寶園車仔面小廚

營業中

休息中

餐廳係全家周不時都幫襯嘅，因為價錢比較平，而且出品穩定，非集團經營，而且唔會好爆場，位於中空大堂空間感十足👍晚市其實相對少食，午餐約$5x區內算抵食，晚市小菜由$68-128之間居多。枝竹豆腐斑腩煲上枱熱辣辣起晒泡泡斑腩量都多，而且調味夠，魚肉滑，枝竹豆腐唔會落好多搶晒主角風頭菠蘿生炒骨外皮脆，內裏軟嫩不乾，個汁唔多唔少，料頭落足，色、香、味俱全啫啫雞煲出街食平平無奇，呢度嘅啫啫雞煲居然有豬潤咁得意味道夾，豬潤爽滑唔鞋。雞用上雞件，連骨更滋味南乳粗齋煲南乳味啱啱好唔會太淡太濃。材料豐富多樣甘筍、粟米仔、木耳、茄子、枝竹同粉絲，非常滿足又健康好味

同屋企人食左幾次，啲野大份又抵食，6個人食小菜都只係食左5百幾蚊，呢個時勢好難搵到！好過去海旁食$20 4粒燒賣😂😂最推介食黃金鮮魷！！魚香茄子煲！！🤪🤪

前後幫襯左三次，我肯定唔會再幫襯！！你地自己諗喇！！我都唔知係我唔好彩，定呢間餐廳有問題喇！第一次，叫打冷滷味唔夠貨，d 湯酸，變左！第二次叫雞無雞，所有雞都無晒，當時夜晚8點，第三次就，真心最後一次！為左呢架餐廳，我用左openrice 10x 年都要食食評黎講下佢有幾差收銀個姐姐態度惡劣，我地叫餐牌上面既野食，佢聽完就話無呢d 餸叫，串串地叫我睇返餐牌先，之後我指住菜式俾佢睇，先話「我地無呢樣野賣」又無豆苗，又無西芹，話得時菜，問佢阿姐今日係咩時菜又答唔出，佢話要問問廚房喎，行出黎就答：「時菜就係時菜，可能係菜芯，我都唔肯定」價錢仲要係貴d, 都焗住要好，等！因為屋企人想食！最尾成功叫到三個飯餸,等左20分鐘，我行入去問張單有未呢，因為其他客既number 遲過我5-6張都已經有外賣，咁好啦，我再等～企係門口罰企30分鐘，再遲過我既number 已經十幾張單，再問下收銀阿姐，等左半個鐘仲未有，叫佢幫我check 下怕漏單，阿姐就答「有就拎左出黎架啦！」等左半個鐘有多最後終於等到有得食點知食完就即刻肚屙，屙左幾次都未清到，直到痾水！真係多謝晒，貼錢買爛受！

原本只係一間茶餐廳，到轉手後嘅新萬原來到轉型，發展潮州食物，有滷水有潮式小吃，真係好有進步潮州蠔烙 $ 68蠔肉豐富但蠔味唔出，有係蛋漿加粉，所以有種煙韌度，比較正宗嘅味道，出面通常都係好似蠔肉煎蛋一樣滷水鵝片拼盤 $ 128份量足，鵝片可接受，過火少少；豬腩片好味，五層肉靚仔；豬耳正常發揮；紅腸唔洗講；豆腐過硬；花生好多，味道較鹹粟米斑塊 粟米汁嘅蛋超多超豐富斑塊就炸得一般，外層炸漿唔夠脆西檸雞塊西檸汁香夠酸，雞扒炸得香脆咕嚕肉外層超脆，不過配料同主角1：1。。。味道計係滿分，有一兩粒係無肉嘅炸漿南乳粗齋煲味道算清淡，唔係過份濃味，真係啱晒素人口味糖醋麵 $ 48鹼水味太出太濃，麵炸得唔夠香脆，個麵心太淋，另外比嘅陳醋太少，咁大個都餅用環境雖然相當一般，但係食物質素、價錢同賣相算係咁，至少係性價比之選，再加上冇收加一，五個人八道菜加兩個白飯＝$6xx，出去食落唔到樓

呢間又係街坊熱門，大約半年前轉手，環境唔係太大變化，不過環境變得整齊清潔，冇以前咁污糟！今日食午餐：黑椒德國咸豬手 $48以賣相黎計係好睇，味道好，份量足，飯量都大，而且包湯包飲有幾部電視，如果唔係疫情，相信附近獨居人士會經常打躉

呢個鋪位之前我食過一次，我印象中好難食又污穢，所以都冇再幫襯過～早輪見鋪頭轉左名，又多左好多人流，心諗人多一定無死，即管再食一次嘩，轉左老闆所有野都唔同晒啲嘢食好食左好多平民價錢，酒樓嘅水準，我已經幫襯左4-5次啦真心推介比大家瑤柱扒炒豆苗真係好有酒樓水準，芡汁濃度及味道剛剛好～清蒸紅鮪大條抵食～夠滑啲飯唔會太硬或者太軟～菠蘿咕嚕肉，食得出唔係整定，係即炸，味道好惹味，好搶喉～食完係會想再食個種當日單據～

當日完成一項工作，但到下午茶時段發現自己仲未食午餐，就四圍捐窿捐罅搵野食醫肚。寶林邨行來行去，最後行左去慧安商場揀左間環境肆正既茶餐廳，同埋係可以用八達通，就係商場地下正中間既寶園車仔面小廚。柱侯牛腩加滷水豬大腸烏冬下午茶都算多選擇，不過見佢主打係車仔麵，就叫左兩餸車仔麵，柱侯牛腩加滷水豬大腸烏冬。我唔太鐘意食辣就揀左腩汁湯底，幾夠味既，食物份量都足夠，豬大腸比預期好，幾爽口，牛腩就一般般過得好，整體唔差。凍奶茶就有少少過甜，不過味道都OK既。兩餸車仔麵加凍飲埋單$36，價值算係公道。環境係開放式，闊落，多卡位揀，坐得舒服。.

朋友介紹話約埋一齊去試吓呢間新嘢，甘好啦！去試吓啦！食完又覺得幾得哦！試左幾樣野，我個人就超鍾意個蜜味薯仔牛柳粒（好似係呢個名）！😅可惜掛住揍囡唔記得影相！我老公就超鍾意個牛利（唔知叫咩名）🤪仲有個酸菜魚同雞煲，都好好味！呢個我記得影相啦！😝不過我都係最鐘意個薯仔牛粒，牛粒好淋好香好入味，不過個精粹其實係粒薯仔度，有甜甜既蜜香脆皮包住粒薯仔，外脆內軟，真係一定要再叫！🤣🤣🤣講到好似好跨張甘，不過真心係好食最正係個價錢真係超抵食，又多左個飯堂啦！#平靚正之選#得閒再去試多幾味#大廚好有heart#樓面姐姐超好人#支持小店