家嫂一家大小

營業中

休息中

家嫂的火鍋放題是出名一定飽住走。不單是火鍋料任食，海鮮都是任叫任食，對於有人說海鮮不新鮮，服務態度差，我不認同而且覺得是其他食市打手。昨晚我們就選擇這裡作公司春茗，一來特別，不是一般中菜，二來同事們可選擇自己喜歡的食物。頭盤必吃蝦多士，辣酒花螺，紅糖糍粑等。刺生船絕對是打卡位，海膽，帶子，大蝦，和幾款不同的魚生，絕對新鮮。海鮮有生猛鮑魚，蠔肉，海蝦，班片，蝰子，花甲，帶子，珊瑚蚌等。餃子亦是即包，總括嚟講真的飽住走。現場有酒吧車全場任飲，這也是賣點，絕對是抵食。

呢間火鍋店性價比真係高，如果你係大胃王直頭係超級抵食。佢雖然平均每位要四百幾蚊落樓，不過已冇限時兼海鮮任添其實真係好抵，我哋當日就由6:30食到10點，可以一邊食一邊傾吓偈唔使趕頭趕命其實都唔錯。先講一講佢啲海鮮，其實佢個餐仲包埋日式刺身同埋雞煲，食完呢兩樣嘢之後佢哋就會上海鮮拼盤，當日有嘅海鮮都差唔多擺晒落去，等你可以試咗一轉之後睇吓邊啲正可以再encore。我哋就叫咗幾轉鮑魚、蟹、貴妃蚌同埋蠔，佢呢度上菜嘅速度都唔錯，唔會因為你叫貴嘢就叫極都唔上俾你。佢啲肉嘅質素都唔錯，同海鮮一樣，一開頭會有碟拼盤，然後你就可以按照你嘅喜好再加點。

之前去過尖沙咀店感覺唔差，今次幫襯咗佐敦分店， 體驗極差！😡😡😡入座： 開始安排咗對住後巷既四人台，由於近倒垃圾位置，我見其他好多台都沒有人，問可否安排第二張台， 門口負責安排位置既亞姐超無禮貌話果到無人出入， 又話人地book 哂台等等， 我話我唔想對住垃圾桶食飯，我都有book 台唔係walk in, 佢先勁不情願地再安排另一張台食物質素：小食款式算多，味道唔錯； 刺身一般，只有一轉。不是任食的。服務質素： 火鍋時，第一轉只可點牛或豬其中一款，由於有朋友唔食牛，問可否叫埋豬同牛，亞姐話唔得！只可叫一款，之後可跟手再落另一款，實在摸不著頭腦是甚麼玩法。差不多尾聲時亞姐話有糖水送，成車推黎時 見有幾碗，我地三人，佢只比兩碗，叫我地分黎食，佢地唔夠糖水，果刻無言以對😔😔😔😔食到差不多尾聲，朋友們傾緊計時，亞姐一次又一次打斷朋友相聚既時間，問你呢樣係咪唔要果樣係咪唔要，趕住收野，抹台，趕你走😡😡😡總括來說，呢間成$500一個人唔算平，選擇佢係因為無限時，可以同朋友慢慢食慢慢傾，但亞姐們不斷趕收工咁趕人走，呢間不會有下次

食過好多次家嫂，佐敦呢間第一次亦係最後一次，服務態度差，海鮮不新鮮，蝦蟹霉，貴妃蚌全是沙，從來未食過貴妃蚌有沙，真係第一次。上海鮮當中有貴妃蚌，竟然只上殻沒有肉。就連糖水都差，蕃薯糖水大半碗係薑，咩味道都無，只有薑辣味，同侍應反映海鮮霉只換來一句霉就唔好食🤦🏼‍♀️，今時今日甘既服務態度👍，仲要唔係平既🤦🏼‍♀️，只能講句無下次。

一班人嚟家嫂一家大小嘅最大原因就係環境舒適可以坐到成晚又可以慢慢飲🥂▪️特色餐前小食最突出還是黑松露蝦多士食幾多次都咁香脆仲有新出嘅小籠包▪️刺身船海膽魚子醬油甘魚吞拿魚帶子等刺身已經飽左一半今次仲有 Parma ham 配哈蜜瓜👏🏻▪️雞煲雞件蜆同豬皮味道啱啱好好惹味▪️海鮮火鍋預留左花膠老火湯窩湯底海鮮多款同好新鮮大蝦蟶子貴妃蚌同鮮鮑魚不停encore 回哂本了仲有好多火鍋配料丸類午餐肉雲吞餃子可以點▪️家嫂自家製飲品吸引唔到我還是自携酒水最吸引▪️甜品雪糕今晚係杏汁蛋白雪燕糖水但最後食一半已經食唔落了~食唔食到4.5 個鐘唔係問題最緊要地方好坐可以邊飲邊吹水🥂

起4/10因為慶祝親戚生日，所以訂左呢間食飯。總體體驗絕對超正下。一開始會比你任食小食，包括蝦多士，炒帶子，螺沙律等。各至都非常美味。然後就開始上大型刺身船，內容徐左魚生，仲送海膽，魚子醬。魚生超新鮮。海膽同魚子醬可以食到唔係普通嗰種。之後餐廳就送上鷄煲，最後先食火鍋。鷄煲嗰鷄超嫩滑，外同啲醬汁混合變得更加野味。火鍋任食海鮮牛羊，包括鮑魚蟶子蠔貴妃蚌等。湯底豬骨底。其中蠔同蟶子最為美味，海鮮可以食到超級新鮮，湯都非常鮮美。不過聽親戚講，好似推薦肉骨底而唔係花膠底，因為後者會比較腥。另外仲可以任飲紅白酒，整體超推薦。另外最好最少5人或以上先去，5人以下冇刺身船，冇海膽同魚子醬食。

真心伏！貴放題，但食物質素差！唔值$448 加一，差唔多$500人頭，有更多好的選擇！呢一間係朋友介紹，佢好耐之前食過話好味！唔知係咪之前質素好，依家退步晒？！總之我第一次食，覺得好唔掂！雞煲好似只食骨同皮，全部仲要細細粒（如圖）😅想搵舊肉都難。諗住打邊爐會好d , 佢個海鮮拼盤「蜆 」明顯食得出有沙嘅-.-而肉類，只有一種牛同一種豬，款式超級單一，職員話只有豬牛各一！ 仲要冇魚蛋、丸、雲吞呢啲基本嘢order！！！估唔到連咁基本嘅嘢都滿足唔到😹睇嚟呢間嘢真係咩都計住計住。如果你諗住打邊爐狂食唔同牛嘅話，一定會好失望，因為食嚟食去都係呢一款肥牛，仲要真係好肥，剩係得肥膏（如圖），叫咗兩次兩次都係咁肥，冇咩胃口了，豬直頭無叫，唔知好唔好食～海鮮一般無特別。熟食小食款式好多，都唔錯，鰻魚/蝦多士ok~刺身係正常OK ， 但無得encore ， 所以成件事覺得好唔值！🫤睇嚟佢好驚蝕本，連刺身都要咁慳，得1 轉，唔俾refill😂我見隔籬枱有海膽，佢話五個人以上先有海膽🥵🥵🥵打電話約嘅時候，話咩都有🙄甜品：佢連普通雪糕🍦都無，得雪條。味道仲要好特別，榴槤/雜果/黑糯米😅真係唔係人人啱食。飲品叫

去食之前睇OpenRice 有無伏就一定，講到服務態度差都有d驚。但朋友強烈推薦，就照去。服務態度勁好喎，起碼佐敦呢間無問題。去到 首先有十款前菜任食，之後等齊人就上刺身，用超長既船條裝住又發光又出煙，好啱打卡～食完就雞煲，食完雞煲再換煲打邊爐，又無限時慢慢 一邊吹水一邊食

家人提早做節，我哋揀咗去「家嫂一家大小」打邊爐，上網看了食評同相片都已經夠吸引，訂了枱準時到達，到步先揀飲品，點了些前菜，再等齊人先上一隻船 (刺身船)，之後雞煲（辣／不辣），然之後打邊爐（花膠湯底），最後有雪條糖水。餐廳仲有提供紅酒白酒清酒任飲，總結這餐飯充滿驚喜。

Office 大家姐生日一大班人大個想食既野都唔同呢個唔食生冷野 呢個唔食牛 呢個想飲酒我腦入面就諗起家嫂 唔洗煩 想食咩都有手搖飲品 檸檬茶 紅白啤酒 sake 齊哂一黎就上左小食先 蝦多士 炸九肚魚 皮蛋 等等 但冇左之前係其他分店既辣西瓜之後就上刺身船 勁誇張有埋海膽同魚子醬 其實刺身每人一舊再之後就係任食雞煲最後既重點係放題打邊爐 所有野 包括識郁既海鮮都係任食 我自己食左六隻番到屋企發覺有咁太飽基本上每年都食一次 大部分分店都食過哂Keep 到水準 姐姐個個都好好 呢個價格 呢個質素 冇得頂

預訂了5點到7點時段，一開頭嘅服務都好好，意外地員工姐姐有介紹自己叫咩名！到6點半左右，仲好多嘢食唔切，有另一個侍應過問加唔加單，因為cut order（態度十分唔友善）跟住不斷有侍應過嚟催交檯，又不斷叫我哋淥晒啲嘢落去，我哋都未食得切，跟住又過嚟收嘢，最過分係佢直接拉架車埋嚟收嘢！其實見到客人枱面一大堆未淥嘅嘢，可以禮貌啲同人哋講而唔係超冇禮貌過嚟催交檯（隔一兩分鐘就走過嚟嗰一種）！對比起第一個員工姐姐，呢嗰個服務差得太遠！呢間嘢無下次

預訂了5點到7點時段，去到只有2台客。 坐低開始上小食，炸茄子，蝦多士，凍食辣蜆仔，味道一般般，可以skip。慢慢地終於上刺身船，打卡一流，但三文魚、帶子、油甘魚、墨魚片都鮮味欠奉，海膽還好，魚子醬得個鹹字，非常失望。雞煲反而無過鹹😂，正正常常，只有幾片豬皮做配料。等了一陣先上火鍋料，有珊瑚蚌、鮑魚、沙白、蝦🦐、鱔片、蠔🦪、脆肉鯇片、雲吞和肉丸、蔬菜藍、炸魚皮枝竹、牛肉一碟。 海鮮無預足人頭數，有部分只夠一半人份量。都係老問題，海鮮無咩鮮味，蠔只有腥味，沙白真係好多沙🤣。 雲吞肉丸類係下價酒樓中午蒸點心水平，竟然係山竹牛肉的味道質地🤣。牛肉唔係特別靚，有些許牛味可惜有啲韌，要食完牛，問侍應先有得上豚肉，呢碟反而好過牛，肉質鬆軟啲。蔬菜藍，勁多唔知咩瓜，菇🌽都無條上完豬肉，侍應已經話last order 😅，不過野食一般，都無野想叫。全晚其實無出現過餐牌，餐廳根本唔預你 reorder 火鍋料，客人只能逐樣問有咩可以叫。 好快就有侍應不斷催交檯，好多嘢食唔切，不過餐廳都無浪費，看著她們將食了三分一的蔬菜藍攞返入廚房，下檯客會繼續食埋它😁2個鐘時間，超過一個鐘先上火鍋，啲野無預先set

一開始，店員便先講清楚食店上菜及進食的流程。除了刺身，其他如雞煲、餐前小食（炸蝦多士、炸茄子、蒜蓉蒸帆立貝等）、海鮮（鮑魚、鱔、蝦、蠔、珊瑚蚌、大蚌、蜆等等）、牛、豬、手打丸、枝竹、炸魚皮等等。飲品除了汽水、王老吉，還有自家製竹蓆茅根、水果茶等。那刺身船真的很震撼，刺身厚切，鮮甜肥美，還有海膽、魚子醬。刺身有珍寶帶子、鯛魚、章紅魚、八爪魚、大大隻的紅蝦。。。真的很開心🥳。蒜蓉帆立貝都幾大隻。生蠔滾完都是飽滿大隻，不太縮水。所有刺身和海鮮質素高。午市無限時，我哋1點坐到3點半，期間上菜快，店員還多次給我們器皿處理骨殼及執拾。三百幾很抵👍🏻

其實由一入門口個下開始班呀嬸態度已經好差。唔講真係以為自己去錯左d街邊大排檔。由頭到尾都係比人黑口黑面呼呼喝喝，食到最後仲衰，阻人收工掛應該，落單d口氣差到一個點。唔想做生意可以唔好開門，唔想返工不如辭職。又唔係平，呢個價錢食到一肚氣唔上黎寫返食評條氣都順唔到。同埋兩個人個d位好窄，就算係閒日夜晚其他大枱係吉晒，話要坐佢都唔比你坐。食物黎講質素正常。牛唔夠牛味，湯底都係普通野，不過海鮮算唔錯，只係成件事加埋都唔足以令我再黎。

舊同事好快就要移民去英國，好可能要一段長時間再見🙂‍↕️ 呢晚朋友仔安排咗我哋去「家嫂一家大小」同佢餞行，實行吃個飽🤤 今次餐廳為我哋安排咗喺轉角位置，感覺比較寬敞。如果大家有幫襯過「家嫂」嘅話，都知道成晚會有幾忙😉 第一道上嘅係六款唔同口味嘅小食，爽口嘅 #酸蘿蔔配皮蛋 可以話係我嘅至愛，#蝦多士 都可以嘅，不過口感有啲油膩😅 至於其他嘅 #茄子、#生菜、#糖糍粑… 我就唔建議大家浪費肚仔嘅空間喇🤤 之後再上嘅可以話係呢餐嘅焦點，成米長嘅 #魚生船 非常吸睛👀可以話未食先興奮！不過所有 #魚生片 都係一人一件，而且質素只係一般，#海膽 更加係好睇唔好食，就當過吓口癮啦😉之後再嚟嘅係 #雞煲，味道唔夠香濃惹味，試吓就算😏 而最後上嘅係 #海鮮火鍋，生猛嘅 #鮑魚、#生蝦、#蠔… 樣樣有齊🤩 可惜嚟到呢刻，我已經飽咗九成😅只可以食到兩三片 #肥牛 同 #白灼蝦 落肚😅 就連朋友仔最後為我哋安排嘅 #海燕燉鮮奶 都只可以淺嘗😅 所以任食一向對我嚟講真係冇咩着數🤭 唯一buy 佢哋係「用餐時間無限時」，不過班姐姐就由九點鬆啲開始以身體力行話俾我哋聽趕收工😅而且全程都以極不耐煩嘅面口幫我哋落單…