富都軒

營業中

休息中

雖然落雨，但無損我同朋友飲早茶的心情。早茶開11點，訓多陣去飲茶，當係早午飯都唔錯。好在地理位置唔錯，尖沙咀P1出口，沿著香格里拉酒店向前行就見到尖沙咀中心，行入中座有部子彈𨋢按3字就到，其實好方便。如果天氣好，真係可以睇到無敵大海景。我哋叫左唔少點心，大約$450左右，價錢合理，因為質素算高。點心是人手即做，不是預製點心，所以等待美食是需要時間。黑松露鮮蝦燒賣鮮蝦大隻，肉質爽口，豬肉很入味，加上黑松露點綴，很貴氣魚翅灌湯餃其實唔太貴，有一梳梳的魚翅，還有豬肉碎及鮮蝦，湯頭清甜，加入少許紅醋，非常提鮮鳳尾蝦芋角外脆內軟，十分酥脆可口，入面是軟綿綿的芋泥，更有已醃好的豬肉碎，鮮蝦大隻。擺碟用紅架上，仲有食用花配襯，岩曬打卡鮑汁蘿蔔絲酥香酥可口，見到一層層的摺紋，仲有白芝麻，食落好香口，內餡是滑甜蘿蔔絲，正。豉汁排骨蒸陳村粉排骨新鮮，而且肥瘦適中，豉汁香濃，陳村粉蒸得很透，亦有米香，吸收了肉汁香味。鮑片棉花雞雞塊是取自鮮雞腿位置，香滑又唔會太肥，仲有鮑片，淮山，豬皮，很養生韭黃鮮蝦腸粉腸粉滑溜，鮮蝦大隻，韭黃鮮嫩，淋上甜甜的醬油，要襯熱食先好食箭豬奶黃包造型可愛，奶黃餡流心，幼滑香甜手磨杏

呢日中秋節放早，特登同朋友約咗喺尖沙咀飲茶傾偈，搵咗一間安靜望海景嘅中菜餐廳。打去餐廳訂位時，職員有溫馨提醒，係尖東地鐵站P1出口，幾分鐘距離行去尖沙咀中心，到中庭乘坐“子彈𨋢”上3樓 就會到。餐廳完全望住維港景色，闊大開陽，仲有獨立房間，啱晒一大班人聚會。我哋眼闊肚窄點了好多嘢食，估唔到全部點心份量都好紮實好足料，食得太滿足了。🩵三星燒責賣（豬肚、豬間、冬菇）星燒責賣係懷舊點心已經好少茶樓會做，呢一間做得好好食，真材實料。🩵魚翅灌湯餃一碗一大隻，入邊真係有不少魚翅，湯汁香濃，肉香鮮美。🩵鳳尾蝦芋角打卡必點，又靚又好食，炸得鬆脆嘅外皮入邊包住好大隻嘅蝦，芋角餡料在底，食落一啲都唔會油膩。🩵羅宋湯鮮竹卷必點，估唔到係新派點心遠勝傳統。用羅宋湯取代舊式點心的芡汁，完全減低油膩感，羅宋湯仲可以飲晒。🩵手磨杏仁茶職員推薦，餐廳親自做嘅杏仁茶，又滑又香，必點的甜品。🩵筍尖鮮蝦餃睇得出的餃皮晶瑩剔透，入邊蝦仁非常飽滿大隻。🩵紅燒妙齡乳鴿乳鴿好唔好食一上枱就知道，呢隻一睇就知好食，外皮炸得香脆，依然保留好多肉汁。🩵惹味醬蒸鳳爪🩵迷你雪山叉燒包（3件）仲有鳳爪同叉燒包都係比一般酒樓好食，睇得出點心師傅

我同陳生平時放假，瞓晏啲中午直接飲茶🫖今日揀咗尖東新開一間酒樓有無敵海景同埋高質fusion 加古早味點心🥧。🥢魚翅灌湯餃 💰$58平時食灌湯餃都💰4x,富都軒加多小小錢就有魚翅，仲要好足料。🥢鳳尾蝦芋角（3件） $42外層係酥皮，內層上面係完整嘅蝦，下面係芋頭。鳳尾蝦芋角除咗外型靚之外，口感多層次。🥢鮑汁蘿蔔絲酥（3件） $48蘿蔔絲酥金黃色嘅外層一睇就知師父有料到，蘿蔔絲一絲絲口感分明，鮑汁有畫龍點睛嘅效果。🥢羅宋湯鮮竹卷 $42第一次食羅宋湯鮮竹卷，酸酸甜甜好開胃。大家可以試吓出面未見過呢道fusion菜，鮮竹索晒羅宋湯好入味又唔會嬲。🥢姬松茸野菌餃（3件） $42姬松茸對身體好有益，晶凝通透既表皮包住足料姬松茸野菌。🥢瑤柱花膠絲燜伊麵 $138我最愛既花膠除咗可以煲湯🍲原來炒都唔錯👍爆多花膠同瑤柱，一大兜伊麵先百幾蚊，抵呀！！🥢箭豬奶黃包（3件）$42箭豬造型好精緻，奶黃包甜而不膩。呢個點心岩晒小朋友👧🏻。🥢一口炸鮮奶$42炸鮮奶外層炸至金黃面頭審上芝麻，內層牛奶唔會好甜。🥢迷你雪山叉燒包（3件） $42雪香色既菠蘿🍍包皮好薄皮，入面嘅叉燒餡調味恰到好處，唔會好咸同好油，叉燒半

#富都軒 😋😋😋😋😋😋opened half year already. their quality is superb nice. i have been there almost ten time and cheap price with staff card with 90% . so nothing to complaint. very yummy place.i wont tell you how good is it. satch it witb your eyes please everytime i come is about 100-150$. so cheap with yum chagoose and fried chicken need pre order.very yum and nice.must visit everyweek!

今天是十日內與家人朋友到訪第三次的食肆。 下次有機會試下他們的小菜出品食材高質， 職員 殷勤 招呼。 簡述今天幾款點心：1.鐵板叉燒肉質新鮮 香滑有質感，肥瘦均勻，伴上童年回憶蠔油豆加添傳統優質味道。2.蝦餃 juicy。3. 牛肉腸裏面有馬蹄粒牛肉冇騷味4.芋角鬆化餡料仔細 juicy5. 叉燒包鬆軟 juicy 餡料高質6. 鳳爪有質感醬汁唔會太鹹或糊口7. 炸鮮奶卷香脆鬆軟有奶香味8, 鹵水豆腐新鮮香滑

一開始大堂已經有兩位女士迎賓， 在香港已經好久未有如此服務態度，感到十分親切環境十分優美，對著夜晚的海境，心情特別舒暢食物除了美味外，擺設也十分講究，員工也十分有禮，與朋友渡過一個很好的晚上

同同事去上興趣班之前知道喺尖東附近開咗呢一間酒樓，就相約同事嚟食個午餐。訂咗位中午1:30都係屬於午餐時分。喺點心紙上面都寫明咗早茶午茶同埋下午茶嘅新開張折扣優惠。早茶同下午茶係八折中午茶係九折。咁就開始點樣食，但係食完之後埋單竟然午茶係冇折扣優惠，跟住走嘅時候出到去𨋢口，佢用過「福」字嘅公仔黐住喺海報上午時嗰度。如果星期六中午冇優惠，應該印清楚啲宣傳單張同埋入座之前同客人講，但係完全冇提過就覺得唔太清晰。講返食物先，價錢屬於中上，食物質素嚟講都係值呢個價嘅。叉燒包個底係脆，咬落個包就好軟腍腍。芋泥鳳尾蝦幾有誠意原隻大蝦有蝦味，賣相亦都好好。韭菜餃、蘿蔔酥同埋小籠包個皮都做得好薄，餡料亦都豐富。餃皮脆、酥皮鬆化小籠包爆汁。嗌佢啲滷水嘢嚟試吓個滷水汁得唔得不過有幾樣嘢都賣晒所以最後淨係嗌咗豬手。個滷水汁底做得幾好有層次，鹵得都幾入味。不過最鍾意都係佢個鮮竹卷用羅宋湯底你浸住，啲牛尾粒超愛。稍為失色少少就係個甜品，個紅豆雙皮奶比較淡，而個杏仁茶都清咗少少，唔係好夠味。事次為自費用餐。

尖東找新酒樓，發現此處有海景，地方不大，可能新，2人枱不用等。點餐，評級 優良常可劣：七味一口豆腐$38，量夠，皮脆薄度-常，豆腐香滑-常，辣度低低。芝麻葱香大餅$38-常，皮夠香脆，芝麻香，敗在無葱香，中間粉綠綠地色可能葱汁，但食唔到乜味，用西式油纸吸油，有睇頭。以下質素與一般街坊酒樓差下多：羅宋鮮竹卷$42-可， 有創意， 腐皮及餡麻麻，腍， 羅宋湯牛肉靱。金箔潮州粉果$38-可，名子靚，大大隻，皮苙口，沙葛爽，但芫茜蔥少。叉燒包$38-可，夠大，皮笠，叉燒甜，欠bbq香味。手磨杏仁茶$32-可， 聽到手磨一定要試，有蛋白，細碗，略甜， 食唔出手磨。勝在食具乾淨，上枱盛載碟及擺盤有心思。有bang 枱，有電子鋼琴及鼓，是否夜晚變night club。

原來依間酒樓剛剛試業 早茶同下午茶都有9折下午茶由下午兩點開始到4點，可以慢慢嘆。可能剛剛開業緣故，黎到人流不多，唔洗等位。內裡新裝修，空間感頗大，入到去已經觀望整個維港海景。叫茶叫左烏龍，上到茶發現原來係蜜桃烏龍🍑，飄來陣陣香氣，飲落去真係一浸浸蜜桃香味呀，同行兩老都好喜歡。今次試咗佢嘅點心同埋炒粉麵，個人覺得性價比不錯。🍠 奇脆牛肉腸 $48腸粉皮好薄好滑，命佢為「奇脆」原來夾左啲脆脆麵包，但老實講食既時候唔係好覺🍠鮑汁蘿蔔絲酥 $48蘿蔔絲外皮好香好脆，個皮底充滿芝麻，食落去滿滿芝麻香，不過就唔係好食到鮑汁嘅味道，但都好值得一試🍠京滬灌湯小籠包 $42小籠包基本上去親酒樓都會叫，佢嘅小籠包真係皮薄餡靚，基本上點樣小心翼翼夾都唔小心整穿佢個薄皮，入邊啲湯汁真係好Juicy，蕃薯老母大推下次有機會要試埋佢嘅蟹粉小籠包㖭🍠黑松露鮮蝦燒賣 $48燒賣都算OK，黑松露味唔係話好突出，性價比一般🍠瑤柱花膠絲炆伊麵 $138份量一般，叫左炆伊麵唔係好突顯到炒嘢夠唔夠功夫，伊麵偏腍但係瑤柱同花膠絲份量都算夠，味道一般。茶茗每人$15 🍵整體嚟講嘢食質素算幾好，價錢亦唔會太貴。如果帶埋一家大細同長

飽覽維港美景 享受高級粵菜食府新開業的富都軒，位於尖東尖沙咀中心，於中庭乘坐子彈即可到達。酒樓食物質素高，環境寬敞舒適，無敵浪漫美景，絕對不能錯過！晚市二人套餐風沙豬手粒以炸蒜香紅椒炒香，穫氣十足，豬手肥厚，肉腍惹味，豬皮炸至香脆可口，超讚！鐵板蜜汁叉燒必食！叉燒肥瘦適中，肉質帶有均勻油花，口感極細膩柔，香甜美味，令人一試難忘黑松露翡翠炒蝦球餸菜分量多，絕對超值！蝦球巨型肥美，肉質彈牙鮮味，配上西芹雲耳，清新爽口，伴隨着淡淡黑松露香頭抽櫻花蝦炒飯櫻花蝦、元貝、蝦仁、鮮雞蛋、菜粒飯粒炒至粒粒分明，櫻花蝦惹味，每口也充滿豐富食材，口感層次非常豐富，海鮮鮮味突出楊枝甘露配料十足，西柚、芒果，西米，整體甜度適中，每口也帶著清新果香，為這頓晚餐劃上完美的句號富都軒📍尖沙咀麼地道66號尖沙咀中心3樓

5個人 食左12款，都係 7百蚊。筍尖鮮蝦餃, 鮮蝦菜苗餃, 鳳尾蝦芋角, 啤梨鹹水角, 山竹牛肉球, 惹味醬蒸鳳爪, 鮑片棉花雞, 羅宋湯鮮竹卷, 姬松茸野菌餃, 厚切黑豚叉燒, 滷水掌翼, 紅棗花包最特別 桃味烏龍茶總括: 舒服，好食，抵食。

全新開業的富都軒，主打精緻點心，高質粵菜。餐廳空間十分寬敞，差不多每一個座位都能飽覽維港景色，加上鄰近港鐵站十分方便。晚市二人套餐✨金沙炸魚皮咸蛋黃的味道濃郁，魚皮炸得很酥脆，而且一點都不油膩，越吃越上癮！✨脆皮炸子雞（半隻）炸子雞炸得色澤金黃，外脆肉嫩，肉質口感剛好，一點也不柴！✨鮑汁鵝掌伴柚皮鵝掌裹滿醬汁色澤金黃，肉嫩多汁。柚皮肉身軟腍，爆汁棉滑，有入口即化的感覺。✨瑤柱花膠絲炆伊麵花膠爽口彈牙，炆得好入味，而且非常足料。✨蛋白杏仁茶蛋白好滑杏仁茶口感好細緻，甜度剛剛好，不會太甜。富都軒📍尖沙咀麼地道66號尖沙咀中心3樓（尖東地鐵站P1出口）

尖沙咀 🫖飲茶+望住海景🌊無論環境同服務都好舒服👍🏻點心精緻出色堅好食🤤超推介飲茶地🌟傾計食飯都非常合適↗️記得去中庭乘坐子彈𨋢上3️⃣樓💜蝦筍尖鮮蝦餃💜黑松露鮮蝦餃燒賣💜鳳尾蝦芋角💜翡翠叉燒腸💜黃金蘿蔔糕💜鼓油皇炒麵💜蛋白杏仁茶

同二個仔去完興趣班，經過尖沙咀中心（尖東地鐵站P1出口），見到新開左一間酒樓，入去飲下茶先，呢到好特別架，可以係中庭乘坐“子彈𨋢”上3樓，就會見到富都軒蜜桃烏龍茶🫖入口有淡淡的水蜜桃果香，好特別，別有一番風味黑松露鮮蝦燒賣💫面頭有黑松露，燒賣有原隻蝦肉喺入面，真材實料羅宋湯鮮竹卷🥠好特別的點心，配搭出奇地咁夾，羅宋湯嘅酸酸甜甜味道突顯到鮮竹卷嘅鮮味🦐鳳尾蝦芋角擺盤賣相當吸睛，面頭炸得鬆脆，芋頭蓉多到瀉出來，仲有原隻大蝦😋😋另外仲叫左幾款點心🐮山竹牛肉球上湯米粉🍜🍞紅棗花包韭黃鮮蝦腸粉紅燒妙齡乳鴿🦆仲有呢到有無敵大海景✅絕對視覺和味覺都有雙重享受，間中又見到直昇機🤤小朋友都會開心又興奮😍#kol #foodie #香港美食 #中菜 #粵菜 #酒家 #酒樓 #尖沙咀 #尖東 #做節 #維港 #hk #富都 #點心 #燒賣 #蝦餃 #富都軒 #尖沙咀中心 #尖沙咀酒樓 #尖沙咀必去 #尖沙咀美食 #香港好去處 #美食關注組 #酒樓關注組 #子彈𨋢

早幾日行開尖東，無意中見到依間新開既酒樓，一於試試佢！ 一上到去佢個無敵海景真係不得了，酒樓採光十分舒適，環境比我地感覺十分唔錯🏙再食埋啲點心，就覺得依間酒樓高質‼️唔係淨係食個景，連啲出品都好認真👍🏻同酒樓姐姐閒談間得知酒樓好多都係手工點心，選擇亦多。仲有啲特別既選擇，例如三星燒賣（豬肚、豬潤、冬菇燒賣），可惜個日去到賣曬喇！唯有下次去再試～而我地嗌左個幾樣野都好滿意😻 絕對係用心之作呀～🤎 筍尖鮮蝦燒賣 餃皮晶瑩剔透，一咬落去勁多蝦仁，亦十分Juice!!🤎 鳳尾蝦芋角顏值高！外皮酥脆，口感層次分明，蝦仁、 芋泥同肉餡比較恰到好處，個人覺得係必點😙🤎 鮑片棉花雞原塊帶骨雞件及鮑片蒸出黎，底層既魚肚同准山吸滿曬啲鮑片雞汁😍🤩🤎 山竹牛肉球肉質鮮嫩，睇得出係巧手製作，調味亦👍🏻🤎 箭豬流沙奶黃包流心奶黃內餡，甜度適中，一口咬落去會爆漿😍🤎 福建鮮蝦炒飯飯炒得粒粒分明，用料新鮮紮實，仲有靈魂瑤柱絲，香氣十足😋 係可以encore既茶樓‼️ 我地個日埋單仲有試業優惠8折🥳最後需要分享佢有宜家傢俬個隻款既BB凳提供👍🏻 帶幼童去都完全無問題呀💕