富泰家 (已結業)

今日本身想食另一間但經過呢間見有職員係門口嗌話免加一點點點我同朋友諗左陣最後都決定入呢間試下走廊有少少窄🤢想坐入面要除低書包先入到一睇餐牌見有好多選擇我叫左醬燒豬頸肉芝士撈麵味道唔錯但係芝士味可以再濃啲豬頸肉夠薄但係可以再冧啲呢個麵個人認為要熱先好食但係餐廳裡面又冷氣又風扇食左兩三個字已經凍哂☹️檸檬蜂蜜冇咩蜂蜜味好似檸水咁但特濃朱古力就幾好飲嘅同埋都夠凍埋單果陣見到張單話我個麵係$61但有張餐牌係顯示$55於是我問翻職員先知原來單點係$55套餐就會變左$61但係餐牌又搵唔到有講明變左杯野飲要$13咁我仲心諗點解會無啦啦貴6蚊咁多🤢$61蚊呢個麵真心好貴☹️

本來諗住睇完去就去食某間餐廳，點知餐廳好多人等位，唔想等，於是就繼續覓食。結果去返平時食開既餐廳食飯。我點左香蔥油雞扒紅米飯。紅米飯係幾健康，不過間唔中就食到太硬既紅米粒。塊雞扒好似用油浸咁，真係太過多油，吃不消。撇除太過油，塊雞扒都幾林。我男朋友就點左可樂雞翼飯，醬汁用左蒜頭及薑來調味，完全蓋過可樂味。

二人喺旺角諗住食個快的晚飯，再去行街！原本女人街就有好多選擇的， 不過適逢過年後，仲有好多餐廳未開，隨便見呢間寫明芝士撈麵，餐牌又多選擇，就入左呢間餐廳～唔洗等位就入得，環境一般啦都唔算話好逼。菜單的確很多選擇，連鍋物都有，但呢間野的質素...真係完全中伏！！！蒜香牛柳粒芝士撈麵 - $55牛柳粒都有少少蒜香味，但咬都咬唔開，超硬！個所謂芝士汁似白汁多d....麵底普通但份量好少，好無奈。原本都不大期待，但而家直頭係難吃北海道帆立貝湯烏冬 - $54烏冬仲伏呀！！！個湯底一陣洗潔精味好奇怪！份量又唔係大，叫做都有4粒帆立貝同埋2條菜....但個味道真係不能接受呀！！！總括黎講真心好難食....價錢唔貴，但呢個價位，附近大把好的選擇！大家要小心！

有次去到旺角行街, 差唔多食飯時間, 於是走去女人街一帶搵食, 去到這家食店, 見裝潢幾好, 於是坐低叫左精選晚餐試下, 日式照燒雞扒伴煙鴨胸, $50 , 另外叫左個忌廉煙三文魚意粉, 好快就黎左雞扒伴鴨胸, 食物味道不算很突出, 不過$50個餐算係咁, 一般質素, 雞扒同鴨胸都係煎煮方式. 跟飯, 份量都夠一人, 之後黎左三文魚意粉, 第一眼見到三文魚得兩塊, 意粉份量好少, 心想呢味菜咁精緻, 當然要試下忌簾味道, 淡淡的 有點稀, 下次份量再加多少少味道唔特別唔重要, 基本吃不飯就不好了.另外叫了芝士撈麵, 係靠芝士汁表面一層芝士粉而成, 但芝士汁唔太濃 可以再加濃味一點。整體份量較少 似乎要添飯仲好 呢D要減分另外飲品需加錢整體品質算是一般職員態度友善

這家食物的味道不是很突出，不是很高質的質素但至少不是伏我叫的是豬頸肉芝士撈麵，已經吃過很多次這間的撈麵，質素比較平均穩定。芝士撈麵的芝士汁主要靠表面的一層芝士粉。不過芝士汁不太濃也代表不會容易食濟。豬頸肉稍硬但有一些彈性，而且有煎香不會沒有味道。另外也有少量菜整體份量較少但似乎飯餐可添一次飯所以還好另外有低糖綠茶/紅茶提供，其他飲品需加錢整體品質算是過得去職員態度友善，適合突然口痕想吃芝士撈麵的時候吃

我食過呢間N次，我都係鍾意食撈面比較多。我點左肉澡雞翼撈面及茉香珍珠。對於雞翼控及鍾意用汁撈飯食既我，簡直適合我不過。醬汁夠多，又不會係死咸。雞翼香脆多汁，絕對不是乾淨淨個隻。再來杯茉香珍珠，一流。

今晚心血來潮又想食下富泰家既芝士撈麵。搬左新鋪之後我都係第一次食，"友人"就食過幾次。脆皮雞扒芝士撈麵($53)雞扒夠味，但芝士超級淡，形成強烈既對比，唔夾(芝士係主角，點可以俾配角搶風頭)。芝士撈面既份量比普通撈面少，但芝士撈麵既價錢仲貴過普通撈面，可能係貴在芝士? 但尼間既芝士似係用芝士粉開，同價錢唔成正比。(個人口味: 2/5)蒜香牛柳粒撈麵配綠茶($52)蒜香牛柳粒撈麵係"友人"既摯愛，牛柳粒份量都幾多，燒得幾好，有牛味，亦都幾juicy，醬汁都好味。撈麵辣辣地幾惹味幾好食，但真係同印x撈麵差唔多level。至於綠茶就正常。(個人口味: 3.7/5)牛柳粒撈麵配埋飲品仲比雞扒芝士撈麵平$1，芝士撈麵既撈麵份量仲比普通款撈麵少(應該唔係我地既錯覺?)。如果有機會再食，我一定唔會再叫芝士撈麵。雖然普通撈麵比芝士撈麵好食，但真係同印x撈麵差唔多，一諗起印x撈麵既成本都係$2-3/個就覺得唔抵食。

好耐無食過呢度芝士撈麵，以前對富泰家的印象都不錯。今天點了個脆皮雞扒芝士撈麵$51哇 芝士汁無味唯一只有上面一層好薄的芝士味有味但真係好薄好薄一層食哂芝士粉之後成碟撈麵就已經無哂味道芝士汁就好似用牛奶面粉煮的白汁只有顏色無味無味無味要講3次因為太無奈了菜單雖然很多選擇但都是差不多的東西不同的配搭好失望仲要禁貴份量又少麵底好似係用大光面我以後都唔會再光顧唯一讚的就是上菜速度超快點單後2分鐘上台食快餐的感覺

上次已經去過旺角嘅富泰家食飯，我記得好似係叫咗個蔥油雞飯，啲飯就選擇左係紅米飯。今次就叫咗個撈麵，食完感覺撈麵好食個紅米飯好多。☆*:.｡. o(≧▽≦)o .｡.:*☆撈麵佢會問你要辣定係唔辣，又或者少辣。我今次就叫咗個小辣，佢嘅撈麵同自己屋企煮嘅撈麵有啲唔同，因為醬汁唔同，好似有啲辣辣哋，同埋有啲蠔油嘅味道，食起嚟幾好食，啲面都好夠彈牙，唔會煮到「林」晒。(⁎⁍̴̛ᴗ⁍̴̛⁎)啲魚柳都炸得好好味，外邊炸到脆卜卜(*☻-☻*)側邊仲有少少菜。仲有三粒西瓜餸俾你食。哈哈。西瓜都夠甜嘅。不過我覺得三粒西瓜好似太少囉。哈哈哈哈。因為食完唔夠喉。(≧▽≦)

下午時段要吃飯，去了旺角的富泰家。在女人街附近。不用等，一進餐廳，已經有位置可以坐。點了一個雞扒飯，雞扒上面有䓤油，夾在一起，味道還可以。雞扒肉質普通！雞扒皮脆脆！還有一點兒蠔油在旁邊。附送一小碟菜，白灼菜，菜中有一點兒蠔油。紅米飯普通。軟硬適中！份量都正常！整體來說，很普通的一間餐廳！食物質素很普通！有一杯熱的綠茶送！其他飲料要另外加錢啊！不過，以50元的一餐飯，普通吧！不要太期待很特別。但又不是難吃的一間店。

同朋友經過旺角女人街，見到突然落大雨，就幾個朋友隨便進入呢間餐廳，諗住晚餐應該唔會太差，雖然本身期望都唔太高，叫咗幾個蔥油雞扒配薯菜餐！賣相普通，雞扒有雪藏味，煎得太差，冇味道，薯菜都冇味道，唉 ！真中伏！朋友叫咗個牛柳粒飯餐，一樣冇味道，牛肉太林！朋友一致想法，以後唔會再來呢間難怪佢食飯時間8點左右都系得幾枱客咁多！飲品都系冇味道的，淡而冇味！個幾個有口音姐姐服務都系一般般，有待改善！中伏的晚餐！

如果黎到旺角想食飯，但又冇心水餐廳，咁我就一定會行呢條女人街。因為呢條街九成都係餐廳，仲要唔貴！完全係窮人恩物。今次俾我有新發現。呢一間餐廳主打紅米飯同芝士撈，兩樣都係我鍾意食嘅🤤🤤。打開餐牌見到佢promote 緊海南雞飯😍，又係我鍾意食嘅嘢🤤，本身就諗住揀佢點知侍應話已經賣晒😩。睇嚟佢哋都幾好生意。咁所以我就叫咗個晚餐set，因為晚餐set比較平😂，咁岩我有睇啱個餐。我叫咗個蔥油雞扒配紅米飯。所有套餐佢都會包一杯低糖紅茶/綠茶。成日出街食嘢，今餐食紅米飯感覺上好似好健康咁😂。我男朋友就叫左個意式鮮茄焗豬扒飯。唔知係唔係佢主打芝士撈呢，佢個屋飯成個面都係芝士😍😍。我下次一定會叫呢個！

旺角真係一個好多餐廳選擇平平地一餐都可以好滿足司華力腸併雞扒撈麵 ($54)撈麵個汁都係甜甜咸咸咁，望落好似好少，但食食下又夠飽提一提，唔夠嘅話，可以加 $5 去加底醬燒豬頸肉芝士撈面 ($57)老實講，唔太芝士，但入面有好多豬頸肉喎！都有叫到飲品，不過無影到飲品正常，無乜問題

食飯時間去左女人街求其搵間餐廳食飯，行過見到門口餐牌寫住紅米飯⋯⋯芝士撈麵⋯⋯選擇挺多！但睇完餐牌個一刻令我好想食撈麵 ，就一於入去試下今次有曬目標，所以好快就擇好食咩，就係左下角幅圖的蒜香牛柳粒撈麵。但是⋯⋯賣相總是不似預期牛柳粒幾有咬口，啖啖蒜香味，不過不失。當食完第一啖麵後，感覺係點解味道錦熟既⋯⋯哦⋯⋯ 印尼撈麵！！唯一不同既係平時我會走辣，而今次餐廳係加曬辣！！其實餐牌寫住會有微辣，但我無理到，當時心諗撈麵唔會好辣既，所以無專登走辣，哈哈最後愈食愈辣，我唯有食到一半就交比我條佬幫我執手尾啦，哈哈～

嗰日同老婆喺旺角行完街見肚餓, 行過呢間就入去試下. 食物一般, 冇生果送都算, 但某個阿嬋服務態度好有問題, 食完飯, 同老婆吹水之際, 有條友閃過收咗我杯綠茶, D碗碟又唔見佢收, 呢D係乜服務態度, 連基本嘅尊重都冇, 食到一肚火, 唔會再幫襯