富都茶餐廳 (已搬遷) 新店位置

(半個月前的食評)0係荃灣食lunch, 同男友本來想去翠華, 但係實在太多人等緊.. 就去左隔幾間鋪既富都見到入面都幾多人, 但係好彩岩岩有個卡位 ^ ^ 同男友都好耐無食過茶餐廳公仔麵, 就一人要左一個常餐27蚊有﹕蒜香雞翼/火腿庵列+蒜蓉包, 任選兩餸公仔麵, 一杯野飲. 蒜香雞翼係岩岩炸起, 好香口, 熱辣辣好好食! 不過男友食果隻相信只係剛剛熟, 見到入面仲有輕微紅色火腿庵列入面有好多火腿絲, 落足料, 篤落去有少少蛋汁流出黎, 正! 蒜蓉包ok我要左個雪菜肉碎+沙嗲牛肉麵, 男友叫左沙嗲牛肉+餐肉麵男友話餐肉煎得唔錯. 沙嗲牛肉雖然係化學牛, 但係味道都唔錯, 雪菜肉碎也ok奶茶也很不錯. 侍應服務夠快, 只係有少少落錯單既情況. 環境也夠乾淨係無咩特別期望下, 呢餐都算好唔錯去唔到食翠華, 都唔係一個損失呢!

11月23號 - 夜晚6點左右不經不覺已經6點幾la。 係時候食晚飯la。 但是又不知道在那裡食好。 因為實在太多選擇la。 最後見到富都就試試la。入到店裡同坐下來之後就看看有什麼食物可以揀。 見到一個都幾豐富的常餐 (2隻雞翼+法國麵包, 德國腸+蛋+公仔麵&奶茶) 就決定叫呢個餐食la。最先來的是個奶茶。 看到好好飲所以第一時間就試試la。 味道不錯, 但是太濃。 不過可以接受。 之後來個公仔麵。 D腸好脆, 個蛋好滑&公仔麵煮得好好。 不會太"林"。 絕對滿意。 最後來個麵包+2隻雞翼。 雞翼好熱。 果然是新鮮整的。 麵包夠脆&香。 總括來講我覺得呢個餐是一個好好吃的餐。環境就好好。 夠大, 乾淨&有電視看。

等到豬先生夜晚收工 入左荃灣食個宵夜先咁夜 無咩好擇lu 去返富都食次次入面都好多人 但d樓面哥哥一定幫你搵到位點了 叉燒拼海哲跟面 凍0茶豬生要了個 8寶飯 凍0茶8寶都好多餸呀,不過亦都好多油 -___- 可以一試 唔差 叉燒 <<< 好味 唔太肥 有汁 宵夜放低幾十蚊有燒味食 唔貴又唔差 算係咁啦d檸茶都幾好飲 d冰係用碎冰 唔係大舊冰 抵讚

5人係荃灣食lunch，幾間d set 都不太合 , 見這無咩人就入黎 ,因翠華口排了十多人的長龍d 服務好差 ,去到想坐卡位,另加一seat , d waiters 4~5人一人一巴咀,話唔得,點坐..仲要好大聲話好阻住晒行...點解我d家人想坐卡位,係因佢d4人枱放都根本坐唔到人 , 算,我地自己動手移好d枱坐叫左 :2個 雞扒+金莎骨 ($31) ---嘩...睇到都唔太想食...佢d汁係鮮橙色...d飯唔夠熱同好似隔夜飯一舊舊魚香茄子飯 ($31) --- 好難食,無味而且好油8寶飯 ($40) --- d 肉好肥...件件都好似食唔到咁佢個餐湯好似乞佢俾,得個1/3 碗,無味 , only 味精最衰的係 , 我地其中一人仲未飲完杯o野 , 佢走過黎移開我地其中一張枱俾人, 不停趕我地走....大佬我地係俾錢食o野 ,而且又一人叫一個set...唔駁咁相信無機會再來 , 咁o既服務態度....

同老公跑完步, 舒舒服服食晚餐! 荃灣區既茶餐廳都未試哂, 今晚選擇了翠華隔離既富都!二人套餐, $80, 燉湯內有瘦肉少許, 紅棗有數粒, 飲唔出係咩湯, 但無味道敏感! 碎肉蝦干浸娃娃菜, 清清地唔錯, 不過, 娃娃菜可以再腍啲! 清蒸鯧魚(侍應話剛到), 黎到一望有兩條, 外表已告知不是新鮮的, 食落時, 唔油仲有啲乾, 魚肉質質的, 仲帶腥味, 自知浪費 , 我食剩了! 仲有碟灼菜心, 細細棵, 浸番落娃娃菜既湯都唔錯! 白飯硬硬地, 而家係街食既飯都係咁! 最後我叫咗個茶走少甜, 茶味濃啲!侍應幾有禮貌, 時間尚早, 唔多人, 坐卡位舒服!

尋日睇完食評去左呢間..叫左個二人套餐.叫左京都肉排.台灣三杯雞煲.有碟油菜送.二個盅湯.二杯野飲.凍飲每杯加左2蚊後total:84蚊本來想試下介蘭.不如無晒.最後叫左菜芯.菜芯幾好味.幾林下. 三杯雞煲味道唔錯.份量好多.平時係第二到食得幾舊雞.呢到起碼有十件.呢雞好林.一d都唔"un" ,連雞胸都唔"un",唔知用左d咩整到連雞胸都唔"un"..至於個京都肉排就無咩特別..唔係話十分好好味.係平時d炒小菜果d差不多.個湯係人參湯.個盅上面仲有塊紙係上面包住,幾特別.80蚊都好抵食.有湯有野飲..下次會再去試下蒸魚..^^不過裡面d位比較細.可埋晚上7點幾全店都滿晒.好多人下.仲有.d野都好乾淨.感覺幾好~

剛剛看完下面大大~說很好的樣子就發覺堂食同外賣很大分別(十萬9千里)平時我差不多3餐都係家食都係叫外賣叫富都下午茶都叫一段日子了~由我有比貼士到冇比貼士.都一直沒改善.(雞冇雞皮,燒腩肥肉多,野飲d ice 都快有一杯)就像今天我clock係5pm快6pm,時叫了下午茶.就給他們話到狗血淋頭,做咩唔早d叫.話晒我日日咁幫親都係咁呢.外賣送來時態度也不好.我也這樣算了.到晚上可能只吃Mcdonald在3~4點左右am 外賣富都叫了伊麵來吃.等了半小時也沒到(走來不用5min)打給他們說快到了,再等半小時打給他們,整緊就快(富都次次cut線.)我男朋友都等到訓了,我還是餓到睡不著.但我還是再次打去(第3次) cancel左,後來叫了銀龍,味道更好但價錢貴點,更重要的是服務好,最少唔洗受氣.銀龍差不多15min就送到,太感謝了.現在富都外賣paper都係我垃圾桶,forever都不會叫.玩在外賣都會限定3家(常叫).炳記.銀龍.味皇.味道第一,服務第二

新年假期落荃灣食lunch，蘭香及嘉樂未開市，打算去次選的翠華，門口排了十多人的長龍，又在極不情願下走進這間。有午餐、麵餐、特餐等不少套餐選擇。但天氣凍，想有飯氣落肚。照舊要了炒蛋叉燒飯，侍應落錯單，變了煎蛋，但不是太陽蛋，在乎半生熟之間，那些蛋白煎得不脆身；叉燒雖厚切有口感，但肉質有點乾不夠腍身，又沒有蜜味。蛋牛治-厚厚的雞蛋加上煎香過的鹹牛肉，味道當然一流啦。奶茶味濃，但一點茶香也沒有。難怪食客寧願去翠華排隊，也不來這裡。相信無機會再來，因為平日去荃灣食lunch基本上我只會去蘭香、嘉樂，或者次選的翠華。

今晚又要二人套餐,燉湯超正,我嗰碗有五塊竹笙,好飲.小菜要一個清蒸黃花魚,一個XO醬西蘭花炒斑片,一碟芥蘭及熱杏霜.清蒸黃花魚,肉好滑.XO醬西蘭花炒斑片,好惹味,正!芥蘭唔會太硬,好甜.杏霜好濃,好好飲.下次一定一定要食煲.

其實果晚行過翠華先既~~ 但突然之間驚嘆見到富都就快爆場~當然啦人生路不熟又搵野食間舖OK唔OK,通常人流決定0左間舖既質素......嘩人山人海呀~ 然後今晚就叫3個炒小菜餐試一試~例湯居然係用盅湯咁上~視覺上當然加左幾分0家啦~閣下仲可以齊來競猜盅湯係入單先放湯丫?定係原盅燉湯啦?湯好甜有住家湯感覺,但要自己落番鹽~ 小菜餐叫0左.....一個古法蒸魚$40(咁既一人價錢有條清蒸魚,唔洗自己郁手蒸,已經值回票價.)5分一個京都骨$40(好好味~有豬肉味又唔鞋口仲有汁撈0下飯.)5分一個椒鹽魷魚$40(睇來呢間做炸類小菜唔係好得...食得出番炸落鍋再炒,就算唶喱咁玩法都乾啦.總之乾乾地)4分上菜速度同侍應阿姐反應算爽快~3人行加埋$2凍飲.$130左右有找~下次行過再食

臨出旺角前嚟充飢先,要個火腿庵烈下午茶餐$20.火腿庵烈都算多,好新鮮的火腿,香滑的雞蛋.有一片蒜蓉多士,兩片新鮮大蕃茄,半碟茄汁焗豆跟上.好味.熱奶茶亦不錯,好飲.

今晚終於嘗試佢既小菜,二人套餐$80有兩盅燉湯,自選兩款小菜,一碟油菜,兩杯餐茶.盅湯好甜好飲,油菜要芥蘭好爽甜,小菜要一個蕃茄牛肉炒蛋,一個要古法蒸桂林魚,即蒸魚好鮮甜.超級抵食,咁既價錢有即蒸魚,仲任選做法同任選魚類,去邊食到呀?餐茶要檸茶奶茶,又係冲得好好飲,味道啱啱好.下次試埋啲煲,因見到隔離枱好大煲好香.

今晚晚餐要咗個海南雞飯套餐$36.嘩!正!係我最愛既油飯,佢比較乾身,兼有啲薑味,好好食.另外啲雞又滑又鮮,好食.個油菜揀芥蘭,好爽甜.餐茶要杏霜,嘩!佢唔係杏霜,係杏糊呀!因為實在太濃啦!全餐飯好滿意.

本來想去翠華,點知要排隊,求其入咗呢間,$20下午茶ok喎,一碗义燒米,要多個特餐,有蒜蓉包,(雞翼,庵烈擇一),任擇一款餸粉麵米.又幾好食喎!有下次.