家嫂一家大小

營業中

休息中

咁岩呢幾日天氣比較凍，一班朋友出去食飯打邊爐就最適合不過，但又想食有特色啲嘅火鍋放題，就有朋友提議食家嫂。呢度唔單止有普通火鍋，仲有好多小食可以任食，紅白酒任飲。咁多款小食最推介佢嘅松露蝦多士，一啖一舊，松露醬落得一啲都唔孤寒。另外小籠包都好有特色，有一支心形醋插喺小籠包中間，可以自己唧落去。另外鹽燒雞中翼都炸得好鬆脆，啖啖肉。食完小食人齊就可以上刺身，好大一隻刺身船，刺身只上一round，但款式都好多，份量嘅話就預返每人每款一片，仲有原盒海膽，可惜既係海膽有少少苦味。刺身食完就開始食雞煲，雞煲可以揀辣或者唔辣，因為唔係個個都食得辣，所以揀咗BB辣，雞煲味道唔錯，唔會太鹹，但啲雞就冇乜肉。最後就係重點嘅海鮮火鍋，湯底揀左家嫂花膠老火湯鍋，湯底都幾鮮，打邊爐之前可以飲咗一碗湯先。海鮮款選擇唔係好多，但夠新鮮，鮑魚上左枱一陣都仲係好生猛。除左海鮮，一般火鍋配料、肥牛、豬肉都有！個晚7點入座，可以坐到10點半先走，如果一大班朋友食既話都幾推薦黎家嫂，選擇多之餘又有足夠時間傾計。

失望的一餐一行四人，先上刺身拼盆（帶子丶北寄貝丶蝦丶帶子丶三文魚）都算合格之後是BB辣鷄煲（內有豬皮和鷄腎）味道似普通炆鷄，冇驚喜，但鷄腎很爽脆小吃點了，炸雲吞（夠脆但冇餡）丶蝦多士（這個好味）丶辣酒煮花螺（完全冇辣酒香味）丶豉汁炒蜆（惹味的但偏喊了）丶炸白飯魚（不知用甚麼魚丶。魚是韌的，完全不合格）我們點了雜菌花膠湯，職員說可以先喝湯後火鍋，但個湯勁喊（根本就是味精湯，湯內有很多款乾菇，但完全喝不到這些菇的香味，一口都喝不下），我們要加清水，但是加了後仍然很喊，D乾竹笙有怪味。火鍋配料跟一份海鮮（海鮮內有大蜆（有沙）丶小蜆丶魚（不知是甚麼魚丶魚肉又鞋又腥，根本吃不下口）丶九肚魚只有2條（可以接受）丶急凍蠔2隻（上枱時仍是冰的）丶魷魚（爽口的合格）丶魚肚丶蝦4隻（唯一新鮮鮮甜，是生猛上枱的）丶鮑魚4隻（口感一般不是靚貨）。職員問我們要不要蟹，我們表示要，但是最後都沒有上來，因為食材不新鮮，所以沒有追他上。我們再加4只蠔（都是冰的）和4條九肚魚（但九套魚只上得兩天條，問職員為什麼衹有兩條，他還説這裡便是4條）有一碟牛肉（勁肥），一碟豬肉（不肥但都爽口，可以接受）蔬菜有菠菜、芥菜丶菜心丶油

同事介紹嚟呢間食gathering 睇完OpenRice懷着半信半疑嘅態度去食，發現其實真係唔錯！不過最後鮑魚真係要三催四請先上 可能質素太好🤣🤣佢一開始有啲小食 之後就會想雞煲之後就火鍋肚餓嘅我哋嗌到成枱都係小食，記得人多一定要嗌幾份，譬如皮蛋一份只有三個半件我覺得超正，所以嗌多咗幾次一齊食！超級留心高質素！鰻魚都係大大條好抌本同埋想講呢度餐廳嘅各種調味都唔錯，手帕青瓜嘅麻辣恰到好處唔會太辣，但麻麻哋 好正小籠包同事都encore咗蝦多士，同事覺得好好味，我就覺得麻麻地 係有蝦滑嘅麵包咋 仲有螺肉沙律 等等 勁多款式雞煲都好入味！呢度唔知有幾多雞嘅份量應該半隻 豬皮就麻麻哋，好大浸梳打味最驚喜係竟然有一片片雞腎之後上次刺身船我哋都覺得好震撼呀🤣🤣不忘打卡！魚嘅刺身好新鮮，帶子同埋蝦就普通鮮味啦正常 好凍好凍食到即刻出去熱嘢講起飲品，出面勁多款式有竹蔗茅根同埋紅棗桂圓水 呢兩個就有熱嘅版本 勁養生嘅人一定超鍾意，我就飲咗！共飲仲有勁多款式汽水都當然有啦不過到最後就會冇咗啲無糖嘅選擇肉類呢間火鍋就普普通通選擇亦都少但係海鮮真係好屈機！特別係鮑魚係勁新鮮 食得郁郁吓㗎 ！ 蝦都係 兩個都係

今日同事聚會最後揀咗呢間餐廳雖然我哋係食午市但都非常之多嘢食首先佢有好多點心揀最為滿意嘅係小籠包一個人都食咗三籠之後上咗刺身船非常之壯觀最好味係海膽 帶子 蝦然後就開始上雞煲雞煲就麻麻 冇乜肉 好多骨我哋食咗一輪之後就冇再加雖然佢係任食食完雞煲我哋開始打邊爐講真佢啲肉類就真係麻麻啲牛肉勁多脂肪 完全唔吸引脂肪比例基本上係一半一半但係佢最出色係啲海鮮新鮮之餘仲要任食 非常抵讚啲鮑魚 蝦上枱時仲識郁其他貴妃蚌同珊瑚蚌都非常出色最重要最重要係以上海鮮都係無限添加食到飽呢樣已經彌補到佢其他不足另外佢有好多手沖飲品可以即場叫人調教仲有朝日嗰隻貴啤酒上面開蓋嗰款都係無限任飲今次真係飲飽食醉非常大滿足好有驚喜好抵讚

任食打邊爐，呢間都算老字號價錢比之前貴左少少，但係坐得舒服，而且有Service的感覺，食物質素都幾高好喜歡他們那些特色小食，全部都熱辣辣，份量唔大，所以唔會太浪費，可以無限地叫今晚我哋只係四個人，所以魚生刺身只係一個大盤，而唔係魚山船，魚生好新鮮，隻牡丹蝦超級大隻飲品款式同其他的有少少唔同，特別喜歡椰青水，性價比好高食完那些小食之後，開始叫雞煲，雞煲味道好好味，食完雞煲已經飽咗一半打邊爐食物都好豐富，特別係鮑魚好大隻，我喜歡的魚蛋和韭菜餃都好好味這間打邊爐，重點係唔會叫你兩個小時就要走，真係舒服好多，而且侍應們每隔15至20分鐘就會幫你清潔枱面，令你食得好舒服

有朋友外國番黎，又想食打邊爐放題，咁就試下呢間，早3個禮拜bk 8個人，如果要由5點食到10點就要打電話或wts bk，落訂$500，合理。一坐低會有同事講解流程，仲會有個同事專責我哋張枱，唔錯。飲品：自助形式，有啲生果茶，竹茅，有凍有熱，汽水等，唔算多但總會有你想飲嘅小食：小食係任叫，通常呢啲都唔會好食，咪求其點幾樣算數，點知小食一啲都唔hea，尤其炸嘢唔會成口油超好食。外國朋友啲仔女超口刁，佢哋都話好食。刺身用一隻長過枱面嘅木船盛起刺身，非常打卡，刺身新鮮冇鯹味。雞煲：因同行有小朋友所以叫左BB辣，雞數量足，8個都食唔哂，味道適中唔會咸，好食。邊爐：先上2set海鮮，有鮑魚，蝦，蠔，魷魚，花甲，等，呢啲食完全部可任叫，蟹都係任叫，重點係，所有海鮮都非常新鮮；另外啲普通配料都處理得好好，午餐肉係炸過，非常好食，手打嘅丸唔係溝粉，食落有咬勁，鵝腸更係我打左咁多年邊爐食過數一數二嘅新鮮。流動酒bar：一晚出現左5次，紅白清齊哂，飲得非常開心服務：員工會不時攞個大盤過嚟俾我哋倒骨同幫我地執枱，又有禮貌，十分抵讚。衞生：不過廁所就塞左冇人攪，見到係有人掉左啲紙巾包裝落去，唔塞就怪啦，都係客人

The restaurant is very easy to locate, which is always a plus, and the dining experience was nothing short of amazing.The food was absolutely awesome, with a wide variety of courses, most of which were all-you-can-eat. We started with some appetizing dishes (also all-you-can-eat), which were a great way to kick off the meal. Then came the highlight—a magnificent and enormous sashimi platter served on a big boat. The sashimi was incredibly fresh, delicious, and came in a wide variety. It was trul

夜晚公司聚餐10幾人食 大枱空間很細 食得很不自在 定時要人起身要人收拾碗碟 仲要整瀉杯嘢飲 俾錢買難受不會再有下次 食完心情很差很差不會推介人去食 服務態度極差 難怪人不想來香港食飯本人平時不會寫食評論的人差差差差差

星期六與一大夥朋友到尖沙咀家嫂一家大小打邊爐..食左件幾香脆既蝦多士，之後屁孩就一直扭計，食龍肉都冇味😮‍💨👌🏻：刺身同放題差唔多質素，唔算特別鮮甜但都唔腥，聞說parma ham鹹到腎虧lol雞煲啲雞斬到好濕碎冇咩肉，可以快skip去打邊爐果part👍🏻：海鮮回合最好食，食左好多鮮甜彈牙嘅蟶子，仲有蝦、蟹、花蛤、鮑魚等.. 許記白魚蛋好食；牛肉就佳寶quality/自助bar有好多雪條同飲品，連日本啤酒都有，加一後$493一位，幾啱同一大班人一齊食既痛風餐🙂‍↕️🤟🏻

同一班朋友來食晚飯，預早book仲可以選擇坐房，雖然每位價錢略高，但不限時間，任飲任食，物有所值。點心小食任叫，飲品雪櫃任拎，火鍋料任叫任食。一開始來先來一艘刺身船，真係好誇張，由於我地人多，艘船好夠氣勢，擺滿了各樣刺身，包括三文魚、鯛魚、鮮蝦、北寄貝、海膽等 。再來一個雞煲，肉質非常嫩滑，湯汁好濃郁，其實都飽了一半。之後主角海鮮併盤就開始打邊爐，食材足料，鮑魚又大隻，有花蛤，蜆，肥牛，火鍋料亦都是任食任叫，個個食到大滿足離開。

衣家隨意搵間放題都差唔多$300一位，呢度$4XX不過無限時，而且食物質素又真係高幾班，一班人想食吓野傾吓計唔洗趕頭趕命，真係揀呢間似乎更實際，而且呢間不限時火鍋放題真係好多野比你揀。小食都有15款，以下係其中3款︰蜜糖芥末醬燒青茄、辣酒煮花螺、香辣小菇。飲品方面除咗有罐裝紙包裝嗰D大路野之外，佢仲有D手沖野，都幾正。佢呢度係先食日式刺身，然後到雞煲，之後先至正式打邊爐。打邊爐D配料又多又新鮮，最正係連D海鮮都係任叫任食。我地差唔多樣樣都叫晒(好似只係無叫午餐肉、烏冬同出前一丁)，樣樣都唔錯。可以由黃昏6點食到晚上10點30分，開開心心無壓力。

今次同屋企人一齊嚟再食家嫂，水準依然👍前菜同之前有少少唔同，有幾樣都幾好食，款式比以前多，試咗幾款，招牌炒蜆，冇影晒出嚟。秘製香脆花生，呢個花生我幾鍾意食，夠香脆又辣辣地。呢個皮蛋，上高有啲酸薑蓉、酸蘿蔔，配埋一齊味道唔錯。明太子螺肉，上面有啲芥辣沙律醬配起嚟味道都幾好，好開胃。燒鰻魚，都算肥厚。鹽燒雞中翼，燒得幾靚幾香口。松露蝦多士，賣相都幾好，不過上面嘅沙律醬多咗啲。椒鹽白飯魚，呢個略嫌唔夠香口。刺身拼盤，每一款都好冰凍、好新鮮，要留意嘅係佢有新鮮嘅沙律菜半碟，可以食埋。食完小食同刺身之後，就輪到雞煲。屋企人就嫌啲雞嚡咗啲、同埋切碎得滯，所以我係食得最多雞嘅一個😂。我覺得味道幾好。上咗個海鮮火鍋拼盤，全部海鮮都幾靚就幾新鮮，鮑魚仲係郁嘅。蟹係最鮮甜就最好食嘅😋薄切肥牛，食到呢度其實已經好飽，比平時食火鍋今次食嘅牛肉算係最少。家嫂當然仲有好多自己煲嘅飲品、7:30後有紅白酒、日本清酒任飲，冇影晒出嚟。總之，家嫂嘅任食雞煲火鍋，係我最讚賞嘅，而我亦會推介俾我嘅朋友。四百幾蚊、又咁多嘢食、食物質素同環境都好好，而且服務都好好，所以每次嚟都見到好多人。今次帶埋屋企人嚟佢哋都好滿意😊

一上到去感覺坐位舒適，環境企理。坐下後有職員過來詢問是飲茶還是放題，我同朋友一早傾好咗是來食放題的，所以我同職員講是放題，之後她就遞上放題的點心餐牌和火鍋餐牌，並問我哋要唔要先叫啲點心食住先再介紹埋出面飲品區同調味料區。飲品除特別嗰幾款外，全部都可以在雪櫃自取，而特別嗰幾款就可以叫職員幫手落單。（不需另外收費）我記得來招呼我們的服務員一來自我介紹，之後再介紹一次佢哋成個用餐過程，先上刺身後會轉雞煲最後會轉火鍋，刺身就每枱只有一份，而雞煲同火鍋都可以無限添食，即妳可以食完雞煲再加雞煲唔轉火鍋，但就唔可以雞煲、火鍋、雞煲、火鍋咁轉來轉去，啲刺身好新鮮，特別推薦蝦刺身，又大隻又鮮甜，到火鍋時有海鮮拼盤，裡面有鮑魚、蠔、聖子、花甲...我哋淨係海鮮都叫了三轉，真係食海鮮都食到飽，仲有牛同豬，由於佢嘅海鮮實在太出色，所以牛同豬就變得平凡不過了！由於放題是不限時，所以好適合一班朋友邊食邊傾今次朋友真係無介紹錯朋友話有折所以最後每位比佢寫出來個價錢更平

同事farewell, 一行12人，比左半開放房，逼逼地。魚生係ok既。雞煲就唔得，冇肉既，全部骨，好似大陸甘。啤酒係貴啤，神泡，可以。ice cream 係 korea 普通野，唔係大牌。但火鍋D牛就好差，係快餐店級，類似合成既，即係塊肉一半紅，一半白。間野9點半就last order，以火鍋來講，好少見。 10點半就叫你走，10點9就勁追你走，so bad。 真心唔推薦，市面上平過佢，好過佢既有得選擇。埋單一人平均4百中。以呢個牛既質數，唔值。

火鍋放題加埋一大約450蚊一位，價錢略高，不過物有所值，因為冇限時間兼且任飲任食嘅各樣嘢質素都算高。醬料枱又睇得又打得，你諗到同諗唔到嘅醬都有見到。除咗一般嘅罐裝飲品之外，佢仲有杯裝飲品包括茅根竹蔗嘅傳統火鍋飲品，到台式水果茶等，另外就係asahi罐裝生啤任飲都算走在時間尖端。一開波嚟個刺身然後再食雞煲之後就有個海鮮盤開始打邊爐，如果細食嘅朋友已經打爆咗，當然仲有其他配料啦。佢啲海鮮仲係可以refill，超勁。差啲唔記得佢仲有好多款餐前小食又係任叫任食嘅，當然如果你細食嘅話呢一部分就唔好亂嚟。