宗家源吉兆庵

營業中

休息中

新年前己見到源吉兆庵位置傍開了家像珠寶行的東西,原來是賣高價水果糖的也算是源吉兆庵的洋果子分枝.不計她們的朱古力系列...也會分為三種類的水果糖.甲: 為數最多味道,分別如下 藍苺 , 草苺 , 桑苺 , 橙 , 西柚 , 檸檬 ; 葡萄 , 香蕉 , 蘋果 ,芒果 ,桃 , 提子 , 蜜瓜,啤梨 還有菠蘿. 乙: 為野菜類 有 蕃茄 菠菜 胡蘿蔔 薑 丙 為Premium 系列 巨峰 清水白桃 同佐藤錦 櫻桃是也 日本人的包裝好均真 要packing 咪比多啲 , 好似我咁自己食買散裝 25蚊有七粒. 目前珍而重之食咗粒橙同桃 味 . 都是清香 入口即溶 好日本人的淡麗 但個橙就真係淡過龍. 但有一個敝點, 她太過弱不禁風 面層的糖 給少少的溫度也是會溶的,頭一粒的口感是先脆後糯 砂糖也有質感.但之後嗰粒就係咬在食用骨膠原上. 少了一個層次. 總結來說...「買啦買啦、真係好味喎,係貴啲 但係真係有食著林黛玉」而她的另一名字Grace Dew 意思是自然的恩賜...云云.

櫻花味大福 $12 由小到大也愛食大福, 有人怕佢太甜, 對我甜魔而言梗係無難度 櫻花葉居然係咸架 ?! 糯米軟熟, 比一平時食開黏性好強既大福呢個明顯容易消化好多,紅豆份量剛好, 甜度適中 , 好味

草餅一流($8)，個皮夠煙韌，紅豆餡不太甜，味道清新，good ！

17 July 2004, 1pm響東京食完拉麵過來買我最愛的白桃雪芭($22), 就好似食緊一個雪得劇凍既白桃一樣, 好一個完美的午餐!p.s. editor 可否跟進一下點解無滿江紅樓上間東京(my tokyo) o既任何information? thanks.( By editor : please see : http://www.openrice.com/big5/sr2.htm?shopid=11674 )

幾鍾意源吉兆庵o既大福餅, 因為保證新鮮, 外皮又軟又煙韌, 通常微帶鹹味(我鍾意!), 而且餡唔太甜, 唔覺漏! o岩o岩食左佢個豆大福, 係紅豆沙餡, 糯米皮有原粒豆豆, 增加口感! size細細, 閒時食一粒都唔過份!

貴在個樣, 反而唔係佢好食...日本甜品就係咁?

買過佢一盒草餅,係聖誕節特別版,有2隻味,一款係朱古力皮包朱古力,另一款係綠茶皮包白朱古力2款都好好味呀!!!貴係貴d,但物有所值,佢d餡唔太甜但好滑,個皮亦好好食~

佢o係東京都有好多分店嫁佢個別分店有日式雪糕賣嫁! 我試過佢個芝麻味,幾好嫁...不過呢排行過都唔再見有啦...只係有雪糕叮噹餅...好...下次就試啦!除此之外,佢個豆沙餅都幾好味!

某次行街入左黎呢度，見度個kuzukiri(無中文，淨係寫住葛xx，本人唔識日文，唔好見怪......)既display好似勁冰涼勁正，個日咁岩成30幾度，於是就買左呢個竹筒型既番屋企啦。雪凍左?再加入冰水同附上既黑蜜...yummy~仲好透心涼~~不過$39得細細的一筒，我諗就算係大熱天時都係一兩個月食一次好了:~~~。另外買左個枇杷果凍都幾好食(20幾蚊一個都唔平呢)；蜜糖蛋糕一般，其實呢度其他野睇落都好似好正，但要我花那麼錢去買包裝又好似有點不值......

New opened in Central MTR stationnear to the exit to Mandarin Hotel

New coming in ShatinLevel 3, New Town Plazanext to 時間廊

呢間個店名漏o左個「庵」字，唔該update番D資料o丫，順便加埋青衣城店，thanks a lot！店名：宗家源吉兆庵地址：Concession TSY 5, Tsing Yi MTR Station，Tsing Yi電話：2435-7226

食物種類很多, 以甜品小食為主. 大多數食物的的式式的, 味道好. 不過, 價錢略貴.