富粥 (已結業)

今日趕了一天的路，不想出門覓食，想吃點暖胃的粥，富粥看起來不錯，距離又比較近，點了外賣，一份魚腩粥，一份腸粉，一份生菜，快到食物預計到達的時間，訂單被單方面取消了，沒有任何解釋，沒有被聯繫。最後泡了一桶面。

天寒地凍，沒東西會好過吞一口熱粥及吃一碟熱辣辣，新鮮弄的即拉腸粉進肚，幸福感頓然馬上提昇....推門走進這店，找了個位坐下，點了及第，加上雞蛋生菜肉片腸粉，便是一份甚豐盛的午餐了....粥甫上桌，一睇就知甚對路 ---- 粥面好像泛起一層黏黏的"膠質"似的，色水亦甚夠米白，亦睇不見有一粒粒的米花存在....放粥入口，質地果然一如所料般綿滑黏軟而帶米香，其綿之程度一直延續至吃完到碗底，這可是甚少見的....料頭方面，全都甚新鮮，特別是那幾片厚厚的豬肝，咬落沒甚苦味亦很夠"粉"，爽度也足；粉腸及肚也不錯，前者同樣的夠粉而無怪異味，後者則爽脆至嗦嗦聲....這兒的皺皮腸粉一向有口皆碑。今天我嚐到的，水準亦算不俗 ---- 粉皮雖不算特別滑溜但勝在具米香；添加了雞蛋令腸粉多了份蛋香，挺特別；生菜夠綠夠爽脆；唯一不好是肉片被"喇"得太厲害，弄得肉味差不多全失了....不要看一碗粥加一碟腸粉好像份量不多，但食起來也挺飽肚，今天我就吃剩了少許粥及腸粉了....

好鍾意食巢皮腸粉啊！！！仲要夾咩送係自選的，真係開左之後就成日都幫襯佢了。一諗唔到食咩，就自動是富粥了ＨＡＨＡ。唔想等，可以打電話去叫左先。我已經打電話落單打到預到放工上車去到度邊先打去叫定就差唔多時間打到老闆娘都認得我最鍾意食係韮王，碎牛，蛋，栗米。再加個菜。雖然老闆娘成日都SELL佢個豉油係自己調味，但因為我覺得落左蓋過唒佢本身腸粉既香味，同埋唔健康既關係，所以我都是堅持走豉油的！粥倒是無試過的ＸＤ勁推巢皮腸粉

富粥生鮮粉腸粥，$28。豬粉腸幾新鮮，粥味不錯，應是來自腌製技巧。粥底，應該是有味粥，不是淡囗的明火白粥，因此食後要多渴水。現時香港要搵間淡味粥底，真的難上難，明火白粥要煮到又棉又有粥味，柴火就不能缺少，成本貴就自然小人做了。滋味靚蟹粥，$60。粥內有全隻蟹，蟹肉新鮮，有味粥混合了鮮蟹味，感覺不錯，可一試。即拉櫃桶叉燒腸，$20。後生時候，經常去廣州上下九街食呢啲櫃桶腸粉！香港以前，冇乜人會做呢種腸粉，因為廚師覺得外形不太好睇，不喜歡放這腸粉上枱。其實，腸粉味道是不錯的，用這做法，叉燒可以大大塊，豉油又多，腸粉也厚了不少，一碟即是港式腸粉的倍半，幾扺食。總推介指數：7/10

今次係第二次去食了，好中意佢既腸粉，好大碟好足料！但一坐低落完單，同枱對面個女士係咁咳，後面枱個男士又咳，難道個個唔舒服都食粥下次想食粥都係買外賣，haha!講番d野食，今次叫左個雞蛋碎牛腸粉同豬潤墨丸粥。 佢一放落枱係俾對面個女士，但女士話佢冇叫腸粉，所以我地拎返，到粥上枱，佢見到碟腸粉放左係我地呢邊，佢又話碟腸粉係女士架-.-人地都冇叫。。。 不過食物水準都keep到，粥都好多料，墨丸都好彈牙！都係嗰句，下次會買外賣。

說起腸粉，香港人普遍都是聯想到拉布腸粉、豬腸粉，但其實香港也有少見的皺皮腸粉。「富粥」賣的就是各式生滾粥和皺皮腸粉。餐牌上有數十款粥品和腸粉的配搭，總有一款你會喜歡。今次我們是衝著皺皮腸粉而來的，所以就點了兩款不同配搭的腸粉。皺皮腸粉比一般腸粉皮薄，吃的時候更能吃到腸粉的米香和餡料的口感。這裡的皺皮腸粉皮適中，不厚也不薄；豉油略甜，不夠鹹鮮，稍有可惜。以小店來就，價錢略貴，如果便宜一點的話，會更吸引喜歡皺皮腸粉的食客。總結：少見皺皮腸粉，但價錢稍高；營業至凌晨，間中想吃點清淡粥品配特色皺皮腸粉，「富粥」會是個不錯的選擇。

成日出街食，最近放工之後無街去都會想食清啲清下腸胃！以前成日食富粥既腸粉，好多人都覺得好好食唔洗我多介紹啦。今日想講佢個粥！【皮蛋魚腩生菜粥】around$44皮蛋魚腩生菜粥好似係第到無聽過，因為呢到最好既地方係好大既自由度。好多唔同配搭可以簡，仲可以加幾蚊就加生菜落個粥到。好健康！好想講既係佢個魚腩係好新鮮，仲係煎完先放落粥到滾，特別香口好味！而粥底都好綿密，滑，好味道！總結，食垃圾食物食茶餐廳都係差唔多價錢，我倒不如幫襯好食又相對健康既小店啦！

放工路過，見到有雞蛋碎牛腸粉同豬潤魚雲粥，即買回家試試。豬潤魚雲粥很鮮味，魚很滑，唯一是多骨，至於腸粉有些少驚喜，食到有芝士味。整體味道很好，份量足，下次會再幫襯！

粥的配料都充滿味精牛肉用味精釀都算豬粉腸還是充滿味精的味道其他配料也是味精unbelievable 完全吃不出食物原來的味道食到我想嘔。未食過咁重口味的粥可能是食物本身不新鮮的原故？粥底還算滑，但等候時間有點長，得四五張枱..非繁忙時段由等落order 到有野食足足等左十五分鐘unbelievable 在open rice 竟然有不少，unbelievable 可能店是出名做腸粉吧，不會再吃這裏的粥，下次最多試下腸粉係咪真係咁好食

今日約咗朋友食飯但佢又病病地所以就決定帶佢哋食呢度嘅粥啦一直都好鍾意食呢度嘅嘢 無論有冇病都好都覺得依度粥 米粉 同埋 腸粉都好好食今次我哋叫咗一碗粥同兩個腸粉🥚🐟窩蛋魚片粥依度嘅魚片係用咗脘魚片有少少骨但係魚味好夠粥方面就係生滾粥比起平時嗰啲粥更加好食依度嘅粥底好綿唔同有時係出邊食到嗰啲好水🍳🐟雞蛋魚片腸呢度食到嘅腸粉係櫃桶腸粉亦都可以叫做皺皮腸粉比起係出邊可以食到嘅更加滑而且呢度你鍾意點樣配啲配料都得不過係腸粉度叫魚片就好似唔係好化算因為我數過得4塊魚片仔咋🍳🐖雞蛋碎肉腸另外仲叫咗個雞蛋碎肉腸豬肉嘅鮮味令到個腸粉更加好食等值得一提嘅就係呢度嘅腸粉豉油係依度自己整啊 甜甜地仲要有少少蒜喺度令到成碟腸粉昇華左！

食粥嘅話大家可能諗要配油炸鬼 豆漿等等但係呢一間你一定會叫腸粉😋😋舖位細細 一位廚師＋一位姐姐打理曬成間舖嘅日常運作 睇見都好佩服😎因為開粥店唔係一件好簡單同舒服嘅事特別係夏天嘅時候🌞🌞聽到同事介紹佢哋嘅即拉鮮腸粉就梗係慕名一試但係因為屋企人都好想食唯有叫外賣下次再去鋪頭入面度坐低感受下小店嘅人情味喇♥️大大話話佢哋嘅腸粉款式都超過20款唔好諗住 hea做呀 見到師傅落足功夫去拉呢啲腸粉 真係少啲心機同體力都好難頂得順 所以絕對係心機菜😋😋而且佢哋嘅腸粉份量絕不欺場大大盒腸粉好嫩滑好香米味 而且唔會好厚皮 厚薄適中 入口仲會覺得好有咬口 夾埋佢哋獨家製作嘅醬油 更加惹味 更加出色皮薄餡靚絕對可以用嚟形容佢哋呢一間嘅腸粉😁😁首先呢一個新鮮肉碎*塊*＋粟米點解我會用肉碎塊而唔係係肉碎粒因為會食到一塊塊肉而唔會好似出面啲舖頭咁真係畀碎碎濕濕既肉畀你而且佢哋既肉係好新鮮好鮮甜唔會有嗰陣味雪藏味而且佢哋嘅粟米粒粒都漲卜卜咬落去好鮮甜食落有少少十十聲真係好好味㗎♥️而呢個鮮蝦叉燒腸更加不得了鮮蝦大大隻分量十足 見到師傅落重手沈埋啲叉燒上去嗰腸粉真係覺得好滿足呀等外賣嘅時候聽到d食客話食過香煎魚雲粥同

不會回頭！ 粥底有正常厚度但還是只有米味！一家以粥店為名，好應該安守水凖！😣說是「香煎魚腩」，魚皮魚腩完全沒有被煎過的傷痕😫唔記得煎不如同食客講聲改叫「生滾魚腩」囉！坐席只有5客（店內15坐位）小妹一直坐在廚房外，只見廚師努力即製腸份，等左足足15分鐘，問到我碗粥竟然5吹5即煮😡！仲一些歉意都冇！仲有呀😖話明魚粥當然有腥味！粥底已經唔香，魚又無醃無煎冇提鮮，用筷子夾D肉係實即係雪藏啦👊🏻睇下張相只有惨得可憐的幾粒蔥！唔好問我薑絲呢⋯⋯響海底呀😫😫

以前多數在廣州街頭才吃到皺皮腸，而近年香港亦漸漸多了地方有得吃。富粥是其中一間，它是在黃埔新邨的橫巷中，舖頭細細，迫迫地可坐   15-16個人，所以多數人吃完便好快走的。叫咗即拉韮王腸粉，雖然要成18元一碟，但份量都不少。富粥的腸粉雖然皺埋一堆，咬落質感較厚，但能保持嫩滑，豉油中有些類似梅菜的細粒混合在一起，味道唔太鹹而且帶有些甜味，幾有特色。粥底綿，香煎魚腩粥，有3塊魚腩，粥味清淡，可能魚塊不多，所以粥無乜魚鮮味。豬潤鮮雞粥，有豬潤4塊，雞約4-5塊，雞肉彈牙唔鞋，粥味濃很多。其實又叫粥又吃埋腸粉會很飽肚。

呢間餐廳標榜嘅即拉腸粉，其實我都好想周圍試下即拉腸粉，睇下係咪真係咁滑嘟嘟🙄見呢度嘅腸粉選擇特別多，睇下個餐牌有成三行唔同口味嘅腸粉畀你去選擇，餵為食嘅我當然要gogogo!雞蛋鮮牛腸粉吸了我的眼睛，唔通裏面夾住雞蛋?原來唔係，其實係將啲蛋汁放係腸粉嘅底令到成個產品更加有香味，放心唔會話實kick kick整熟曬啲蛋喺裏面。切開佢你會見到啲牛肉真係好新鮮，好滑，真係一個非一般嘅牛腸，而個拉腸粉亦都真係非常好食，勝在好林滑同好軟綿綿!😋😋另外食腸粉好著重嘅就係豉油，佢既豉油有少少甜味，感覺特別香，最緊要係唔會太重鹹味，非常好抵讚! 在加8蚊就有這個一品豆漿，有黑芝麻味同原味畀你揀

紅磡出名多嘢食就係人都知嫁啦喺呢度住左年幾先發現原來呢度有間好正嘅櫃桶腸粉令到我差唔多每兩個禮拜就會來食一次而且價錢都非常平 對我來講一個人食一個腸粉已經好夠飽 今次我叫左一碗粥同一個腸粉 腸粉叫咗雞蛋蝦米腸 落咗雞蛋之後令到成個腸粉勁香 但我就覺得今次啲蝦米有啲鹹 豉油方面佢哋係自製嘅 食到有啲蒜香味 而腸粉方面就非常之滑 再加啲蔥粒 overall好滿意之後就叫咗碗粥呢碗係皮蛋生菜粥粥座本身好綿 而配料都非常之多 皮蛋我諗都有一隻半 但係我就覺得啲生菜可以在切碎啲 一條條黎講個口感好似麻麻哋 但係唔知點解今次食完之後非常之口渇 明明以前冇呢個情況出現 佢可能已經落多咗味精啦😟😟😟😟