客家好棧 (已結業)

食物質素極差，啲野食唔講以為比狗食。有酸餿味，似隔夜餸。上菜速度極慢，630入座叫野食，叫呢樣冇過樣又冇，叫完之後夠膽死830都未上齊。催左不下5次單，淨係識講煮緊，煮咩要煮兩個鐘啊？埋單走人之後仲發現有2個菜未上。嬲到震份量少，一碟菜得果雞碎咁少賣幾十蚊，最特別係個蝦球伊麵，一啖食曬盛惠128蚊。服務員態度差，叫佢過黎幫手處理上菜問題，態度好似係前世欠左佢咁，句句窒住曬。呢間咁嘅垃圾建議如果冇心做就快啲執左佢啦，整啲比狗都唔食嘅垃圾比人食好咩？唔會再有下次！

終於同屋企人夾到平日一齊去飲茶🥰疫情之下真係好耐好耐冇飲茶，今次係疫情開始之後第二次嚟，其實幾年前都嚟過一次，感覺都坐得好舒服👍🏻今次再嚟印象更好!首先要講吓佢轉咗新嘅落單方法，掃QR code落單，感覺幾好，環保過用點心紙，又check到自己落咗啲咩，不過老人家用可能就冇咁方便第二樣要讚嘅係每張枱隔離都有部車仔，有個自動加水煲水嘅熱水壺，隔離仲有個位係倒污糟水，加水倒水，沖茶全部自己搞掂 👍🏻👍🏻嘢食方面，大致上都唔錯👍🏻點心孖寶好抵食👍🏻推介菠蘿叉燒包同咸水角拼煎堆，上菜時熱辣辣好香口😋因為太肚餓唔記得影食物相😂埋單好抵，滿$180仲有8折～

首次光顧這店，感覺非常良好，店舖樓底高且先進化，手機落單之餘每台客也有自家茶水枱，還採用了316不銹鋼水壺👍🏻 食物水準出色。朋友極力推介梅菜扣肉，是必點必吃之懷舊菜，扣肉出奇不肥非常入味，吃了也沒多大的罪惡感，而梅菜更鋪滿整個碗底，送飯一流。咸菜豬肚湯大大鑊，胡椒味極濃，豬肚煮得很軟身，飲完一碗又一碗。脆皮炸大腸，即叫即炸皮脆內嫩，加一片子薑能減少油膩感。海味雜菜煲份量相當大，用料十足絕無手軟，疏菜款式多使底湯變得很清甜。

星期日，一早去飲個早茶，用左QR code，搞到d老人家唔識落單，怪呀～～我都俾個app搞到落錯單，但又搵唔到人幫手，硬食宜家有個$300現金卷都抵，即買即用，仲有好多優惠卷，2021先過期

同屋企人去飲茶，呢間會有驚喜俾到我。有位入座既時候，侍應就即刻俾一個茶包我，埋位後原來有一個泡茶枱，有自動出水同煲熱功能，可以按自已需要泡茶加水。唔需要再不斷叫人黎加水，方便不少，值得一讚的設計！蝦餃夠大隻，皮又厚度適中，不錯！湯米粉個米粉俾想像中大份，4個人食真係夠晒飽。值得一提係個米粉唔會煮到淋晒，食落有咬口沙薑雞特價三十幾蚊，有一大碟雞，d雞仲要滑口的生菜魚肉生菜份量都足夠，魚肉雖然大大粒，不過味道就普普通通。

父親節，當然要和父親大人飲個茶食個包。九龍灣一帶很多食肆酒家，但父親節當天很多酒樓都滿座了，我們等到兩點多才來到客家好棧。可能我們用餐時間比較晏了，食肆不算太多人， 我們一行六人，很快就可以入座了。乾炒牛河乾炒牛河跑得不錯，口感美味，牛肉鮮嫩，清爽不油膩。魚茸碗仔翅這個一般般，不太夠熱，雖然不稀寡，但也未夠 口滑，也太過黏稠了。 碗仔翅有兩三顆魚肉，味道和質素平平， 沒有令人再三回味的感覺。鮮蝦腸粉說得白一點，蝦應該是雪藏蝦，而最敗筆的是整個粉皮，粉皮厚完全沒有爽口，滑潤和鮮味的口感，只有厚和粉的感覺。奶黃流沙包這個賣相有點嚇人， 但撇除賣相，味道還是不錯的， 奶香濃郁，略有沙沙的口感，味道甜鹹交融，小朋友最愛。山竹牛肉四球牛肉，有別於傳統的三球一籠牛肉，而且牛肉球口感嫩滑，蓬鬆軟滑，味道不錯。古法馬拉糕 馬拉糕金黃色的，熱辣辣，質感蓬鬆，口感柔軟，不錯。牛柏葉蘿蔔糕牛柏葉口感爽脆，蘿蔔糕軟滑香甜，醬汁惹味香濃，這樣的配搭，感覺新鮮。薑醋薑醋味道不錯，姜條帶辣帶甜，豬手軟腍不膩， 唯獨雞蛋略嫌未夠入味。整體來說還是ok的，主要是食物不太夠熱，還有待改善。

星期日嘅節日就係同家人去飲茶，客家好棧分店唔係好多，所以好少食同埋佢又唔係特別平。食物雖然冇特別但又唔係唔好食，見唔多人排隊都會黎飲茶。環境都ok睇落乾乾淨淨，所以都可以再來。

呢日同親戚一齊去飲茶，揀咗間喺附近嘅客家好棧。我哋揀咗幾款點心，大多數都不過不失。紅油抄手、牛肉球都相當入味。蘿蔔糕都算足料，但煎得唔算香。但比較唔滿意嘅係佢哋嘅腸粉，腸粉皮太過厚，食落去亦都缺乏米香。

夜晚費事煮飯，同奶奶一起落街食野，客家好棧係奶奶心頭好，於是就去啦。點左一魚兩味，蒸魚➕魚腩炒瓜，魚腩得幾塊，蒸魚基本上都係魚骨，大骨煎少肉。勁唔抵食！沙姜雞分量都唔係好大。加多左個菜心牛肉，菜心好老。感覺失望！奶奶成日來飲茶，前排仲幫襯幾個姐姐買左好幾張年糕，蘿蔔糕的兌換券，就算如此今晚的服務都係無人理，叫做三次開壺香片，都沒人理會，最終都要走去問經理先上到，都唔知今日係唔係運氣不好，大跌眼鏡的服務➕飲食。

幾日前經過這裡，見到有客家迷你盆菜這菜式，而且只需＄98，好似好吸引於是約埋黃兔今晚來試下我倆點了:客家迷你盆菜＄98 - 賣相不錯用鑊仔上，另有爐仔熱住食物，似打邊爐般，好適合冬天食記憶中食物有:鮑魚 - 我估係罐頭那種，味道都不錯初時以為只有2隻，心想98蚊有鮑魚吃已不錯了。後來食到盆菜的－半，竟然再搵到多2隻鮑魚，總共有４隻鮑魚呀！真係喜出望外鯪魚球 - 有煎過，不會煮到淋哂。有陳皮香味，好味豬手仔 - 炆得淋，略嫌切得細隻，骨多冇乜肉冬菇 - 炆得淋，肉厚枝竹 - 索哂汁好入味芋頭 - 好粉，正！蓮藕 - 炆得淋，不會硬身蝦 - 雖然細隻，但肉質不梅。整體上不錯，好彩不會太咸梅菜炒菜心＄70 - 菜心好甜，炒得不會過老，好食我倆每人再加個飯，份量剛剛好。感覺抵食！另收茶錢及加一服務費。

放假同媽媽契媽食飯 呢度近近地 又有小菜 岩哂西日韓泰美菜都唔鍾意食ge媽媽雞絲粉皮用胡麻醬整 好味好多 契媽好鍾意 食咗好多班球炒翠肉瓜 都夠味 魚都幾滑雞個味道都好好 不過就un咗啲呢個胡椒豬肚雞湯好足料 份量好足 好好飲我飲咗四碗🙈😂D湯渣都入哂味 正蒸班球 味道好好 有埋雲耳 送飯一流好耐無食炸大腸 大腸無異味 香口 再脆D就正啦客家釀豆腐 豆腐豆味香 釀料就少咗啲食咗咁多野 埋單4xx 好抵阿真係！不過冷氣就真係唔多夠 我地3個食到出哂汗改善埋就一流

週末同家人飲茶，唔太清楚附近邊間酒樓好食，就揀咗呢間客家好棧。而家越嚟越少酒樓有酥炸魷魚鬚食。呢度炸粉夠薄，大大條魷魚鬚香脆好味道，好滿足😛。抄手份量多夠惹味，好快俾人清晒。三色腸皮薄料足，口味夠晒滑。杏仁糊夠晒濃又唔太甜，令人一口接一口。蔬菜金菇炆伊麵有好多蔬菜，算係粉麵入面嘅健康之選。唯獨係蝦餃差少少，有口感，冇鮮味☹️。價錢方面都算經濟，星期六中午五個人食咗$400左右，仲有得打包👍🏻👍🏻👍🏻。

今次十二點零去食個點心午餐，裡面客人唔算多到爆棚，所以任我哋揀坐邊張檯。客家好棧嘅點心選擇都幾多，我哋一共叫咗五款。呢個個餡係綠豆蓉，熱辣辣，食落口好鬆化，同埋成個邊都有芝麻包住，幾香口。菠蘿叉燒餐包就麻麻地，包底有輕輕煎過，唔錯。包面嘅脆皮完全唔脆，軟腍腍，而且叉燒餡好少，三個包加埋嘅餡都冇一個包嘅份量。茶菓個皮有咬口，黏下黏下幾有嚼頭。餡係花生，食落去都有花生香。鮮蝦腸個皮拉得好滑，不過就唔算薄，蝦都ok大隻，鮮味就話有你都唔會信。碗仔翅幾好，都算幾足料，而且夠稠身，不過唔夠熱。總括嚟講，佢算係中規中矩，點心普通，並無特別不妥，同埋出點心夠快，三數分鐘已經送到。

平時同屋企人食飯大多數都會係呢間客家好棧，價錢抵食又好味，佢個桂花粉絲好好味係其他酒樓沒有的餸菜，蒸條魚叫個菜，晚飯就好滿足啦， 家人都很喜歡吃中菜！佢個燉湯都唔錯

今次係第二次係呢度食晚飯！依然都係抵食兼好食，今次同爸媽一齊食，3個人食當然係order 最好食個2-3樣就足夠！我最鍾意佢地個燒鵝，my god ，燒鵝啲皮都係好脆ga，唔會失望，重點重點重點係酒樓會提供一個細細嘅火爐一路烘住個燒鵝，由頭都尾，燒鵝啲皮都keep 住脆然後order 左雞，哈哈，雞肉好滑，不過我最鍾意就係食雞皮同埋雞翼最後叫左個蔬菜，滿足兼食得舒服嘅一餐晚飯