富城火鍋海鮮酒家

營業中

休息中

中午去花墟買花，運動場道很多食肆，揀邊間？老人家鍾意飲茶（晚上是火鍋）。富城面積不大，但人流轉得快，可搭枱，門口等－陣就有位。推介鹹菜豬肚湯＄22／碗，用魚湯做底，有支竹添，幾特別。炸竽＋番薯丸，蒸牛肉球，鳳爪（好惹味），排骨……，都熱辣辣上枱！蝦餃－般，蝦有泥味。腸粉多澄面，透明。招呼就唔得，人手唔夠，要自己揾櫈取碗碟。門口外賣盅飯大大盅才16蚊，好多人排隊買。五個人食得好飽埋單才三百幾，抵曬！晚上火鍋有好多套餐，孖寶等，可以再去試下。唔記得叫乜名，其實係威化餅碎椰汁糕，餅碎濕左，比較靭

今晚想食龍蝦及火煱，於是走別這裡。因為時間尚早所以還沒有人客。坐低後走到魚池見有一隻龍蝦，有三斤多。要$1800 元。經理說如果我要便收平三佰元。我覺得低食便它作刺身。龍蝦未到便叫了一個芫荽皮蛋湯底，加一碟大手切牛肉。他們用魚湯底，比清湯有味一点。牛肉質地很好，祗不過二佰元一大碟。之後龍蝦刺身到了，很大碟，加 lemon 汁上面，十分好食，肉質又好，酒樓又將龍蝦頭椒鹽，原來重有好多龍蝦肉，食唔哂打包走。加上一支啤酒，這個火鍋晚餐用了二仟五佰元。

今次同朋友二人到呢間打邊爐同吹水啤一啤, 8點几入座, 不用等位, 可能始終裝修有D舊式掛. 但對於我嚟講唔多人仲好.湯底叫佢出名既富城百搭骨煲皇, 用料一D都唔Hea, 顏色呈奶白色, 味道香濃. 豬骨都有三四舊.雪花A3和牛, 肉質及脂肪分佈平均, 鬆軟嫰滑.生蝦新鮮, 上枱都仲郁緊.魚滑同鵝腸普通啦, 不過不失. 因為平時我都興趣不大.雲吞大粒同入面隻蝦都新鮮.金菇都洗得乾淨既. (無影相)

天晴天陰永不憂， 氣促氣順要留心，寒風寒意加件衣，冷情冷感快送走。春天已到，但依排氣温徘徊在10度，早晚溫差大，在空曠位置更風如刀割。女兒大了，兩夫婦應該得閒就拍吓拖，找回兩人失去的空間，尋回温馨的味道，就是坐坐公園，睇多幾場電影，不需要大消費也是好的。雖然我倆都會為自己意見而嘈吵，但最終都要拖住手才睡得安心。近來發現梅菜( 霉菜 )活躍起來，東西南北也走到，在傳統火鍋店丶特式蒸氣鍋店及平常食府出現。梅菜蒸豬肉餅已變身爲梅菜豬肉丸。是否方便進食或高貴大方啲呢?就不得而知了！不過它是中國獨有的，非常平民化，並且高纖。是從前農民的智慧結晶。它的由來眾說紛紜，製造方法已有百年歷史，中國北方至南方都有生產。而廣東惠州所出產的梅菜是南方最為出名的。梅菜是將芥菜類的莖和葉，例如是雪裏紅( 雪裡蕻 )用鹽醃製後再風乾而成。更有「甜梅菜」和「鹹梅菜」之分，大廚將其配搭到不同食材內，繼而產生不同變化。在太子的<富城火煱海鲜酒家>來個温暖的晚餐。六時入座，成為第一枱客人，並可以率先挑選食材，新鮮的魚丶象拔蚌及龍蝦等，每款都是心愛的，只是我與靚太二人決定要控制慾望，不可放肆和放任。而店員稱今

搶銭酒家，位置太子運動場道這家「富城海鮮火鍋酒家」搶錢之外員工人還太沒禮貌。事情的經過：10月13日，1：00pm，與10個月大的baby，還有剛好3歲的小孩，來到這裡吃東西。埋單時見到收2個茶位，從來飲茶去到哪都好，這麼小的小孩都不用收茶位的，於是叫個經理來改（高瘦年紀大的），他說＂baby也要收茶位，還非常沒禮貌的說哪裡寫著baby不用收茶位？我們這裡就是這樣子。＂。真的超級搶錢、受氣。吃了都滿肚子氣。食物味道一般，員工態度十分差，茶壺沒水，怎麼叫都沒人來加水。地方環境十分差，特別是去洗手間的那條路，簡直就是恐怖極了。

是日早上dad買了另一間茶樓的點心回家, 是富城酒家的蝦燒賣(HK$11). 筆者對蝦燒賣的要求甚高. 但這家的出品真的有點不濟. 先說說賣相, 平常的蝦燒賣會放上一隻蝦在上方, 但這間的竟然是肥膏, 沒有說錯, 真的是白色的肥膏, 有點驚嚇. 試一口, 味道果然跟外貌成正比, 太肥膩了. 內裏有蝦和豬肉, 但蒸得很乾, 蝦沒有鮮味, 豬的肉質也很死實, 再混合上方的大肥膏, 吃一粒已足夠. 最終筆者未能完成完整的一客.

差不多2點幾才吃lunch,本來打算去附近出名的點心店的,忽然經過這酒樓門口,不用得位,又係吃點心,就心想,不如試試吧,侍應給我們餐具時,嘩...個杯還有茶漬,個碟還有魚骨黏著,有點擔心...選錯酒樓,剔點心時,看到有椒鹽魚腩,$28,好想試,點知...魚腩切得很細,外面脆皮"林"的,一點都不椒鹽,失望!!其他的點心不過不失,叫了幾碟,有:燒賣,腸粉,叉燒包,流沙麻蓉包,豆苗餃雞扎,流沙麻蓉包是不流沙的,燒賣一大一細,其中最好的,就是豆苗餃,幾新鮮,不錯!!

星期日在太子不知食咩 想起打邊爐走過去富城一入去有位 以前到過 柯打皮旦湯底手切細肥牛.魚咀.田雞.等等.........推介以上三款 肥牛肉質好味／魚咀好新鮮.再叫都無／活田雞超新鮮／湯底有魚湯味幾好食.最可惜8点末夠已無魚咀加招呼就一般...........................下次早点叫魚咀打孖上

跟住幾個朋友宵夜去到富城火鍋海鮮酒家本身以為屬富臨集團的分店都唔會好食但原來火窩配料都算唔錯鴛鴦湯底一邊麻辣一邊鮮茄湯最唔好的係宵夜時段冇人招呼＇而且大部份侍應都漫不經心

今晚約左朋友諗住打邊爐, 喺 openrice search 到呢間冇喊臉既舖頭諗住唔差啦, 點知野食普通得黎服務仲要極差................1. 當我地叫完野食之後就開始冇人沖茶, 就算叫都視而不見, 半個鐘缺水既情況下唯有自己出去沖 2. 想幫襯多支啤酒一樣冇人理, 應左都當冇件事, 過左幾個字之後唯有黑面出去兜口兜面催個伙計先黎 3. 花生得兩碟,居然收三碟酸菜錢 4. 室內應屬禁煙範圍, 但係居然有人食煙 咁既價錢同質素打邊爐有好多選擇, 何必去受氣呢

尋晚又同老婆出動，8點幾黎到，人唔多半滿到，見檯檯都打緊邊爐，但我地想食小菜。坐低本來叫半隻雞，但個部長話而家做緊優惠，一蚊一隻雞，叫我地叫呢個抵D，於是就聽佢講，叫左隻一蚊雞、蒸條倉魚，加個粒粒浸時蔬。隻雞黎到好大隻，同出面個D奀挑鬼命既差好遠，不過1蚊隻，當然係冰鮮貨色，味道偏淡啦。另外條魚蒸得唔錯，唔鞋，食得出新鮮游水魚，個浸時蔬就有D肉粒同菇粒，幾清。服務唔錯，環境OK，埋單唔使兩舊，真係好抵。一次黎試下打邊爐先。

好耐無跟深水埗的舊同事聯誼，終於擇左今日來富城開餐其實印象中富城在這個位置已經有很長日子，所以認為唔差，應該一試既﹗湯底係椰子雜菌鮮雞湯：椰子味唔濃，無雜菌，但雞同湯都好味，補番數啦手切肥牛：手工唔錯，但嫌牛味唔夠帶子：好新鮮雲吞、水餃及三寶丸：自家出品，係唔錯腐皮卷：夠薄，唔油..正黑栢叶、脆肉鲩、芝心墨魚丸.......水準唔錯

果日朋友介紹去E間酒家打邊邊，睇落好似好殘舊咁，不過朋友叫到就即管試試，朋友介 紹用食最普通既湯底「皮蛋湯底」，用個碗仔撈完豉油、蒜蓉果0的調味料後，加0的已滾的湯底落去，嘩!!!真係一流!!!跟住我就咁飲0的湯，hum......好鮮甜架!唔信你可以試吓!E間酒家打邊邊既價錢真係唔貴，湯底只係$58起，火煱食物$18起，好抵食!九點後仲有特價你地記住果個牛柳粒，你可以一次過倒晒落個祿煱度，因為E0的牛柳粒滾極都唔會 「硬」 仲有,只得E度有既蘆薈汁好好飲架!唔係好甜又有蘆薈粒粒，好清新!有新意過飲竹庶水啦!

雖然之都黎食過lunch，但就真係無留意佢地有個抵食既「午市 $ 108套餐」 呢個套餐都幾掂架，所包既野食都唔少燉湯一盅﹕飲過「魚頭雞腳瘦肉黨參」及「螺頭雞腳瘦肉紅紅棗」，一盅燉湯多到可以分到至少8個人每人一碗滿滿的 但其呢個套餐係3-4人用架咋~ 份量多之餘，d湯亦都好好飲~ 絕對唔似係味精湯，我d同事飲過都話好正，就連懷有身孕既笑娟都好鍾意飲 湯多之餘，佢d湯渣亦唔少，雞腳至少都有6-8隻 煲到淋哂既雞腳就真係我既至愛雜菌炆米粉﹕用上幼身既米粉，賣相及口感比粗身既米粉好10倍呢碟炆米粉既份量十足，而且又好好味，這亦是笑娟和細細既favour~仲有3籠點心春卷﹕肥嘟嘟既春卷，脆卜卜的，真係好香口小籠包﹕皮薄多汁既小籠包真係好正餡料既肉又鮮味，真係唔錯~鳳爪﹕鳳爪夠淋，個汁都幾好食以上咁多野食，就係一個 $108 既午市套餐所包架喇 真係好抵食，而且又好好食~ 所以我同d組員決定，如果食lunch既時間許可，我地都會再走來食餐好既~

雖然今日又係返 09:30....雖然今日又係遲散會....但今日唔同喇~ 肥豬、細細同我都唔理有幾晏，佢地依然陪我行去遠d，為的只是想食返餐好d既~ 佢地真係我既好同事、好朋友、好姊妹~ 今日佢地陪我顛，一同黎到 「富城」堂食，試下佢其他d點心得唔得丫~ 今日我地試3個人試左好多好多野食呀!!! 真係開心、開心、開心...... 鳳爪排骨盅頭飯 x 2﹕份量都唔少架~ d 鳳爪同排骨既味道都唔錯架 喜歡多汁的我，叫阿姐俾多d豉油俾我，佢都不知幾合作，真係俾左好多豉油我呀!! THX~炸奶皇包﹕未試過炸既奶皇包呀 ~ 蒸既就成日都試啦...所以試下D新玩意...送上來是剛剛炸好的，熱騰騰，真係好好味呀!! 此刻的奶皇，真係好「流沙」呀!! :kakaka~~~煎蘿白糕﹕一碟兩件，味道錯，起碼唔會只得“粉”，能吃到有蘿白絲、蝦米、臘肉...再蘸上辣醬，嘩....正正正~ 咸水角﹕雖然唔係有好多餡料，但係碟咸水角係熱架 所以特別覺得好味，真係唔錯呀!!燒賣﹕只可以講---「掂」~ 大大粒既燒賣，食起黎又彈呀，我一個人都食左 兩 粒呀!! kakaka~~叉燒腸粉﹕唔...我嫌個腸粉既皮厚左