富臨漁港

營業中

休息中

一開始坐系到叫佢加位，個呀姐個態度已經bad face 我，都吾知咩事。之後我11點25分叫早點，張早點寫明至到11點30分(入單計)， 之後個呀姐話吾比我入單？我問佢點解，佢就話我入得去就11點30分？ 這是什麼道理？佢仲加多句，"依家就系吾得先至同你講聲，吾系我都吾會同你講囉"雖然你要我比多幾十蚊吾系問題，但系態度方面可吾可以好番少少？現場仲有啲姐姐掛住同客拜年傾計，令其他客舉哂單都無人理。野食方面，其實真系吾差，但一坐低已經令到我食咩都無咩感覺。 2個老人家加2個年輕人食左250蚊，差吾多拉。 唉

剛與一班划艇手足比賽完畢，身體自然又餓又累，得知附近有一間店可以食雞煲打邊爐，且任點其他食物，既然肚子餓得可以變成食物黑洞，還不趁現在去吃更待何時。一進門，便覺得它與其他雞煲食店無太大分別，應該也是一間只靠賣中菜維持不了收支的酒樓，唯有轉型賣雞煲、打邊爐以提高生意額。先點一個雞煲:一班手足也是剛放完聖誕新年這個長假，當然不想再吃辣，生怕身體熱氣過頭，影響健康。在服務員極力遊說下點了兩個小辣雞煲。起筷把雞肉放入口的那刻便心之不妙，「嘩！辣到佢！」手足異口同聲叫了出來，大概這店把譚仔的各種辣視作了標準。問題是，我們的口被辣得麻了，便自然想喝它提供的免費任攞汽水，胃裡都充滿了汽水又怎吃得下點來的食物？我們自然便想到剛才服務員花言巧語的遊說，是老闆算好算盤後下的指令吧！對著餐單我們便摸不着頭，怎也不明白１，２，３的意思。整桌也坐著大學生，又怎會不懂這簡單數學符號？我們不明的是服務員對他們的認知。點了某食物的「３」，有時來的是三碟，有時來的是三片，最奇怪的是有次來了四粒魚丸，我們都逗着說服務員真「貼心」，怕我們不夠吃送多一粒給我們！其實食客如果對食物的份量有一個清晰的概念，他們便不會亂多點，不用

富臨的$48一人餐，賣點在小菜，因為Shirley說這裡的早茶點心相當經濟，四個人吃得飽飽的亦只需一百廿元，且看這團購套餐如何。主食是燒鵝瀨和鮮茄豬潤湯麵。 燒鵝比較少而豬潤麵的湯不夠濃，先輸第一局。點心是蘿蔔千絲酥和蝦腸。酥皮很脆，裡面的蘿蔔絲仍很濕潤，加上即叫即做，好味。蝦腸只有一條，味道、質感都過得去，勝，追回一局。以為泡椒鳳爪會很惹味，誰知只是較辣而已；咸菜豬肚很滿很多肚，但味道只屬一般，以點數落敗，再輸一局。泰式班塊是現成的魚塊加點泰式酸辣醬，魚塊雖微脆，始終凍冰冰；西芹炒蝦球較少，大致維持水準。險勝。還有桂花糕，吃了肚皮不會留下多少空位，但食慾還未完全滿足。以午膳來說算超值，但我卻不太鼓勵大家嘗試，OK而已。

我地一行４人由新城市慢慢行到過去，都係要等位，不過我地係等小菜位就快少少囉，約１０分鐘就入座喇。大家都等到餓，成８點幾，嗱嗱淋揀好６個餸飯都唔使要喇。① 泡椒鳳爪 ($32) – 泡椒真係辣得超入味夠辣又酸，鳳爪都爽口。② 瑤柱上湯雜菜煲 ($62) – 當見到白雪雪的上湯來到我本是很怕的，因為我唔鍾意所有白色湯底.....朋友試過係魚湯，講明唔腥我才敢試，又真係唔腥且湯質幾濃。材料有粉絲、蝦乾、小唐菜、腐竹、金菇及瑤柱絲，大大粒蝦乾𡁻多幾下都仲出味，正！③ 京都沙拉骨 ($83) – 好多沙律牆吱上面..我冇食，見友人都幾食得仲清哂，話ＯＫ喎。④ 加拿大龍蝦伊麵 (每隻$78) – 其實本來都冇乜期望，怕平得滯會整得唔好，誰不知又ＯＫ哠，雖然芝士汁濃但唔夠芝士味，但龍蝦肉質結實大大件，配上軟硬適中的蛋麵都幾好噃。⑤ 芥末雲耳 ($32) – 呢個係朋友點比我食嘅，雲耳好爽，帶著芥末味嘅汁，有少少攻鼻，仲有少量爽口芹菜，好味。⑥ 重慶辣雞煲 (半隻$88) – 食到最後雞煲材出現，雞都幾滑，辣椒乾好香，不過略嫌唔夠辣。一路傾慢慢食，都可以食足兩個鐘，仲係清哂所有餸唔嘥野，都係慢食好，最

中秋佳節, 外出做節, 8個人同行 BOOK 左 6:30 PM, 我地準時到逹, 只見小貓三四隻, 環境都几舒適.... 我地點左個中秋節晚巿D 餐, 點左唔夠5分鐘, 4個餸一齊上枱, 我明白大節流流, 你地好想做多一轉生意, 但其實你都收得唔平架喎,埋單都2千几蚊, 收得咁既價錢, 你比多少少時間我地慢慢食都得掛, 趕住收工咁, D野仲要几難食..... 7點半後陸續多人, 唯一可讚既係待應既態度很好, 唔會因為多野做就黑面同埋態度差, 我見有個小朋友唔見左家長, 仲有個好心傅菜姐姐幫佢搵阿媽添... 法式焗美國龍蝦 - 芝士味香濃, 龍蝦多肉新鮮!脆皮炸子雞 - 皮是脆的, 最難忘係雞肉超鞋超韌, 味道都唔記得左係點喇!花膠海皇燴魚翅 - 生粉芡的味道. 碧綠蚌片蝦球 - 相片中果D 好似紅腸既野, 原來係北奇貝.... 真係估佢唔到, 唔用珊瑚蚌, 竟然用北寄貝??? 我只可以話炒熟左既北寄貝, 好難食.... 山珍泡翡翠 - D 菜好老, 老到有渣要吐番出黎, 吞唔落!黃金海鮮卷 - 8 人餐比14件你, 一睇就知有古怪啦, 炸罐頭什果+沙律醬, 超難食!金蒜蒸元貝 - 蒜

因為個木桶一蚊雞,所以去左試 睇餐牌見到龍蝦伊麵優惠價又好吸引最尾叫左芝士龍蝦伊麵,木桶雞,片皮鴨,金銀旦浸菜苗,因為片皮鴨揀左2食所以仲有一個涼瓜炒鴨片皮鴨一上場個感覺系失望個份量唔似系一隻切落黎 算~個龍蝦麵黎到都有啲期望味道不過不失 個菜完全唔得！好老囉~~~~涼瓜炒鴨正常 壓軸系木桶雞 隻雞好似未發育甘 服務態度惡劣！有位侍應應該在隔離枱比客人囉嗦完 咁岩我地舉手叫他開茶同落單 他發住脾氣話開左茶先反黎落單無奈 總結今餐系好失望

第一次認真坐定定試呢間點心，試左鳳爪排骨飯，送係至正常一樣，排骨唔錯，但d飯就整到林左好似偏向粥咁，之後到梅菜肉餅飯一樣啦d飯，真係呢下扣哂分。。D肉餅就標準無乜特別。。之後 炸雲吞 哇！ d皮又唔算特別脆，而粒陷就細到好似無既一樣，食到無乜味囉。。食汁似d...之後個炒鴛鴦米睇就好食，食落完全無哂米既甘香，係食到滿口油林林既椰菜料囉。。之後粉果勁呀！用快子輕輕夾下就黏實左而扯上小小就穿哂皮。。好唔愉快食得變左。。而吃下去就都係咁上下。。到燒賣係好彩正常返小小。不過好遲黎。。差唔多想走先到。。凍凍地咁。。唔見有咩特別好味。。仲有個煎堆併咸水角。都係硬左d 唔同好咬口。。D皮係靈魂偏偏整得麻麻 ,最後講講服務 ..同台位師奶算好耐性由八點等到九點 個兩個點心未黎中間只係吹左兩三次 到第三次先印張單出黎比客人睇話無落過個樣野單。。而師奶只係擺出皺眉樣 一副無奈唔算大聲咁呻下同個部長之類女公關，但個女公關只係一副黑面望住佢邊行走邊望住個師奶發一瘋完就檸轉頭走。完全無唔好意思。

五月天，下着雨，去沙田娛樂城吃重慶雞煲。 選擇晚上九時的團購餐，基本價$69。食材短缺,員工無知比預訂時間遲了半小時，抱歉。 但遲到終得到懲罰，侍應說：「好多嘢都無囉.... 不如哎小菜啦!」 我表明是團購餐 (按常理也知道團購條件不可改動，吃小菜需另付有關費用) 這“一頭霧水”的侍應才請示“大家姐”，最後証明我的理解沒錯，這樣開始並不愉快!!! 最不滿的是: 九時後有團購，為何沒有準備足夠食物？沒有按人數調節份量較受歡迎的鯇魚骨腩、脆肉鯇、九肚魚、魚雲、鯪魚球和羊肉片等全欠奉！ 我生怕遲則有變，點了大部份食物.... 我錯了! ....真是我的錯嗎？！ 每款均來了一大碟！ 這份量沒吃幾碟便會把肚子填滿了! 我們惟有要求侍應將多餘的拿回去，還幸沒有收附加費，可能我們未吃先退吧!慢功出細貨等了十多分鐘，雞鍋還未出現，反映後捧出清湯一鍋給我們“打住先”，雞鍋要煮熟後才拿出來。 雖然有很多不妥善之處，但食材總算不錯，菜嫩肉鮮，沒有可嫌棄的地方； 重慶雞鍋是應我們要求少辣少麻的，但依然惹味，還越煮越出味，我們將雞肉和肥牛料放進去煮，雞很滑，牛好味，但留下不少肥油，不能再煮下去..

今日係我細佬嘅大喜日子。我地一行30人係婚姻註冊處觀禮後就到呢間一早訂左位嘅酒樓食午餐。首先一去到佢地比較高級嘅職員就勁推介我地食餐。當我地決定晤食餐之後。佢地立刻表演變臉俾我地睇😒入到房坐低後。見到間房😱成間什物房。負責我地嘅果位侍應。好似晤太願意招呼我地咁，又掛住望電視！而家就講下佢D嘢食。我地點了燒腩仔。。。。中規中矩海哲分蹄。。。。海哲全無口感、 分蹄似風乾了的金華火腿拍青瓜。。。。無青瓜味淨係得麻油味燒鵝。。。。從未係一間酒樓食燒鵝係凍冰冰嘅、仲有晤係特別平。要170元半隻叉燒腸。。。。係全場最好食嘅嘢雞包仔。。。。我以為佢係菜肉包，不過都算可以山竹牛肉。。。。真係好一般嘅色鳯爪。。。。晤算難食，可以燒買。。。。比較硬，但味道還可咸菜朱肚。。。。咸到食晤到落口灌湯餃。。。。一個字晤好食芒果布甸。。。。無芒果味得個甜字芒果紅粒冰。。。。ok啦雙皮奶。。。。除了一pat pat 之外，味道還好總結：1 服務同態度非常劣 2 食品質素差 3 環境欠佳如果晤係太肚餓係晤會食！我只可以話好過大排擋，因為有瓦遮頭。咁你地話會晤會再去幫襯呢？請

去沙田諗住搵姨媽飲茶嘆下..點知到最後食唔飽又谷鬼氣!一去到知道表姐話要去果間酒樓原來係富臨都嚇左一嚇因為大角咀開左間新分店..聽人講話D杯杯碟碟好污糟..都考慮去唔去試見今日唔黎都黎左..算啦..試下新野到左門口後見到好似好多人咁..以為要等好耐..點知一同佢講幾多個就即刻叫我地入去..心諗:好似好好咁喎?!點知條友叫我地行到最入之後..D員工都好似唔知發生咩事咁..帶我地兜左幾個圈先搵到張枱俾我地!好啦..到坐底啦..個地下真係好污糟..紙巾碎之類搞到連腳都唔敢掂地幸好坐左陣有個清潔呀姐黎掃地..咁就算數啦開始洗碗碟..一望...ER....都唔知係茶葉渣定係咩..黑蚊蚊個托碟又油林林..掂都唔想掂但最嬲都唔係呢樣..係D員工既服務態度!!2:14分..叫左菜苗餃同鳳爪等等..野都就黎食完..菜苗餃同鳳爪都唔見縱影..諗住搵個人問下有冇漏單..舉左成十分鐘手都冇人黎..個部長見住我你眼望我眼揮埋手叫你過黎.都可以扮睇我唔到走左去咩料呀!? 價錢收得平唔洗做呀? 應有既服務去哂邊呀?見我地就走就由我地呀?好啦..終於有個呀姐過黎..但個樣未訓醒咁..又黑口黑面..問佢點解D野咁耐都未

星期日找地方飲茶，去左沙田， 上去富臨睇下有冇位，很快入座， 叫了6-7個點心， 馬拉榚到， 一口吃...好味如回去30年前茶樓的口味，色濃味香！個黑椒豬肚都好香口，今天滿意愉快。服務可以，但人手緊張點上菜好快，落單5分鐘到點心。冷氣都幾勁，小心凍親。

滿心期待，今晚一家人訂左位黎食本年度第一餐大閘蟹餐往年我地去開東海，鴻星o個 d 度食，今年搬左黎沙田，媽媽經過見到呢間酒家有大閘蟹餐，$168有兩隻蟹睇落幾抵食，又見係富臨集團應該唔差，於是黎試下佢點知，大閘蟹無食到，四位比左$448, 食到一肚氣！首先，酒樓食大閘蟹，有乜可能係所有小菜到齊都未有蟹食？一般都係食左大閘蟹先，到咁上下先起埋其他野家嘛，我地叫左三個大閘蟹餐，每樣小菜佢三位放埋一碟上，好求其咁，咁都算喇，我地連另外叫o既$1雞都食晒清晒成檯野，d 送難食都用薑蓉撈晒 d 飯黎食，都仲未有蟹食叫人幫我地跟，d 阿姐又叫我地等等，嗌人叫部長黎，佢又係搵個阿姐過黎,終於都有人答我地，要等多五分鐘其實呢次已經係催左三四次先有o既答覆，仲要好hea咁食晒野坐左半個鐘再等多兩個五分鐘，其它檯都有蟹喇都仲未到我地，呢個時候我地已經嬲到震喇！唔想食喇於是我爸爸走去搵左個西裝部長黎鬧，但佢都毫不在乎我爸直程叫佢取消左d 蟹佢，叫部長淨係計下嗰幾碟送幾錢部長完全係愛理不理，淨係識話無理由喎咁耐都未上？我地緊係覺得無理由兼忍無可忍先會搵著你黎嘈啦，佢最後係同我地從個餐度減返兩隻大閘蟹o既嘅錢囉

118任食, 全包, 啤酒氣水任飲, 仲已加埋1, 聽落又真係幾吸引!不過o黎呢頭食邊爐, 倒是第一次.阿媽個朋友推介話牛肉幾好, 加上阿媽及阿姨都一排冇打邊爐, 大家好高興地上來, 好期待!6:45 , 得5, 6枱人, 好似少左d, 當堂有d 驚...坐下, 有menu 睇又ok 噃.嘩, 真係任攞任飲只得百事及橙味氣水, 師威啤, 冰凍呀叫個清湯底, 其他就咩都叫d.先上的, 係一人一隻的蝦一半新鮮喇. 但一d都唔酶.牛又真係幾靚, 仲係任叫呢碟唔係手切肥牛, 係任叫的美國肥牛, 水準已很不錯.其他丸, 餃子等也很不錯丸似係自家打的, 不過呢碟在送貨途中有少少意外羊及魚片也新鮮. 菜叫了幾碟生菜等, 都爽脆.服務方面冇問題, 阿姐有問必答, 也幾友善.$118, 又ok 噃!

作為逾廿年的沙田街坊，其實很多食肆也是未曾到過，就以酒家為例，平時多數光顧大圍及市中心幾間店號，較為偏離遠處的娛樂城，已是少來到埗。近日就和家人到了內裡的富臨漁港，約十時四十五分鐘的時份，門口已人頭湧湧，為了十一時前的早市優惠，即使需要搭檯，也唯有屈就一下了。其實一週內共來了兩頓，第一次點的，全是屬早市點心的優惠：先來一碗魚滑粥，粥底來說厚薄適中，來餡的鯪魚滑份量不少，灑了胡椒粉後，味道還不錯。再來一個豉油王火腿炒麵，作為廚房的批量出品，其實炒得甚為火侯乾身，加上甚為入味，配上火腿及黃芽白，亦見不俗。鮮蝦腸來得中規中矩，不過其拉皮還算滑溜，醬油味道略為見淡。大路點心有蟹籽燒賣及山竹牛肉，弄得不過不失，對於要求不高的茶客，已是可以接受。少見款式的有舊式的糯米包，澄麵皮上包著的是糯米，有道物以罕為貴，惟糯米內餡不見太多臘味粒，略為乾了一點。當天還點了一個臘腸排骨飯，正值臘味當造，配合略帶肥身的排骨，這油香味道確引人食慾，可惜飯底的份量也真「惜歛」，論飯質也稍為軟了一點。第一頓約以一百元下樓，以三個人的價錢來說，已算合理，隔週再來，也想點一下餐紙內的招牌食品：今次點的粥品改為南瓜粥，粥底印象

中午己訂枱,一行四人,18:00到可入座,18:20才上倒湯鍋,叫左＋幾款料,選左個免費鸳央湯底,所有肉類猪夏青,鴕鳥肉,豬爽肉,肥牛,羊片都分不清邊隻肉打邊隻肉,D肉一Ｄ肉味都無,湯底淡而無味,九肚魚,魚皮餃,竹筒糯米飯,包心丸,催左3次,到2個鐘時間到都未來,一咪話執緊新鲜生蠔$38碟,催左2次先話無,桶蠔先有,好彩無咋,盞浪费D食材,豆卜,山根,炸枝竹原本給收Ｄ湯底會好好味,但都係一Ｄ味都無以後都唔會再來.....