富臨漁港

營業中

休息中

和味鮑魚伴秋葵鮑魚味濃郁，帶鮮甜味，厚肉爽身夠哂煙韌彈牙，肉質細嫩鮑鮮味濃口感一流，配搭爽脆秋葵，清涼又消暑!清遠走地蔥油雞雞肉爽滑鮮嫩又多汁，充滿蔥油香，香味四溢，實在令人食指大動!花膠響螺老雞湯響螺味道鮮美配以口感爽滑花膠，啖啖鮮美又滋補～西蘭花炒蚌片蝦球西蘭花炒得好入味，夠爽脆，蚌片鮮美有咬口，蝦球彈牙可口!海參花菇鵝掌煲鵝掌炆得入味，嫩滑不膩，海參爽彈、花菇肉厚味香，味道濃郁滋味，令人一試難忘。

今天晨運完便順便帶了外賣點心回家與家人共享。初次幫襯此酒樓的點心，感覺味道一般，但勝在價錢相宜 - 六個點心只是花了一百零一元。～燒賣材料尚算豐富，有蝦肉、豬肉、冬菇和蟹子，味道一般，但饀料未夠幼滑。～蝦餃賣相不俗，蝦肉爽口，可惜蝦餃皮不是透明又沒彈性，味道一般。～雞扎腐皮可蒸腍些，饀料也算充實，有一大片冬菇、雞肉，火腿和豬皮。～叉燒包質感不夠軟，叉燒饀料不多，但味道尚可。～咸水角糯米軟熟，好有口感。味道合格，外脆內軟。～春卷賣相感覺脆口，但吃的時候才發覺芋條餡有點實和韌。春捲外皮脆，但內裡不酥脆。

好耐冇去酒樓晚飯，飲茶。 好想食酒樓嘅中菜小炒。 今日屋企罷煑提議去買外賣， 去咗沙田娛樂城《富臨漁港》。平日早上都係茶客聚居之地， 見到佢宣傳單張，夜晚嘅小菜 外賣自取勁抵， 30幾40蚊有一個小菜。六點左右去到， 已有許多街坊剔緊外賣～～外賣專區可以坐低慢慢揀， 仲有飲品送勁好招呼。屋企人 好鍾意食燒鵝 ，揀咗半隻燒鵝$160， 好抵食平過燒臘舖！希望返到去皮仲脆。燒鵝肉冇再翻熱， 皮果然仲脆， 鵝肉嫩滑夠香～👍蝦球炒螺片， 分量好足塞滿成個膠盒， 螺片夠爽口。正呀仲可以外賣原籠馬拉糕（$28）。 甜度，鬆軟度啱啱好， 整返熱食超正！

呢個時勢一大班人出街食飯就比較困難， 抗疫期間各種食肆衍生出好多外賣優惠。但屋企人多食飯唔一定有人煮， 唯有靠外賣～聽屋企人講而家《富臨漁港》好多抵食嘅外賣小菜。来到沙田瀝源邨娛樂城的［富臨］， 人氣比較盛， 感覺和樓上樓下桌球室桑拿（ 暫時休業）截然不同。 酒樓劃分出外賣專屬區， 坐低慢慢剔紙仔， 飲品可隨意享用～外賣小菜好抵，低至3.8折都有！ 又冇加一，好肯定平過自己買餸煮。叫咗兩個小菜同一個主食都唔使百五蚊！ 平時堂食一個小菜加一，茶位都要啦。包裝得好紮實，穩陣， 行返屋企都唔使驚倒瀉。瑤柱金菇炆伊麵分量好足! 塞滿成個膠盒， 啲麵唔會煮到好冧，返屋企略略蒸熱冇咁油， 味道唔錯！西蘭花炒蚌片蝦球蚌片蝦球爽口， 外賣盒之下的味道嚟講質素算唔错， 份量同鑊氣都肯定有。錫紙香菜牛仔肉雖然我見唔到有錫紙， 不過牛仔肉嫩滑夠入味， 底下嘅芫茜香氣撲鼻！👍 表面嘅紅椒非常搶眼， 爽辣刺激， 增添鮮味。唔食得辣嘅可以先夾起， 因為唔係兜亂炒！同場加咗4隻桃包～ $8個， 好抵食 ！超大隻，蒸返熱真係好正！蓮蓉夠香夠滑仲有蛋黃。非常方便，連甜品都唔使煮！ 淨係煲起飯， 就可以多人開餐， 唔使煮

依間酒樓係朋友介紹嘅，要特登搭車過嚟食個早餐，佢話平靚正咁就試吓啦。我朋友發牌，叫咗個先蝦菜苗餃食落個皮都幾煙煙銀銀，豆苗都幾多，蝦粒，口感都唔錯。我見到呢度有我最鍾意食嘅棉花雞，就叫朋友幫我叫一籠。佢嚟到嗰啲棉花睇落去都幾吸引。一路覺得好食一路覺得好罪惡，因為呢個棉花會吸囇佢蒸出嚟嘅油，好內疚感覺得好食個燒賣望落去都幾好過賣相食落去有啲冬菇粒面睇吓啲蟹子粒，唔係淨係豬肉咁齋，我都會覺得值得一試。我朋友就叫咗個蝦腸，我見到一想到枱，隱約見到啲蝦都幾大隻。隻蝦同個匙羹大細一樣，個腸粉食落都算煙煙銀銀有少少厚度，而個蝦都幾爽口，雪藏來講算唔錯。至於呢個煎茄子，一上枱望到脹卜卜，食落口熱辣辣，成疊三件都係$8真係抵食夾大件佢哋呢度主打就係一盅盅嘅飯都係$7.8一盅，所以呢度長期都好多人，平日假日都坐滿囇人

閒日既星期四，朋友約我依度飲早茶，由新城市廣場話好近，行過黎依頭都差不多行左十分鐘先到，去到好彩唔使等位就可入去了。兩位大人幾碟點心食個飽就已經飽晒......蝦腸腸粉粉皮都ok啊！唔太厚唔太薄。炸両一碟六件大大舊，但真係怪怪佢蔥味太重，冇左平時炸両既味道...油條係淋晒，可惜蝦餃就同平時店食落差不多，細細粒皮薄。依隻蓮蓉飽食左後好飽好滯馬拉糕不過真係好抵食！味道就一般，不過都係嗰句，各人口味不同

媽媽不想煮飯，便決定到附近的酒家食一餐。本時下午茶就經常來到這間富臨，晚飯時間來好似係第一次。晚飯時段酒家都好多人，不過未到滿底的程度，所以唔洗等就已經可以入座。富臨的小菜似乎會定期UPDATE，每個月都有不同的優惠讓食客有多點新鮮感。蠔皇八頭鮑魚扣金錢($26.8/位)八頭鮑魚扣金錢，單是菜名已經好吸引，仲要每位都是$26.8而已。唔係唔試呀。起初鮑魚會好韌，怕媽媽咬唔到。但哩個八頭鮑就煮到好軟身，但保留住煙韌的咬感。加上鮑魚汁的提味，甚是好食。大大隻又厚身的冬菇，吸收了鮑魚汁的香味，咬落好豐滿的口感。放在一邊的西蘭花份量都好多。又係加埋鮑魚汁一齊食。黑椒頂級牛仔骨($88)牛仔骨以小炒鑊的形式送上，食到依然好有鑊氣好夠熱。主角是牛仔骨，每件牛仔骨都醃至入味，咬落軟嫩，帶牛仔骨的肉香。加上配料的番茄﹑洋蔥等的調味，十分惹味。個人最喜歡裡面煮到軟淋的薯仔。金銀菜燉白肺($128)好清甜的一個燉湯，用料好足，而又一點也不油膩。金銀菜菜乾煮到出晒甜味，令成個湯都好清甜。而且還用上了豬肺，雞腳﹑排骨等的調味，各種材料的鮮味又好搭。買單埋，侍應又會送清甜糖水，是晚是南瓜西米露，令整個晚飯為上一

作正宗港人緊係鐘意食中菜。估唔到平日總有一間係附近既富臨既中菜都唔錯。頭抽走地雞 ，係呢到招牌菜之一，啲雞鹹味唔重，而且唔會搶晒雞既雞肉味，而啲雞都好嫩，啖啖肉，食落好可口，果然係招牌菜，唔錯唔錯金銀菜燉白肺，一直都好鐘意飲白肺湯，呢到既白肺湯令人有驚喜，而且，飲得出無落味精同加水溝淡，飲落湯味都好濃郁，用黎開胃好唔錯。最後叫左碟咕嚕肉，酸酸甜甜好好味，我同友人都食得好開心，而且氣氛都好好，係一次好唔錯既經驗。

跟伯母預先食中秋節飯，選擇了她家附近的富臨酒家。晚上未滿座，不過都有不少食客。發覺富臨酒家晚市都幾多優惠，而且MENU似乎會定期更新一下，讓食客保持一定新鮮感。金銀菜燉白肺($128)用料超級足的一個燉湯，除了白肺和有大量煲好淋又好甜的金銀菜，仲有足料的豬肉排，雞腳等。因為肉都去晒皮的關係，燉湯一點都不油膩，飲落清甜滋潤。而白肺都煲到好軟身好入味，肺喉的部份則夠爽口，食落口感很好。豉汁蒸白鱔($108)分量不少的白鱔，蒸至肉嫩爽口，食落有啖啖骨膠原口感。豉汁加入了大量香蔥和蒜粒，所以食落味道好香，而又不會油膩。泰皇蝦球炒通菜($78)帶點微辣的泰皇蝦球食落好惹味，蝦球炒得爽口彈牙，而且每隻都算幾大隻。通菜炒得爽脆，不過都係有點油膩，還好整道菜是微辣的令油膩感大大減少。飯後還有糖水送呢。這個是南瓜西米露，食落南瓜味都很香，而且煮得好滑。

住瀝源既我成日放假同老婆去因為始終價錢夠平食物質素正常2個人去食大概100蚊都落到樓平均都係50蚊左右呢個14.8 平時超抵食既 味道冇問題下但今次薑仲多過豬腳 要比dislike 豉油油雞瀨粉12.8今次d雞一樣咁滑 每一次必點之選呢個老婆鐘意食 但今次食得出有dd油味同埋唔夠熱 下次都應該唔會再叫7.8 3舊 超抵食 同好食但茄子吸左好多油 減肥人仕自己小心牛肉腸粉12.8呢個正正常常 冇咩特別大問題其他既野食都係一般總結呢間野 加埋價錢因素 我會比likelike既

抵玩抵食-沙田市中心飲茶邊到平？水準又ok?瀝源既呢間早茶同下午茶都仲有十三蚊雞瀨 大約十蚊一個點心 同埋老婆2個人食7樣野 加埋1都唔洗一百 真心推介.（同稻香相比冇二百都走唔到）.但始終屋村酒樓 服務真係冇咩牛肉球好食又平（13.8）除左好油之外 價錢平 味道ok(7.8）3舊抵到爛雞瀨（12.8）都係好食同平 呢個價錢食到雞肉夠滑但唔好食叉燒 呢間叉燒唔得 又硬又乾蝦腸都ok（17.8）但其中一條 得番半條 好過份生菜魚滑粥（11.8）魚滑夠滑2個人食加埋一 埋單唔洗一百

屋企人臨時臨急約食飯，一行4 人問我去邊好？ 我就車埋佢哋去富臨開餐，貪佢坐得舒服，價錢又唔貴！之前喺石門食過一次，所以都知道佢哋既小菜質素有保證！最緊要係佢隻頭抽走地雞好抵食，成隻都上都係賣$28! 說時遲那時快，落單無耐頭抽走地雞已經送到，份量十足，賣相吸引，未食已經聞到鼓油香，雞飲嫩滑先係重點！之前飲過一次冬瓜盅，味道鮮甜，而且用料十足，所以叫一個俾屋企人試下！佢哋都話好飲無介邵錯！湯都未飲完鮮菠蘿咕嚕肉已經送到，可謂相當有效率，咕嚕肉賣相吸引，酸酸甜甜食落幾開胃，咕嚕肉亦做得香脆，配埋菠蘿嚟食，一脆一腍，口感十足！跟住出場既係濃湯鮮竹浸皇帝苗，皇帝菜既味道唔是我喜歡，不過我都食左幾條，軟硬適中，幾爽口！而最後一個小菜脆皮豬打都好快送到，份量頗大，已經斬件切好唔駛自己郁手，豬手有咬口，幾爽口，而且幾入味，帶少少咸味，食落啖啖肉，好開心呢！另外貪平既原因，叫左一份生煎菜肉包，一份6隻，賣相幾吸引！食落不過不失，有d肉汁，趁熱食比較好食！呢餐就係我哋今晚一家人食既大餐，大家可以感受到上菜係幾有效率，值得一讚

今日慶賀細佬隻手做完手術，情況穩定，可以出下街，所以帶佢去酒樓食晚飯。一行4人，盡量叫d佢都食得嘅野。脆皮豬手 - 幫細佬以形補形，份量大、肥膏果層唔覺得油膩，而係覺得膠質重，d肉唔乾身，咸味適中，皮、膏、肉一啖過咁食都幾過癮。頭抽走地雞 - 雖然係特價之選，但仍保持水準之作，good wor! 鮮菠蘿咕嚕肉 - 因為係屬酸嘅野，細佬唔食得，但又係細佬女友嘅飛佛，佢食得最多。都幾好食。生煎菜肉包 - 6個都係$38﹐咁抵，所以叫嚟試下，熱辣辣食最好食。海皇燉冬瓜盅 - 4人食每人添到一碗。不得不提侍應姐姐嘅細心，因為細佬剛做完手術冇耐，唔食得蝦蟹，但又好想飲呢個湯，侍應姐姐特意幫佢果配走蝦蟹。濃湯鮮竹浸皇帝苗 - 食咁多肉類，一定要食菜平衡下罪疚感，想讚鮮竹嫩滑，菜嘅份量都多啊。第一次去酒樓食野要諗戒口人士唔食得d咩，不過，原來係有限嘅選擇裡面都有唔錯嘅結果。哈哈!

屋企人會比較鍾意食中式嘅食物所以就嚟咗附近一間中式茶樓都食嘢符合返屋企人嘅口味頭抽走地雞 $$28依家夜晚可以用優惠價$28食頭抽走地雞覺得勁抵所以即刻就叫左一個超滑超彈原來我屋企人都大贊唔係冰鮮嗰種雞味係食落好滑嘅雞鐵板相蔥爆手切鮮牛肉 $$138超級無敵多蒜頭我最鍾意就係食蒜頭再加上有牛肉同埋菜咁就健康平衡而且牛肉都好入味，好救🔥氣咕嚕肉$$88酸酸甜甜係我最鍾意嘅餸而且入有好多肉皮唔係好厚生煎菜肉包(6隻)呢個真係必食嘅生煎包入邊包住嘅肉勁香甜而且中煎得好好味燉湯:金銀菜燉白肺超級無敵足料個湯勁入味超扺呢一個湯

屋企住附近，所以今日懶得煮就嚟富臨食～海皇冬瓜盅覺得冬瓜盅係屋企整要好大工程，所以好多時係餐廳見到冬瓜盅都會點～呢個冬瓜盅唔會太咸，而且有蝦～一路食冬瓜一路飲湯黑椒牛仔骨黑椒汁夠辣得嚟，又唔會掩蓋到牛肉嘅味肉唔會太韌，鐘意損骨記得點啊金銀蛋浸莧菜點都叫翻嗰菜先加了鹹蛋、皮蛋，再不喜歡吃菜的小朋友也會愛上的頭抽走地雞雞件好多，呢度應該有半隻雞都算幾滑，而且有雞味，亦有少少鼓油味生煎菜肉包 外面係中式包點嘅蒸包，底部經過煎煮，所以脆脆的這款裡面是沒有湯汁的