影片
港鐵土瓜灣站A出口, 步行約2分鐘
繼續閱讀
電話號碼
23631763
營業時間
今日營業
06:30 - 18:00
星期一至五
06:30 - 18:00
星期六
全日休息
星期日
06:30 - 18:00
以上資料只供參考, 請與餐廳確認詳情
食家推介
十分失望，抱著對呢間期待嘅心情食食吓見到隻曱甴真係咩都嘔晒出嚟，好彩冇吞落去….原本個阿姐攞返走仲要收返我奶茶同煎蛋錢，嬲到爆，完全對客人冇歉意，態度依舊惡劣。
繼續閱讀
坐樓上，座位舒適光猛，坐到有啲唔想走真係幾舒服，相比樓下，睇落樓下就比較暗同逼夾，叫咗午餐時菜排骨飯，份量正常，味道亦都係正常一般茶餐廳水準，價錢亦都唔貴。食得過
繼續閱讀
今日大約11:20am去到，上咗2樓窗口位坐低，舉手示意侍應落單，一個比較年長嘅女侍應見到我舉手，但係放低咗隔離枱個餐之後就走咗去，行到去最埋邊樓下傳餐上去2樓嗰個位先至問我食乜，個距離應該至少有15尺，咁我大聲嗌嘢食，茶餐廳呢啲落單形式無所謂嘅，我嗌咗個全日早餐B沙嗲牛肉通粉，因為係遠距離落單，所以過咗一兩分鐘後我襯個女侍應行嚟我嗰邊就弱弱一聲（因為覺得有少少煩住佢咁）同佢講個沙嗲牛係要通粉，唔係麵嘅（個餐本身係跟麵），但係佢好唔耐煩躁底同我講‘咪落咗囉靚女’，然後行咗去，20分鐘後啲嘢食嚟（今日整嘢食時間較平時耐唔知係咪因為年廿八），個女侍應好大力咁將碗通粉同埋碟煎蛋放落我張枱度，之後我一路食見到佢同其他客人拍晒膊頭，唔該前唔該後，完全係雙面人。雖然我唔係熟客，但間唔時去開土瓜灣都會去寶時食嘢，因為餐廳老闆同埋一個比較年長嘅男侍應態度好好，嘢食又ok，同埋呢間係剩返好少有樓上雅座嘅地區老店茶餐廳，我覺得好值得支持，不過所謂一粒老鼠屎係會毀咗一間餐廳，我唔會再去幫襯嚕。
繼續閱讀
今朝同屋企人食早餐！一入到去好懷舊既感覺！好似拍戲個啲畫面咁😂😂😂早餐有3個餐，我嗌左沙嗲牛肉麵，拼餐肉蛋☺️沙嗲汁好濃！牛肉夠滑，蛋仲要係流心而且係孖蛋喔！嗌左杯凍奶茶！茶底夠濃員工好好人，好有親切感☺️老友記 記性仲好好添☺️環境好懷舊，佢地既服裝都係以前咁既樣上層唔記得影相，佢有個送餐lift ， 即時送上去，有個勁大既窗口位，好通風好涼爽！一早坐係個個位嘆番杯熱奶茶！就有個good morning啦😊😊😊
繼續閱讀
【九龍城區】【寶時茶餐廳】我真係好唔想寫呢間，因為我已經霎時咁愛上咗呢間餐廳，暫時都將佢視為一個「鐵竇」。而呢啲地方我真係好怕會「捧紅咗」，佢嘅賣點就係懷舊，就係嗰種香港嘅老味道，太多人去踐踏佢嘅話，隨時保唔住現有嘅狀況。食物就唔係話變化萬千嗰種，都係啲冰室茶記嘢，我第一次去叫咗個 $36 嘅「全日早餐B」，主食係「沙爹牛麵」，都係一碗好普通嘅沙嗲牛肉麵，冇乜特別。配菜「餐肉煎雙蛋」都係啲普通嘢，明知佢係一個扒爐攪掂晒嘅。而「牛油方包」我就加 $1 烘底令佢變成「牛油多士」，好食咗。杯茶緊要，嘢飲點都飲「熱奶茶」，細杯啲，但味道唔錯，係一杯好嘅奶茶，呢餐埋單 $37 但我知道實有下次。睇定第二次實要食 $6 嘅「卷蛋」，睇吓點。結果佢都唔錯，有機會會再叫。呢次我仲叫咗 $24 嘅「鮮油菠蘿」配「凍奶水」，相當肥仔，夾埋 $30，正。見佢哋手寫貼牆嘅餐牌仲有啲飯類可以揀，有機會點都要食「豆腐火腩飯」，如果係同女同事食，肯定非常浪漫。。。按：喺寫好稿同出 post 之間嘅空檔期，我已經忍唔住去咗食「是日快餐」嘅「豆腐火腩飯」配「凍奶茶」，的確係幾正。同埋，咁樣嘅配搭組合都係講緊用我 $44，又飽肚又好味又平，以後冇咩做都會多啲過嚟呢邊食嘢。（地址：土瓜灣下鄉道43號地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龍城區 #土瓜灣 #寶時茶餐廳 #茶餐廳 #全日早餐 #沙爹牛麵 #餐肉煎雙蛋 #牛油方包 #牛油多士 #熱奶茶 #卷蛋 #凍奶茶 #鮮油菠蘿 #凍奶水 #豆腐火腩飯 #1am1168 #1ambackup
繼續閱讀
您可能會有興趣的...