影片
港鐵黃埔站 A 出口, 步行約10分鐘
繼續閱讀
電話號碼
23330033
營業時間
今日營業
07:00 - 18:00
星期一至六
07:00 - 18:00
星期日
全日休息
公眾假期
全日休息
以上資料只供參考, 請與餐廳確認詳情
繼續跟「夜粥組」《FING!》MV尋幽探秘！依站嚟到紅磡廣場，預先搵定間快餐店食下午茶，再跟MV場景逐一打打卡 😎🍗 下午茶餐 - 馳名炸大雞肶 😋😋😋😋😋炸雞髀要等大約10分鐘，嚟到當然啱啱炸起熱辣辣 ♨️ 有小編一隻手掌✋🏻大嘅炸雞髀，外面炸得乾身脆口，切開雞肉仍然鎖住肉汁。本身已有醃過，有胡椒粉同鹹味，最簡單直接嘅味道，亦係香港🇭🇰風味～☕ 下午茶 - 熱奶茶 😋😋😋😋餐飲隨炸雞髀一齊上，用咗仿琉璃膠杯，保留舊式快餐店特色 😉 夠熱之餘，奶茶滑身，奶同茶融合得宜～下午茶 💵 約港幣$40/人 💁🏻♀️ 好少見到寫食個「肶」字，上網查一查，原來係俗寫字 ✍🏻 雖然快餐店喺舊商場，但一啲都唔陳舊，而且好光猛，枱與枱之間都唔會好逼。舊式商場樓底較矮，由於用上暗紅啡磚，即使有充足燈光💡都好似暗暗地咁。不過裡面比想像中多店舖營業，並唔係冇人流，周不時有街坊、學生逗留，算係區內其中一個消遣嘅地方。由黃埔或紅磡兩個地鐵站步行10-12分鐘可到達，MV場景嘅打卡位置主要喺地下同地庫。想去打卡嘅留意，唔好阻到人做生意呀～ 🤓🙆🏻♀️ 最後，喜歡嘅話，歡迎follow！
繼續閱讀
位於一個差唔多沒落嘅商場入面，你完全唔會諗到有一間非常低調的茶餐廳，裏面幾乎所有人都係食緊一隻炸雞髀，明明餐牌上面有好多唔同嘅食物，但係大家都係淨係嗌「炸雞髀」！因為真係好好食！我去到嘅時候，都已經3:30！估唔到全場爆滿，差唔多要開張枱俾我食，裏面嗌嘢食要先付款，保留住7、80年代嘅茶餐廳風格，完全冇靚嘅裝修，實而不劃！你好似返咗去30年前，坐低之後，好快會有專人送上你的雞髀！雞髀熱辣辣，好明顯係即叫即炸，我今次要咗黑椒汁，呢個汁有啲辣，但係好惹味，配埋白飯一流！另外嗌咗個雞髀沙律，沙律正常，但係兩隻雞髀都係一絕！外面脆卜卜，裏面仲好濕潤，好明顯係散炸雞髀！而家真係買少見少！價錢亦都合理！難怪咁多人幫襯！
繼續閱讀
之前係影片分享平台見到紅磡廣場有間知名炸脾小店。撞正今日開會途經,見倒仲有少少時間。所以專登開會之前去叫個炸雞脾外賣，雞脾鮮嫩多汁，調味得宜。係夏天食完炸脾緊係要加杯凍奶茶，一杯奶茶化消炸脾油膩嘅感覺剛剛好，不會太甜又解渴，簡簡單單但幸福感滿滿。老板同員工都好好人，有禮貌又好親切。因為知道我時間比較趕急所以專登幫忙到廚房跟進，服務和人情味滿分，加油，支持你PS: 因為太急冇時間影低隻雞脾已經消化左LOL。
繼續閱讀
大碟好食既快餐店選擇又多，質素好過出面大街啲茶餐廳，價錢都唔係特別貴所以深受附近打工仔同學生歡迎，一到中午食飯時間就會爆滿，服務比澳牛更澳牛去收銀俾錢落order 慢啲你都會😂😂不過慣左都幾過癮，唔使諗坐耐啲，因為佢lunch 真係多人食同等位！焗鮮茄珍寶腸雞排飯 $52雞髀炸同滷水都好食同多人叫，今次食焗飯無剩係食雞髀咁dry ，個焗飯係炒飯底加埋鮮茄個汁香噴噴，而且雞排都大大件包你飽同埋醃得唔錯 ！👍🏻推薦！
繼續閱讀
成日想試吓呢間紅磡名物炸雞脾, 因為間餐廳平日5：00pm就收工,紅日又唔開. 成日就唔啱時間. 今日終於有機會試一試呢隻聞名已久嘅炸脾其實因為唔太肚餓,所以只係叫咗炸雞脾,無叫其他食物.炸雞脾單叫$34, 下午茶嘅話加多杯熱飲就$42. 價錢嚟講呢個區都算合理雞脾上枱, 見到隻脾嘅size有少少失望, 無想像中咁大隻. 生炸雞脾, 入口非常熱, 皮脆肉嫩, 每一口都充滿肉汁, 孜然味亦唔算重, 更重要是隻炸脾拎上手唔係太油,食落口亦唔覺得太油.因為 我食過好多其他炸雞脾, 第一口食落去已經成口油. 呢到隻炸脾就真係非常ok, 名不虛傳. 唯一問題就係我個人嚟講隻雞脾嘅Size唔夠大隻,唔夠食
繼續閱讀