富臨漁港

營業中

休息中

如果晚上想和長輩們吃中菜，沙田娛樂城4樓的富臨漁港囍臨門酒家的小菜質素頗高。今次點了128元的金銀菜燉白肺，五至六人飲也十分足夠。盛湯的大盅子有著滿滿的湯料，侍應先會把湯渣撈起放在一個盤子上，白肺點少許豉油來吃，味道也頗不錯的。湯的顏色清澈但味道濃厚，能喝到菜乾、白肺、瘦肉、南北杏等的味道融合在一起。而且用膳過後不覺得頸渴，可見湯沒有加任何味精。生煎菜肉包也是性價比頗高的一款小吃，包的表面煎成金黃色，十分吸引。包煎得十分香口，外面有少許脆、中間軟熟，裡面的肉餡也頗飽滿。鐵板黑椒德國豬手也是頗有驚喜的一道菜，豬手的尺寸十分大，而且侍應會奉上刀叉，吃得更方便。豬手烹煮的時間夠長，所以肉質軟滑，骨膠原充足。而且黑椒燒汁的味道鹹鹹香香，如果汁的份量更多便好了。

平時假日朝早經常都會比屋企人嘈醒，被人拉去茶樓飲茶，雖然好眼訓，但一家人齊齊整整一齊去飲下茶的感覺的確溫馨，每次都十分珍惜呢種既時刻！今日同媽咪兩個行街，傾開發現好耐未試過兩母子食餐好既，最後行下行下就去左呢間酒樓食夜晚！睇睇餐牌，發現都幾多中式小菜，媽咪就表示花多眼亂，所以最後都係我拍板，發現最後都冇令我失望！海皇冬瓜盅，望落好足料，有蝦、肉等材料，真係好好食，特別係湯底，吸收了冬瓜以及肉類等等的鮮味，簡直係吸收左日月精華一樣！黑椒頂級牛仔骨，咬落去發現肉比骨頭多，牛仔骨味道醃製得剛剛好，可以一戰！頭抽走地雞，走地雞果然唔同啲，皮滑肉嫩食到停唔到口，加上頭抽好入味，媽媽對對這道菜讚不絕口！可能太耐冇同媽咪兩個人去食野，果然係唔同啲，兩母子食呢一餐除左久違的溫馨以外，仲有發現她臉上的皺紋多左幾條，時間果然係人類最大的敵人，不過見佢呢餐食到咁開心都抵返晒！

位於沙田娛樂城4樓的富臨漁港囍臨門酒家，主打性價比高的抵食粵菜，平日和親朋戚友來吃晚飯，每人約百多元便可吃到一頓十分豐盛的晚餐。當天為星期一的晚上，入座率約有八成，侍應和部長也忙得團團轉。酒家還在做一個「震撼優惠」，兩位或以上便可以18元點一隻頭抽走地雞。另外，還可點一些小菜，價錢約為八十多元至百多元。頭抽走地雞來到了，這個菜色是用木桶盛載著，而雞件也十分足秤，完全沒有偷工減料。而且，雞胸的部位也烹調得頗嫩滑，頭抽的味道香甜濃郁。第二味來到的為花膠花菇玉掌煲，鮑汁的味道十分濃郁，送飯一流。花菇的size巨大，令人十分滿足，加上濃郁的鮑汁，頗令人驚喜。鵝掌也烹煮得頗軟，充滿骨膠原。鐵板雙蔥爆手切鮮牛肉來到了，剛剛上桌時鐵板滋滋作響，冒出陣陣蒸氣。牛肉十分有鑊氣，京蔥和青蔥也煮得頗香口。

一家人吃晚飯，老人家喜歡吃中菜，「茶樓」係首選。酒家裝潢新潮時尚的感覺，酒樓面積很大，給人寬闊的空間感，而且枱與枱之間有一定距離，不會椅背撞椅背的情況發生茶樓沒有複雜的餐牌，有套餐也可以散叫特價菜式很優惠，因為女士多，肚皮擠不進太多東西，我們就單點菜式海皇燉冬瓜盅/色彩用料同樣豐富，原隻冬瓜再加上湯料整體分量不少，六人瓜分一盅幾乎吃不完。冬瓜肉燉得軟軟的吸滿湯汁，精華所在豉汁蒸白鱔/鱔新鮮脆口肉地，豉汁味很香蠔皇八頭鮑魚扣金錢/原隻鮮鮑魚很肥美，真材實料！ 食起來富嚼勁亦好糖心！大隻冬菇鮮香又入味！ 這道是超抵食之作！大澳香蝦骨/望上去係平平無奇，豬肉夠味，炸得香口，大澳蝦醬個味好出，惹味的一個餸老爸竟然覺得唔夠食，要另外點多兩個，0kok比你拍板老爸叫左個頭抽走地雞/超震撼的18蚊雞，超大盤雞，肉都算嫩滑，不過雞味十足，老爸叫左個隻靚雞老爸認真有胃口，叫多個上湯波士頓龍蝦/ 龍蝦夠晒大隻，肉夠厚好鮮味，靚媽仲不停食伊麵估唔到呢度經理員工態度好好，熱情又主動招呼又好用心介紹，而家好少酒樓嘅服務態度係咁好

媽咪生日🎂，做子女既當然想讓老人家開開心心，今年做多一點心思，訪問老人家喜愛既菜式，成為她的家庭生日晚宴。遷就老人家便到沙田富臨漁港，這樣他們回家也不會太夜不得不讚這裏經理服務殷勤，由於家人開始打算食中菜，後來又想食火鍋再轉中菜，經理們沒有黑面還幫我們換枱，我都非常唔好意思，不過都係有老人家話事，佢哋高興就好了！海皇燉冬瓜盅🥢絶對足夠1O人享用的冬瓜盅，材料豐富，加入了蟹肉、夜香花、魚肉、菇、蓮子、青瓜、蝦、肉等等，所以冬瓜盅湯底非常之清甜。每喝上一口湯，都能吃上不同的食材，冬瓜更是夏天消暑之選，加上不同的海鮮，更加鮮味十足又好味豉汁蒸白鱔🥢媽媽好鐘意食鱔，這天的大鱔蒸得都幾好，把十多件肥美的大鱔吃進肚裡，滿足極了，鱔超香個豉汁味道撈飯都好正! $9.8一份蠔皇八頭鮑魚扣金錢🥢鮑魚口感煙韌帶嚼勁，簡單的素蠔油扣鮑魚不錯，冬菇大隻炆得入味，超級抵生煎包🥢煎得很香脆，包身鬆軟，豬肉餡料很香甜，肉汁很豐富，我一口氣吃掉兩個泰皇蝦球通菜🥢蝦球唔算好新鮮不過好有蝦味，通菜煮得挺入口及夠鑊氣，通菜入口爽脆

母親大人生日當然要同她慶祝一下啦，當晚就帶她去了吃最喜歡的中菜啦！晚飯時間提供多種海鮮菜式，而且價錢也很親民呢！除了海鮮外還有多種精選小菜，還有一些特價優惠呀！金銀菜燉白肺母親大人平時打理家務辛苦，當然要叫個湯滋潤一下！此燉湯十分清甜，用上大量材料燉製，分別有大白菜、排骨、雞腳、豬肺等！燉湯完完全全吸收了所有食物的精華，忍不住飲了兩大碗！蝦乾肉碎煮涼瓜此小菜鑊氣十足，一上枱就傳來陣陣蝦乾的咸香味，涼瓜沒有一點苦澀味，肉碎同樣她入味！蠔皇八頭鮑魚扣金錢生日當然要食豪d，想不同以$9.8一份的價錢有這高質的菜式！鮑魚大隻厚肉，煮得夠火喉，入口柔軟！真的是一級美味！燒汁野菌炒花膠同樣十分有鑊氣，花膠大大隻很厚身，滿口充滿膠質，女士恩物呀！生煎菜肉包即叫即製，熱辣辣的！外層香脆，一咬下去肉汁已立刻流出，驚喜的選擇！當晚母親大人對此晚餐大感滿足，又再一次證明平民中菜也有高質的味覺享受！

傍晚時分，去了沙田的「富臨漁港」吃晚飯。我們三人先來一個「金銀菜燉白肺湯」靚湯火喉十足，金銀菜煲得相當軟腍，白肺真的養顏潤肺，加上雞腳豬肉，湯底濃厚，就渴下一大湯碗。主菜之前的「蠔皇八頭鮑魚扣金錢」味香四溢，鮑魚肉質結實，新鮮爽彈，冬菇頗有嚼頭，撈起蠔皇，口感豐富。隨後三個主菜分別上枱啦！「鐵板雙蒽爆手切鮮牛肉」的鮮牛肉手切得薄薄片片，由鐵板雙蒽爆起，肉味濃郁，非常醒胃。至於「蝦乾肉碎煮涼瓜」內的涼瓜炆得入味，軟硬適中，蝦乾惹味，與肉碎同吃，味道很配。由「燒汁野菌炒花膠」餸上白飯；花膠大塊之餘炆得爽脆腍滑，野菌入口黏稠，燒汁濃味但不過滯；整體上工料皆佳，豐腴鮮美。每人嚐試「生煎菜肉包」；烘過的熱包鬆軟，內夾肉球，非常足料，加上濃郁的汁，好惹味！「富臨漁港」位於沙田娛樂城，交通方便，食物水準甚高。而職員態度友善，價錢又合理，值得光顧呀！🤡🤡

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！   我係一個好鐘意飲茶嘅人黎，我母親大人都係，所以今日放假就陪佢去富臨飲下午茶。都好一段時間無黎富臨食野，對上一次係上年年同班朋友夜晚黎打邊爐，個次都還可，但今餐茶真係大伏！兩點幾去到茶樓，同門口知客講兩位，佢叫我自己入去搵位，ok fine，入去度度都好似有人坐咁，一係就未執檯，就算有位又唔夠櫈，搞左一輪先安頓好。坐落叫鐵觀音，茶壺黎左，上面有個牌仔寫住普洱，我同呀姐講唔好意思我地叫鐵觀音唔係普洱，佢話面個牌仔同個茶無關架喎，咁要個牌仔做乜....服務真係麻點心紙特價野食唔多，價錢亦唔係特別平！先黎個春卷，我唔理你入面係包住咩飽參翅肚料，你唔係熱嘅就已經係失敗，人流咁旺乜唔係食物應該keep住做春卷keep住炸架咩？何解會係凍架呢？凍即係擺左好耐啦，

住係附近，瀝源呢間間富臨漁港我地一家都幫襯左好耐了！呢排見佢有個新既優惠，十八蚊一隻雞係頭抽鼓油雞我最愛呀！仲有$9.8人頭份量蠔皇八頭鮑魚扣！咁我即刻同老公講叫佢帶埋老爺奶奶去食！我地4人可以叫一隻木桶頭抽雞雖然係$18，但都好大隻下好香既是油味已經飄出黎，雞又夠熱，滿意！當然有叫埋海參花菇玉掌㷛！老爺話鵝掌煮得林扣得入味花菇厚身多汁個汁都好濃海參麻婆豆腐未試過呢個配搭，食唔出海參味但係會多左口感，幾特別簡左金銀花煲白肺，即係豬肺可以補下好足料成碗料不出黎食湯味濃郁，夠熱，唔會太咸！生煎包勁熱勁新鮮：

前幾日經過瀝源呢間富臨酒家， 見到佢有個好抵既推廣優惠！二至五人可以用十八蚊優惠價食一隻頭抽走地雞，或者用九個八每人一份蠔皇八頭鮑魚， 咁我一見到緊係唔執輸啦，所以今日就帶埋老爺奶奶去試下，一齊睇下佢咩料。 咁我地叫咗隻頭抽雞， 上到檯見到隻雞都好大隻，奶奶一試即刻大讚好嫩滑 ！18蚊真係抵到爆啊！平靚正！之後再叫左海參花菇玉掌煲， 鵝掌比想像中扣得林滑入味，花菇肉厚清香但略嚴菇味唔夠重， 海參麻婆滑豆腐，竟然兩樣大纜扯唔埋既食材配答起來又幾夾喎！金銀花煲白肺湯， 個湯好足料， 味道濃郁，一定要試。兩個老人家食得好滋味。唔錯唔錯！

前幾日打3號風台🌀 ，我哋不懼風雨出走搵食，😁😁其實係因為懶有人唔想煮飯先走咗出街食，哈哈🤣🤣🤣。我哋四人點了四餸一湯，及一碟包點。湯就叫了海皇冬瓜盅， 小菜方面呢就叫咗鮮竹浸菜苗，黑椒頂級牛仔骨同海參花菇玉掌煲。重點小菜梗係蠔皇八頭鮑魚扣金錢啦 😉😉。平時係屋企食白飯太單調，出街食飯要叫番個生煎菜肉包先得。講番d食物先，嘆咗一隻蠔皇八頭鮑魚扣金錢，嘩~你睇震撼價 $9.8 ，原價要$48一份架。😁😁 鮑魚好煙韌都入口架，咁抵唔係唔試呀～🤣🤣🤣海皇冬瓜盅好足料，而且很清甜，夏日飲就消暑一流👍🏻👍🏻。鮮竹浸菜苗🌱菜好新鮮好健康。黑椒頂級牛仔骨好惹味🐮，我好喜歡佢哋將d薯仔炸過再放入去炒，薯仔特別香口😋😋。海參花菇玉掌煲🥘，海參好淋夠味，花菇好香，玉掌都ok啦～$108有咁多份量已經很好，算抵食。😊😊生煎菜肉包🍞，煎得唔太油膩，份量十足絕不欺場，很好。今餐晚餐係一餐超豐富的家常便飯，非常滿足食飽飽回家😁😁。

好耐冇一家人出街食飯。如果你要我出街食飯，梗係要食啲鮑參翅肚啦~如果唔係就屋企煮罷了。哈哈~原來食好嘢，未必要很破費。$9.8一隻八頭鮑你聽過未? 係真的，不過每位客人上限1隻。我們四個人當然要叫盡佢，一人一隻蠔皇八頭鮑魚扣金錢，鮑魚扣得很入味。夏日炎炎，吃個海皇冬瓜盅是常識。每人可以分到兩碗。有鮑，梗係要有海參，海參花菇玉掌煲 ($108)，海參很粗，冬菇很大隻，玉掌也很入味。仔仔要吃牛仔骨，點了黑椒頂級牛仔骨 ($88)，少少辣很野味，只是肉比例太少。如果你是食肉獸，就不夠吃了。我點了生煎菜肉包 ($38)代替粥飯，可惜皮太厚肉汁不夠多，很飽肚。冇錯，今晚冇翅肚，留番下次去吃。

富臨漁港出名小菜海鮮正，今晚訂左枱孝敬下爸爸媽媽兩位老人家！我就係經過見到佢做呢個咁震撼既推廣！10蚊份鮑魚！真是不得不試呀！夜晚我好少食白飯，所以點左份菜肉生煎包，酒樓做的真是不同，熱辣辣脆皮的！入面勁鬆軟，奶奶都話，又幾靚wo! 然後呢， 就嗌咗老爺最鍾意飲嘅杏汁豬肺湯！因為呢佢話好耐冇飲過啦，同埋呢排有聲咳呢，豬肺湯準備過程好複雜嘅，所以呢通常都係去酒樓先至有得飲。嘩，佢好開心呀，飲曬啲湯不特止，仲食埋啲湯渣添呀。湯渣其實食落都好好味㗎，都已經係一味餸呀， 呢個湯肯定冇味精㗎，是純肉汁同湯料嘅鮮味，我哋飲咗半煲都唔覺得口渴呀！大家好期待嘅鮑魚黎啦 ! 呢個鮑魚雖然十蚊一位，但係個size都唔錯㗎！都有半隻玩咁大，同埋炆得好林好入味！大家都覺得好好食好想再叫呀去到酒樓梗係食啲平時少食嘅嘢啦，咁今次嗌咗個豉汁蒸大鱔，好鮮甜，呢個餸用嚟送飯真係一流，浹幾件就可以食到成碗飯啦！然後店員介紹我哋食呢個蝦乾炒涼瓜，啲汁好甜好惹味，好好味，同個涼瓜嘅味道好夾！仲有呢份鐵板牛肉，香口惹味，肉質鮮嫩一啲都唔鞋口呢餐咁豐富嘅晚餐買單只係6百幾蚊四個人呀，真係超級抵食！下次一定要嚟試下佢嘅bb豬呀！畀

講道富臨海鮮酒家喺香港生活過嘅人， 根本無人不知無人不知。 分店遍佈港九新界，一定有間喺左近， 地方簡直係無敵咁方便! 近排富臨酒家 , 又做promotion, 有好多好抵食嘅菜，包括bb豬 、仲有十蚊鮑魚食真係走寶呀!一家大細放工去食飯， 平日夜晚 人唔算好多! 一入門口例牌菜見到成個人咁大條嘅魚。 仲有好多大大隻嘅澳洲龍蝦，一盆又一盆鮮鮑魚，淨係睇呢個金魚缸都已經 夠抵200蚊入場費呀!大K 最愛新鮮老火湯，今日老火湯 有豬肺各種中藥、南北杏 老火湯飲得出冇味精。白雪雪的濃湯， 睇下得出嚟嘅豬肺怎樣就知道洗得乾乾淨淨，飲豬肺湯最緊要係乜嘢?就係 新鮮同乾淨!再嚟就係每位$9.8嘅新鮮大鮑魚！ 雖然係只係收十蚊都唔使一隻大鮑魚但係佢絕對冇偷工減料呃秤。 08年 大廚精心炮製中有冬菇有新鮮蔬菜 真係對唔住五臟廟㗎!

間唔中就會同屋企人去富臨食個飯，呢晚行過見到做緊好多小菜優惠所以就入去食🤤湯就一定要嗌既，夏日炎炎就當然要嗌返個冬瓜盅消下暑啦😆 呢個海皇燉冬瓜盅好足料，除左勁多冬瓜肉外，仲有蟹柳、蝦、魚肉、豬肉等等👍🏿 忍唔住飲左好多碗😝另外我地都叫左蠔皇八頭鮑魚扣金錢，一人一隻鮑魚、冬菇、西蘭花🤗 加左蠔油既汁令到碟餸非常入味😛呢碟大澳香蝦骨好驚喜，因為蝦醬味比預期濃烈好多，仲份量好多😱豉汁蒸白鱔係另一樣廚皇精選既菜色，鱔味無比豉汁掩蓋晒，仲食到鮮味👍🏿最後一碟餸我地就叫左碟鐵板雙葱爆手切鮮牛肉，叫得鐵板上菜時當然熱辣辣，手切鮮牛肉名符其實，好有牛味😋最後店員仲送上山楂糕同桂花糕做甜品，滿足晒😝