家傳滬曉

營業中

休息中

朕同一眾王親，去呢間家傳滬曉食上海菜，先叫小食幾碟－糖心熏蛋，無熏味。香醋海蜇頭，唔夠香醋，味比較淡口。蒜泥白肉改版，蒜泥黑豚肉加了青瓜，但係蒜泥不足同埋肉質偏硬。片皮鴨，片到肉仲多過鴨，刀功不足，同志仍需努力。生煎包，個㡳煎香，包入面肉汁尚有，唔會乾身。雜菓糖醋魚，炸到外皮香脆，入面啲肉仲好嫩滑，加埋過糖醋汁，甜酸適中，不俗。䓤爆牛肉，䓤味夠濃，但牛肉較韌口，年紀大啲都真係咬唔到。甜品－ 高力豆沙，即叫即炸，新鮮熱辣，加埋糖粉一齊食，全晚這個是最好的。－－－－－完－－－－－

> 黑醋松子魚比較新派ge 上海菜，黑醋汁做到色香同味三個元素，松子混喺醬汁之中，撈飯一流！唯獨魚炸得有點過了火候，炸粉亦太多，令魚肉太乾身。>上海小籠包招牌菜！皮薄餡靚。反轉一咬，湯汁如泉湧！ 呷一口清新的肉湯，再咬一口小籠包， 感美妙！> 年糕炒牛柳粒衝著年糕而來， 期待會是道惹味的醬炒年糕菜色，怎料碟子上的年糕少得可憐，反倒牛糕的分量佔多；味道尚可，不算惹味，調味有待改善，牛粒亦欠肉香。

跟家人放工後在大埔到處逛逛，晚飯時間到，老媽提議吃上海菜，便決定到此試試。一坐下老媽興致勃勃看餐牌，便由她發板好了。*雞絲粉皮，粉皮口感煙韌，青瓜清新，麻醬濃度剛好，最重要的是夠凍。*醉雞，上海菜必食!!以往在其他上海餐館吃的多為碟上。這間以碗上的好處是確保每雞件都能均勻地浸在绍興酒中。雞則嫰而入味，十分好吃!!*擔擔面，比較遜色的一道菜。湯底為呈暖。味道淡而無味，欠缺麻醬的香及色。*招牌生煎包，底部金脆，咬一口有肉汁流出。*黑醋排骨，最好吃的一道菜。酸度適中，芡汁呈漿狀，骨感實而入味，必用了新鮮排骨，否則骨會呈粉狀。外皮脆而可口。必食推介！！

諗住帶屋企人試下上海菜，但竟然個個都拎哂頭！😔我好少食上海菜，所以正唔正宗我都無資格評論。Lunch time，叫左個餃，皮又厚又無咩水分，個人唔太鍾意食。大路d既生炒骨飯，生炒骨唔酸又唔甜，我都唔知可以用咩味形容😑，但都可以入口既！很失望囉！

二人行 一心想食片皮鴨  點知大失所望  九點鐘黎到門口 明明內邊有空桌 但等店員set枱都要等十分鐘先有得入  晚餐只order左食上海菜必食既小籠包 加 片皮鴨   $42小籠包雖然尚算多汁 但皮厚肉實  完全不合格 $320 / 隻  片皮鴨完全係厚切 簿餅皮頗乾 青瓜亦是粗切 顯得有點求其 $320一隻雖然不是太貴 但係普通酒樓點既可能更平更好食。 

諗住Shopping完要搵食, 商場內其實隨便攞張飛, 點知shop完又差不多有位, 天意.因為有窗邊位座, 一望就可以望到間舖其實幾大, 好深再睇menu, 有d菜都幾有創意, 啱心水先來一個醬蹄, 醬汁好味, 肉味又唔錯, 一道涼菜又夠開胃甜梅醉乳鴿, 用乳鴿唔用雞除咗冇咁肥之外, 的確精緻d.值得一讚係一般醉雞冇甜梅, 佢有, 咁簡單幾小片就已經帶出紹興酒加甜梅呢個完美組合嘅魅力!再加上軟滑鴿肉, 絶配百頁包其實係腐皮, 個汁夠濃, 但以滬菜來講覺得可以再濃味d, 雞茸配薺菜又帶出一種新鮮口味, 幾特別雲吞雞中規中矩, 唔差但又冇特別.有d怪嘅係唔明點解要撈咗d雞出黎, 好似湯渣咁小籠包都係中規中矩黑醋松子魚叫半條都有頭有尾已經有計, 用黑醋唔單止令格調高咗, 最重要係好味咗, 黑醋比白醋較厚, 酸中帶甜, 層次豐富d.生煎包都唔錯, 底脆包身滑而冇乾, 唔算多但有肉汁

星期五的晚上，跟E先生&G先生相約好到大埔超級城購物，順便吃個晚餐才回家，G先生想吃上海菜，於是一行三人就來到吃滬菜的家傳滬曉。20:00來到，門外只有旁邊的So Thai So Good堆滿等侯座位的客人，而屬同一集團的家傳滬曉則顯得有點冷清。餐廳中有不少中式木質鏤空屏風作間隔，裝潢帶有中國色彩；中間大廳多是六至八人的圓形大檯，旁邊則是二至四人的小圓檯。我們入座後先點茶，很快侍應就送上一壺香片。家傳滬曉供應的屬於新派上海菜，傳統耳熟能詳的菜式，因應香港人的口味烹調，使迎合大眾化的口味。香露醉雞 $60一上檯已嗅到花雕酒香味，醉雞足夠入味，份量亦不少，雞肉尚算滑，只是這酒汁最後帶上點點苦澀味道。上海小籠包 (五件) $42一籠五件，件件皮薄饀多，咬來充滿肉汁，加上內餡味道鮮美，不錯。炒鴨崧子仁跟叉子燒餅 $88鴨肉炒得有點兒過火，幸好調味得宜，亦不失惹味；叉子燒餅香脆且薄，加入炒鴨崧同吃，香口惹味。招牌生煎包 (五件) $48同樣是一客五件的招牌生煎包，外層底部煎得香脆可口，裡面餡料充滿肉汁，外脆內香，好吃得很。韮黃肉絲炒拉麵 $65炒拉麵同樣是我最愛的菜式，拉麵彈牙而富有嚼勁，配料不

聞説家傳滬曉水準不錯於是特意前來一試由於不是太餓所以只點了很少食物沙鍋雲呑雞湯味很濃郁雲呑也不錯可惜雞太老(不過應該是正常的吧)小籠包夠熱，汁也多可惜皮太厚完全破壞了口感不推介部份侍應較燥底食物和價格只屬正常水平唯一可取是茶不錯下次應該會試其他餐廳了

大埔搵間企理餐廳，大家傾下計，都係得呢度選擇！家傳戶曉裝修都算骨子，又夠私人！麻婆豆腐 $78油香，豆腐滑，肉碎夠辛辣！香草雞肉百頁包 $88 上湯清清地，百頁就是腐竹，包裹著雞肉，不俗！回鍋肉農夫包 $88幾好呀，包超超超脆！好鍾意呢種包，肉又香！

那天本來係想深入大埔超級城裡試試新派泰菜，想不到過兩點後已不做餐牌上的食物，只可叫hightea set或散叫甜品，當然非常失望，不過既然一場黎到，甜品也繼續要試，而午餐便決定食鄰店的家傳滬曉吧。兩點多到來，已開始下午茶時間，我們被安排坐在近玻璃位，能看到外面的雨景，感覺心情特別能放鬆。餐牌上的選擇很多，一個小食配一個擔擔麵都只是$5x，近來愛上擔擔麵的小妹很快便已選好，兩位友人也同樣選擇了它。.友人所選的小吃分別係雞絲粉皮及烤夫，前者麻醬味濃，粉皮幼身尚算滑，只是份量認真少; 烤夫吃落質感像麵筋般，吸收了老抽的味道，食落帶點甜甜的，頗不錯。.小妹叫的小辣擔擔麵，用上至愛的幼麵身，裡頭讓放了一些櫻花蝦仔吊味。先呷一口湯，麻醬味道不夠濃郁，聞起來滿香，食落就是一般般。.跟上的炸炸至金黃色好像頗不錯嘛。不過食落肉質較乾身和韌，還是放棄吧，光吃擔擔麵比較好。看來是我選錯小吃呢。

約了爸爸在星期日中午於大埔超級城吃午飯慶祝，原本打算去新開的so thai so good，但細心再想，爸爸應該會較喜歡吃中菜，這間新開的泰國菜，又多人，又要等位，都係去返近在咫尺的家傳滬曉，我們二人先到，行入門口，侍應即急不及待，問我哋幾多位，我說三位，她快速地把我們帶往一張窗口位四人枱，不斷追問我們喝哪種茶，先給些時間我們思考好嗎！難道真的很怕我們會走過隔離？確定有座位，便打電話叫爸爸行過來，（他住得好近，很快可來到，因為不想要他站著等位），人齊了，可以落單，盡量選擇一些容易咀嚼的菜式，方便爸爸進食。南瓜白雪 先來一道素菜，以蛋白為主，清淡嫩滑，伴以微甜的南瓜粒及青豆，十分對味，令整道菜生色不少，味道與賣相也變得不平凡。蘋果目魚烤肉一上枱，見到全碟餸以橙紅作主色，已覺醒胃；蘋果煮得腍中帶爽，目魚切成魷魚條狀，軟韌適中；每塊烤肉裏，都有肥肉和瘦肉，一層一層的交替著，肥的部分肥膏太厚，瘦的部分肉質太韌；芡汁太濃，味道過酸！瑤柱蝦仁蛋白炒飯飯炒得香，油少，份量足，瑤柱絲，蝦仁及蛋白等配料偏少，整體來說，鹹淡度適中，合格水準。

昨晚一家四口，去到大埔拜會朋友的新生小孩，由於天氣較冷，小孩不便多出吃飯，我們這一家唯有自己揾食，走下走下，肚子開始饑，見到"家傳滬曉"不用排隊，於是便坐。約八點鐘，都算是滿座，座位都寬敞舒適, 裝修不算奢華，但都乾淨企理。食物方面，我們點了乳鴿，上海粗炒， 小籠包和賽螃蟹等， 乳鴿比想像中大隻，味道不過不失，沒有什麼驚喜。 ]而上海粗炒十分惹味，材料十足， 肉絲及冬菇絲的份量非常得宜，自己在加一點豆瓣醬，真是可以追加一次。至於小籠包，外皮較厚，而内裏的肉汁亦不夠。賽螃蟹的味道較淡，蛋白不夠滑，好像炒得過火，只是僅僅合格的質素而已。

因為想在大埔吃上海菜, 看過食評介紹, 就來試吓, 早上訂位, 6點入座, 不用等位。食物選擇很多, 今次只選了普通的菜式, 首先有小籠包, 皮薄多汁! 再來一客招牌生煎包, 香脆好味! 上海炒年糕, 不油膩! 桂花糖蓮藕, 又甜又爽, 有驚喜! 鳯尾魚, 夠香脆, 但得3個人食就太多太膩了! 較普通的是嫩雞煨麵, 但勝在夠 "淋", 啱哂我個女食, 佢只有歲半左右, 好鍾意食喎!  值得再來!

閒日夜晚都唔少人, 大部分都係一家大細之前食過一次覺得唔錯, 地方又坐得舒服, 所以今晚再黎食我地叫左一個雪棻肉絲湯面, 叉子燒餅(鴨肉)同生煎包湯面同生煎包都唔錯, 生煎包仲有成5個,食唔哂打包左叉子燒餅既燒餅包好鬆脆又充滿芝麻, 餡料一放落枱已經好香, 趁熱食真係好好味!推介! 

平日下午茶唔多人，不用等位。下午茶有2大類可以楝。一款係自選點心四款，其中包括小籠包，鍋貼，木瓜杞子糕，桂花小丸子，蔥油餅，春卷等。另一類係一款前菜加一款抄粉麵飯或抄年糕，太多了。不能盡綠。雞絲粉皮，好味!鍋貼皮太厚。木瓜杞子糕，清新!酸辣湯雲吞，唔夠酸辣。紅油炒手，唔好食。小籠包，一貫水準！下午茶都係$4x起，值得一試再試。