家傳滬曉

營業中

休息中

今年慶祝生日想近近在家附近吃就算。因為恆生信用卡有優惠。所以就揀左地點就近，大中的餐廳！先黎兩個冷盤食左小小先記得影相🤦🏻‍♀️🤦🏻‍♀️一個非專對食評寫作者成日犯的低級錯誤🤦🏻‍♀️🤦🏻‍♀️我無份食冷盤，家人話不過不失。口水雞的辣油，我們叫侍應另上。原本我們都覺得好貼心，但個辣油有小小油益味，所以只屬普通之作。之後上菜的是這個海蔘鍋巴，海蔘用料很特別，說不出是什麼海參，但口感好似蒟蒻一般林，所以只屬一般。鍋巴則有點痴牙，雖然係脆，但仍然有點美中不足！扒津白。咸度適中！如果連津白都唔好味，咁都太慘了吧叉子燒餅，係我其中一個上海菜之中最鍾意點的菜式！呢個配上崧子，香噴噴，又好味。如果空口食會太咸，但配埋填滿左的叉子燒餅則岩岩好！抵讚炸銀絲卷，都係咁啦！當日恆生信用卡做幾個優惠，其中一個係買甜品送甜品！我地點左高力豆沙，我個人覺得只屬一般，蛋白部分打得不夠起，所以未算好鬆軟，豆沙不太甜，合我口味！送的甜品叫木瓜咩咩咩，凍的甜點，我沒有吃，有些小奇怪的組合。是晚服務只屬一般，因為侍應比較忙碌，所以有點美中不足。信用卡第二個優惠，係食夠幾多錢，可以減100,食夠800可減200！所以都係抵食！如果無

放假日，同屋企人食個lunch, 今日想食下上海野，揀左黎家傳戶曉.Lunchtime都幾旺，等位既過程望下有乜食先等左一陣就入座喇！D座位都幾舒服我地叫左兩個餐，跟餐會配兩隻紅油抄手，加十蚊可轉兩隻小籠包，小籠包皮薄多汁, 都唔錯！燻魚咸肉菜飯，個魚炸得有點硬，但個汁送飯一流，甜甜地好開胃！個飯雖然係咸肉菜飯，但絕對唔重口味，每啖都充滿咸香，同埋都幾大碗，好飽肚。排骨炒粗麵，配料好多，好豐富！而且唔會太油同太咸，不錯！

晚飯時間在大埔中心逛了一圈，朋友見到有上海菜吃，話想試吓，看到二人枱不用等太耐，於是便取票排隊，大約等了十分鐘便有位，對於星期六晚飯時段來說都叫快。我們先點了兩個菜，諗住最後吃甜品，因為信用卡有優惠，甜品買一送一，但餸菜份量實在太足夠，兩人吃到撐著肚皮，容不下甜品了。「麻辣鳳尾魚」炸得香脆，可以整條吃下都不覺有魚骨，拌以糖膠，帶點甜味，反而麻辣味不明顯，頗易入口，可惜糖膠太稠，有點黏牙，影響口感。「砂鍋腌篤鮮」大大鍋，份量充足，湯水應有八碗，足夠四人飲用，內有小棠菜、百頁、冬筍、排骨和類似金華火腿的鹹肉。本人覺得全鍋的精髓是鹹肉，鹹鮮味濃，屬帶點肥膏的腩肉，肥瘦相間，咬落爽口，沒有油膱味，配以淡味的小棠菜和百頁，味道配合得剛剛好。最後，店內的「四寶茶」亦值得推介，有杞子、紅棗⋯⋯等，茶香清新，飯後喝一杯，洗掉餸菜的鹹甜味，份外舒適。

今日約左朋友係大埔超級城食飯，大家都無所謂所以就求其塭左間食，最後擇左呢間上海菜「家傳滬曉」。北京填鴨 : 自己平時出去食開北京填鴨通常都係皮大塊過啲肉 ; 但呢到就剛剛相反，啲肉重大塊過 D 皮，而且啲肉重「鞋」到一個極點非常失望。脆皮素鵝 : 無咩餡好似食庶渣咁。黃金蝦 : 份量只有 6 隻，可惜味道濃過頭有啲咸。鬼碼銀勾通菜 : 全晚叫做最正常既一道菜。河蝦賽螃蟹 : 賽螃蟹係我食上海菜必叫既菜式，可惜味道唔值餐廳收呢個價 ($148) 囉，西蘭花重有 D 生生地未熟既情況。性價比太低樣樣食物都未及水準，而且無樣特別出色，就連杯竹庶茅根薏米都唔掂，如無必要應該不會再幫襯。

如果食上海菜，我地一定去食家傳戶曉，菜式選擇好多，仲要好好味，咁多年食開都系咁好，冇變過，今天我地又來食，都系冇令我地失望。黑醋餚肉，做工精細，擺盤都幾靚，一邊系黑醋啫喱，入口即化，另一邊則好有咬頭，呢款涼菜系百食不厭。黑醋松子魚，真的用左非常多的黑醋，重口味，但不會太咸，上海口味好出色，十分香口，魚炸得恰到好處，魚肉質都系咁鮮嫰。金銀蛋咸肉炒飯，主食大大碟，有大大粒蝦仁，米飯炒得夠乾爽，不過咸左少少。

行行下街，行到好累，想坐低食下野休息下，媽媽話要食中菜下午茶，所以我地選擇了家傳滬曉，因為之前都食過晚飯，所以我地會覺得下午茶應該唔差，下午餐廳冇咩人，但入到去冇招呼，講左3位都叫我等等等，最後等了5-10分鐘先入到去食。下午茶餐頭盤有雞絲粉皮，主菜有三鮮炒年糕雞絲粉皮份量太少了，但粉皮好滑加上芝麻醬青瓜，好味！三鮮炒年糕有蝦仁，火腿，雞肉，菇，菜味道比較淡，蝦仁係雪藏貨，口感好硬，年糕煙煙韌軔，整體食落唔好味，因為成碟真係冇味。而且價錢偏貴，唔值六十幾蚊。

今日有朋自遠方來, 想搵個可以坐得舒服少少既地方食個tea傾下計,所以去左呢間食喇. 人唔算多, 等到2:30就入得座.2:30有tea set.tea set有一個冷盤同一個主食, 都幾抵食!四寶茶, 唔知有邊4寶呢XD見到有紅棗, 杞子. 一開始飲既味淡D, 之後陣茶味就濃返D.前菜:雞絲拌粉皮四喜烤夫主菜:酸辣雲吞湯麵, 但雲吞只有2粒, 同朋友話唔太夠酸.野菌排骨炒粗麵都都幾足料既, 而且唔會太油.但略嫌咸左D, 所以係咁飲茶XD仲叫左個甜點, 炸豆沙包! 好食! 加返D分~入面既豆沙唔會太甜同太膩. 個包炸到脆卜卜, 好正!

今天一行七人叫咗幾個午餐，因為跟餐太多龍爪手，叫餐時加咗十蚊換小籠包，後來上多咗兩隻龍爪手，我哋都唔知，等到小籠包到時，大媽阿姐發現上多咗嗰個兩粒龍爪手，竟然收走，仲話會丟咗佢，小氣到震，不知所謂的服務品質。

因為出品一向低於水平，足足七年無踏足依間食肆。無啦啦細妹話想食，稱早幾星期前食過都還可以。我唔想諗，求其吧，七年後再次中伏﹗致電訂位不知為何 full 晒，只能 walk-in 等位，還要限時 90 分鐘。食飯期間門外都 keep 住有食客等位喎。細閱 menu 價錢中高路線，都唔平喎。最抵係片皮鴨，全隻只需 $350 蚊，最緊要質素，平無用既。人家邊食邊抹嘴，我就邊食邊抺汗太熱喇麻。隔離兩張檯都有投訴，好采唔係我一個特別燥所以覺得熱啫。埋單放低 $20 蚊小費，經理反應錯愕地說找錯錢嗎？我心諗從來無客放低過 $20 蚊貼士？細妹仲話我好比貼士，態度、服務麻麻地，應該一毫子都唔好留低，我覺得過節溜溜無緊要啦。片皮鴨一隻，配料提供一般的京蔥、青瓜、海鮮醬，似年糕的醃蘿蔔就第一次見。試過丹桂軒會配上芥辣及菠蘿，估唔到非常清新好味道。青春美女侍應們服務平平，我都懶得要求比芥辣喇。只是中型鴨仔，難怪售價經濟實惠，得一碟仔咁少既？原來仲有一碟隨後就到。女師傅用心地將每部份片得靚靚，分門別類排得靚靚端上。京式正常肉少皮多，食其香脆油潤鴨皮。港式剛好相反，啖啖肉黏住少少皮，食落特別滯，依家仲只得一食

Lunch time 時間都頗為多人，人多要 book 枱先有位。好彩我得兩條友，等左五分鐘左右有位。Lunch set 都好多款選擇，原本想食酸辣湯麵點知呢到偏偏冇。我揀左肉燥雲吞米粉，另加$10 將鳳爪轉左做少籠包，都幾抵。米粉清清地味道幾好，不過肉燥略為少得滯，雲吞就得兩粒。口水雞咸肉菜飯，個口水雞幾惹味，不同平時食有些少不同，呢個辣油少，似醬多d, 好有麻味，不錯。小籠包夠熱，一上枱d蒸氣飛哂上來，皮一般薄，內裡湯都夠，味道OK餐另加$8 有豆漿環境ok , 服務有點慢！

假日同家人一行3人到大埔食lunch，媽想食北京填鴨，但又不想到尖沙咀太多人之地，於是在大埔搜尋一下找到此店有得食，紅日的下午，果然好多人，但唔算好耐，等了15分鐘有位。 店子看起來好細，但原來內堂面積頗大，近門面的位置，是中式的設計，天花板上掛有燈籠及擺放了屏風，大枱較多，比較熱鬧。 餐廳較入的位置，有幾間互通的房子，每間房子約3張小枱，感覺比較寧靜及有個人空間，設計風格有點不同，天花板上掛有吊燈，牆上掛了一些油畫，帶點西式之感。 為北京填鴨而來，必要一試，我們3人食一隻，份量真的好多，但冇半隻叫，同冇二食，只好照要一隻，還要了一些小菜。 有午市套餐﹐都幾優惠。 嘆杯茶，鐵觀音。 雲吞擔擔麵(午餐)，$60。 午市套餐，好大碗份量多，可3人share，湯底稠身，味道濃香，不太辣，但花生醬味不太濃，麵身夠彈牙，雲吞尚算大粒，多肉餡，味道正常水準。 豐都龍爪手(2隻)，午市套餐付送，龍爪手個名，想起星爺....是抄手來的，個醬油不太辣，味道同雲吞差不多，只是細粒呀。 上海小籠包(3隻)，午市優惠價$30，熱騰騰的小籠包，皮唔算好薄，肉餡份量適中，湯汁尚算多，味道正

今晚在大埔食晚飯，由入座到離，约個半小時，侍應生的服務可以用一個字形容-劣。全程全無主動收碟，本身抬已經不大，加上叫了不少餸，主要片皮鴨已佔去四隻碟，跟本放不到那麽多碟，就算叫執碟都不大願意去收碟，另到全程顧客，即是我們要幫手執碟，大家都非常不滿。致於餸菜，只有片皮鴨可取，其餘都很差，由其小龍包，前其唔好叫，很差很差。

平時我都好鍾意食上海菜， 今日嚟到大埔 超級城， 梗係要試一試啦！ 裝修做得唔錯， 有種高級新派上海菜嘅味道每次必叫嘅醉雞， 花雕味太濃， 真係好似飲咗啖花雕酒咁， 好彩今晚我冇揸車 金沙炸軟殼蟹： 軟殼蟹炸得香脆， 不過炸醬略嫌太厚， 而且鹹蛋味同軟殼蟹好似唔係太監 不過我不嬲都好鍾意食香口嘢， 所以都接受到嘅木瓜魚湯： 好足料好好味， 不過價錢真係好貴呀最後叫咗蝶生煎包， 味道真係比較普通， 皮太厚， 而且冇乜肉汁。 可能唔係上枱即刻食， 所以未到上有啲影響

一隻片皮鴨跟嘅薄餅配料數目唔成比例，另加薄餅要$20。蝦冇挑腸，好核突。賣相唔合格嘅南瓜白雪，即係賽磅蟹。蔥油淋雞，嫩滑入味。生煎包合格。小籠包湯太鹹。醬燒年糕牛柳粒賣相差，味道一般

「招牌生煎包」賣相十分討好，味道正常吧。在香港，很難吃到有水準的生煎包。他的已算是 above average (in Hong Kong)。「雪菜肉絲炒年糕」本人很喜歡吃年糕，不論上湯還是炒年糕，都十分喜愛。所以這個是我必定會點的菜。年糕好煙韌，整體味道不會太鹹，好味。「陳醋餚肉」入口即溶，再配陳醋味道更可口，非常好吃。「排骨麵」正常的炸排骨，正常的麵，配正常的湯底。整體味道正常，沒有驚喜。*餐廳提供BB櫈。