影片
今日(28-8-2022 Sun)同老公買餸前食早餐,諗唔到去邊女食,老公話生龍,有河粉食,我哋行到嚟都未開,老公見到呢間就話呢間,啊,已經好 耐冇食(上次食評係2014年10月1日刊登嘅呢篇: https://www.openrice.com/zh/hongkong/review/%E6%85%A2%E9%A3%9F-e2396779).去到好似冇位,入面嘅亞姐問我幾多個?我答兩個,佢就話入面有,OK,我掃安心出行同針咭先,但未掃就係咁催我入去,你有人照唔check,唔罸錢唔罸停業啫,我驚我被罸錢㗎.我哋睇完menu,決定要$34.00嘅葡式餐肉粒通粉(羅宋湯底)配煎蛋多士,要熱檸水.$40.00嘅吉列魚柳+香脆薯餅+煎蛋,配牛油厚多士伴茄汁豆,加$3.00要凍檸茶少甜.首先,係煎蛋多士到嚟,然後係既葡式餐肉粒通粉(羅宋湯),我先食通粉,羅宋湯菜料唔少,味道係酸甜唔辣,啱我口味,通粉係爽口,餐肉粒唔算好多.煎蛋多士,煎蛋係半生熟蛋,牛油多士正常冇問題.熱檸水亦都冇問題.而吉列魚柳+香脆薯餅+煎蛋,配牛油厚多士伴茄汁豆呢?件牛油厚多士係厚啲嘅,不過得正常方半件,咁咪等於一件厚度正常嘅多士? 煎蛋,配牛油厚多士我冇食到.吉列魚柳幾厚,冇雪味,配千島醬正常.而香脆薯餅同茄汁豆呢啲都正常嘅.環境:到我哋就嚟食完嘢,至聽到有冷氣嘅聲,即係佢哋之前開唔夠,到11點幾至開,唔知佢哋係咪睇見有個坐低冇耐嘅客人係咁潑涼至開.新裝修又點?天氣熱冷氣都開唔夠.價錢:我o衣o家寫食評至發覺,佢哋多收我$2.00,好彩有影低張單同Menu(以後去邊喥食嘢都影低先),佢哋張單都係打”浦通”,咁即係冇入錯喇,但價錢就入錯,年中唔知幾多人咗伏.我老公之後因為送廢紙落荃灣,於是我send返啲相俾佢,叫佢追返.服務係3.5分
繼續閱讀
好耐無食過家常小菜了，喺雲雲既餐廳當中，見到好有"家"既感覺既茶餐廳，就決定今晚食佢喇入面有不同的菜式選擇，咁就揀左2人套餐B try try 先竟然5係普通茶餐廳嗰d煲到好淡，溝好多水既湯，佢係俾燉湯，入面有煲到好林既排骨，瑤柱同菜，好入味，誠意分爆棚今次叫左鹹魚豆腐煲，豆腐不太入味，本身諗住會喺好重口味既，點知同我想像中有點分別，入面好足料，鹹魚，雞粒都有魚香茄子煲，小編最愛食依味，第一啖，個茄子5太入味，原來未撈暈😂😂撈左後，就幾好食喇，好足料，勁多肉碎，鹹魚，冬茹同茄子，好適合配白飯食哦總括而言，仲有餐飲2杯，喺物價高昂的年代，閒時食下家常菜，真係5錯既不過店家冷氣不太足夠，食到流汗，有代改善哦
繼續閱讀
今晚收工喺荃灣轉車突然忍唔住肚餓走咗去富都餐廳宵夜， 食宵夜都肥唔爭在,叫咗個干炒豬扒意粉，幾分鐘就有得食，色、香都唔差但好似唔夠乾身，D豉油汁有好多喺碟底試一試味道都唔差，試件豬扒有醃過味道ok但再次第二件又有D唔同 ，散收收而且好似食隔夜瘦肉咁點解同一碟炒嘢可以水準咁唔穩定嘅？唔係好難食不過又唔係好囉埋單69元，半夜三更都有得食唔算太貴架喇，呢度D伙記成日都好似好忙咁，有D都算有禮貌但木口木面多囉！
繼續閱讀
今日放工一支公，黎到眾安街搵食，富都茶餐廳真係不錯選擇，66元 有白飯 有燉湯飲，啱晒今日無湯水飲的我，黎到最好問下仲有無燉湯，呢到服務幾好，原本餐牌係送例湯，佢如果未買晒會免費改俾燉湯你，今晚燉湯係蟲草花排骨湯，湯清而香，無味精靚湯，叫左啫啫雞煲，我真係無肉不歡，呢款煲仔菜係冬天食最wram啦！啫啫雞煲的精髓，在於不是雞，而是配菜的豬潤，蔥頭，蒜頭，薑片，同鑊氣！缺一不可，雞肉爆得好嫩，細細件份量多，大家可能覺得我誇左，不過佢真的有老師傅味道，而且我今日係星期二平日來晚餐，但勁多客，特別係一個人的客，枱枱有客人，仲要搭枱呢（像我）。最快賣晒係原條蒸魚，不過我唔好魚，所以唔關我事，因為食物足料，燉湯出色，服務都唔錯，所以決定好野要讓更多人知
繼續閱讀
每次吃這裏的午餐，魚香茄子飯，從來沒有甩拖，今次也不例外，雖然是外賣，但仍然感覺到小炒的熱氣，而且鹹魚香味濃，加上茄子口感豐富，而醬汁味道惹味，內裏的肉碎分量亦都足夠，整體配合得而，用來拌飯，十分出色， 我把整盒飯吃掉。下一次見到有魚香茄子飯午餐，必吃
繼續閱讀