呢個份量就係我想要嘅.返到屋企打開食吓,皮脆,肉唔太鹹不過有膻味,而夾到底,見到骨同附近嘅位置係紅色,唔通唔熟?我食到嗰喥,真係似唔熟,睇嚟要注意吓喇.味道係2.5分上次食評係2021年12月19日刊登嘅呢篇: https://www.openrice.com/zh/hongkong/review/%E5%8F%A3%E6%84%9F%E7%88%AD%E5%95%B2-e4286779

19-12-2021 (Sun)同老公由灣仔返荃灣買餸,佢諗起要買叉燒,於是行嚟呢喥買,我哋去到都算多人,自己去揀要邊舊叉燒,我哋要半肥瘦,師傅好好同有耐性咁問我哋要幾多,佢拎起舊大大條嘅,我話太大舊,佢問要幾多,切俾你.我答大半.佢就切俾我哋,盛惠$80.00.返到屋企鎊吓,約14兩,即係$95.00一斤?我打開睇,見到顏色都幾夠,又幾瘦同有燶邊,食吓有燶邊嗰舊先,燶邊位好脆,蜜味夠,但又唔太甜,肉質算鬆軟,但仍爭少少,可能佢係雪藏肉啦.到開飯喇,見到有啲肥瘦,甚至係有一邊係白色全肥,而嗰part口感幾特別,係硬少少要用啲力咬,唔通嗰啲係玻璃肉?至於佢嘅汁唔太甜亦唔太鹹,甚至剩返幾舊第二晚食,佢都唔會被啲汁醃鹹,而且重食甜,口感又竟然更鬆軟.原來今次係我哋第一次食呢間嘅叉燒.上次食評係今個月5日刊登嘅呢篇:https://www.openrice.com/zh/hongkong/review/%E9%B9%BD%E7%84%97%E9%9B%9E%E5%81%9A%E7%A5%AD%E5%93%81-e4258421

1-12-2021 (Wed)同老公請假,去拜祭翌日離開我哋13年嘅媽媽,我唔知買咩食物好,老公話燒味啦,咁行嚟呢喥買,原來想買半隻燒鴨同半隻雞,但記起二哥講過雞要買全隻,咁老公見到有$78.00嘅唔知咩雞,我哋諗咗一輪,收銀都走出嚟問我哋想要咩嘢?老公就問佢呢隻係咩雞?佢答鹽焗雞,比白切雞同豉油雞細隻啲,啊,咁決定要一隻同$50.00一條嘅燒肉.拜祭完返到屋企食吓先,燒肉皮好脆,肉唔算太鹹,OK 嘅.味道:3分而鹽焗雞呢?味道好似唔多夠,就算蘸沙薑都唔多夠,不過食食吓又OK,唔太鹹都幾舒服.味道:3.5分服務:好好,好有禮貌.抵食係2.7分上次食評係20年9月28日刊登嘅呢篇: https://www.openrice.com/zh/hongkong/review/%E6%AD%A3%E5%B8%B8%E5%8F%A3%E5%91%B3-e3819388

星期六有節目，於荃灣運動完后，逛逛街，大約黃昏時分，有啲肚餓，不如提前吃吃吧突然想起川龍街宏泰燒味餐廳，步行10分鐘到了，仍是熟客多多，塞住門口等外賣找個雅座，冷氣涼浸浸，睇吓餐牌，仍有下午茶😀 奉送飲品或湯揀了 瘦叉燒 油雞米粉（走蔥）厚切大大件叉燒，啖啖肉😋有4、5 件油雞 肉質鮮嫩，點啲蔥油，更加滋味是日例湯：冬瓜湯，煲得夠火侯，沒味精，清甜有意米、豬骨 、、、埋單 $30 抵食下午茶，下次再嚟，bye

前(26-9-2020 Sat)晚,家人返嚟食中秋節飯,其中一味係喺呢喥買嘅燒腩,大嫂話$110.00,話唔夠一斤,我鎊吓,有一磅即12兩.原來我冇食過呢間嘅燒肉,呢隻唔太鹹,皮脆,正常嘅.上次食評係喺今年1月15日刊登嘅呢篇: https://www.openrice.com/zh/hongkong/review/%E7%87%92%E9%B5%9D%E5%A5%BD%E5%BE%97-e3640878

話說過去一直都有喺呢間舖頭買半隻燒鵝習慣🤪今日5:00左右去買半隻回家。過程中仲見到佢攞咗一隻燒鵝來斬開一半，我仲同老公講隻燒鵝真係熱辣辣會出煙。返到屋企打開的時候發現同平時食好似比較細盒左，沒有理會進食，一夾發現點解冇咗一排啖啖肉的位置，之後我奶奶及老爺就話係咪買咗上莊？最後我打電話去舖頭問吓佢佢地買半隻燒鵝回家是用什麼盒？因為我同佢解釋返我剛剛過來買燒鵝返嚟發覺冇咗一排啖啖肉嘅位置係唔係比錯咗？ 我都唔係話佢呃我我想了解吓？我再問吓佢你地買半隻燒鵝會用什麼size盒？佢就話係一樣冇比錯都唔聽我解釋我最後都真係講咗一句我買半隻燒鵝返嚟都冇咗一排排啖啖肉嘅位置！之後佢又不斷講話係冇錯冇錯😤我喺個電話度唔通叫你PayMe返錢俾我咩🤭😡我都係想同你講返可能搞錯咗姐😤😤😤😤都唔俾我講又唔聽人講我就同佢講咁冇下次啦拜拜👎🏻🖐👋👋👋👋👋