富華冰室 (葵涌廣場)

營業中

休息中

做完運動經過葵芳，天氣凍想搵個地方坐低食下野，周圍都排曬隊，想平平d食個扒餐，見88蚊一個扒餐，包餐包餐湯同飲品，於是坐低試下餐湯有我鍾意的粟米忌廉湯，真係有粟米，大家都知依家個年代好難有餐廳真材實料，餐包都係熱的！牛排份量大到一個點，雖然有少少筋，但係肉質絕對得著個價錢，無雪味咬得開，加份位係洋蔥汁入面竟然有西芹洋蔥，雖然平但係無將貨就價，焗薯加左汁都幾好食拒外賣晚市有8折，平時經過唔想煮都ok啊覺得會encore

今日嚟到葵涌富華、三個人叫咗三碟嘢食，分別有鹹魚煎肉餅，時菜炒牛肉，椒鹽鮮魷。上到枱時啲菜超大碟味道不過不失份量搭救。每個餐都跟白飯一碗同例湯一碗.大食嘅朋友，啱晒嚟呢度食嘢

次次嚟親富華都會排晒長龍，呢間茶記真係好出名，喺葵廣都有兩間，聽同事講佢哋嘅燒味飯好出色，今次晏晝揀咗佢試一試。 份量都幾好喎，我揀咗小飯，啲肉都幾多，味道都唔錯，雖然價錢相對嚟講貴咗少少，不過個質素都幾好，唔怪得成日都咁多人排隊啦🤣

早兩日去開葵芳整野，搵地方食早餐，行左入葵涌廣場，見到富華幾光猛，就入去食早記，諗住都係求求其其，野食黎到又幾鬼好食喎😋😋😋叫左個例牌早餐，沙爹牛肉麵，沙爹汁幾香幾濃，個餐飽黎到綠綠地色既🤔🤔原來係班蘭餐包👍🏽👍🏽👍🏽，朋友食左羅宋湯通心粉，羅宋湯都夠濃，另外個菠蘿油，超級大隻，塊牛油又大又厚👍🏽👍🏽👍🏽服務就無咩留意，去茶餐廳…講乜鬼要服務丫😅😅😅早餐時間，都忘記左食物影相😅😅

華富冰室都算係老字號之一整體啲嘢食 唔算差 價錢都合理《餐館環境》以前感覺環境 聯同比較污糟今次環境有提升到 企理乾淨咗啲(除咗有時有啲貨物會喺外邊堆積少少)《侍應態度》好咗好多冇嗰種食完就趕你走嘅感覺氣氛都算正常 唔會好似趕火車咁《雙拼飯 叉燒燒鴨 》對一啲要求唔係太高嘅人 整體上都唔差 過得去第二樣嘢叫咗個《咖喱吉列魚柳局薯仔蛋》都係正正常常 質素都係唔錯嘅起碼個炸粉 唔會太厚上面行完商場咁嘅價錢 都算抵食 又就腳PS: 溫馨提示繁忙時段大部份都要排隊 如果係附近嘅打工仔 要嚟食 就要注意啦

放假瞓到自然醒，一起身就係嗱嗱臨要趕喺12點前去到富華食嘢，因為仲可以食到佢哋嘅早餐，最鍾意食佢哋嘅餐包新鮮熱辣，細細隻又唔會覺得太邪惡，最重要係性價比較高，四十零蚊就已經有交易，食完當埋午餐，夠晒抵😆

呢間食過幾次佢地既沙嗲牛食咁多次都係咁出色 好正😋我諗暫時係我食過最好食既沙嗲牛😍不過今次轉一轉唔食沙嗲牛今次叫左豬扒煎蛋公仔麵估唔到係厚切豬扒大大塊好入味仲要好淋以為好細個既豬扒蛋麵食完真係飽曬🙈另一個餐羅床湯餐肉通粉又係好正 連湯都飲埋😆再配個大大個既波蘿油 留埋食埋lunch都得🤣不過辣鮮出爐個皮脆卜卜 真係好正暫時黎講啲野食同野飲既質素都唔錯份量亦算大碟食飽先有氣有力開正呀嘛🤣🤣💪🏻💪🏻如果朝早早啲嘅話，佢會有迷你菠蘿包添，新鮮出爐仲好食

兩份燒腩瀨大細明顯差好遠，數量又唔同！同侍應講，佢話係咁架啦，橫切直切分別，就黑口黑面走開再同同事講我地！呢間野開頭好好架，而家越黎越差！所以排隊人數都少過以前好多！

成日經過都心思思想試下佢啲早餐今日終於的起心肝試試👍🏻📍沙嗲牛肉麵超濃既醬汁配上醃好咗嘅牛肉再自己加多包辣椒油好食到不得了😋📍大波蘿油我唔食牛油所以叫佢走左個波蘿皮好脆口 又係好正😊📍凍檸茶黎到茶記點可以唔買返杯凍檸茶好好飲 呢啲天氣座低飲一大啖真係成個人曬🤣朋友就叫左📍羅宋湯午餐肉通粉呢個湯配通粉幾乎都算係絕配👍🏻📍凍齋啡一黎到佢飲左一啖嘩一聲佢話茶記既凍檸茶同咖啡都好飲既話呢間野啲野食都唔差陣間得去邊🤣🤣🤣結果我哋食完之後大家都比一百分雖然只係一間普通茶餐廳但真係樣樣都ok👍🏻下次再嚟試多佢幾個早餐先🤗

今日收工6點幾去左買下午茶A香煎豬扒煎蛋配公仔麵外賣，煎蛋公仔麵唔錯無咩問題正正常常，但塊豬扒真係極難食唔知係咪落得多鬆肉粉又咸又苦澀，應該醃嘅時候既份量唔岩而出現呢個問題，唔知係咪太忙而食物質素下降，唔會再幫襯。

係呢間茶餐廳食咗幾年，無論係早餐、午餐同晚餐都好好食，呢排因為時間關係，經常黎食下午茶，下午茶選擇好多，望住個牌次次㨂野食都諗好耐，樣樣都好食，野飲方面，無論奶茶同檸檬茶一樣都咁好飲，茶底靚，又夠大杯，一定夠飲～今次叫咗個肉絲炒麵，麵底夠脆，賣相好靚，個獻汁夠味好食，又有好多紅蘿蔔、肉絲，銀芽，口感好豐富。另外仲叫咗個乾炒牛河，一d都唔乾，頭抽味好香好食，好爽滑，牛肉又夠入味，又好多塊，真係好夠味，又大碟～

4年前嘅哩間富華係幾好食嘅，但之後就越來越差包括（食物質素，服務態度）話說：我今日去食個午餐，猪頸肉炒飯，食咗三啖既然有條頭髮，仲要好長下，都5知咩毛髮，我仲有D想嘔，之後我叫佢地同事過來睇告知，跟住佢地既同事都肯換，我想再問佢哋挌杯水食藥，完全無人理，之後我自己行去 攞，香港而家 市道已經好差 如果 呢啲服務性 行業 唔再升級做好啲，遲早死梗，所以我都越來越小去食了

今日去葵芳整電話，然後就系附近搵午餐，原來葵芳同佐敦，尖沙咀茶餐廳價錢真系有過之而無不及，但包括哩間舖頭裝修都又舊又逼，要搵個卡位真系好難，行過哩間佢話比個卡位吾使搭檯，咪入去嘍。改進點—本來坐角落卡位系真系幾好，但原來員工會開張接檯系你旁邊食飯，仲近過平時隔離有張檯。兩個其中一個員工仲話大感冒未好。—食物味道已經吾得，但部分覺得吾夠熟。—午餐選擇得4個比較少，其他都幾貴—啊姐服務態度非常差，毫無禮貌，—性價比幾低北菇蒸滑雞($64)1分— 北菇估計應該未浸夠時間，蒸完都好硬同有陣草味。—雞系多，滑度都OK，系無雞味—飯系大碟但好大陣舊米味道，又生冷降。香芋蒸排骨($67)1分—又系配菜出事，芋頭應該蒸吾透，睇相都睇到邊同芯系兩種顏色，中間未熟透，—排骨分量比較少—飯系大碟但好大陣舊米味道，一樣系有生冷降。例湯(1分)通常例湯系最難出問題，因為通常料夠煲得夠時間，一定甜，仲要系粉葛煲，但睇相睇到，每碗有咁大舊材料，應該點都OK，但哩度睇到飲到都好清淡，亦吾夠熱。

想當然爾，今次嚟到葵芳嗰間有名嘅冰室，頭先揀咗幾樣叫好聽又夠晒港式feel嘅下午茶。唔顧我個肚，試咗嗰個名聽落霸氣嘅地獄汁雞扒飯，真係一份又香又辣，雞扒厚嘅入味，叫人食落去埋汁郁指👌🏻，飯嘅部分都一啲唔馴，吸咗汁仲係保持得彈牙。飲品揀咗杯港式奶茶，夠哂香滑，飲一啖暖笠笠，正喎！另外，本身嗌嘅脆脆肉絲炒麵一出場就攞咗我一個眼神，置啲麵係鋪滿晒肉絲，每丁麵都包住咗啲滿滿嘅滋味。肉嘅質感好有嚼頭咁，再加上麵嘅脆卜卜，款款都係精彩，真係叫人兩碗都唔夠㗎😋！食完個腦海裡面浮現兩個大字 - 值得！無論係地獄汁雞扒定係脆麵肉絲，一流！🔥 下次有得掃街，肯定會返嚟support，仲要拉埋班friend一齊嚟試下其他唔同款！

第一次由好友帶我來到，在葵涌廣場地下的茶餐廳 <富華冰室>，直至最近再幫襯！我們被安排到近落地玻璃窗的卡位，坐下來尚未落單，接著，有7位男食客走入來，店員安排大圓枱給他們，然後，還在附近的位置，開了一張摺枱給他們擺背囊，這一點都覺得要讚！Menu他推介一些他食過好食的菜式給我！粟米魚塊 $84混合蛋花的粟米甜美又美味，魚塊表面炸漿仍然金黃香脆，每件都幾厚身！中式煎牛柳 $89酸度不嗆喉，酸甜味恰到好處，不會喧賓奪主！牛柳薄身而肉質無韌勁！白飯滿滿的白飯看似太空館，哈哈！ 粒粒分明！至怕食到太濕腍的軟飯！例湯不算油，味道也不錯！ 特餐當時，我咳仍未好番，於是，點了簡單又口味穩陣的羅宋湯午餐肉通粉！羅宋湯午餐肉通粉 $55原來口味穩陣都未必㗎！ 要以羅宋湯水形容最貼切不過嘞！食西藥稍為令我口淡，當然想食重口味的食物刺激我的食慾，未嚐過如此稀薄的羅宋湯，味道微酸，湯底是湯麵或湯通的靈魂，通粉軟硬適中，口味最穩陣其實是午餐肉！XO 醬叉燒炒飯 $70他覺得這裡的炒粉麵較出色！當我食了一半通粉才送上來！朋友認為值得等！一送上桌已經香氣撲鼻， 入口微辣惹味有鑊氣，炒飯炒得乾身又色澤