定食 Doraya (已結業)

期待而久...食物絕對OK....吞拿魚扒定食較出色...睇得出煎蛋係 Homemake有心機...可惜味道一般 ... 唔夠甜...地方清潔清靜....好奇睇埋lunch menu...平好多....Toro lunch set only $68

絕對無下次食左三樣嘢，太具體個名都唔記得左，有樣算系招牌嘅吞拿魚咩定食，一個系牛肉咩定食，然后散叫左幾件三文魚壽司。除左散叫果幾塊壽司叫OK，幾它嘢可以叫難食。埋單兩個人二百幾，反正唔會有下次。

為了令自己多個籍口叫BF同我食食食, 好快就出第二篇. 係星期六的晚上, 做完FACIAL,剪完髮仍然係尖沙咀. BF 仍舊傻傻地係美麗華的STARBUCKS 等緊我. 本來打算TRYTRY 明古屋料理, 點知得BAR位, 傻啦, 我邊會座得辛苦咁食野呀. 腦海中閃過早兩日本來要去旺角買D 野…. 快快手就飛出去,買完野唔知食咩, 經sales 的建議下去左女人街搵食. 因為bf 最愛食日本野, 當然就下佢啦. 係無咩所謂的情況下見到易拉架的宣傳就去lu. DORAYA一間食完再係門口睇下先知叫咩名的小店, 格局似足女人街的所有食肆, 迫迫地, 一定係同其他人一齊食野咁. 進去時都無咩位, 得兩個2人位有得揀, 就是但座一張已有兩人的4人檯. 一座低我又要求多多啦, 比AIR-CON 吹住個頭 點食野呀, 好彩侍應姐姐好好人, 幫我即刻調細一點, 仲問我可以未. 服務態度OK. 到點野食啦, 我同BF 都係想食海鮮蓋飯, 我就點左一個海膽+藍鰭吞拿魚腩蓉, BF 就點左一個藍鰭吞拿魚 (以補償上次係大户屋食唔到), 其實BF 有唸要食貴D的腩呀 (220) 定平D 的普通野(135),

記得Doraya好似系hk吞拿鱼供應商開的,就去左試下:叫左2个飯大拖羅及魚腩蓉飯魚腩蓉飯:新鮮,味道有拖羅的激味,口感吾錯,但无大拖羅的魚油及滿足感,$88的价錢....抵食,大拖羅飯.(加大)8塊的厚切拖羅,每一片都有魚油的香味及激味,十分滿足,喜歡食拖羅的朋友可以一試,但一分錢,一分貨,....$210+$45加大=$255大拖羅飯,貴少少配上湯及2款前菜,較為飽滿可以一試,但真系悄貴

今日我地一行5 人, 睇左呢度D食評諗住膽粗粗去試食.落到去, 唔洗等位, 直接有位坐, 坐落覺得幾舒服, 幾闊落.於是我叫左藍鯺吞拿魚便當, 我朋友們叫左花海丼X2, 炸蠔定食, 牛肉定食 牛肉定食, 個碗好細, 我朋友係男仔食完之後個人靜晒 炸蠔定食, 炸蠔還可以, 不過係送唔到飯, 結果食剩7成飯 花海丼, 即是雜綿刺身飯, 我朋友食到D魚有骨, 個沙律佢地話食唔到落口 藍鯺吞拿魚便當, 落單個時個侍應話無炸吞拿魚, 用炸雞代替, 我心諗"嘩, 個價差咁遠", 不過基於一場來到想試下傳說中的藍鯺吞拿魚, 唯有接受. 到個便當上桌後, 我第一眼望到個吞拿魚... 嘩! 我幾乎要搵放大鏡先見到, 得3粒吞拿魚, 每粒只有一個五毫子大細! 個吞拿魚顏色係全紅個種, 一D 脂肪都見唔到, 十足十去酒店食自助餐個D 廉價吞拿魚. 我心諗唔係掛, 呢D叫藍鯺吞拿魚咩?!總括來講我覺得呢間絕對唔抵, 68蚊個便當俾唔夠20蚊野你食, 份量仲鬼咁少. 我地一行5人有男有女, 有人食唔落, 有人食完仲肚餓. 我奇怪呢間野點解會有咁多笑臉.

補祝朋友上星期生日,朋友建議來這間日本料理食飯.由於我和朋友也喜歡吃日本菜,所以今晚一起來了旺角女人街旁這一間日本理料,讓我這一個食家試試.在餐廳門口約等了10分鐘便可以入座.這間日本料理主要是定食,我們今晚也各order了兩份定食大家一起share試試.1) 海夫風藍鰭吞拿魚飯定食-$98這一個海夫風藍鰭吞拿魚飯好好食,特別是吞拿魚,覺得軟綿綿很軟熟,而且很鮮甜,不錯.2) 粒粒海鮮飯定食-$98這一個粒粒海鮮飯定食,反而令我有點失望. 如果我在日本料理揀定食時,我特別最喜歡order粒粒海鮮飯定食,大多數食店也是很多種類而且大大粒的,可惜這一個定食什錦魚生種類少,而且不算大粒,講真,和很多日本料理相比之下,這日本料理價錢比很多日本料理貴,但種類及體積比較少,所以對這一個定食有點失望.還有,這日本料理給我感覺很迫束,因位和位相隔很近,如果想傾私人事,就真係要另找地方,因細細聲傾計隔離枱的人一定聽到,所以我們很快食完便走了,如果每人用了$100但食得不太自然,像快餐點一樣,下一次便不會再考慮了.

今日lunch行過, 就試下吞拿魚便當 $68元, 唔錯牙, 同事就食左個牛扒蛋反, $45元, 幾好. 百元以上的吞拿魚飯固然好食, 依家40-68元的lunch set 都整得唔錯. 環境幾舒適, 可以坐耐d, 大家可以試下.

睇到街既廣告之後睇到食評今晚於是同朋友抱好大既希望試叫左比較貴既飯油甘魚+ 藍鰭吞拿魚片飯 138 蚊/ set 計埋加一 約150蚊碗飯有5 塊厚厚地既油甘魚 + 吞拿魚( 較薄) 4 塊吞拿魚質感係的確唔錯好滑而且都幾夠凍油甘魚反而一般同平時食平個d 分別唔係話勁大吞拿魚厚番d 就最好啦至於d 飯比起我平時食個d又唔見得好大分別..不過個 wasabi 真係幾正食到一粒粒最正係個燒玉子好好食!個沙津都ok..不過太少最大問題係冇野飲.....得茶.....我覺得呢個餐最多值120蚊 (包晒加一個d ).............

一直想試，一直未試，終於等到這天，一嚐Doraya這吞拿魚專門店的午餐。也許是因為這店子在女人街眾多食店中走較為貴價的路線，雖然已是週末的午飯時間，裡面的客人仍是只得三幾個，坐得比較舒適。一看餐牌，選擇還蠻多的，但既然是第一次來，當然是試吞拿魚了。看勻整個餐牌，似乎特別推介的「Special Lunch Bento」最吸引，價錢不貴，只是$70有找，定食中已包括有一份吞拿魚茸飯、3片吞拿魚刺身、1件玉子燒、4件炸雞、薯仔沙律和麵鼓湯，都算抵食。麵鼓湯：味道不太濃，也不太淡，合格。炸雞：太硬淨，「肥佬」。玉子燒：一般水準，都算合格。薯仔沙律：普通，味道過得去。吞拿魚刺身：水準ok。吞拿魚茸飯：稍嫌淡口和份量偏少，點些醬油吃帶出味道就幾好食。整體來說，這次嘗試都算是不錯的一餐，在想吃吞拿魚的時候都可以再來幫襯的。

還是尖沙咀分店的藍鰭吞拿魚飯定食較好！我光顧過Doraya多次，每次均是尖沙咀的分店今晚路過旺角，突然想吃美味的藍鰭吞拿魚飯，於是選擇了其位於女人街內的分店同樣，叫了一份藍鰭吞拿魚片飯定食旺角分店的定食食物配搭，與尖沙咀的不同旺角的除了一碗藍鰭吞拿魚片飯外，還有麵豉湯、沙律、燒玉子；尖沙咀則有麵豉湯、前菜、蒸蛋兩間分店的配搭比較，當然是蒸蛋比燒玉子矜貴啦！坦白講，今晚吃的藍鰭吞拿魚片飯味道也是唔錯厚切的藍鰭吞拿魚片，新鮮、嫩滑、可口；香棉軟滑的日本米，再加上香蔥伴在飯面，格外好吃論口感、味覺、質素，與尖沙咀的分店是無異的兩間分店最大的分別，也許是燒玉子VS蒸蛋旺角分店的燒玉子雖然算燒得不錯，燒玉子混合了蛋、豆腐的味道，融合得唔錯但與尖沙咀的香滑蒸蛋比較，無論排面、味道，已經被比下去了！兩間分店的店內佈置格局，同樣以尖沙咀的優勝旺角分店雖也有擺放一些日本字畫，增添日本風味，但與尖沙咀分店的日式居酒屋設計，總是失卻了這些外在佈置韻味旺角的分店實不錯，但尖少咀的更好！

朋友生日~決定去女人街搵食!聽講呢間doraya好出名, 就試下啦~因為驚要等好耐, 所以一早就去拎飛等位.點知, 我同個朋友係過左好耐先返到去doraya.好在個哥哥仔見到冇乜人排, 所以就立刻安排返個位俾我 (even我張飛過左好多個位).well, 唔該哂啊~ compare to其他女人街既餐廳,呢間野都算貴, 所以冇其他個d咁爆.咁都好既~ 我同個friend乜都想叫, 因為好吸引~at the end, 佢就叫個泡菜吞拿魚飯 (不過生架~),我就叫板燒吞拿魚飯.2個各自有湯同埋甜蛋頭盤~甜蛋好味~ 夠甜! 1. 泡菜吞拿魚飯:我冇食~ 不過朋友話幾好味喎~ 不過真係辣既~2. 板燒吞拿魚飯:好正! 半生熟~ 好味! 個菜有好多, 好好味! 哈哈哈~感覺好好 (因為好似好大碟!). 我同個friend食完仲坐左好耐, 因為冇乜人等.個service ok既. 不過d waiters又係唔抬頭望人既...所以有時好耐都叫唔到食物~needs improvement here.

很開心的一晚 和她看完戲後 行了很久最後來到這裡吃日本菜 貪佢門面幾好 價錢合理因為兩個人想share d野黎食 又想試多d野於是就決定唔各自叫定食 點左個天婦羅定食同幾客sushi(三文魚 鰻魚 火燒三文魚腩 立魚 各2件)天婦羅蝦好新鮮 好爽口 蔬菜果d就麻麻地 不太特別sushi則全部都很新鮮 入口即溶 火燒三文魚腩更加係回味無窮食落去有d熟有d生咁 甜甜地 又不失魚既鮮味 幾特別既味道食野除左講味道 其實都要睇埋環境同身邊既人今日我有上佳既心情 再配合好環境同喜歡既身邊人再加上美味既食物 同良好既服務態度 我好滿意!

同fd 食定食 doraya, 係早有預謀的事情 因為有好多人讚好我食鯖魚定食, fd 食三文魚子海膽飯, 鯖魚定食包括鯖魚腩一碟, 白飯一碗, 日式煎蛋一件同矮瓜一小碟鯖魚的肉有點腥, 要唧一些檸檬汁去腥味, 但魚肉很結實, 燒的料理手法去做, 魚皮已經全燶, 但肉的部份完全沒有燶 好勁啊~ 塊鯖魚好好食, 好多肉, 白飯係珍珠米的, 味道跟這尾日本魚好襯, 如果用絲苗可能會有點怪呢 我食壽司好多時都會食甜蛋壽司, 之前食過最好食的係板前的甜蛋, 不過這裡的甜蛋比板前的更勝一籌了, 食這個定食記緊要食埋件蛋 反而矮瓜覺得味道太淡, 這種漬物理應有比較濃的味才好食, 但這前菜相型失色一點fd 對他的三文魚子海膽飯 讚不絕口, 不過一百六十五一客( 連加一 ), 算是一中上價錢的晚餐

同個朋友仔食晏，食食下見到電視台D人、盧覓雪佢地入咗嚟，緊係拍飲食節目午市完食 2款朋友嘅係吞拿魚定食 $68有1格吞拿魚茸飯、3片吞拿魚刺身、1件玉子燒、3片炸雞、1球薯仔沙律連1杯檸檬提子茶吞拿魚茸飯同吞拿魚刺身都好食，係佢地招牌嚟好新鮮甜美玉子OK啦炸雞就唔得D雞好 "鞋" 薯仔沙律好食檸檬提子茶就飲唔到提子味檸檬又只得1片燒三文魚腩定食 $48三文魚腩好肥，皮與肉之間仲有少少脂肪佢地又燒到半生熟，好好食當然仲好新鮮啦仲有個椰菜沙律都OK都係跟1杯提子檸檬茶。

22/7(三) 7:15pm是晚,踱步於女人街,審視食店新舊交替的變幻.無意間,來到此店的門前,據說它的利害之處,如今可親身揭開其廬山真面目.七時許,入座率將近全滿.根據MK人的較遲的用餐時間,從中便可略知一二.我倆來了定食2客:藍鯨吞拿伴銀魚定食$88及黑毛和牛燒肉飯定食$98藍鯨吞拿伴銀魚定食--起首先呷口稠濃的麵豉湯;繼而把不爽甜的椰菜沙律夾進口;再給水準略苟且的薯仔沙律及含焦味的玉子謀殺味蕾!幸好救世主及時趕到;藍鯨吞拿肉質細膩,配偏鹹的吞拿豉油,把其鮮全然釋放,引顩我走出"生豬肉"的陰霾!與卜脆鹹津津的飛魚子,銀魚仔,以及清爽富勁的飯粒,相得益彰!黑毛和牛燒肉飯定食--和牛份量慷慨,肉質綿軟,肉汁直流進飯粒,味道更帶微辣,襯以洋蔥,更臻刺激!此外,年輕侍應生的服務專業,且懂日語,跟日藉可請簡單的對答,已是難得!超群的定食!