定食 Doraya (駱克道)

營業中

休息中

是日random 路經呢一間店幾年前食過係好味但係座位好迫，所以冇再去。今日路過五點幾就嚟六點嘅時候竟然好多位咁就入去試吓再食，結果六點打後又爆場。爆都有原因嘅食物真係OK唔錯👍🏻因為本人weekend會去做gym，所以孭住個大背囊。初時入去冇人，所以求其放喺座位上面就算。點知後來越嚟越多人。所以要拎起背囊。都唔緊要，但餐廳職員無視我求救，個樣表現一面「好L煩。」問題你連俾個籃我放地下都冇。事關我衰，唔捨得放個2萬蚊backpack 係地下…唯有求其勾住咗個櫈背…實在唔好意思，又影響後面食客。講呢一段嘢就係因為個開頭同服務員嘅互動已經有少少影響咗飲食嘅心情。平心而論講返啲食物係OK正嘅，但係因為坐得咁迫，根本就係趕住你食完就要即刻走…後邊有人等…咁其實你應該整到好似一蘭嗰啲面壁位而唔係四人枱兩pair人你眼望我眼大家又唔識，但係又同台食飯 食得尷尬，又傾唔到偈而且食到咁大壓力逼住你快啲食完要走。所以下次唔會再嚟呢一間。

真係食咗呢間嘢好多年，記得係日本人處理所有嘢都打理得好好，除咗位置有少少迫之外，但絕對係夜晚去到銅鑼灣嘅宵夜首選，營業時間去到12點，做完嘢都可以過嚟食，食材全部都好新鮮，Wasabi都比得好足，最鍾意食吞拿魚，同埋三文魚子，尖沙咀嗰間都好好，銅鑼灣呢間入口都好就腳，甜品價格都相當合理，雖然魚生飯稍為少少貴，但係如果適當地選擇可能$120或者$150都可以食到成個set其實咁樣都係唔錯嘅選擇夜晚宵夜嚟講

我喺呢間餐廳食魚生飯定食嘅時候，發現碗飯入邊有蟲。我問咗Waitress，佢即刻幫我換咗一份。雖然咁樣影響到我嘅食慾，令到我對餐廳嘅衛生情況產生疑問，但整體嚟講碗飯係好好食嘅。喺埋單嘅時候，我本來以為會有少少折扣，但係個Waiter就同我講”當然冇折啦，因為我哋已經幫你換咗一份新嘅魚生飯”。我覺得咁樣嘅處理方法，令到我覺得有啲失望。希望如果下次發生同類型嘅事情，餐廳可以處理得好啲🙇🏻‍♀️🙇🏻‍♀️🙇🏻‍♀️🙇🏻‍♀️🙇🏻‍♀️

這一間 @doraya.hk ，我唔敢叫佢做小店，因為原來總共有3間分店。朋友介紹十幾年前已經來過，覺得很好，只是不十分就腳(我比較少來銅鑼灣這一邊)，等到今日先有機會來幫襯。這店以"藍鰭吞拿魚"專門店為招牌，其實我不十分懂「藍鰭」和普通吞拿魚的分別，聽過咁多，應該是高等魚獲吧。點講都好，講到食一碗高質素的魚生飯，來這裡肯定無錯。今餐我就是點了他們的藍鰭吞拿魚丼，這一碗丼給我的滿足程度，比起好多所謂高質omakase，完全KO，非常好味！當然，不能夠用一碗丼跟一餐廚師發辦去互相比較，但食飯都係為好味，與其畀五六七百蚊食一餐普普通通的omakase lunch，我寧願來這裡兩百蚊食一碗高質丼。另外點了一份燒油甘魚鮫，這店是用西京燒的方法做，銀雪魚西京燒就食得多，油甘魚鮫西京燒我還真是第一次食，非常肥美香滑，一流！值得一提，銅鑼灣店開到凌晨12:30am(之前開到2am!)，雖然現在的我不再是夜遊人，對我來說，這才是香港的食肆精神！超級贊！我肯定會再來！再來！再再再來！

同朋友講起刺身丼，好多個都會話：試下Doraya呀，佢地啲呑拿魚好正！🤤👍🏻今日出開銅鑼灣，諗唔到食咩就去試下。叫左呑拿魚四色丼定食，嘩😳，刺身份量都幾多，鋪滿飯面！！！貌相十足😍❤️睇到都已經好有食慾😋一啖中Toro入口，嘩嘩😳，魚生好新鮮😳，點解呢個價錢可以有甘既質素😳，性價比超高🤤🤤🤤👍🏻👍🏻👍🏻同行朋友因為唔太食生野，叫左熟食，呢個西京燒銀雪魚都唔可以睇少😳，魚肉好嫩好好味。下次會再幫襯，想試哂唔同既菜式，十分推薦Doraya！👍🏻👍🏻👍🏻

幾年前同屋企人拉大隊去過尖沙咀分店，食過呢間排隊店就印象深刻，吞拿魚真係無得輸，大件又新鮮，好扺食😋 今次同朋友去咗佢地嘅銅鑼灣店，就揀咗呢個期間限定「吞拿魚他他定食」，首先賣相真係好靚，七彩顏色，打卡一流😂。吞拿魚係超級軟淋淋，好甜好鮮味，配埋有點薑味的汁和鮮雞蛋，真係好正好開胃呀🤩，連平時不太吃澱粉質的我，眨吓眼成碗飯消滅咗，朋友都話我勁食得曬成個set😂。雖然呢間店永遠都係要排隊，但真係值得，好滿足，食完又會心思思想再食🙊

和家人滿心歡喜去食午餐，反而一肚氣：侍應問人齊未，我們人齊並叫入坐後，坐低後，又因另一枱客人剛剛到齊，被叫離坐再等，亦未有道歉，這種安排，這種態度，連入都唔想再入，其實有規定人齊才入，坐低又叫客人離坐，係極度不尊重的😤

間唔中都有嚟呢間餐廳，今日在銅鑼灣－個體驗，不愉快！不會再來！侍應比杯滾水小朋友，食完個飯都未凍，侍應話唔會有室溫水，要凍水就買啦！15蚊枝！唔準喺餐廳飲自己帶嚟嘅水，小朋友都唔可以！真係唔係錢嘅問題⋯ 佢話間間餐廳都係咁⋯ 呢個係佢哋選擇比嘅服務⋯ 可能我曾經讚呢度嘅食物，不過服務態度太惡劣，真係唔會再來Lu, 失望…. Disappointed by the service The waitress gave a 5 years children a extremely hot water , and ask us to buy water and it is not allowed to bring water for kids. It’s not about money… sigh… we used to come, but this is the last time

因為突然好想食魚生，見到本身想食間放題附近有呢間好似好多好評嘅日本餐廳就試下。點知好有驚喜！我叫左雜錦魚生飯，件件魚生厚切又鮮甜，飯低真係用壽司飯，口感好好，味道又岩岩好，朋友叫左海膽飯，海膽又係好鮮甜，一定會番黎再食！我地都叫左牛舌，呢個就無咩特別，唔會再番叫。呢到唯一欠缺嘅係空間🤣 鋪頭唔大，唔係坐到好多人，唔適合一大班朋友黎。然係又因為唔大間所以同隔離枱好近，所以想拍下拖又唔係咁合適，但如果係幾個人黎食餐飯開心下，之後再有下場 我就覺得好岩啦。

定食 Doraya 通常食開一次就會短期內再食多次Doraya 今次好番終於可以食魚生丼啦我最愛既組合就係三文魚籽+三文魚+吞拿魚蓉厚厚既三文魚刺身 好新鮮一咬落三文魚籽就係口中爆開好鮮甜既汁而用吞拿魚蓉配埋飯一齊食 就真係無得輸再淋上少少壽司豉油同wasabi 真係好正呀

這次到駱克道的「定食 Doraya」用餐🍱餐廳簡單舊式的日式裝潢，店員主動親切😊價格方面，定食大約在$150-$250之間，自選丼則視乎所選擇的菜式，總的來說算是不算太貴，性價比頗高。👍🏼這次品嚐了火燒平目魚 & 藍鰭吞拿赤身丼定食、自選丼定食以及雞皮餃子🥟。定食包括麵豉湯及蒸蛋🥚🍵麵豉湯夠熱辣辣，蜆肉香甜🥢蒸蛋有芫荽我最愛、底下有一小塊豬肉提鮮，有驚喜！🥳火燒平目魚因為經過火燒處理，油脂更加突出，口感鮮美😇。 但個人感覺油脂略顯過多，可能會讓人感到過於油膩 😕 相比之下，藍鰭吞拿魚的味道較為正常，並沒有太多特別之處，但整體魚生新鮮。在自選丼定食中，我們選擇了油甘魚、深海池魚和藍鰭吞拿魚赤身。其中深海池魚的油脂較重，口感扎實有料 👍 而油甘魚及藍鰭吞拿魚則相對清新 🐟此外，餐廳的雞皮餃子外層酥脆，內餡軟嫩多汁，也是一大亮點 😋 令人忍不住一口接一口。「定食 Doraya」簡單舒適的環境，價格相對親民，性價比算高，對於喜歡日式料理的朋友而言，這裡無疑是一個不錯的選擇 👍👍環境：🏅🏅🏅🏅味道：🏅🏅🏅🏅性價比：🏅🏅🏅🏅📢銅鑼灣駱克道451-453號駱克大樓地舖#銅鑼灣美食 #日式定食 #平價

約朋友去銅鑼灣食飯，突然好想食刺身，所以就嚟咗呢間，6:30排隊排四五個字先入得。本來想食吞拿魚加海膽，但係竟然冇晒海膽，所以最後食咗藍鰭吞拿魚同油甘魚雙色丼 ($14x) 兩款刺身都好肥美冇筋，醋飯酸味突出，呢個價錢嚟講就不過不失啦！

食物質素ok。服務員態度非常惡劣。差不多每星期來因為位置方便食物ok。平時都係黑日黑面都算但今日真係好嬲。明明有位但服務員趕我地出門口等都唔緊要。黑口黑面推我地出去仲關門差D撞到小朋友。直情當我地輪米仲全無悔意。This type of service quality is really not acceptable and I hope the boss should review it. Everything is great and we love the place. It is just so unfortunate.

Doraya一向出名吞拿魚丼飯，已經一段時間無去食，今晚就返去回味下。點左：藍鰭吞拿魚扒丼定食特選藍鰭吞拿魚片壽司飯定食藍鰭吞拿魚扒丼定食呢個係我呢度既最愛。火灸表面既吞拿魚， 吞拿魚肥味同好厚身，壽司飯醋米配合得宜，丼飯質素keep到好好。另加10蚊轉蜆湯都好鮮甜。蒸蛋亦保持到很滑。特選藍鰭吞拿魚片壽司飯定食特選藍鰭吞拿魚片都一樣，質感同樣地軟滑肥美，另加涼拌菠菜為炎熱天氣帶來食慾。唯一就係銅鑼灣店相對環境會逼少少，食物質素係好讚的。

🍱醬油漬藍鮨吞拿魚丼定食 $178藍鰭吞拿魚用醬油潰特製，好入味，藍鰭吞拿魚份量多厚切，外實內軟，果然高質😝，仲加左姜片，飯可以揀配壽司飯，濕潤啲同香啲😆定食仲配漬物、茶碗蒸、味噌湯，漬物開胃，茶碗蒸有驚喜好出色👍，嫩入面加左菇同蟹柳，味噌湯加左$10轉蜆肉味噌湯🫕，好足料入面有幾粒大蜆🐚值得加$10👍✨餐廳主打藍鮨吞，有多款魚生定食，亦可以自選丼定食，空間細座位唔多.