家上海 (奧海城三期)

營業中

休息中

最近身邊D朋友仔又四週圍揾上海菜食，叫我介紹下，我地就去左一間幾特別的上海菜館，特別在於設有房間，如果多人熱鬧又唔想嘈到人都可以考慮包間房暢談一晚！！如果冇落雨，夏天又唔怕熱，冬天又唔怕大風的話，三五知己傾下計或者情侶們都可以考慮下露天雅座，氣氛唔錯我都幾鍾意食呢間嘅小籠包，有“經典(蒸)小籠包”，也有“特色(煎)小籠包”，真係好...好...好juicy ，好好味另外有必食推介，“城隍廟蟹肉翅”蟹味濃郁，翅和湯底也很配，價錢合理炒鱔糊冇得輸，不過記得落單時要求“少油”，因為一般烹煮做法會落好多油令鳝的口感滑身D，但過多油同時會你感到好油膩，影響食慾！仲有生煎包好正，都好juicy, 個包皮好軟，煎到脆卜卜，好味食咁多肉，不如試下呢度嗰個濃雞汁煮蘿卜好好味，好入味，仲可以消膩添最後，梗係要食個甜點啦：一定要食芝麻湯圓希望今次介紹呢間上海菜比大家，你地會好好enjoy la

今晚品嚐了淮揚五福拼盤，五福包括女兒紅醉雞、鎭江冰官肴蹄、涼拌陳醋紅蜇頭、蘇式燻魚及四喜烤麩，麵類有上海粗炒，甜品有桂花拉糕及夠薑湯圓。淮揚五福拼盤，有新年氣氛，色香皆有，每款佳餚都煮得非常出色，最惹味必定是蘇式燻魚，甜甜味道，香脆可口，咬落去有少少爆汁的口感，煮得出色，食得滋味，佳餚之選。另一款出色的菜餚是女兒紅醉雞，滑溜溜的雞肉配上不肥膩的薄薄雞皮，食落有淡淡女兒紅香，這兩款佳餚已經感覺到餐廳的誠意和廚師的功夫。前菜辣辣蓮藕，主菜上海粗炒，甜品桂花拉糕，也是不錯的美食，正！

假期中午食飯時間我諗間間都多人～又忙！又黎到最喜愛既「家上海」今日黎到要等位～到達前已經見門口有5、6個人等緊🫠心諗應該都好快姐～我地係兩個人食！等左一陣，有個女人行左去問有冇位～職員問幾位～甘個女人話3個！就已經直入有位🫢但我地兩位既仲等緊～果陣仲有對又等緊～～係呢一刻！有個男人就開聲問職員點解佢吾使等！？其實果陣等緊，眼見邊位有張4人枱一直無人坐～就俾個口講3人既女人入左去坐～男既就好嬲甘問職員～點解吾將果張枱落個隔板～甘我呢度兩個、同佢果兩個就可以入坐！但職員解釋得吾太好！引致男人好嬲🫢跟手就好快有位🫢有得入😅雖然我吾知佢等左幾耐～上海雲吞一碗有6隻好大粒～皮薄好飽滿～湯底有陣麻油香～仲有白菜仔好味道真心推介～佢地既炒飯真係好正粒粒分明～吾會好油～又有咬口！蝦仁粒爽口～有火腿粒同豆角粒～口感好豐富講返上面果度我地食完埋單果枱3個人先齊人😅不過入去果陣有啲枱都係坐2個人未齊人～～我建議下～齊人先俾枱會好啲～佢一個人又霸左張枱～有人等緊既又齊人就會覺得不爽🫢

自從第一次喺呢度食咗鐵板小籠包，就返唔到轉頭啦～每次食上海菜或者淮揚菜一定會嚟！一如既往，餐廳職員嘅服務態度都係好好好有禮貌！！入座之後會幫你嘅袋套上防污套，又會推介你食啲咩好就算叫職員加茶或者加水嘅時候佢哋都係即到，唔會應完你之後就冇咗一回事🤣因為今日天氣都幾好，所以我哋又坐咗去戶外枱，冇咁多人，有埋啲燈飾好靚不過就會有人食煙，唔想食二手煙嘅記得入返室內啦😀一嚟佢就會放低前菜先，每次都會唔同，有時係口水雞，有時就會係木耳，木耳都好爽口，不過我就覺得可以再辣少少😆佢味道係偏甜嘅😗前菜方面，我哋再嗌多咗一個四喜烤麩，佢凍凍地得來又有甜甜地，好開胃，有啲冬菇同麵筋咁，未食過嘅值得試吓主菜我哋就嗌咗一個松子魚，上海炒年糕，獅子頭，五寶水鴨湯。松子魚揸得外脆內軟，粉皮唔厚，上面仲會有啲蝦仁粒，夾埋松子一齊食，好味上海炒年糕顏色好似好深咁，不過食落就一啲都唔鹹，煙煙韌韌都幾好食獅子頭嘅整得好入味，佢個醬汁好出色！水鴨湯真係好足料又大煲，有金華火腿，有鴨肉粒，大概可以有六至七碗，職員仲會幫你分好再上小食我哋嗌咗鐵板小籠包，非常出色！佢個皮係脆，裏面係熱辣辣爆湯一定要食因為同行有人生日，所以就叫咗個

秋冬季節 坐室外食晚餐係幾寫意 奧運三期既地鋪係其中一個好選擇 環境好靚好chill 😌今次揀左家上海 ， 價錢中檔 ，服務周到 食物質素亦一向幾好 👍🏻 淮鹽溏心燻蛋 HKD32🍳 口感彈牙， 淮鹽調味妙筆生花 。 脆煎灌湯小籠包係呢度特色菜之一， 鐵板上小籠包 HKD54🥟 既香脆又爆汁！ 淮揚五福拼盤 HKD248🐟 有醉雞、肴肉，海蜇頭、燻魚同四喜烤麩，最岩share 食😁 砂鍋雲吞雞HKD198🐔 半份已經有5-6 碗湯， 好大份，湯都好鮮甜！

又黎再食真心覺得好食要推介黎到大閘蟹時期必食蟹粉系列因為吾使自己mok蟹又食到啖啖蟹膏加蟹肉諗起都吞口水～快d睇下我影既相多膏又多蟹肉D竹炭豆腐外脆內滑配埋蟹粉真係好好食第二角度～睇下有幾多！一d都吾孤寒！必食「松鼠桂魚」個汁酸甜岩岩好～條魚又炸到好鬆脆「連骨都可以食埋」仲有魚肉又吾會老～掛曬汁超開胃仲有後面既薺菜肉絲炒年糕～都吾錯！黎到第二主角「蟹粉小籠包」非常鮮味皮薄餡正仲有蟹膏一粒粒架～掛住食吾記得影底最後黎個「肉絲兩面黃」面脆吾痴牙！個汁又吾會話好「傑」又係必食之選😚三個人食～以上份量好足！而且都好大牒

我個人認為🫢黎到奧海城必食下午茶又有套餐～佢個鐵板生煎包「必必必食」熱辣辣～底又脆又多汁！大家食既時候小心食～環境又好～職員都好有禮～D湯汁～～好正呢個蟹粉小籠包又係好好食囉足料又皮薄～睇下仲有蟹膏～用飲筒飲「要小心焫親因為熱辣辣架～～爆汁！

平時放食晏，經過奧海城的家上海都好多人，要等位，今日終於再次去食。但今次的員工服務超好，真係做到賓至如歸，當我和我的同事坐吓的時候，我們的大褸掛在櫈上，冇幾耐，有一位職員叫呀傑(Kit)好細心將一個個的袋套入我們的大褸，並對我們說，以防弄污你們的褸。 跟著就逐一介紹食品給我們，他介紹的每一道菜都好好味，例如脆鱔，脆皮雞，煱貼，燻魚，蜜汁火方飽，蘿蔔等等。個個同事都話介紹得好。我哋比較多人而且又多要求，如換碗換筷子要東要西，傑職員一一為我們服務。而且態度很親切，沒有不耐煩，真係要比個LIKE佢，個個同事都話一定會再去食😋😋😋。

環境新派裝修環境寬敞兼樓底高，4 人卡位2 張細方枱拍埋都有充夠位放三餸及茶杯碗碟都鬆動。食物叫咗2 人套餐，其中有2 個餸賣哂由小排骨改花雕雞、小黃魚改炒鱔糊，份量好足及味道好好👍🏻貨真價實。酸辣湯 2⃣️大碗，足3 / 4 人分享小碗，足料味道濃郁脆煎灌湯小籠包 小心危險‼️燙口！一咬汁液向橫射濺到透明隔版，好彩旁邊冇人，不過仍難逃被人濺到🥲百頁結紅燒肉 ，入味五層紅燒肉夠淋香口，啱喜歡古味 另外點灌湯蟹皇小籠包像小飯碗大size，先用飲管吸湯，再大啖吃餡料，🈵️足哂喜歡吃小籠包的人。總結： 🈵️意食物、🈵️意服務態度及回應，職員彈性處理套餐，令客人亨用優惠價嚐到美食，回頭率及介紹100%

聽朋友介紹過來試上海菜，點了冷菜拼盤，松鼠桂魚，小圓蹄，蟹黃河蝦仁，赛螃蟹和甜點奶黃包，味道都非常普通，其中烤夫，赛螃蟹不及格，完全味道不對，其他还勉強可以，但不是上海菜的味道，但落了很多味精，吃完飯後非常口渴。 菜的份量不大，松鼠桂魚只得半條，味道酸甜可口，魚没有骨頭，不错。小圓蹄很嫩，味道不错，但没有甜味，薰魚，烤夫都不甜，只有咸味，不是上海菜的味道，烤夫里没有冬笋，香菇，金針菜，完全不合格。宵肉味道及格但量太少，埋單1200元左右，总体而言不值这个價，虽然有coupon 送但不会再去。服務環境還是很好的。

適逢爸爸生日 又係一年一度食大閘蟹嘅時候 就book左家上海試下。見到佢可以即時做會員 享有大閘蟹套餐買一送一優惠 而且價錢合理 套餐嘅菜式都啱屋企人口味。8點去到 出面座無虛席 獲安排坐左入房 非常好。首先坐低緊係填表做左會員先啦🤗 叫左2個套餐 即係4人份量 再散叫左幾樣野 包括乾煸四季豆 生煎灌湯小籠包 上海粗炒 排骨蛋炒飯。上菜第一樣就黎左四季豆先 之後就到灌湯小籠包 冇幾耐連排骨蛋炒飯同上海粗炒都黎埋。唔知係唔係餐廳經理經過見到我地大閘蟹套餐先應該係主角 食完啲炒飯炒麵那裏有胃納食到 所以就埋黎同我地講收返入廚房先 佢地做宵夜 我地食晒蟹先再炒過俾我地 非常貼心生煎灌湯小籠包好食 個底煎到好香脆 熱辣辣中間好多湯 肉夠鬆軟 成個小籠包食落好多層次但又剛剛恰到好處。 大閘蟹套餐個蟹粉竹炭豆腐都幾好食😋大閘蟹唔算好大隻 但都有膏多肉 其他食物都係above average 對得住個價錢。5個人食左$2XXX 仲有返啲coupon送返可以下次再去散叫其他野食。希望可以保持質素啦

家上海係1975&co旗下餐廳, 即時join免費會員就可以用會員價買一送一, 食到原價HKD 888嘅金秋淮揚大閘蟹宴, 連埋加一茶芥大約500, 可以由7點慢慢食到10點, 對喜歡蟹粉又唔想拆咁多蟹都唔錯蜜汁脆鱔 - 套餐以外另叫嘅小食, 炸到非常脆口, 加上芝麻蜜糖好香口, 但感覺比較乾柴少咗鱔獨有嘅香味江南四式拼盤 - 陳醋紅蜇頭、花雕醉蝦、淮鹽溏心燻蛋同目魚大烤, 頭三款都中規中矩, 但目魚大烤就幾失望, 目魚大烤本身係傳統寧波冷盤, 理應加豬腿肉煮汁再燜墨魚片, 做到肥而不膩肉味鮮香, 但呢碟食落似潮州滷水墨魚紅燒蟹皇三絲翅 - 飲個湯暖暖胃就準備食蟹清蒸大閘蟹 - 公蟹, 目測都似4.5至5兩, 餐廳會提供每人一份拆蟹工具, 肉質都新鮮飽滿, 軟膏香濃, 唯獨係蟹鉗一拎起就跌哂, 其他了蟹腳又冇呢個問題蟹粉荔芋盞 - 見到食評讚好, 可以每人一粒都試試, 芋茸軟滑, 炸到酥脆後放入蟹粉, 唔錯蟹粉脆皮黄魚柳 - 厚肉但炸過火, 只可以話香口炸物同蟹粉唔會有問題蟹粉香酥竹炭豆腐 - 炸豆腐外脆內軟, 外層竹炭粉加少少甜味, 都係呢句蟹粉係好食嘅蟹粉小籠包 - 每人2件, 未

1957&Co達人好耐無出動。每年大閘蟹時間，都一定會去十里洋場，今年換左場，另一個1957&Co嘅brand ，家上海。今年食咗大閘蟹未呀？今年第一次介紹呢樣邪惡食物。咁就帶大家去家上海，不過呢度大閘蟹Menu就第一次講，佢同十里洋場基本上分別不大，呢到價錢更加相宜，更值得推薦。每位$888，只要你係1957&Co會員就有呢個金秋淮揚大閘蟹宴買一送一的優惠。江南四式拼盤 （陳醋海蜇頭，花雕醉蝦，目魚大烤，淮鹽溏心燻蛋）紅燒蟹皇三絲翅清蒸大閘蟹（每隻四兩半到五兩）蟹粉脆皮黄魚蟹粉香酥竹炭豆腐生拆蟹粉小籠包(兩件)夠薑湯丸凡惠顧套餐，想飲酒仲可以以$50 飲支咸亨太雕王（100ml)，你唔好學我見無澱粉質以為會唔飽，又話要加蟹，基本上由頭飽到尾，當中碗紅燒蟹皇三絲翅真係非常暴力，一下已經令你飽到癲，蟹粉脆皮黄魚又係食落去大滿足，竹炭豆腐係新潮食法，比蟹粉撈麵更飽肚，江南四式拼盤就完全係十里洋場質素，講真，唔計茶錢加一，四百幾一位又好坐，係邊到搵，趁呢個大閘蟹季節大家快啲訂位啦。

秋意漸濃，每年這段日子亦是品嚐大閘蟹的最佳季節；甘香豐膄、細膩綿密的膏脂，光想便令人食指大動！所以一眾蟹痴知道家上海今年推出的「金秋淮揚大閘蟹宴」後，很快便湊成今次的飯局。如天朗氣清的話，大可於戶外用餐，邊享受秋風送爽的愜意，邊品嚐時令美饌，一舉兩得。如申請成為1957& Co. 會員(免費入會)，並選擇金秋淮揚大閘蟹宴套餐，即可享 「二人同行一人免費」的優惠，每位$888(兩位起)；如一隻嘴舐舐，可以優惠價$188 追加清蒸大閘蟹一隻，再加$50 更可享用咸亨太雕王乙壺(100ml)，佳餚配美酒更加相得益彰。點菜後不久，侍應便送上三碟小食，分別是口水雞、麻辣豬耳及小魚花生，最喜歡便是小魚花生，香脆可口，食不停口。吃畢小食，先來的是「江南四式拼盤」，內有陳醋紅蜇頭、花雕醉蝦、目魚大烤及淮鹽溏心燻蛋。之後便是「紅燒蟹皇三絲翅」，除主角魚翅、蟹粉外，還有雞絲、竹筍和冬菇，色澤金黃，口感豐富；味道鮮爽。今晚的主角(江蘇清水大閘蟹)更由總廚Chef Ben親自奉上。「清蒸大閘蟹」約四兩半至五兩重，將已拆的蟹肉放入蟹蓋內，逐口慢慢品嚐，滋味無窮！「蟹粉脆皮黃魚柳」肉質肥厚，外層炸至金黃香脆，配香

秋意越濃！蟹膏越爆！  個多星期前才開始起動的大閘蟹宴，今個星期按耐不住，又來第二餐。今次，我們揀選了位於奧海城的《家上海》，細味「金秋淮揚大閘蟹宴」一系列以傳統與創新菜式融合成的六道大閘蟹菜餚。   同樣是五兩的大閘蟹公蟹，不過今次更成熟，金黃色的蟹膏更爆滿，入口更香濃，蟹肉更鮮甜。如果吃一隻『唔夠喉』的朋友，還可以優惠價＄188追加清蒸大閘蟹 (四兩半至五兩) 乙隻。  蟹宴正式開始前，先來品嚐這道江南四式拼盤，當中包括：陳醋紅蜇頭、花雕醉蝦、目魚大烤及淮鹽溏心燻蛋，四款都是家上海大受歡迎的菜式，當然有水準！而 BeautySearch 最愛的，當然是淮鹽溏心燻蛋，甫上桌，已覺燻香撲鼻，溏心蛋的熟成度拿捏得剛剛好，半熟蛋的微微流心口感，搭配點點淮鹽，相當滋味。  還有矜貴的紅燒蟹皇三絲翅，不過，我轉了「紅燒蟹皇三絲花膠羹」，女士麻，當然貪靚！與蟹皇翅一樣，花膠羹口感濃稠，蟹皇鮮味十足！除了花膠，還有蟹粉、雞絲、竹筍、冬菇等材料，口感豐富，相當味美！  蟹粉脆皮黄魚柳，外層炸得金黃酥脆，黃魚肉厚味鮮，搭配我最愛的生拆蟹膏，更添香脆惹味！ 蟹粉香酥竹炭豆腐，無論外型，還是味道，都帶來驚