定食 Doraya (厚福街)

營業中

休息中

Doraya有三間分店，分別喺中環，銅鑼灣，同尖沙咀，尖沙咀呢間最寬敞，最多位置，食物質素亦一貫幾好。真係好鍾意呢間嘅魚生飯，魚生新鮮、鮮甜，壽司飯亦做得恰到好處，用真正日本買又有少少香醋味。最重要嘅係價錢合理，豐儉由人。

Lunch time 我來到一間專門供應日本魚生飯的餐廳，對於喜歡生魚的我來說，這裡簡直是個天堂。餐廳的魚生新鮮，每一片都切得恰到好處，搭配的醬汁更是美味。我點了一碗魚生飯定食，米飯的軟硬度適中，口感非常棒。飯量上，其實對於一般女生來說是足夠的，但如果我那天肚子特別餓，可能會覺得有點不足。不過，這碗飯的魚生份量也算豐富，每一口都充滿了海鮮的鮮味。環境方面，餐廳簡約而舒適，讓人感到放鬆，適合與朋友一起享用美食。整體來說，這次的用餐體驗讓我十分滿意，如果你喜歡新鮮的魚生飯，這裡絕對值得一試！期待下次再來探索更多美味的選擇！

好多年前開始定期都會去食Doraya。特別係疫情時無得出關，成鬼日走去食。自從開返關就少左去食。今日咁岩同朋友去開尖沙咀，就順便去幫襯下😋同朋友大約13:00上到去，果然都係排晒長龍，好彩等左唔係好耐就可以入座😌見到有個新出menu吞拿魚他他丼定食$198。一食好有驚喜！甜甜地既汁加上薑汁，成件事好夾。加埋隻生雞蛋🥚諗起都想再試😍😋吞拿魚既份量都俾得好足，CP值好高。朋友就叫左銀鱈魚西京燒定食$178。魚都好嫩滑，個汁都一樣係甜甜地好味～隔咗咁多無食，Doraya一樣keep到質素，唯一美中不足既係10年不變既排長龍🙈🙈🙈

呢間老字號最出名係日本吞拿魚飯！聽就聽得多，終於第一次去。🍱粒粒海鮮丼定食- $158細細粒一口一啖非常足料，配壽司飯食好開胃定食套餐有埋蒸蛋，湯同漬物～🍱特選海之幸壽司丼定食- $178首先砌得好靚，即刻打卡影相先🤣有唔同款嘅刺身，每片刺身都切到好厚身，好新鮮！Order完好快上菜，講真呢個價錢食到咁高質魚生，CP值超高。下次會再去👍🏻PS：店員態度好有禮貌，特地安排方便放bb車嘅座位俾我哋😊

每一次都唔會失望，質素始終如一！試左個新Menu 他他丼吞拿魚的油脂含量超晒標！日本生雞蛋胖飯！真係冇得輸。。。。同個茶碗蒸都好好食！好似話攞左個咩大陸獎！又多咗人等位！！！呢個真係唔開心！唔好攪我個飯堂啦

由三年前到而家，隔幾個月就會去幫襯一次的餐廳。今次去完之後好失望，食物質差咗好多，份量都越來越少。在電話相簿搵翻曾經影低的相片，擺埋一齊做對比～～食物質素降低到真係令人好失望。今年以來，時不時有食開的餐廳唔見咗，除咗多咗好多人北上消費，我哋本地餐廳係咪都出咗問題？冇加價，但係變相降低質素及減少份量。一個定食258+10%服務費，又應該係點樣嘅質素？下次如有機會再幫襯，希望餐廳會變翻以前的質素🙏🙏

🍣 **菜式介紹**最近喺尖沙咀發現了一間日本餐廳，佢哋主打各種新鮮海鮮料理。今次我試左佢哋的**吞拿魚扒刺身定食**，真係要大力推薦俾大家！- **吞拿魚扒刺身**：呢個套餐入面最吸引人既當然就係呢份厚切的吞拿魚扒啦！每片都非常新鮮，而且口感嫩滑，一啲腥味都冇。- **海鮮蒸蛋**：另外仲有一碗海鮮蒸蛋，上面鋪滿了蝦仁、蟹肉同埋貝柱，每一口都有濃郁的海洋風味，非常美味。- 其他配菜包括白飯、醬油漬物和湯品，全套下來份量相當豐富整體用餐經驗非常愉快。侍應生態度親切友善，而且上菜速度亦十分迅速。

定食 Doraya 以前有一排好鍾意食呢間Doraya講真 佢啲刺身好新鮮 又大份雖然價錢少少貴 但一分錢一分貨佢啲野高質又大份次次都食到好滿足今次腸胃炎尾聲 唔敢食生冷野但又約左同事食Doraya 所以叫左鰻魚盒飯定食鰻魚盒飯定食 $148呢個定食好豐富同有種日式精緻沙律、茶碗蒸、味噌湯同漬物茶碗蒸超嫩滑 食完好滿足細份沙律食完好開胃半條鰻魚岩岩好夠食配埋鰻魚汁同漬物送飯一齊食諗返都想再食🤤好食指數：10/10👛抵食指數：7/10🪑好坐指數：7/10🤓再食指數：高

呢間野有幾間分店，係尖沙咀厚富街個間要搭lift 上6/f。 一打開門，已經見到午餐時間人山人海。 一個人食都還是有位的，不需要等太耐。 望下個餐牌，每一份餐差不多都要過百蚊～ 既然黎到，就要叫刺身或者魚生壽司飯試吓。我點既係$118 DORAYA午餐定食 🍱有沙律前菜、蒸蛋、麵豉湯、三色刺身、炸雞、炸蠔🦪 個刺身好似幾新鮮，吞拿魚好紅～ 上菜頗快～ 餐巾一疊放在係檯面任拎，比一般餐廳豪氣～ 👍🏻 公司聚餐可來這裏，簡簡單單，價錢不過不失。

週六中午居然唔使等位，點咗自選三式刺身丼，在店員推薦下點咗最後一份慢煮西京燒油甘魚鮫。慢煮西京燒油甘魚鮫出乎意料的美味，非常非常潤，入口油潤又唔會膩，表皮塗咗醬燒到甜甜地，超級大件飽滿到似個豬仔。對我黎講，呢個燒油甘魚鮫超過了Toro。 PS. 店員話因為係慢煮，每日數量唔多，只有工作日晚市同週末供應。茶碗蒸加冬菇好鮮，甜蝦比較抵食，三文魚籽同池魚會有少少腥，Toro無需多言。

回顧返電話相簿，已經嚟咗超過10幾次，包括尖沙咀同銅鑼灣分店 （中環反而相對新開未去過），基本上每一次都唔會失望，一直保持高質水準。午市套餐又試過，相對價錢抵食啲；大部份都係晚餐時候嚟嘅，都有試過去好多唔同嘅熟食串燒燒物其他小食，每樣都非常唔錯，不過就冇影相lu，大家可以放心點嚟試下～💯基本上每次嚟一定先點個自選刺身丼定食，每份刺身佢會寫明有幾多份量（片/g），唔同價錢，你就可以拼三款或以上，除咗海膽比較貴，通常三款加埋就二百零蚊。或者可以揀佢Menu都有主打海膽同拖羅嘅配搭定食，價錢二百幾到四百幾不等。🌟🌟🌟拖羅亦有中拖羅大拖羅赤身吞拿魚蓉可以選擇每款都好好食，我個人建議：海膽加三文魚子加吞拿魚蓉可以嘅話加多幾片中拖羅就係完美配搭😝😝😝😝👍🏼另外提一提佢嘅sake都有10款以上選擇，豐儉由人，仲有寫明邊個地區，適合冷熱飲用，可以揀一合二合小人飲都好方便。唯一要挑剔嘅就三個點：😅就係冇得訂枱要攞飛等位，不過疫情過後等位情況又好似冇以前咁誇張，加上佢限時90分鐘，所以最好六點前嚟或者八點時間嚟應該都比較容易有位。😅亦都因為佢限時，個人感覺適合兩三個人嚟食，每人一個set，食吓傾吓偈時間啱

最近減緊肥，食日本野就相對多啲野食，刺身飯嘅熱量一般都比較少，加上本身都幾鍾意食日本料理，所以一諗起就食呢間。有選擇困難症嘅人可以直接簡佢已經set 好的定食。不過我就自選定食，最少簡3款，我簡左2個三文魚加一個赤身吞拿魚定食，定食仲有一個茶碗蒸，少量漬物，同一碗味噌湯。等左一陣就上，刺身新鮮，赤身無筋，壽司飯份量算少，大食嘅人可能唔夠飽。茶碗蒸好滑，入面有啲肉粒，幾好食！味噌湯正正常常無咩特別。總括嚟講，水準keep 到，係咁多人北上的情況下都仲keep 到咁多客就知佢抵食

以前嚟Doraya食晚飯一定勁多人排隊，無論係平日定係假日都一樣，上星期四晚嚟呢度食飯居然唔洗排隊，仲要勁多枱，完全出乎意料之外，不過都係開頭啫，當我哋走嘅時候已經有人排隊等等位。每次嚟呢度食飯，經常都會叫「慢煮鹽燒藍鰭吞拿魚鮫」，魚鮫燒得勁香，因為慢煮嘅關係，所以熟咗嘅魚肉一啲都唔鞋，仲要又滑又Juicy，一啲都唔腥，勁正！丼飯我就叫咗「藍鰭吞拿魚大腩&魚腩蓉丼定食」，呢度嘅大toro真係無得輸，性價比又高，yummy !

今晚來到尖沙咀街這間日式刺身飯餐廳。餐廳是簡單的木系裝修。這裡有出吞拿魚丼飯，完全是吞拿魚愛好者的天堂，叫了兩個醬油漬吞拿魚丼定食和扒定食，豐腴的吞拿魚厚身切片，魚生是厚切的，真的無得輸，太吸引和滿足了。新鮮的吞拿魚不用加其它醬汁都已經好入味，入口有吞拿魚獨有的油脂味，慢慢滲出的魚油，浸染著滑嫩鮮甜的肉質，發散陣陣魚香，油脂感十足！用上日本壽司飯再配上紫菜絲，嗅覺和視覺上就已令人食指大動、胃口大開。份量很足，全部非常新鮮美味。富士蘋果芝士蛋糕很甜美和滑溜，每一口都有種幸福滿滿的感覺。絕對是高性價比的吞拿魚晚餐。他的食牌menu非常之乾淨，值得一讚。

呢一間Doraya開咗都有十幾廿年，每一次喺尖沙咀想揾魚生或日式食店嘅時候除咗去壽司店或者要好貴既omakase, 成日都會諗起呢一間Doraya，而且尖沙咀呢間嘅設定係更加似居酒屋，除咗有魚生飯之外，仲有好多日式小食, 而且有期間限定嘅海鮮推介。是晚我哋叫咗一客池魚刺身同埋新鮮北寄貝，百幾蚊有原條上的刺身有驚喜，再加上一杯Lemon Sour，完全就係日式居酒屋嘅設定，不過當然座位是比較光猛不是日式居酒屋的昏暗環境環境，但係食物絕對保證，而且價錢亦合理。