寶琳冰室 (新都城中心三期)

營業中

休息中

我去賣外賣嘅時候，女收銀員和男侍應聊天中，我喺佢哋面前等了一陣，隔了一段時間都沒有理我。之後，我打斷佢哋嘅對話，嗌了一個外賣，我比$100嘅時候，佢將散子掉落收銀盤度，態度惡劣。

幫襯咗好耐了,差不多天天來午餐...首選咸蛋蒸肉餅、黑椒牛扒意、咖喱吉列豬扒,菜芯炒牛肉,例湯夠火路,價錢與食品成正比、合理！將軍澳少有的正宗港式茶餐廳,下午茶餐份量足,餐單有特色,誠意推薦！

從叫飛到侍應 惡劣態度 差過澳牛。帶位叫飛會呼喝你。 問佢拎煉奶會睇住你用 驚你帶走咁。又問你係味叫左茶走 ，叫左茶走先可以問佢拎煉奶，其實我都有幫襯，煉奶真係貴到咁咩？食物一般 沙牛得個咸字。奶茶唔錯 茶味幾好。 用丹麥多士

啱啱食咗個tea set，吉列豬扒+蕃茄牛骨湯意粉，吉列豬扒好大塊 & 炸得不太燶。$47 好低！我食完之後自己隻手整瀉碗牛骨湯，好彩餐廳職員冇怪我，要多謝餐廳姐姐清潔地板 & 枱面 🙏

真係忍唔住都要寫吓，咁普通既星洲炒米，都可以炒到咁難食，就算更冇要求既人都接受唔到羅！一打開個飯盒米粉就勁多，但完全見唔到有餸， 用筷子炒落底， 成盒竟然只係得三四條火腿絲，2隻蝦仁，义燒又冇，連芽菜都冇條， 啲米粉又硬完全冇味， 淨係得啲咖哩色， 食咗兩啖 嬲嬲哋 成盒揼左落垃圾桶！！！ 咁都收人七十幾蚊會唔會有啲過份呢😤😤😤😤😤呢間嘢服務又差！ ！ 員工做嘢懶懶行 ，收銀櫃檯啲阿姐成日黑口黑面 以後都唔會再幫襯!

我今日就係打電話叫外賣嘅，想話跟餐嘅芝士火腿牛角包話走芝士結果走埋火腿，嚟咗個齋包俾我，原因係火腿同芝士已經放埋一齊，佢打返俾我話通知我一聲，見到個外賣我都呆咗，不過一大清早真係冇乜選擇。

下午茶薯條得六條，沙律菜少少，你唔幫我落單又唔理我，服務態度差，冇禮貌。魚柳薄如紙，好後悔幫襯咗，咁啱經過冇嘢食，嘢食細碟，明明冇咩人都搭枱，唔會再俾錢買難受。

今天中午時間11.45分入到餐廳，大約有一半座位冇人坐，我特登行入去角落兩人位，因爲我只係一個人，但係收銀立即大聲叫入嚟，搭枱啊，其實呢個時間一個人行入茶餐廳食飯，相信大部分都係好快吃完就會走，明明有咁多位點解仲要我搭枱，而且語氣亦都唔算友善，於是我立即轉身走返出去唔食，去咗另一間茶餐廳由進入到食完走人，全程都係20分鐘左右，寶林冰室真係畀我一個極差嘅感覺，我住喺將軍澳20幾年，除咗坑口嗰間元朗正記，未試過有一間餐廳令我咁討厭，決定了永不幫襯

豬扒如紙薄，食落肉質又粉又散。服務態度差，叫人過嚟好似欠咗個員工咁，又唔係特別平。非繁忙時間都成地垃圾唔掃乾淨。好後悔幫襯佢，希望盡快有第二間更好的取替此冰室。

今天經過幾寶琳冰室🫶🏻看一看餐牌性價比也幾高最後叫了一個蒸鯇魚配白飯另外加凍奶茶鯇魚很有鮮味🤓肉質也很滑🥰對比其他大型的連鎖餐廳價錢也算是優惠我最後埋單$53 環境也算坐得舒服💕

坐喺度15分鐘，冇人執枱。有人執枱，但係唔會有人跟手俾埋個QR code你落單。再坐多15分鐘，都係冇人比QR code你，冇人問你食乜。唔優做。我無所謂，大把時間，有冷氣，有凳坐，好過坐係商場。你唔幫我落單，又唔理我，我坐夠咪走囉。你做唔到生意咋嘛，我又唔使幫你交租出糧。上次食，個奄列仲薄過張紙，火腿得幾條，你不如唔好叫火腿奄列啦，叫煎蛋咪得囉。有個高高地嘅哥仔態度特別差，各位街坊自己睇路，佢會丟Menu。

寶琳冰室地址好近地鐵站次次去完打波都會來食因為佢開得夠夜晚餐而言都幾多選擇可以單叫碟頭飯 都可以叫餸食我最鐘意佢嘅炒公仔麵好大份 好足料好夠獲氣平民價錢環境衛生好乾淨

好鍾意叫人搭枱嘅餐廳 明明間餐廳冇人大把位都要叫你搭枱 要你一家親 面對面同唔識嘅人食嘢 而家呢啲非常時期，唔好咁啦好冇。我唔介意好多人嘅時候你叫我讓位出嚟搭枱 但唔好成間餐廳冇咩人嘅時候都叫我搭枱囉 冇言 搭枱係佢哋嘅風格一家親

員工態度非常惡劣，人生第一次被迫我寫食評首先，明明說５人，她說有位，竟然給我們４人位，在通道中間加個位？算了，朋友趕時間也說沒所謂，所以照食。入座後沒有餐牌問了員工拎，等了超過２分鐘 也沒有，之後朋友去拿水 ，竟然用惡劣態度對我們說陣間拎俾你啦（可能佢以為我朋友去揾餐牌）？過多一陣，竟然係掉張餐牌係我們張檯到！？係掉！飛過黎個隻！ 態度差到，真係人生第一次見有餐廳會咁，火都黎。如果不是朋友在，又說沒關係，我仲會食間垃圾冰室？等執笠啦，建議大家都見到都唔好食呢間垃圾，俾錢買難受。我就一定唔會再食呢間垃圾！

食嘢好似俾錢買難受咁。啲員工語氣勁差，好似想吹你快啲講完咁。唔知點解，呢度嘅員工都好有默契，我問完一個問題之後我諗住嗌嘢食嘅時候佢哋就會走開，唔繼續聽落去，好似有十萬九樣嘢等着佢哋做。問完個飯可唔可以加底之後佢走開。問佢有冇紙巾，同我講完一包紙巾$3我啱啱諗住話買佢就走開咗。第一次嚟食，等佢個飯等咗五個字，問佢可唔可以快啲，佢同我講等多陣，轉左個頭去做第二啲嘢。最後得出嚟個碟就鬼死咁大碟，雞排就仲細過一個拳頭，加多兩條菜。第二次嚟食嗰個咖喱牛腩飯，啲牛腩好似攞去煲湯嗰啲牛腩咁，成兜汁得嗰三舊牛腩，有一舊唔知計唔計好因為爛到已經唔可以再形容為一舊牛腩。啲份量又少，人又態度差。如果唔係呢間嘢開到凌晨兩點本來真係唔會考慮再嚟一次。而家就算佢開到凌晨三點我都寧願去食麥當勞。