富記大排檔

營業中

休息中

放假唔想出街留係屋企hea ..晚餐時間就去左屋苑附近既呢間富記。 呢間大排檔晚飯時間通常都要等位，所以專登早d去食免得等位。 果然1915到即刻有位， 坐左10分鐘， 全部滿座，好彩早d 出來屋村大排檔黎講呢度算企理。 黎呢度唔會期望環境有幾舒適，座位有幾好坐，服務有幾周到，黎呢到就係食番種人情味食番舊式大排檔既感覺。 野食方面，大碟足料夠鑊氣而且抵食， 一碟沙拉骨只係$68 ，一個海味雜菜都係$68, 加埋野飲白飯，$200有找， 算抵食，唔怪之得日日滿座

同屋企人食飯通常都係食中菜多，今晚黎左大圍食大排擋。最深印象一定係豬油撈飯好正嘅豬油香，雖然好邪惡但好耐先食一次唔理得咁多！！仲叫左椒鹽鮮魷、炸鯪魚球、啫啫芥蘭煲、水煮牛肉鮮魷係我食過最少炸粉嘅，我屋企人個個都話正其他菜色就中規中矩，不過都唔差，會再黎呢度同屋企人食飯

6/4/2019 @大圍富記大排檔見好耐冇嚟過今日同屋企人再嚟食富記大排檔雖然富記每日都會有是日午餐， 而家好似仲有車仔麵但通常我見好多人都係食特餐或者麵餐雙腸炒蛋 配多士， 基本上穩陣得不會難食的 粟米火腿絲奄列配多士， 粟米和火腿絲不多只集中在中間部分有少少其餘地方和純炒蛋沒有分別……雞扒通粉和雞扒麵火腿三文治， 有一塊火腿而且麵包搽了牛油蕃茄薯仔肉碎通粉，料多夠味凍檸茶富記加咗價，以前只是39蚊而家要40蚊， 水平和以前差唔多

我其實都幾鍾意食茶餐廳嘅早餐、常餐，食個粉之餘、加個方包、奄列，一大賞心樂事..朋友住喺附近，當然就嚟就近茶餐廳Hea下啦...佢通常鍾意食豬扒米或雞扒米特餐加腿治，我就慣常叫常餐，雪菜米或沙爹牛通粉，不得不提，佢哋嘅通粉，係我最鍾意食嘅質感，有趔紋嘅通粉、爽口，唔係食到成口粉醬嘅通粉...再加個奶醬豬仔包，好脆好好食，好有感覺呀🤩🤩再加強杯凍檸茶，呢個常餐組合，都只係$38，都算幾抵食...我朋嘅特餐，未計凍飲，就$40

生左兩件小朋友後，小朋友太細,生日都唔想出太遠食，就腳在屋企附近食大排檔。呢間富記都幾旺，地方就腳，都坐得幾舒服！叫左個龍蝦🦞餐，龍蝦炸到有點乾，但食得出係新鮮既，個汁mama地⋯可能我都成日去酒樓食龍蝦，所以要求都高。酸甜骨㕦味道好好，大女大啖大啖食好開心。黄金鮮尤又油又鹹，真係唔係好掂。之前食過黄金蝦都無咁鹹，唔知師傅搞咩咁重手！啫啫芥蘭就好好食，又香又夠鑊氣！連配菜蒜頭都清曬。一家人食飯點都開心既！

茶餐廳講求係「快」「靚」「正」，而且平價得黎又飽肚。今日真係有啲趕時間，午飯都未食，都已經2點幾，為左快，靚，正，都係選擇茶記填飽個肚。今日星期日，茶餐廳都8-9成滿坐，不過呢到勝在坐位夠闊，多人都唔怕。好快地就揀左個常餐做午餐加下午茶。點餐後，職員同我講某食物賣哂，但好彩係佢點錯單姐，想吃的五香肉丁仍有貨。不過，點餐時都啲亂，可能職員新黎。雖然攪錯左單，但食物5分鐘就到，先黎係腸仔炒蛋同白麵包。腸仔煎得唔算太過火，完全無煎爐左嘅黑點。蛋，相信係用左勁多油，的確係好滑，但的確肥到飛起。再來五香肉丁米線，米線煮得剛好，無過腍，仍然幾彈口。五香肉丁份量都唔少。整體上成個餐都超飽肚，$38好抵食。杯熱檸茶都好濃郁茶未，3片檸檬都幾厚。

今日早左出門口 ，見有啲時間就去左附近呢間茶記食個早餐 。又估唔到幾好食😋，叫左個b餐自選麵3餸，加杯凍華田！$35沙嗲牛肉，牛肉吾係好似出面好林嗰啲，有返啲肉感，沙嗲味夠曬重，食落中有啲花生醬味，岩曬我呢啲重口味嘅人。👍🏻👍🏻👍🏻肉丁正正常常啦。肉丁加沙嗲呢個配搭，令到個湯底好有令人飲埋嘅感覺！！炸菜肉絲都幾香 吾會好咸，食落幾新鮮。個麵煮到岩岩好，好彈🤩。下次有早，都會再尼。希望keep住啲質素啦！

開係大圍隆亨邨入面嘅大排檔已經有一段歷史，呢間富記屋邨大排檔一向都係做街坊生意， 菜式冇乜特別，午餐唔吸引，食大x活好食過佢，所以多數人都係食特餐或者常餐嗰啲火腿腸仔沙爹牛麵之類嘅東西。今日我就叫咗個雞扒麵拼磨菇火腿絲奄列， 連埋杯凍檸茶38加三蚊，正常偏平價錢啦。蘑菇火腿絲奄利冇乜味，搵勻成間餐廳都冇 鹽， 雞扒煎得ok，幾香又唔會太乾， 等同行友人碗雞扒通粉個雞扒同我碗雞扒面嗰塊雞扒份量真係差得遠…眼落都差成倍…最後杯凍檸茶唔係好得 ，一路篤檸檬都見到有啲黑色嘅茶葉飄來飄去，而且檸檬冇檸檬味，冇走甜但係一啲都冇甜味，茶身好澀一啲都唔好飲…

一班同事今晚OT 到成8點，今日係沙田接job, 甘大家消埋夜先啦。同事帶我地去大排檔冬姑亭，好彩係有大冷氣既！我地可以大講特講，大大聲都無問題Good.6個人叫q左個餐，經濟實惠。紅燒乳鴿，味道剛剛好，喊度適中，燒完個皮好脆，宜家唔係度度食到乳鴿酥炸大腸，入口絕對唔油膩，炸到剛剛好，無個種油益味，又唔肥，d 肥膏炸走哂，無甘罪惡感！冬瓜盅，消暑好味，好足料，有金華火腿，蝦，同d 煎炸野一齊食可以中和返椒鹽鮮魷，炸到剛剛好，每條魷魚都好大條好肥美，個炸粉完全唔厚， 上菜時熱辣辣，好熱氣但我地好快就攪掂碟餸班片就平平無奇，同平時一樣，味道可以啦，無驚喜.呢個小炒王送酒一流，最特別係啲腰果好脆呀，我地亦係上哩碟餸時叫多打啤酒啤啤佢花菇扒生菜，可以啦，叫做食返碟菜，冇咩特別。呢個沙拉骨超正，本身已經好香，加埋啲芝麻仲香，平時人哋嘅沙拉骨係有一劈沙律醬喺上面，但係呢度絕對冇好似將啲沙律醬已經溶埋一齊，而外皮揸得好趣，果然係秘製！佢嘅炸蝦丸有原隻蝦係入邊㗎，每粒下院粒好大粒！呢間野啲份量好大，宵夜時段其實全場爆滿，始終冬菇亭都係吹水好地方，最緊要佢有好強勁嘅冷氣！

叫左個餐，半個鐘都未黎，叫個侍應追單，個侍應話賣晒叫個第二隻，你老闆啦賣晒唔主動同我講，仲要個客追單先講，我唔追單唔使食啦，仲要個侍應老奉唔覺得有問題。（宗指一隻）

之前來過食覺得小菜做得唔錯，於是約埋兄弟姊妹番食幫媽媽慶祝母親節，仲同屋企人講有幾咁好食添。我地總共點左8個菜，1.炸大腸（又凍又靭），鼓椒鵝腸（唔新鮮有異味），小炒皇（基本上冇炒過，只不過分別將材料放上碟），西蘭花炒班球（凍既又硬），胡椒豬肚雞（冇胡椒味，雞又靱，豬肚又硬又有異味），墨魚餅（算係最好食），魚肚粟米更（都熱既），我基本上冇乜食過，連放入口既衝動都冇，同侍應反影今晩D菜麻麻地，D豬肚雞冇味，佢悔氣地話最多入廚房再煮過，終於竟然1分鐘唔使再上枱，下次唔使錢都唔會再來。

又到3點下午茶時間，不過無食lunch,個下午茶想食飽啲。大圍龍亨冬菇亭就有茶記下午茶，一個常餐加個兩餸麵餐都只係$71，平到爆。茶餐廳都幾大，有兩邊鋪，所有枱，椅都係特別木，幾靚，坐得舒服。常餐，麵餐，一如其他茶記，好快出到貨。腸仔煎得幾好,唔燶，好香口。 炒蛋就好似熟左啲，不過唔係高級餐廳，唔通講幾多成熟咩。至於個五香肉丁米線，五香肉丁份量非常多，食哂啲米線仲有剩。米線都唔會煮得太腍。至於朋友碗沙嗲牛麵，牛肉好滑，份量一般。义燒太乾身，味道偏啖。至於個麵就真係失準，煮得太耐，太腍。其實我之前都喺到食過五香肉丁麵，又係個麵太過腍， 令我有一刻諗係味有人叫錯左，呢碗麵一直放喺到直到有人要><。杯熱奶茶值得一讚，好香濃，好滑。砂糖唔係一鑵自己畢，係獨立包裝，夠衛生。

這家富記大排檔在區內頗有名氣，而且經歷過不少風風雨雨，特別在2003年沙士期間，生意十分慘淡，老闊透過不少新奇菜式出奇制勝，至今仍然屹立不倒，Lucas才有幸能一嚐其滋味。富記大排檔近年更重新裝修，環境更企理，就算打風落雨也不怕。 富記小炒王配料有魷魚蝦乾、四季豆等等，鑊氣十足，比較上咸，用來配啤酒不錯。 豉油皇炒面老實說，其賣相就真的平平無奇，但一吃下去，就令人刮目相看。咸度剛好而且炒很均，面質有「韌」度。 燒雞－起死回生單係賣相已經值90分！老闊說要用手撕來吃，份外有風味。我撕了雞胸肉來吃，不會太「粗嚡」，外皮香脆，難怪茶檔翻身之作！ 鬼馬釀茄子賣相十分吸引，一條長長的茄子很有氣勢！吃前要將茄子壓一壓，已吸收那個醬汁，令茄子更入味，配飯是不錯的選擇。 蒸水蛋跟不時吃的很不一樣，因為加了海鮮如蜆，令蒸蛋有海鮮味，而且很滑，我不知不覺吃了半盤哦！ 墨魚餅賣相都很墨魚，很彈牙，立馬吃了兩件呢。 總括而言，餐廳環境改善了不少但風味依然，喜歡港式大排檔風味的朋友必定要試。

預定咗行獅子山，咁就順便諗定食乜。早一日經openrice訂枱，book呢間有里數送～由於時間好早（5:30），連埋我只得兩枱客。叫咗4個餸兩個白飯+大啤&汽水。行完山最緊要係嘆支冰凍大啤，但係竟然唔夠凍（罐汽水凍好多），扣分！第一味：脆皮炸大腸，一D都唔脆皮...第二味：蒜茸炒雜菜，話說諗住加個平少少嘅菜，見佢清炒時菜$55（下面有幾款菜揀），我話要炒豆苗，佢話要$68，咁芥蘭啦！佢話都要$68，費時再問唯有轉個炒雜菜，如果唔同菜唔同價錢就寫清楚少少！第三味：沙嗲粉絲蝦煲，呢樣係最好嘅一味餸。蝦都算大隻，唔「梅」、大約有9-10隻。第四味：沙薑雞，得兩枱客竟然都漏單！好彩呢碟嘢唔駛等好耐。半隻份量都幾多，但係都幾鹹總括嚟講呢間嘅評語係：冇下次！最後埋單，$366（只收現金）後話：事隔兩日openrice send咗電郵俾我，話我當日冇去到，好彩我有keep張收據，影返俾佢佢話會幫我加返。老實講25里數冇乜用，但係當食完餐唔滿意嘅飯仲收到呢個電郵，只會令我對呢間餐廳更加反感。

行完獅子山 & 望夫石 再落番大圍 遠處見到隆亨村的2個東菇亭 同行友人都話想食大排擋😋 食開既大排擋都係地下濕 好嘈 服務員愛理不理富記打破我對平時大排擋既印象乾淨企理 環境唔錯 食物大份又有獲氣wo每碟大概80蚊 每人140蚊食左5樣餸 半隻燒雞 好脆皮 豉椒炒花甲 味道剛好啫啫芥蘭 每條菜都黏住肉碎 黃金涼瓜 唔夠鹹蛋香 不過都算好食最後一定要食避風塘系列 我地叫左茄子我地食左3個鐘 無限時 慢慢傾計 為我地既weekend劃上完美句號😎