客家好棧 (大本型)

營業中

休息中

個侍應同我地講無晒跟餐的湯，入黎話得四寶湯，咁我地咪問四寶有咩呀？佢又講極都講唔出，er.....左好耐都答唔到，又唔搵個識嘅入黎答，搵個入黎答好難咩？！😤仲有佢一入黎嘅時候話無晒湯，問佢有咩湯都唔記得呀！

今天經過油塘，和家人選了這里。點了招牌鹽焗雞，肉老到咬不動，炸大腸都炸焦了，一點大腸的香味都沒有，客家釀豆腐，竟然沒有性價比極低的餐廳，永遠都不會再回頭了，服務也很差⋯⋯

今日收工本來打算打邊爐，但係因為搵唔到位，所以就去左呢間客家好棧。其實最近都經常去客家好棧食晚飯，因為佢真係進步左好多。而家佢地做緊推廣，$18隻雞，其實再加碟菜，真係仲平過自己煮飯！不過因為想打邊爐，所以我地叫左麻辣豬肚雞煲，而家星期一至五仲有一盤菜同一枝啤酒送，百零蚊，真係好抵！今日仲特別想食魚，所以叫左碟蒸鱔，佢哋呢個鱔真係好好好食！ 完全冇腥味！最特別係用苦瓜墊底去蒸，完全冇苦味，再點豉汁食，完美！一定要encore!

今晚來到油塘大本型開餐， 選擇了這間集團式經營的"客家好棧"。 客家人因工作的關係，體力消耗較多，而且工作時流汗得多，為補充鹽份，所以才有鹹、香、肥的特色。他們也擅長醃製各種醬菜，保存食物了的菁華和再次表現了客家人節儉的美德 我不是客家人哦， 所以來試試怎樣有特色囉! 酒家裝修佈置得簡潔，是典形酒樓的裝潢喔。"豉汁黃立倉"， 這個豉汁真的很香，主角黃立倉很新鮮，廚師火喉上拿捏得很好"鹹菜豬肚湯"， 要留意是沒有胡椒的， 如果喜歡麻辣的人，會感覺有些單調， 味道中規中矩！

今天17/3/2018,上午11:30分左右到達。由食具講起，那些膠唔似膠的食具，一攞上手就是油笠笠的感覺，洗完的水有一層油在上面的。講到食物，整體食物温度只是微暖，完全没有熱的感覺。至於有些個別種類點心，質素令人失望，分別如下:1. 菠蘿叉燒包 : 近乎空心的，只得幾粒叉燒。2. 粉果 : 皮厚，冇饀。3. 炸腸粉 : 油炸鬼又乾又硬。4. 上素腐皮卷 : 腐皮煎得唔夠，稍硬;此外，帶很重油"益"味，入不了口，要退回，取消。最後，服務亦差 :上面提及我們因"上素腐皮卷"有好重油"益"味，我們要求退回廚房或轉其他食物，當時侍應說會取消該項，並在吸印單上的其中一個印仔上，打了一個交叉。我們以為他已取消該印。誰知當找數時，"上素腐皮素卷"也收錢，我即時有被欺騙的感覺。十分差

今日約埋幾個朋友去探初生bb..雖然住附近..但都好少黎大本型食飯..中午12點15分黎到..完全唔駛等位..一問有枱喇..成個食飯過程我都有留意多唔多人等位..睇下第日有冇機會再黎嘛..結果發現都唔係太多人等..講返食物..因為大家都好肚餓..所以完全影唔切相呀..叫左最鍾意食既菜苗餃同蝦餃..味道都唔錯..不過皮就唔算薄..菜苗餃都唔係好多菜..鳳爪同其他酒樓食既味道有少少唔同..不過係好味既大發現!生茶魚肉隻碟係有窿架..好窩心的設計

早果排好想食辣野所以不停周圍食一開始食果d辣野都係紅色gei而估吾到, 有時d野, 最辣gei...其實係綠色gei果晚去到客家好棧由於吾算好肚餓0既關係只係叫左少少野食涼拌青瓜, 正正常常不過不失咁啦重點係個虎皮尖椒炒豬肚豬肚其實好中意食但係處理好煩所以都係出去買煮好左gei算喇而lee個豬肚又出奇地好味有咬口, 又吾臭或有鯹味同個尖椒好夾個尖椒d子好多完全係為辣菊花而設食到咁上下頂吾順...所以...去左d子黎食不過這菜真心好吃再去都會再叫黎食!題外話:果晚第2轉叫啤酒叫左好耐都未到law...

星期日突然黎個8號風球，原先安排同朋友嘅郊遊行程，都迫於無奈要取消。屋企附近周圍都唔開，相信唯一開嘅應該係快餐店同酒樓，唯有同老公二人世界去飲茶。假期本來都好多一家大細會去飲茶，但今日突如其來嘅假期，令星期日要返工嘅人都放假，所以黎到都要等左20分鐘先有位。黑椒金錢肚 $20 有豆卜墊底，牛肚淋，但黑椒味唔算濃。綠茶香芋酥餅 $17熱辣辣嘅芋蓉味道好好，加埋酥餅上面嘅芝麻，好香口。風味滑雞春卷 $17春卷上枱已經凍咗，但好彩仲脆，唔油膩。蠔皇蒸鮮竹卷 $17味道怪怪地，個勾芡太杰。。蜜汁叉燒包 $17熱辣辣，足料。

$10半隻貴妃雞，真係好抵，佢句slogan 完全講出精隨😎！去街市買餸自己煮，都唔係依個價錢啦！💡不過留意有加一，茶介。$10半隻雞，對佢味道要求唔會太高，亦唔會有期望。但價錢真係無得輸👍🏻！不過個賣相可以靚仔少少😝，食物最高境界是色，香，味俱存！香+味未，會因個價錢，而唔會有太高要求，不過都希望睇得下😂🌟不過其他野食，個廚師其實幾重手，多油多咸多「獻」😅，可以有好大進步空間💪🏼！

平時酒樓成日出一蚊雞真係好鬼抵，雖然油塘冇一蚊雞，但客家好棧出左10蚊半隻貴妃雞，所以都去試下啦。另外見到餐牌仲有 $128 天天有驚喜，其實係平少少有兩個小菜，咁都試下啦，睇下係驚多定喜多。貴妃雞 - 好快就上左貴妃雞，分量都唔少，雞偏咸，肉質正常，但個薑蓉係冇薑架，真係渣左少少囉。不過念在只係要10蚊，咁既質素都可以接受啦。砵仔蒸飯- 就係加左面個幾粒粟米，其實都係普通飯一個。沙嗲金菇牛肉煲 - 唔好睇個樣正正常常，我從來未食過咁難食的沙嗲金菇牛肉煲，除左個醬超杰超難食外，D牛肉仲要梅梅地咁，食左一啖之後已經食唔到第二啖，完全係「驚嚇」之選。清蒸龍躉仔 - 分量同味道都正常，而且都幾滑，算係值回票價。另外酒樓好明顯人手不足，等左好耐先上菜。而且茶錢$11 位都唔平，仲要加一，但最難過都係食左人生最難食的沙嗲金菇牛肉煲。整體而言，係油塘冇選擇冇競爭的情況下真係難怪咁既質素的酒樓都可以生存到。

今天星期日，同家人一齊一共三人行等位沒有等很久⋯十五分鐘入得。我地嗌左 四個餸，第一個嚟嘅係東江鹽焗雞一上菜睇得到好熱辣辣客家菜都離不開咸味重口架啦個人口味而言 我本人係客家人⋯所以都中意食，雞肉都新鮮，口感不錯！然後嗌左一個客家燉土豬肉湯，$38 一盅對我來說，湯太少，肉太多⋯落得太重味噌太重胡椒粉，調味過量了⋯這個湯稍微有點失望。然後再上菜的是梅菜扣肉，呢個好味啊半肥瘦的肉，食落唔油膩！肥肉彈牙唔太鹹又唔會太甜，岩岩好！推薦大家～蒜香小唐菜新鮮，炒的好味！最後來的是這個客家釀豆腐！好好味！好好好好味！但是好不愉快這碟菜足足等了九個字，我連飯都食晒先至上呢碟菜！19:44 分落單，等到20:30 先有～但不得不說，客家豆腐是最好吃的即使等得耐我下次還是會再叫的哈

明明講三個菜以上有得加$10有個煲仔飯，9點開始，9:30同我講賣哂，因為收爐收10點，都算。我一落單話要埋飯，夠膽話無飯。真係燥，如果一落單前講無飯無直頭唔食啦，落咗單先嚟講，無病啊！比人燥下，話下，又變到飯岀嚟，又話有，睇我好蝦啊，垃圾茶樓。夠膽比冷飯人食，叫我等4個字都痴線。野食唔算差，但服務真係好差囉，無服務態度學咩人收服務費！

叫左碟兩樣野黎左其中一樣，但炒菜心同兩碗白飯等左一粒鐘都仲未到 前後慛左幾次 竟然叫我地食住先就走左去 成間餐廳每一張台都催緊白飯同其他菜 效率係0 未試過食一餐飯要等甘耐 如果吾催既話 我諗等兩個鐘都吾知上到未 食到成肚氣

今日喺附近拜完山就去商場到睇下有咩食，因為每年只會去一次油塘，就係去拜山，所以睇水牌睇下有咩食。屋企人見到呢間就話去飲茶，咁我地就去左。門口帶位嘅侍應態度唔算好，不過都還可以。我地4個人就比左張卡位我地坐，嗌完茶就洗碗。嘩，啲碗勁油，好似淨係用清水去左漬，但無用洗潔精洗乾淨咁。無辦法喇，喺街食嘢係咁。先嚟左呢個煎釀茄子，個樣都ok嘅，不過一食⋯⋯好腥然後有個三色腸粉，分別有蝦腸、叉燒腸同牛肉腸。唔算好難食又唔係好食，普普通通喇。菠蘿叉燒包，好大陣油膉味，好膩。入面嘅叉燒餡都唔係好好食。呢個綠茶芋頭餅係全餐最好食，個皮係脆嘅，入面芋蓉都幾好味，無乜油膉味，仲有好香嘅芝麻味。咁飲茶就緊係會要加水，啲侍應係keep住吹水，望到扮睇唔到。屋企人就叫佢加水，都有講唔該，態度唔差。個侍應就粒聲唔出好似嬲爆爆咁攞左個水壺走（心諗：乜加水唔係佢本分咩？）然後返嚟嘅時候，「呯」一聲抌低個水壺，好似大地震咁，然後走左！佢走慢一步我實鬧佢，邊有服務態度差到咁架？呢世都唔會再去！食物質素又唔好，服務態度又差，完全諗唔到有咩原因要再食。唔試好過試！

呢間野 職員十問九吾應 叫一碟 星洲抄米 等左45mins 都未黎 仲要個場咁少人 我諗佢系等埋幾碟先一次過抄 要等咁耐吾早講 吹左足足3次 次次都話等多2mins 等到火滾走人先黎碟星洲抄米 我地一行人都行緊去埋單 之後職員仲想收碟野既錢 ...真心吾再黎第二次