家家辣 (已結業)

招牌酸菜魚2人份量 - 大辣 (Total: $204)▪︎萵筍片 $8 ▪︎金針菇 $8 ▪︎娃娃菜 $8 ▪︎寬粉 $12酸菜魚一上枱就聞到好香辣椒味🌶，份量多，兩個人食絕對夠飽💞，另外加咗4樣餸係入面，其中金針菇係最入味🤤，酸辣爽口嘅湯汁🌊、鮮嫩多汁嘅魚肉🐟和爽脆嘅萵筍片🙈，實在係一道美味又開胃嘅一道菜！🙌🏻蕃茄酸菜魚1人份量 - 小辣 ($65)包括白飯+飲品蕃茄酸菜魚🍅好明顯就係酸菜魚嘅變種，湯汁濃郁酸甜，蕃茄嘅鮮甜+酸菜的酸味，好適合唔食得辣🥵但又想試下酸菜魚嘅朋友仔😎。餐廳環境好乾淨✨️，坐得舒服，枱與枱之間有足夠距離，可以同朋友黎傾密計🤫

平時成日見呢間野無乜人幫襯，阿姐成日企出門口拉客。今次諗住近近地又唔知食乜好，見間鋪無乜人，入去試下。坐低諗住落單，我地2個人，張單就打3個人，問咗句，職員好唔耐煩咁剩係識叫人用手機落單，我老公再問多句，阿姐好悔氣咁講：‘’你落咗單先啦‘’。態度惡劣，對答悔氣，即刻令人無晒食慾。我係嚟食野，唔係嚟受你氣，睇你面色㗎。真係未試過咁谷鬼氣，好彩未落單，直接起身走。終於知道點解間野連午市晚市時間都可以無人幫襯。

新開張小店幾特別嚟試一試下午茶支持下 只能說仲有進步空間週未下午兩點半嚟食 客人唔算多 卡位坐得幾舒服叫左回鍋肉飯 下午茶set＄58一碗白飯 有回鍋肉 一碟小菜 一罐汽水 都算抵食賣相幾靚的 前菜青瓜幾清爽開胃 不過差啲見唔到啲薄切回鍋肉 揾哂成個盤先得4,5片2~3mm厚的激肥豚五花 成碗都係生菜 差啲以為自己叫錯左爆炒生菜問店員係咪下午茶先呢個肉既份量 佢問返我係咪太肥想換片肉 睇一睇原來全都係肥膏 隻豬生前過得唔錯 但係已經咁肥 仲要再落大量油食完游水都會浮 老實講今餐唔合格 不過見在有啲特別既新店就話希望有改善吧

新開的麻辣菜餐廳 各款菜都很不錯 會再來這次吃母親節飯，點了一個4人母親節套餐$498有兩款涼菜，一款主菜，兩款小菜，甜品包白飯和飲品各款菜味道也很不錯酸菜魚很足料 賣相好 略嫌不夠酸辣 但還算好味辣子雞和肥腸好味 夠辣 肉也多👍涼菜類正常發揮👍甜品是糍粑 正常發揮員工服務態度十分好 很有禮貌又會主動幫忙店內裝修光猛 坐位闊落 眼見其他食客的一人份酸菜魚也很多魚叫外賣吃也抵這次吃母親節飯很高興😊一定會再來👍👍

第二次試呢間新開嘅四川菜快餐，午市套餐嘅性價比都幾高，60蚊配埋白飯🍚+小食+罐裝汽水，最緊要餸菜味道都唔錯👍🏼 好過普通茶記嘅川式菜😋回鍋肉：但啲肉似係小抄肉多啲，唔係一大片嘅五花肉，但口感味道都唔錯，好住家嘅味道🥢酸菜魚：份量適中，魚肉嫩滑，配菜豐富👏有埋薯粉🍜 酸辣肥腸：肥腸略炸得乾左少少，配撘嘅酸菜幾味道不錯😋呢個價黎講食個川式午餐都算係咁，三個人食可以Share餸菜，而且份量都足夠👍🏼

同一同事聚舊 有朋友推介呢間魚試左個兩人套餐酸菜魚第一款小食係海蜇以小食黎講份量都幾多而且好爽口第二款係炸子雞口感爽脆 雖然每粒細細粒 但份量一樣好多而且調味唔會話偏咸之後係主菜酸菜魚啲魚多到唔洗錢咁成碗都係 又滑又彈牙而且啲酸菜真係好好食 好甜湯底濃服務態度無乜特別野要講 一般常見態度係有時多單會唔記得走芫荽不過整體評分我會比8/10唯一缺點係飲品種類真係無得揀 得三款可樂揀如果有番啲特色飲品就完美（好食到唔記得影相打卡🥺）