家上海 (奧海城三期)

營業中

休息中

同舊同學去完西九野餐，本來想落尖沙咀輕食。但行到去九龍站又費事行落尖沙咀，索性搭一個站去奧海城睇吓有咩食。啲同學話好耐冇食過上海嘢，又大肚婆又唔食得生嘢，咁就揀咗嚟食呢一間。其實過幾日之後公司搞慶功宴都係嚟呢度食，咁就當試一試佢啲菜式任何退步到。啱啱好入完座，已經全場爆滿，真係好好彩。因為剛剛野餐完，都唔係食得落好多嘢，所以都係嗌咗幾款嘢食就算。蒜泥白肉，重蒜超過癮，醬汁估佢唔到竟然係唔辣，調得都唔錯。個萵筍絲都好爽甜。小籠包個湯汁就比較淡咗少少，反而個生煎包熱辣辣勁多汁又煎得夠香。蘿蔔酥，裏邊啲絲包得滿滿，都處理得好好，淨係食到蘿蔔嘅甜味冇苦澀味。個鱔糊相對嚟講就濃味咗少少，帶鹹同埋份量比較偏少。不過啱啱野餐完，就覺得剛剛好。過幾日同大老闆再嚟食都係有信心保證。事次用餐為自費。

💁🏼‍♀️老闆娘探索新美食 香港站 #6家上海呢間上海菜應該大家都有聽過每間分店都排晒隊 因為有佢一定水準今次好彩喺OpenRice Book定 所以假期唔使等位 就直接入座老上海套餐淮揚五福拼盤 🤤 海蜇頭醉雞非常好食濃湯砂鍋餛飩雞 😳 雲吞好足料瑤柱賽螃蟹 🦀 👍🏼👍🏼👍🏼黃金蝦球 🦐 最少都有10隻 好濃郁松鼠桂魚 🤤 大大條 最鍾意冇骨嘅魚鍋塌豆腐 😳 外層的脆皮有點像油炸鬼上海煙燻脆皮雞 😀 味道稍為淡要點醬汁濃雞汁蘿蔔 🥲 賣晒，所以轉咗萵筍絲招牌十景揚州炒飯 🥹 飽到要打包仲未食金牌小籠包 ❤️ 豐富湯汁豆沙鍋餅 ⭐️ 傳統甜品 6位用$1,488 另外+1 同茶界份量多食唔晒，最後打包咗三盒🫶🏻📍 家上海訂座電話: 2869 2228香港九龍大角咀海泓道1號奧海城三期地下G19-21號舖仲有好多分店😘

今日要賀朋友成功上車😅在她新居樓下的奧海城商場食飯慶祝💕揀咗食上海菜「家·上海」🔹蟹黃大湯包 $42巨型小籠包 🦀 入面有蟹粉 🤤同朋友一人一隻，入面的精華用飲管飲🤤好香唔腥〰️ 推介🙌🏻必試！🔹脆煎灌湯小籠包 $58用鐵板上，keep到溫度之餘！個底煎到又香又脆😋🔹鐵板蔥爆羊肉 $138本身鐘意食羊！這份好香，個醬汁好濃味好多葱用來撈飯食一流😋🔹醉乳鴿好喜歡這個😌肉質一點都唔榎口！陣陣酒味亦不會太濃❗️好清淡🔹松鼠桂魚 $208正正常常，平時食開嘅口味！個醬汁甜甜地送飯好開胃😀🔹黑豆腐花 $68原筒上，不錯的甜品！

係附近睇戲想食上海野見到環境好好 食物質素都唔錯心試左幾款小籠包照舊優秀表現酸辣湯夠酸！岩曬重酸人士水晶肴肉 高湯配搭 個口感好得意又好食食埋擔擔麵好飽好飽心情靚靚睇戲

放lunch 試吓上海野 ，2:30出面貼左下午茶 但星期六係無既 。坐喺左侍應問飲咩茶，揀左人參烏龍，咁左小籠包同埋黃魚麵 。食物味道正常，吾算好好食 ，第一次見魚肉切粒上 ，覺得用返魚片會好啲 。最好飲係壺茶埋單差唔多$170

今日喺奧運同同事搵吓有乜嘢好食，又唔想食得咁差，所以呢就搵咗呢間家上海食吓一啲上海菜啦。咁我哋呢就嗌咗個招牌嘅聚乳鴿，食落呢都幾香有淡淡嘅酒味，再加上啲乳鴿肉呢，又唔會太柴都算係幾好食啦。另外用嗌咗小籠包，啲皮都算薄，不過有啲貴咁，不過算啦，話晒喺奧海城入邊。 總括嚟講下次如果冇乜選擇都會再食嘅！

 生日飯又來了，每次同呢班朋友食飯，都要諗諗有冇素菜，今次選了這裡還是可以的。因為要就返大家方便, 所以轉戰去奧海城。呢度的裝潢以簡約現代風格為主，搭配一點點傳統上海元素，讓人一入門就會感受到濃厚的上海文化氣息。餐廳主打上海菜，其中小籠包同生煎包係必試嘅招牌菜。小籠包的皮薄餡多汁，一口咬下，滿口都有肉香同湯汁，今次病病地，所以無叫生煎包，希望下次有機會就試吓。個人好鍾意食百頁毛豆，其實點都會覺得好食，因為鍾意除咗呢兩道經典菜式之外，仲有好多款地道上海小食＆家常菜，例如紅燒獅子頭、糖醋排骨、炒年糕、包雙方等等，今次叫左宋嫂魚羹，四喜烤麩，椒鹽小黃魚，全部都唔錯嘅。服務方面，工作人員態度親切，服務都幾周到，地方就唔算係打卡餐廳，但都OK整潔啦，餐廳價格亦係合理的。

食咗個擔擔麵，完全唔知咩嚟，得個咸字同花生醬嘅味，成碗嘢水水地，個麵又唔好食，淋pat pat，要賣相冇賣相要味道冇味道。同個服務員反映，剩係得個「哦」字，起碼都講一句幫我反映下啲食物質素。另外，叫咗個牛肉餅，唔知係本身就係咁定係未熟，入邊啲餡全部紅色，個餅身又難食，同佢餐單上嘅相根本係兩回事，不過當然你可以話圖片只供參考，但都唔係差成咁。如果按照上海菜來講，真心講句翡翠拉麵小籠包仲好食過佢，根本唔知乜嘢嚟。

一行九人，可能見我地有老人家坐輪椅主動俾咗包廂我哋職員服務10分到位主動落單，加水換碟主打高質上海菜小籠包鍋貼，生煎包呢啲唔少得呢啲招牌菜，新鮮熱辣好味，另外推薦煎小籠包唔係咁容易，喺出面食到仲要係鐵板上，黎到都保持溫度

星期日下晏想搵間坐得舒服既餐廳就諗起呢間去到唔洗等位~Lucky叫左幾樣前菜陳皮牛肉+花雕醉乳鴿陳皮牛肉: 食唔到有陳皮味,牛肉幾淋身, 汁偏甜 ,岩我地口味花雕醉乳鴿 :  花雕味好重, 乳鴿肉滑身同嫩蘇式薰魚+四喜烤麩蘇式薰魚:呢個造法幾特別, 塊魚片炸到脆身, 再加甜酸汁,似食緊糖醋魚既魚片既感覺四喜烤麩: 烤麩好入味,唔太膩小籠包 : 招牌食物, 師傅即場係鋪頭包,好新鮮,皮薄多汁, 好好食蘿蔔絲酥餅: 入面有一條條既蘿蔔絲,酥皮好薄同酥化,加左黑白芝麻令到口感更豐富 味道清新紅燒獅子頭 : 呢個打開之後, 入面既肉係粉紅色, 問左職員佢地話肉那過煮熟後都入面係粉紅色, 唔係唔熟到最後我地都有食哂既, 味道正正常常小小建議:如果餐廳轉用其他鬆肉粉整獅子頭 既話, 我地會食得安心同放心D想順帶一提, 佢地好服務態度幾好, 成日都會加水,又會經常收碟, 下次會再過黎幫襯

来家上海如果介意等位就最好订位！今次因为朋友生日所以由她揸主意⋯⋯- 肴肉好味，可惜細塊左D 😌- 煎小籠包唔係周圍都可以食到，所以叫嚟食👍🏻👍🏻巧味- 鍋貼🥟一样好味，皮薄带汁- 上海餐必叫上海粗炒

由於長輩鍾意食上海菜， 加上又要就我放工！ 所以揀左中間點- 奧海城的家上海 食晚餐食飯時間都幾多人，好彩好快就有位，安排左張圓枱俾我地😄le 個五拼（ 有熏魚，醉雞，烤麩，海哲 ，淆肉）樣樣都好好正！ 上海菜 點少得食小籠包！ 皮薄餡靚非常正！ 由於我哋幾個都好鍾意食小籠包， 所以再點多左一份 脆煎小籠包 😋上菜速度好快， 炸子雞仲係熱辣辣架！ le 個煎豆腐個汁好好味， 豆腐外脆內滑😆員工都有禮貌，會主動換碟同 refill 茶水，下次都會繼續幫襯！

黎依間野真係最好book位，星期日食lunch 1點左右大概等左5分鐘，算快，平時夜晚真係等耐啲。今次叫左蒸小籠包、煎小籠包、流沙包，燒雞半隻同揚州炒飯。燒雞真係好好食，皮脆肉嫩，白肉位置都handle得好好唔會好鞋，真心必食推介！蒸小籠包都好好食，皮薄多汁！煎小籠包皮厚身啲都有汁。不過你問我我就中意蒸小籠包多啲😆流沙包好細粒感覺精緻，不過可能等到凍左佢唔流心？變左普通奶皇包咁，不過都軟林林好好食。最後揚州炒飯本身我就麻麻，屋企人中意食，好多火腿粒，炒得都好夠味既。服務依度係一流，都唔使舉手staff已經keep住加水，即使人多又唔會吹你走，無限時，坐得又舒服，總結：快靚正！

奧海城 3 期嘅「家上海」最近推出咗一系列用 OmniFoods 設計嘅植物肉菜式，真漢子今次一於同大家試哂佢。🥳兩款前菜用新餐肉打頭陣，「麻醬新豬肉絲拌青瓜粉皮」將傳統嘅雞絲粉皮換做新餐肉，好有新鮮感。「脆煎新豬肉涼拌三絲」味道清新之餘充滿麻油香，新餐肉絲同豆干，紅蘿蔔絲同蜜豆絲一齊食，好味又爽口。😛湯羹用新魚柳切粒整成魚茸羹，加埋雪菜更加惹味。湯仲加咗蛋白花同草菇，又滑又鮮味。😋「紅炆新牛肉蘿蔔百頁結」完全係柱侯炆牛腩嘅素食版，所有材料包括新漢堡，蘿蔔，竹笙，冬菇，草菇都炆到入哂味索哂汁，真係好難忍到唔叫白飯食（一路打字都流緊口水 🤤）。新漢堡加入中菜以為好怪？實際佢好濃嘅牛肉味同蘿蔔嘅甘甜係超夾，而且冇牛腩咁韌，小朋友一定更鍾意食。👦🏻👧🏻魚香茄子煲同螞蟻上樹換咗用新肉鬆，好香辣好開胃，望落好似好大碟同大煲，但唔驚唔覺就會被大家清哂喇。😂「雙冬新豬肉糯米燒賣」加人咗冬菇同冬筍，普通豬肉換成新豬肉冇咁肥膩，糯米唔使講啦，啱哂真漢子呢啲阿叔食。😆「滬式醬油新牛鬆炒飯」，用秘製滬式醬油，加埋新牛鬆，雞蛋同生菜絲炒到粒粒分明，又夠哂鑊氣。🔥呢一系列嘅上海素菜式係由來自揚州嘅主廚欒華宏師傅

與朋友共聚去了這家店食飯，餐廳寬敞乾淨，還設有室外用餐地方。喜歡熱鬧共聚或清靜用餐也可以。二人叫了薺菜炒年糕、金牌小籠包、上海雲吞。年糕味道剛好適中，不太鹹。小籠包鮮嫩多汁，皮薄餡多，湯汁濃郁，一口咬下，滋味爆發，回味無窮。絕對是必吃的點心之一！每一口都令人滿足。雲吞也十分之有誠意，口感豐富。鮮嫩的餡料包裹在薄而有彈性的皮裡，每一口都帶來滿滿的滿足感。湯汁清澈鮮美，為整個雲吞增添了一層美味的風味。